مسامير الثلاجه للباثفندر ....هنا الحل

[مساير الليل]

السلام عليكم ورحمة الله وبركاته



مثل مانتم عارفين كثرة الي أشتكووو من مسامير الثلاجه للباثفندر وكانت عواقبها شينه على المكينه
وغير كذا تسبب خساير الله أعلم بها

طبعًً وجد حل لها

قبل أن يقع الفاس في الراس وتقول ياليت


في أحد الورش المعروفه ""رشيد""

يقوم بتغيير مسامير الثلاجه بمسامير اطول ويضع عليها معجوون

وأن شاء الله أنك ماراح تشتكي منها

للمعلوميه أنا معي ددسن ولم أجرب

والله مادفعني أكتب الموضوع ألا من باب تقديم الخير

وجميع ماكتب فوق على مسؤلية رشيد

لكن فعل السبب واجب

وألي يبي رقمه أرسله على الخاص عشان مانخلاف شروط المنتدى

[فيتامين]

جزاك الله خير
بس الورشة بأي مدينة لو تكرمت

[مساير الليل]

الورشه موجودهـ بالرياض

[فهد33]

مشكور لو اني ماعندي جيب باثفاندر لكن مثل ماذكرت يشتكون منها كثير وقريت مرة بالمنتدى أنهم ينقطون على المسامير باللحام وتصير صكت باب البصر

[أبو فهد11]

ورشة رشيد معروفه بالصناعية القديمه

وأنا ملحم الثلاجه عنده

لكن انه يغير المسامير إلى مسامير أطول

أول مره أدري عنها

ومشكور على تنبيه الأخوان هنا

أخوكــ أبو فهد11

[بن محفوظ]

طيب هل المسامير الطويلة ما تأثر على الثلاجه .. أو عزم الموتر

ولو بعد فترة طويلة

[خلفهم]

وياليت تعطينا كم السعر

ومتى وقت طيحت المسامير

[مساير الليل]

والله ياخوان الطريقه بالضبط لا أعرف كيف

وسعر تتزيينها بما يقارب 400 ريال

[م.أبوإبراهيم]

عندي باثفيندر 2004 وفكيت المسامير والغيتهن لأنهن في بعض الباثفيندرات 2005 الدفعة الأخيرة غير موجودات شد بلد وفكيتهن ولا تغير شيء بالموتر شيء طبعا انا عندي ورشة صغيرة بصناعية الدائري في الرياض وافكهن 150 وهذا رقمي 0554889337 ابو إبراهيم

[saudiman]

اخي م.أبوإبراهيم

هل واجهتم هذه المشكلة في الشكل الجديد من الباث 2006 \2008 ام فقط في الشكل القديم ؟؟؟؟؟؟؟؟؟

[مساير الليل]

أبو براهيم إذا كان لك خبرهـ في المشكله ياليت تنزل للشباب موضوع مستقل وتبين لهم


أخوي سعودي مان(أهي كذا) لا الباثفندر الجديد الحمد لله مافيه المشكله هذي الأن المكاينه تغيرت وأن شاء الله أخوي أبوبراهيم يفيدك أكثر

[escape_man]

عندي باثفيندر 2004 وفكيت المسامير والغيتهن لأنهن في بعض الباثفيندرات 2005 الدفعة الأخيرة غير موجودات شد بلد وفكيتهن ولا تغير شيء بالموتر شيء طبعا انا عندي ورشة صغيرة بصناعية الدائري في الرياض وافكهن 150 وهذا رقمي 0554889337 ابو إبراهيم

الله يبشرك بالخير

كنت شايل همها

[الساهر2003]

الله يجزاكم خير وماقصرتو
الصراحة مو مرتاح بالي منها ابد لكن ان شاء الله راح اخلص منها يا عند ابو ابراهيم او رشيد او ابو سليمان في بريدة وهو يصلحها ب 200 ريال وعنده سابق خبره فيها ولا نقص في الباقين

[خلفهم]

يا جماعه عطونا الخبر الصح ,,


نلحم وإلا نشيل وإلا وش السالفه تراي ضعتـ ..

[سالمي]

ممكن صورة لمكان الثلاجة والمسامير لوسمحتم
وهل في أحد في الدمام يزينها

[Abo Fhad]

هل يوجد احد في الدمام يصلحها

مافيني شده للرياض والقصيم .

[مساير الليل]

والله ياخوان مالي علم أحد بالدمام

على كل حال هذا رقم رشيد وألي يحتاج يدق عليه وياخذ العلم من راسه

0504423159

[sul574]

لو سمحتو كيف اعرف موتري هو من الدفعة الجديدة ولا القديمة وش اعراض طيحة المسامير

[الساهر2003]

لو سمحتو كيف اعرف موتري هو من الدفعة الجديدة ولا القديمة وش اعراض طيحة المسامير


اخوي كلها موجود فيها مسامير ولا يوجد لها اعراض يطيح المسمار ويطلع صوت في المكينة طقطقة
مر ابو ابراهيم ويظبطه لك قبل لاتطيح وبرخيص اما يشيلها او يغريها واللي تبي

[مساير الليل]

أخوي إذا كان موترك من 2003 - 2005 أحتمال طيحة المسامير واردهـ

أما إذا كان 2006-2008 الحمد لله سالم من هالمشاكل

[سوبر152]

الله يجزاكم خير وماقصرتو

[salehhd]

السلام عليكم

بصارحة الموضوع اصبح مؤرق من كثر ما اسمع عنه

ياليت اذا في ورشة في الدمام خبرونا بارك الله فيكم وشكرا

[المجيدلي]

بصراحه الوضع خطير على كلامكم انا عندي 2004 باثفندر وخوفتوني ولكن الي يعرف ورشه بدمام يرسلي الرقم على جوالي تكفون لايخبط الموتر ونروح وطي بعدها 0505181585

[الرتيمة]

الساهر 200 لو تكرمت أين مكان أبوسليمان في بريدة بالضبط

[النقيرة]

طيب الباث 2001

[N-xterra]

اخي م.أبوإبراهيم

هل واجهتم هذه المشكلة في الشكل الجديد من الباث 2006 \2008 ام فقط في الشكل القديم ؟؟؟؟؟؟؟؟؟

المشكلة هاذي انتهت بنهاية 2005 ونيسان ألغت الثلاجة واللهاة القديمة بالكامل وركبت عليه ثلاجة من الكربون الصلب بدون لهاة (كامات)

يعني اكفر بالموتر وماجاك عندي وانا أبو فهد

[الربذي]

الحمد لله تخلصنا منها وماشفت لاهه ولاغيره
بس فيها عيب
قطعها نادره وغاليه
شغل اليد فيها غالي
بيعتها صعبه

[الستانس]

والله اللي بيشتغل يشتغل عند ابو براهيم
ماشاء الله خبره
ووجه طيب
وسعر رخيص ومناسب جدا
وشغل نظيف

و((ابن بلد))

وانا فاكهن وملغيهن
ومشفت إلا الخير

وجودهن زي عدمهن

[KASHTAT]

أعرف ناس واجد شالوهن ولا تأثر الموتر.
بعد فكهن يرتفع الـrpm قليلا ثم تسوي برمجة يدوية للسيارة RE_SET ويرجع الـRPM إلى مستواه الطبيعي ( البرمجه سهلة جدا بمفتاح التشغيل إسألو أبو إبراهيم عنها تراه حبيب شرحها للشباب وسهل تطبيقها)

[موسم الخير]

عندي باثفيندر 2004 وفكيت المسامير والغيتهن لأنهن في بعض الباثفيندرات 2005 الدفعة الأخيرة غير موجودات شد بلد وفكيتهن ولا تغير شيء بالموتر شيء طبعا انا عندي ورشة صغيرة بصناعية الدائري في الرياض وافكهن 150 وهذا رقمي 0554889337 ابو إبراهيم

اضافه على التعليق ابو ابراهيم يشتغل بيده والله يشهد انه رجل طيب وحبيب وكان
الي عند مشكله في الحراره يروح له
وكمان يفظي الدبه الي تجي في الشكمان الي يسمونها حافظة الحراره .

[mho55mho]

السلام عليكم
الله يوفكم على موضوعكم المهم بس فيه احد يشتغل مسامير الثلاجه بتبوك وتقبلوتحياتي

[ابو وافي 444]

والله ياخوان الطريقه بالضبط لا أعرف كيف

وسعر تتزيينها بما يقارب 400 ريال



يا حبايبي الباكستاني فوق يقول ب 400 ريال والاخ الفاضل السعودي ابو ابراهيم يقول لك ب 150 ريال؟؟؟؟؟؟
بالله عليكم لمن نروح؟ لولد البلد اللي قد فك اكثر من 60 باث على حسب ما سمعت ولا للباكستاني اللي صافق بالسعر ؟ بتقولون تسوق له؟ بقول لكم روحوا لرابطة الباث لكي تعرفوا المزيد عن هذا الرجل ...
وفقك الله يا ابو ابراهيم وقريبا لنا زيارة بس الله يستر لين نوصلك...


عندي باثفيندر 2004 وفكيت المسامير والغيتهن لأنهن في بعض الباثفيندرات 2005 الدفعة الأخيرة غير موجودات شد بلد وفكيتهن ولا تغير شيء بالموتر شيء طبعا انا عندي ورشة صغيرة بصناعية الدائري في الرياض وافكهن 150 وهذا رقمي 0554889337 ابو إبراهيم