مكينة الباث

[سحابه]

إخواني
السلام عليكم ورحمة الله وبركاته
اليوم و أنا أمشي في الشارع فجأه وبدون مقدمات طلع لي صوت طقطقة في مكينه الموتر
الصوت يشبه صوت الضرب بالشاكوش على مسمار ضرب سريع قليلأ وقفت السيارة وفتحت الكبوت
تقريبا الصوت من المكينة وضغط المكينة يرتفع وينزل قليلا طفيت السيارة و شغلتها تشتغل ومشيت عليها مافيه مشكلة
ممكن تفيدوني عن المشكلة والحل أنا من سكان غرب الرياض
السيارة باث 2004 ماشي تقريبا 100 ألف ( ماشاء الله )
دلوني دلكم الله لكل خير

[بـــ نجد ـــرق]

هلابك اخوي

وش نوع البنزين اللي تستخدمه؟؟

اذا كنت تستخدم الاخضر 91 فغيره وصب احمر 95

وان شاء الله يكون السبب منه ويضبط موترك

تحيتي لك

[سحابه]

الله لايهينك ياأخوي برق نجد

[معترض الشعيب]

شيك على طرنبة الزيت
شيك على العمود
شيك على الجنزير
شيك على الحذاف
شيك على سبايك البساتم
.
.
.
__ الله لايهينك افحص كمبيوتر على المكينه 100 ريال وريح راسك ___

[سحابه]

جزاك الله الف خير
أخوي معترض الشعيب

[بواسامه]

اخافه مسامير الثلاجه اللي يشكون منها اهل الباث من 2003 الى 2005
اذا صارت هي فصلحها ضروري وشيك على الموضيع في المنتدى اللي تكلمت عن هالامر
وفقت للخير

[أبو فهد11]

أخوي سحــــابه احتمال تكون مسامير اللهاهــ

اللي في الثلاجه

سقطت في السرندل

لأنها هي اللي تطلع صوت طقطقه

قريب من صوت ماطور الهواء حق البناشر

وكان معي انفنتي قبل فتره سقطت علي

مسامير الثلاجه وانا واقف وطلعت نفس الصوت ( طقطقه قويه )

وأي خدمه أنا مستعد وأنا ساكن حولكــ

أخوكــ أبو فهد11

[سحابه]

شكرا أبو اسامه على مرورك
شكرا ابو فهد 11 ومانستغني عن المشوره وين أودي السياره ( أقرب ورشه ممتازه )
لاهنتو جميعا

[سحابه]

وينكم ياأهل الخبره
وينك يابو فهد 11 تفيدني
بارك الله فيكم جميعا

[ARB]

تاكد الماكينة فيها زين
اذا انت راعي سرعه و جلد السيارة في النفود تنقص المكينة

[أبو فهد11]

وينكم ياأهل الخبره

وينك يابو فهد 11 تفيدني

بارك الله فيكم جميعا


أخوي سحابه هذا رقم ورشه في الصناعيه القديمه

أسمه رشيد (باكستاني )
0504423159

وأي خدمه أخوي سحابه

أنت أمر وحنا نطامر


أخوكــ أبو فهد11

[بن محفوظ]

فيه ورشة العياف عندك في تقاطع سدير مع بديع الزمان

فيها فلبيني اسمه ماكس .. مصلح موتري انا عنده ..

وانتبه لاتمشي على الموتر واجد

[سحابه]

arb
أبو فهد 11
بن محفوظ
شكرا على الفوائد القيمة
ابو فهد 11 رحت امس لرشيد قال يمكن المسامير طايعه وبودي الموتر بكره له إن شاء الله
بن محفوظ إن شاء الله بمر الفلبيني

[.أبوعبدالرحمن]

الامر ان شاء الله يسير واعتقد انها والله اعلم من مسامير الثلاجة



بس حاول ما تمشي عليه كثير والله يستر من موتري لا يجيه شيء

[saudiman]

يا اخوان ياريت احد يصور لنا موقع الثلاجه والمسامير حتى نحتاط من المشكلة وهل المشكلة في الموديلات الحديثه اللي متغير شكلها من موديل 2006 واعلى ام قبل 2006 لانها صارت بعبع هذه
المشكلة

[سحابه]

شكرا على مروركم جميعا
ابوعبدالرحمن الصفيان
سعودي مان
المشكلة يااخوي سعودي في الموديلات ماقبل 2006 والله اعلم ِ

[سحابه]

أبو عبدالرحمن الصفيان الله يحمينا وإياك
سعودي مان المشكلة والله أعلم في الموديلات ماقبل 2006 الأخوان بيفيدونك أكثر

[خلفهم]

سحابهـ ..

يا ليت توافينا بالجديد ..

كم سعره .. وكم مدة تصليحها .. وعند من ..؟


ربي لا يهينكـ

[سحابه]

خلفهم ابشر ماطلبت شي
خلني اخلص من المشكلة وأوافيكم بالجديد إن شاء الله

[أبو فهد11]

الله يكون في عونكــ أخوي سحابه

وأي خدمه أبشر بسعدكــ

وتراني قريب منكــ في السكن

بس أنت آمر وحنا نطامر

أخوكــ أبو فهد11

[حوطي بحت]

شييك على ألي قالوه الأخوان وأنا أقول يمكن طرمبة الزيت فالميكنة
إذا ما اشتغلت طلعت صوت فالمكينة مثل كذا

[سحابه]

السلام عليكم إخواني
والله ما قصرتو في النصايح اللي ماتبتغون بها غير وجه الله ثم نفع اخوكم المسلم
الحقيقة دلني اخوي
بن محفوظ على فلبيني اسمه ماكس
جزاه الله الف خير
رحت له ولحم مسامير الثلاجة ويقول ان فيه واحد طايح والله يستر ما احتاج لفك المكينه
قولو آآآآآآآمين
خزاكم الله الف خير على مشاركاتكم والله اني استفدت منها كثيرا

[خلفهم]

ننتظر النتيجهـ ..

ربي يعجل بصلاح موترك .. ويرجعه لك سالم ..

[أبو فهد11]

على العموم أخوي سحابه الله يكفيكــ شرهـ

ونتمنى انه يصلح ويستمر على كذا

لكن نصيحة أخو اذا تغير صوت الموتر ورجع نفس الطقطقه الأولى

لالالالا تمشي عليه علشان ما ينخرط السرندل لأنكــ لو مشيت عليه راح توظب توظيب كامل

يعني خرط السرندل

وأي خدمه

أخوكــ أبو فهد11