مشكلة بحرارة السيارة

[مشاغب شوي]

السلام عليكم

عندي مشكلة بحرارة السيارة ددسن 2001 بخاخ على السرعات العالية ( 160 ).

فوق الربع بشوي واذا وصلت 190 تحت النص بشوي

الرديتر نظيف مافيه مشكلة ، اتوقع دوران الماء بطيء. مع العلم اني استخدم الماء الاخضر

فكيف افحص طرمبة الماء؟؟

سمعت ان الماء الاخضر ثقيل ما يدور بسرعة فهل هذا صحيح

[بليزر2002م]

مع تحياتي لك
شيك تماتك المروحة او شي شف هو دفعة ترى صارت معي بالسياره حيث اللي عندي كان شغال بس مع سرعة السياره يقوم ما يدفع بالشكل المطلوب وبعد ما غيرتة ضبط بصراحة وانت تأكد من ذلك واخذه الورشة .

[VXR.2007]

السلام عليكم
انا عندي نفس المشكله بضبط بس السياره جيب لاندكروزر موديل 98
8سلندر وش ريكم تتوقعون فيه خلل في نفس مروحة تماتك ؟؟؟

[مشاغب شوي]

المشكلة اني صيخت الرديتر وغيرت التماتيك حق المروحة وبلف الحرارة

ولا تغير شي

[VXR.2007]

ــــــــــــو ـــــــــــــينكمـــــــــــــــــــــــــــــــــ ـــ

[مشاغب شوي]

للرفع.........

[علي101]

190 كثيرة والمجهود على المكينة جبار فغصب ترتفع الحرارة

[دلوه]

عزيزي المروحه اذا تعديت سرعه 60 تقريبا مايصير لها داعي يعني هي اذا كانت السياره واقفه يبدا فايدتها لكن مع السرعه العاليه انا اتوقع من الخراطيش وذا تبغا تتاكد افتح الكبوت والسياره شغاله ودس للمكينه منعند الكلبليتر او البخاخ اذا تصفطت الخراطيش يعني كمشت العله منهن بس لازم تقرص بدوس اشوي حتى تتاكد ارجو اني افدتكم

[أبو فهد11]

يا اخي انا كان معي انفنتي شبيه الباث فندر

واذا مشيت عليه 200 ك ترتفع الحراره فوق الثلث

وهذا على ما اتوقع طبيعي لأنكــ تجهد السياره على سرعات عاليه

أخوكــ أبو فهد11

[سحابه]

الحل عندي وأنا أخوك
لاتسرع صحتك ألزم عليك
رب العالمين يقول :( ولاتلقوا بأيديكم إلى التهلكه )

[شروكي ربع]

عزيزي المروحه اذا تعديت سرعه 60 تقريبا مايصير لها داعي يعني هي اذا كانت السياره واقفه يبدا فايدتها لكن مع السرعه العاليه انا اتوقع من الخراطيش وذا تبغا تتاكد افتح الكبوت والسياره شغاله ودس للمكينه منعند الكلبليتر او البخاخ اذا تصفطت الخراطيش يعني كمشت العله منهن بس لازم تقرص بدوس اشوي حتى تتاكد ارجو اني افدتكم



شلون مالها فايدة ؟؟


الا فايدتها الاساسية مع السرعات العالية , صحيح ضرب الهواء يبرد .


ولكن مو زي تبريد المروحة , بعدين المروحة مع دوران المحرك تدور .


يعني الضغط على 2 غير الضغط على 4 وهكذا .


كل ما اسرعة كل ما زاد التبريد من المورحة ..


تأكد الله يهديك قبل النصيحة ;)

[دلوه]

عزيزي شروكي ربع انا مااقول كلام من فراغ وعذرني اذا قلتلك اني ابخص منك بلامور هذي وشاكر نصيحك

[مشاغب شوي]

شكرا لكم جميعا على ردودكم

اود توضيح نقطة مهمة

انا ماعندي مشكلة مع السرعة المشكلة اخاف وانا بالبر او بخط سفر

تخرب الطرمبة حقت الماء (( وانا امسك خطوط اسبوعيا ))

الامر الثاني هل تتوقعون انة من ثقل الماء الاخضر ؟؟

[ابوعاشق فهد]

السلام عليكم ورحمة الله وبركاته
يا اخي اذا السيارة على السرعات العادية من 120 وتحت عادية سفر اوداخل المدينة تمشية عادية الحرارة هذا معناته ان سيارتك ممتازة مابها اي مشكلة فلا تخربها
ومشاكل الحرارة الاولية تماتيك المروحة . ترموس الحرارة(بلف الحرارة) .جودة الرديت . الماء يكون اصلي اخضر او احمر
مع اخي هذا الاسبوع هايلوكس وهو مسافر كانت ترتفع معه الحرارة بس مرة عالية فذهبنا بها الى الميكانيكي فقال كيف الرديتر قاله قبل خمس اشهر مصيخه وضبط . فحص بلف الحرارة لقاه قافل وتماتيك المروحة خربان غيرنا البلف وصلح تماتيك المروحة وضبطة الحرارة

وسمعت ان الحرارة العالية تتلف المكينة يعني تسبب شعر براس المكينة
وهذا ما عندي

[طرقي مسافر]

الله يعينك شوف المروحه اللي قدام يمكن إنها تكون خربانه

[فرخ شوزن]

خذ العلم الاكيد مني وانا اخوك
لي تجربة طويلة مع النيسان وارتفاع الحرارة
الحل انك تغير الرديتر بواحد جديد
لان المواصير الصغيرة او المجاري حقت الموية في الرديتر تتطعج مع الوقت
وبذلك تصعب حركة الموية داخلها ولاتبرد بسرعه

هذا الكلام الاكيد ولايهون الاخوان

[كليب ال مشرف]

السلام عليكم جميع

اخي الحراره لها اسباب كثير بس اذا كانت على السرعه العاليه
لازم تشيك على الدبه حق الكزوز وممكن تفحصها بيدك بحيث انك تحط ايدك قريب الشكمان وتشوف
قوة الهواى الخارج من المكينه بس لاتسكره بيدك يحرق ايدك

والا تشوف الواتر بمب يعني الطرمبة الماء وممكن تفحصها مبدئي بان تكون المكينه مطفيه

وتمسك طرف المروحه وتحركها على فوق وتحت بس ما تدورها يعني تهزها نحيتك وناحيت الكبوت

واذا شفتها تتحرك وترقل يعني البيرنغ حقها خربان لازم تبدلها

طبعا ويمكن اتكون فيه اسباب ثانيه

ولكم جزيل الشكر