مشكله في الباترول بعد تركيب البالون

[الوسيطاء]

اخواني عندي مشكله في الباترول ربع موديل 96 ربع سلق بعد ماركبه كفرات بالون ماكسس 8 غاط وبعده جتني رجه وكبست ذراع وشديت الرمان حق الكفرات الاماميه ولا راحت وفكيتها وقبل ما افكها جتني نفضه في الموتر
اذا جيت احرك يا بنمره الاولى والا الثانيه زي الرعشه اذا انا بوسط الديره بس وتروح وترجع اذا كنت استخدمه جواء الديره والا اذا مسكت خط راحت اذا دخلت الديره بس بعد الاستخدام والدوران وداخل الديره ولاجيت اديور وعلى العموم كئنها ترتره وهي ماهي ترتره او يبي يطفى الموتر وهو ينفظ شوي
وعليه مكينه 4500 بخاخ مافيه اي ترهيم او تزويد في المكينه في انتظار الرد الوافي ماتقصرون والي مره عليه المشكله لايبخل برده وافادته

[راعي الطلعات]

وانا مثلك ياخوك توني مركب هنكوك 8 غاط مقاس 235 على 85

وجتني هالرجه مدري وش السوات هل يبيله ترصيص ولا وزن اذرعه ومقصات

ان شاءالله احد يفزع لنا وانا راح اسئل الربع وافيدك اخوي

بالتوفيق

[الوسيطاء]

والله انا فكيتها بلاها طلعه المستور والمستخبي من المشاكل وترى الي ركبه من كفرات اثقل من البالون بس تستحمل ولاتخلص النقشه على طول ممتازه والظاهر هي زي الي تجي في الجمس من بلاده اذا ما اخطيت

[سيد الجو]

ترى البالون تخلي الواحد يوسوس


مايجيب الرجة الا هي

[الوسيطاء]

الدعوه ماهي وسوسه الدعوه صدق ولله الله يعطيك العافيه وشاكر لك مرورك

[ابوفهيدان]

البوالين لازم ترج الموتر وتنفض
بس لما تحتر شوي علي الخط تخف الرجة
حاول ماتخلي الهوا واجد بالكفر يعني 30 او 35

[NissaN 1990]

الرجه في المكينه ولا في الكفرات ،، وهل الرجه تجي على سرعة من 80 إلى 100

[الوسيطاء]

ولا راحت وفكيتها وقبل ما افكها جتني نفضه في الموتر
اذا جيت احرك يا بنمره الاولى والا الثانيه زي الرعشه اذا انا بوسط الديره بس وتروح وترجع اذا كنت استخدمه جواء الديره والا اذا مسكت خط راحت اذا دخلت الديره بس بعد الاستخدام والدوران وداخل الديره ولاجيت اديور وعلى العموم كئنها ترتره وهي ماهي ترتره او يبي يطفى الموتر وهو ينفظ شوي



اخواني كلامي واضح ما يبي دكتور الدعوه ماهي رجه والكفرات ركبنا غيرهايعني جدعنا البالون وركبنا زي الي با الشاص بلد وترى الكلتش جديد
واتوقع انها احتكاك في الصحن والديزك والا با الحذاف ارجو من سبق صارت
له المشكله الافاده والتخمين لا اريده ابداً مو كافينا اصحاب الورشات بتخمينهم


الدعوه هي نفظه او رعشه تجي لامني عشقت با الاول ومشيت اول ما امشي تجي وبعدين تروح اول ما يفز الموتر واذا حطيته بنمره الثاني ورقيت مطب
وتراها ماهي رجه

[رجل كريم]

البالون بحاجة الى ترصيص ارضي + تدبيل مساعد الدركسون لاصحاب الباترول .. انا مركبه على الميتسوبيشي والرجة تكاد تكون معدومة ولا تشعر بها خاصة بعد القيادة لاول خمس دقائق ومع مرور الزمن يكون افضل.

http://up3.m5zn.com/get-5-2008-lw1f02zlahy.jpg (http://up3.m5zn.com/showimage-5-2008-lw1f02zlahy.jpg)
تحياتي للجميع ..,

[الوسيطاء]

اخواني ماهي رجه الرجاء الوعي للمعلومه هاذي واشكر من شارك في ها الموضوع

[ابوفهيدان]

اخوي الوسيطاء مشكتك مرت علي بس موتري جمس
سويت خراطة حق دسك الفريويل وبدلت بورينج القير وراحت
وكنت بالاول كل ماارفع رجلي مع الكلتش قام يرتج الموتر ولما ارفع رجلي من الكلش مرة وحدة تروح

هذا ياطويل العمر الديسك مع الفحمة ماهم راكبين عدل او البورينج متوسع
انت علي كل حال راح تبدلهم كلهم

[الوسيطاء]

والله انك نشمي بس هل هو احتكاك والا ايش

[ابوفهيدان]

اكيد من الاحتكاك
تلقا سطح دسك الفريويل ماهو متساوي ويبيله خراطة

وغالبا تجي لما تبدل الفحمة بس وتخلي الدسك القديم
او لما يخرب بوريينج القير من جهة الديسك يصير فيه رخاوة ويرجف

موتري خليته علي هالوضع سنتين وماصلحته الا يوم انتهت الفحمة واحترقت قال لي جب بوريينج القير ودسك وفحمة جديدة تري الوضع عادي

[الوسيطاء]

اخوي صحيح كلامك لاني غيرت الفحمه وخليت اصلاح الدسك والصحن واحتمال يكون منها

[أبوإبراهيم1]

ياشباب فيه واحد يصلح الرجه بـــــ350ريال ويضمن لمدة سنه في مدينة بريدة طريق خظيرا <ابوسليمان الهبيش> مجربه

[معترض الشعيب]

الله يعنيك على مشكلتك _ تأكد من العمود والصليب

[الوسيطاء]

العمود فيه فيه فرار للدبل والعمود الثاني لو فيه شي لاني امشي 160 ما يرج

[أبوعمران]

شف اولا غير مساعد الدركسون ركب جبرايل .. :)

ثانيا .. رح يم العضيب ورصص ترصيص ارضي .. وراح تشوف كيف الفرق .. :)

[abo naseer]

السلام عليكم
اخوي الوسيطا انت رافع الموتر من ورا ؟