الفـــزعه يا أخــــوان السيور تقطعت وصلحنـــاها لكن......

[مساير الليل]

السلام عليكم ورحمة الله وبركاته




اليوم الظهر كنت أمشي بأمان الله على الدائري وفجأه ولعت لمبة البطاريه


قلت البطاريه قديمه ويمكن يحتاج لها تجديد


وبعد شوي ولعت لمبة المكينه قلت الله يستر وأدق فليشر وأوقف يمين


وافتح الكبوت ألا موية الرديتر تفوغ من القربه وأناظر ألا السيور متقطعه


شلته بسحطه ووديته الصناعيه وغيرو السيور وخذته والحمد لله مضبوووط


وأروح مشوار عليه وكنت مسرع وماش كن الموتر نتع وإذا دعست بنزين مامشى ثم ضبط


والله وأوقف في البيت وأعين من الله خيريوم طلعت من البيت وأشغل السياره وتمام


وأطلع على الدائري وكنت أمشي 120 ألامدري وش صارأدعس للموتر مايمشي


أردهـ برابع الموتر مايمشي يحن ولايمشي وقفت على اليمن


وأطفي الموتر وأفتح الكبوت ماشفت شي ضلام ورجعت أشغل


مايشتغل أشغل مايشتغل ولادري وش صار له


وش تتوقعن منه جزاكم الله خير


وللمعلوميه
الموتر ددسن دفرنسين

[مكشات عنيزه]

السلام عليكم

اخوي انا ما ابخص بالميانيكا واجد خصوصا الياباني
بس ما دام الموتر ما اشتغل وتدوس بنزين ولا يدوس
اتوقع والله العالم انه من طرمبة البنزين
او من الدنمو حق الكهرب
وصادفت خرابه مع خراب السيور

هذا توقعي ولست جازم

[مساير الليل]

الله يستر وهذ ألي توقعته أنا لكن نقول الله يستر بوديه اليوم للصناعيه

ونشوف

[shaheenshah]

انا استبعد انه يكون خراب طرمبة بنزين او خراب دينمو مثل ما قال اخوي مكشات عنيزه
اتوقع ان السير يوم انقطع انه ضرب سلك وقطعه او ما شابه ذلك
حاول انك تشيك على الاسلاك اللي حول السير وان شاء الله الامر بسيط

[مساير الليل]

انا استبعد انه يكون خراب طرمبة بنزين او خراب دينمو مثل ما قال اخوي مكشات عنيزه
اتوقع ان السير يوم انقطع انه ضرب سلك وقطعه او ما شابه ذلك
حاول انك تشيك على الاسلاك اللي حول السير وان شاء الله الامر بسيط



ماشاء الله تبارك الله

صار مثل ماقلت يوم أنقطع السير ضرب الحساس حق الديلكو

وأرتخاء يوم شبكته زين والله وترجع السيارهـ مثل ماكانت

الله يعطيك العافيه