مشكلة النطنطه في الباثفيندز الشكل الجديد 2006 -2008 ؟؟؟

[saudiman]

الاخوة الاعضاء والمشرفين

السلام عليكم ورحمة الله وبركاته

اخواني اشتكي ويشتكي الكثير مثلي من مشكله في الباث الجديد وهي مشكلة النطنطة من الخلف لما يكون الموتر محمل يعني لو تاكل مطلب يجلس ينطنط فوق تحت ( مطابات الكباري والجسور خفيفه )
طبعا الكلام هذا لما تكون محمل في المقعده الثالثه او الشنطه فما ادري هل هناك حل لتخفيف هذه المشكله
علما بانه مريح جدا في الخطوط حتى لو كان محمل لكن كل مطب وشوف النطنطه يعني كانه ونيت مبطح

البعض يقول غير مساعدات والبعض غير سست ما ادري هل هناك حل لهذه المشكله ؟؟

علما بان الموتر لما يكون المقعد الامام والوسطي فيه ركاب مافيه مشكله المشكله لما يتحمل من الخلف . انا ماتهمني النزله من الخلف بس ياكرهي للنطنطه صراحه تنفس الحامل مرررررررررره مزعجه

انتظر اقتراحاتكم وتجاربكم ؟

[فيتامين]

خذ النصيحة:

بع الجيب وخذ لك سيارة من السيارات الصغيرة المريحة وشلك بالجيوب والتعب
وريح ظهرك من النطنطة على قولتك.

أرجو أن تقبل النصيحة وفكر زين.

واستخير فإن الخيره فيما يختاره الله سبحانه

[saudiman]

لايكون بس تبي تشتريها

اخي الحين اقول احد مجرب وتقول بيع السياره يا اخي لو كل واحد سوى سواتي ما احد اشترى سياره

الله يصلح شانك

وبعدين ابي انصحك لو ماعندك خبره وتجربة بموضوع لاتفتي لاتفتي ( رحم الله امرئاً عرف قدر نفسه )

[فيتامين]

إذا من ورا سيارتك مكسب أفكر اشتيرها .
شكلك زعلت
وبعدين ما أفتيتك بشي أنا نصحتك تبي تقبل النصيحة زين على زين وإذا ماتبي تقبل براحتك

وأبي أقولك شي اللي يشري الجيب يتحمله يعني يصبر على الشقاء والتعب والجلد و(النطنطة) وإلا يبيعه ويشتري له مورسيدس مافيها نطنطة
قال إيش قال الجيب ينطنط

[همس الرعد]

يااخي هذا الفكر ال... اذا ما ضبط شي بعه

لا ياخوي يقدر يصلح ويغير وتضبط اموره

لكن يا اخوي الترهات هذي ليست في مكشات

يا اخوي انا مالي خبره لكن يجونك اهل العلم ويخبرونك

ولا ابي افتي زي ما افتى غيري

[.أبوعبدالرحمن]

اخوي سعودي

المشكلة هذي ارى انها في اغلب المواتر ما هي بس في الباثفندر


ومالك الا انك تغير اليايات والمساعدات ايضا المشكلة هذي في جميع موديلات الباثفندر انا معي 2003
وفيها هالمشكلة



وان شاء الله يجيك من هو افهم مني واخبر

[saudiman]

اخي ابو عزام كلامك يجمد على الشارب لكن بعض الناس الظاهر متعودين

على الشات والبالتوك وما ادراك وهم يعرفون انفسهم ما ادري خسرانين في سوق الاسهم قال ايش قال بيع بع بع بع بع طاش ماطاش

اخي ابوعبدالرحمن انا سمعت بالمشكلة وفعلا فيه ناس غيرت اليايات والمساعدات وضبطت مشكلتهم

لكن ايش اليايات والمضبوطه المجربة وكذلك المساعدات وشكرا على ردودكم التي تدل على وعيكم

وبيض الله وجيهكم

[لن أمل من العطاء]

يا حبيبي

المشكله عندك حزئين

الاول النططه ومشكلتها من المساعدات غالبا وبعض الاحيان اليايات

الثاني النزول من الخلف وهذي لا دخل للمساعدات فيها وانما هي مشكلة اليايات

نظام التعليق عندك هو نظام حر اي كل كفر ليس له دخل في الاخر اي لا يوجد دفرنس ذو محور صلب في الخلف

السيارات على نوعين في نظام الكفر الحر مثل سيارتك
الاول يكون الياي لحاله والماعد بجانبه
الثاني يكون المساعد داخل الياي

طبعا اعتقد ان النظام الاول عندك وهو يكون تغيير النظام فيه سهل وتكون المساعهدات واليايات متوفره


ملاحظه

يجب عليك الذهاب لذوي الخبره لان نظام التعليق يختلف عن السابق


لك تحياتي

وجعلها الله سيارة مبروكه ويصرف عنك شرها



اخوكم


لن امل من العطاء

[saudiman]

اخي لن امل من العطاء

افدتني كثير وبيض الله وجهك على المعلومات الرائعة التي كانت غائبه عني حتى قراءت موضوعك

والحقيقه معلوماتك جميلة وشيقة وردك قراءته مره ومرتين وثلاث والله يعطيك العافية ويرزقك من حيث لاتحتسب

ووننتظر اهل الباث الجديد على وعسى يفيدونا من تجاربهم الفعليه

[المبتكر1]

حياك الله يالحبيب
عندي نفس السيارة لكن أخشى إذا تم تغيير المساعدات واليايات تروح الراحة اللي نجدها في طريق السفر وغيره فقد يكون من الأسلم ترك السيارة على ما هي عليه والحذر من المطبات قدر الإمكان وهذا يساعد في صيانة السيارة والله يبارك لنا ولك ولجميع المسلمين في مراكبهم .

[saudiman]

اخي المبتكر1

الله يجزاك خير ويبارك لك في سياراتك وصحتك على قولك الصراحه السيارة مريحه بشكل عجيب اذا كانت

متوسطة الحمول اوقليلة الحموله وفي الخطوط ثبات غير عادي ولكن المشكلة إذا تحملت وكان الطريق

غير مستوي كما فوق الكباري والجسور تلاحظ نطنطه مزعجه لكن في الطرق لمستوية حتى لوكان محمل

مريح للغايه ومشكور على مرورك

[فيتامين]

ياجماعة الخير هذا جيب افهموا ياللي تنتقدون كلامي

النطنطة هذي تصير بأي سيارة محملة بس قل العرف مصيبة

[الحمض]

اخوي اعرف واحد معه نفس الموديل وركب يايات استرالية وهوالان مرتاح

[المهذبي]

السلام عليكم أنا أعاني من نفس المشكلة وكنت أبي أكتب في نفس الموضوع وننتظر مزيداً من أراء الخبراء وشكراً.

[alamri111]

السلام عليكم

أعيد وأقول الباث فاندر من صنعوه في امريكا وهو دمران ما يسوى ومشاكله يا كثرها (لأنهم في امريكا قليلين أمانه) والسيارات الأمريكيه اغلبها إ ذا ما هي كلها إستهلاكيه بشكل كبير للقطع وما عد تصبر مثل اول

يوم كان عندهم أمانه وسلامتكم