المساعد الشخصي الرقمي

مشاهدة النسخة كاملة : للأخ شقران والأخوه الأعضاء أستفسار بسيط عن بعض الأرايل.....


D&G2002
21/02/2002, 01:11 AM
السلام عليكم ورحمة الله وبركاته ....
حبيت أستفسر عن بعض الأرايل والأجهزه إذا ممكن :

1-دايركشن 26 بي تو كم سعره في الرياض ودبي.. وين احصله... هل فيه منه دبل ولا لا....

2-وش أحسن أنواع الفرارات الموجوده في الرياض ودبي


خاص للأخ شقران:
كم رافع الدايركشن تبعك


مع الشكر لك ولجميع الأخوان........ودمتم سالمين:)
D&G2002
21/02/2002, 01:43 PM
وين الردود ياشباب ولا يعني على شان الناس صايمين ولاوش القصه:( :( :( :( :( :(
شقران
21/02/2002, 08:27 PM
أخوي دولسي وقابانا مسيت بالخير يابعدي لكن تعرف الناس لاهيه بهالآسواق و الأضاحي الله يغفر للمسلمين اجمعين ويتقبل منهم..:D
بالنسبه لل26 بي تو اللي في الرياض الظاهر ان سعره يتراوح بين 2400 و2800 ريال حسب الطلب عليه وفي دبي بتحصله انشاء الله عند القطان او في فرعهم في ابو ظبي مع ان اللي هنا وهناك واحد لكن بتغلب نفسك في الشحن والتصريف من الجمرك. اما اذا قلت ابي الأصلي فما عنك وعن الشركه الأصليه أو احد موزعيها في بريطانيا او في امريكا ويوصلك بسعر يابلاش مقارنه في هالظلمه 1950 بالكثير مع الشحن لكن يبي له ذيب يزرق به من عند الربع اياهم....!!!
هالموقع بتحصل فيه كل ماتبي من ارايل الكوش كرافت
http://www.cushcraft.com/
او شركاهم او حتى موزعيهم شد حيلك يابطل.:)

بالنسبه للفرارات في الرياض حالياً منتب محصل غير نوعين اولهم اكثرهم توفراً
1- نيبون 7000 ياباني 170 ريال عند الحجاج في شارع الأمير عبدالله بالرياض والله يعينك عليه!
2- تشانال ماسترأمركي هيفي ديوتي ومعدوم في السوق يعني توصي عليه اصرف وان حصلته عند هالمحلات مثل الفورام وطقتهم بينصبون عليك والا ترا سعره في الشرقيه مايتجاوز 170 ريال..

اما في دبي فمافيه هاك النوعيات ان بغيت وص عليه من قطر من محلات الفا بتحصل كل الفرارات انواع الياسو والفايربرد افضل النوعيات لكن الله يعينك ارخ الريال ياخلفهم:rolleyes:
دايركشني ياخلفهم تامر عليه رافعه بس 11 متر..
تحياتي/ شقران
D&G2002
21/02/2002, 10:51 PM
مشكور أخ شقران

إذا ممكن كم ديبي الـ(26بي تو)على الـ(VHF)
وهل؟فيه منه دبل ولا لا

مع الشكر.........:)
شقران
21/02/2002, 11:54 PM
اخوي ال26 بي تو هو عباره عن اريلين 13 بي تو مع بعض يعني بنفسه هو دبل وقيمة الديبي الناتجه من تركيب هالأريلين هي 18.8 ديبي واذا كنت تفكر تزيدها يعني لازم تركب 4 دايركشنات 13 بي تو ليعطيك 21.8 ديبي وهي عباره عن أثنين 26 بي تو فوق بعض..
هلابك ياخلفهم ارجو انه اتضحت الصوره..
شقران..;)
D&G2002
22/02/2002, 08:59 PM
مشكور وما قصر ورايتك بيضا بس أنت على اي مكتب تراسل ؟؟؟...
شقران
23/02/2002, 02:51 AM
هلا والله وغلا ياخوي .. الله يسلمك ويبيض وجهك..

اخوي مافيه تردد واحد اراسل عليه لكن اغلب الأوقات اذا طلعت على الجهاز اكون متواجد على هالتردد 146050 وهذا مكتب للمراسلات خارج الرياض اديره انا والأخوان الهواة لها الهواية الممتعه لكننا مانتواجد في كل الأوقات يعني اذا كنا موجودين ياهلا بك انت والجماعه كلهم تحياتي لك وبالتوفيق../شقران
شلاش
07/03/2008, 03:20 PM
شكرا لك اخوي شقران على هذه المعلومات ولا يهنون الاخوان