وش افضل للسحب(( سلسلة // واير // حبل )),, دعوة للمشاركة

[NSS]

بسم الله الرحمن الرحيم

السلام عليكم ورحمة الله وبركاتة

مساكم الله بالخير ,,,,,

كما هو موضح بالعنوان يا اخوان نبي نعرف احسن نوع للسحب والسحب المفاجئ(النتل/النتع) ؟؟

واذا كان لك بعض المواقف استخدمتهم فيها تذكرها,,

وان شاء الله تعم الفائدة للجميييييع.

[فيتامين]

أحسن شي للسحب السلسلة
والنتل المفاجئ يضر الصليبات
والأهم إذا سحبت أي شي بالغراز تشغل الدبل الثقيل

[بدوي جنوبي]

عليكم السلام ورحمة الله وبركاته

مساك الله بالنور

انا افضّل الحبل شرط ان يكون من النوع الجيد

السبب: لانه خفيف وسهل التخزين ويتحمل
قوة الجر

تحياتي

[خالد030]

أحسن شي السلسلة وحبذا اللي عند السنيدي اللي ملحمة الحلق علشان ماتنفتح الحلقة
وبالنسبة للنتل المفاجي يضر الموتر
الصليبات + الدفرنسات + القير + الشاصي
عاد إنت وحضك

[][الكاشت][]

لا تحاول تنتل احد ..

خذها من واقع تجارب لانها دمار للموتر وكانك صادم برصيف <<=--- حلو التشبيه :)

الافضل على الاطلاق ونش السحب اذا ثبت على الموتر بطريقة علمية وعملية

[الساهر2003]

اخوي من سلبيات السلسلة انها اذا انقطعة تلعب في المواتر والله يستر لا توصل لركاب ولا تنفع لنتل ومن ايجابياتها لا تاخذ حيز وتتحمل السحب الثقيل
الواير اقل خطورة في حالة الانقطاع ولكن حيز التخزين كبير ويتحمل اكثر من النايلون ولا ينفع في النتل مثل السلسلة
السبته او واير النايلون وهو في اعتقادي افضل اذا كان جيد لا ياخذ حيز في التخزين ويسحب بحسب قوته وفي حالة الانقطاع ممكن تربطه مرة اخرى وفي حالة النتل يمتص الصدمة بشكل كبير وسعره معقول

[كاش مكشات]

السحب ثم السحب وابعدو عن النتل ثم واهم شى لاتسحب الا بالدبل الثقيل اكرر الا بالثقيل ومع ذالك حاول ان تحفر عن مقدمة كفرات السيارة المسحوبه وأما الحبل او السنسله او الواير
ففيه نوع من الحبال يجى اصفر مستطيل سعره حوالى 60ريال طوله حوالى 5متر انا شريت منه اثنين ثم زهبت لم خياطين الشرع وخطت واحد على الاخر طلع الحبل مدبول وفى نهاية وبداية الحبل تكون لفة الحبل دائريه وقويه ماينفع معه الخياطه فقمت وحطيت ثلاث مسامير وشديتهن بالصواميل وصار له عندى اكثر من 6سنوات وهوحلو وقوى

[عاشق السيل]

وعليكم السلام ورحمة الله وبركاته ،،

السلسلة : قوية وماتفشل وحطها على يمناك بس عيبها إنها ثقيلة ومتعبة وتصدي إذا جاها مويه ،،

الواير : خفيف وسهل لكن ماينفع ولابريال لأنه ينقطع من الأطراف حتى لو كان عريض ،،

الحبل النايلون العريض : قوي ويتحمل النتل وخفيف بس عيبه إذا بغيت تتطويه لأنه يضيق بالسيارة إذا ماطويته ،، وهو المفضل عندي ،،

أما النتل صحيح إنه مضر بالسيارة لكن للضرورة أحكام وأحيانا تكون ( مكره أخاك لا بطل ) !!!!

هذا اللي عندي وتقبل مروري يالغالي ....

[ياعمار يانجد]

افضل شئ للسحب الحبل البلاستيك العريض " البيطه " أسم شعبي لها ...
فيه انواع كثيرة منها حسب الطن فيه نوع يتحمل لحد عشرة طن والطول على مزاجك تاخذها طبعا من شارع الريل يبعون بالمتر ..
إذا بغيت جاهز شف فيه أنواع ممتازة عند برق الحيا ..
ماجد ،،

[ذئب اليل]

الواير أفضل من الحبل او اسلسله ويتحمل وانا مجربة والي بيستخدم واير ياخذ من 8 إلى 12 ملي افضل ويتحمل انواع الكرف لاكن عيبه صعب الطي وياخذ حيز في التخزين ............. مجرد رئي

[أبوإبراهيم1]

فيه واير ياعزيزي على شكل مغاظ {يعني يزود عن طوله الحقيقي } اعتقد انه الافضل

[ولد وايل]

الوايل على شكل مغاط او على شكل حبـــــــــــــــل من النوع الثقيل

[NSS]

اشكركم جميعاااااا جزيل الشكر الله لا يهينكم,,,,,,,,,,,,,,,,,,,,,,

وبالنسبة للنتل اتوقع في حالات ماينع معاها الا النتل؟؟ ورايكم يهمني.

[لن أمل من العطاء]

افضل شيء الحبل الذي يكون شكله مستطيل مثل اللي يربطون به بالتريلات لحملاتهم

تاخذخ بالمتر من عند محلات اللي تبيع قطع غيار واكسسوارات الشاحنات

فهو الافضل في القوة والافضل في الوزن والافضل في طريقة الطي حيث يصبح مثل البكره ولا يتداخل في بعضه
ولا يطلع صوت في السيارة مثل السلسلة او ياخذ حيز كبير مثل الواير


تحياتي لكم جميعا


اخوكم


لن امل من العطاء

[محمد الصرير]

الواير أفضل وأبعدوا قدر المستطاع عن النتل مضر مضر مضر للسارة , ودمتم

[الرحال الحزين]

الحبل النايلون افضل تخليه اربعه رضوف
لانه لما تجر السياره يتمغط مع السياره

ثم اذا اخذ حده اخذ سرعه السياره الساحبه مع سرعه مرونته
وهو مثالي لغرز الطين

[NSS]

بارك فيكم جميعاا ماقصرتوا وهذا العشم باعضاء مكشات

جزاكم الله الف خير.

ننتظر باقي اراء الاخوان.

[جيب الربع]

مرحبا شباب ..

انا احب اني افيدكم من خلال تجربتي للسحب ان افضل شي هو

الحبل القوي

:)

[عين الداب]

نصيحه السبته الي يحملون البل فيها وتوجد في سوق البل

[رغوه]

السلسله افضل

[.أبوعبدالرحمن]

اخواني ما مثل الحبل اللي يجي مع الخيام وبذات اذا جاك عريض ودبلته وعليه شوي مويه


يصير من اقوى الوسائل المعينة على السحب والنتل والرفع والشيل وهذا مجرب



واتمنى ان استفيد منكم

[معترض الشعيب]

عليك بالرشا (( مجرب مع الغطاس .. وجاب نتيجة ))

[شروكي ربع]

شخصيا مزين لي واير خاص لو تبي تجر تريلا قدرت :D

وبأنزل صورة ان الله يسر .

الروس من شارع الريل تقريبا اكبر الموجود والواير حبل كبير مدبل .

[alkongrs]

الصراحه اخلي حبل موتري كمين مره انتوهق مع شباب اروح اجب الحبل وصلح طرقيت السلسله وتزبط بس اذا قضيت احلتوه

[عرق دقله]

واير بلا تلقى شي حق الشنكار

[شمالات نجد]

الحبل العريض 3 طن أفضل شيء والطول الزائد مضر والقصر كذلك يوهق أحياناً أفضل شيء 5 أو 6 متر ولا أنصح بالنتل أبداً لأنه يضر السيارة كما ذكروا الأخوان فحاول سحب السيارة من جميع الجهات حتى تخرج

بالنسبة لمشكلة التخزين فعلاً هو إذا ما طويته وحطيته في شنطه خاصه فيه بينفك وينفرش في خلفية السيارة فأفضل شيء تطويه زين وتحطه في شنطه خاصه وبيكون حجمه مثل الدافور الوسط (مجرب)

هذي بعض الصور بالنسبة للتخزين واتمنى الفائدة للجميع

http://meem79.googlepages.com/23052008Small.jpg

http://meem79.googlepages.com/23052008001Small.jpg

http://meem79.googlepages.com/23052008002Small.jpg

الله يوفقك والجميع

سلام

[NSS]

بارك الله فيكم جميعا,,, ماقصرتوا

واشكرك ابو عزام على الصور ولايهونون الربع.

وان شاء الله الجميع استفاد,, والي عنده معلومات ثانية لايبخل علينا

جزاكم الله خيرا

[EFI.4500]

كثرة النتل ترخي الشنكار والحبل ممتاز