رايكم وبصراحة في الباثفايندر

[طمطماية]

السلام عليكم ورحمة الله وبركاته

بصراحه عزمت اشتري باثفايندر 2003 قير اوتوماتيك

وش راااااااااايكم ؟؟؟

يبيض الوجه ولالا ؟؟

[بـــدر]

السلام عليكم ورحمة الله وبركاته
انا اشتريت نيسان باثفايندر 2003 من حوالي 5 شهور، وابي اعطيك راي الشخصي فيه
http://www.mekshat.com/pix/upload/images3/nissan.jpg

* الموتر منم ناحية الشكل ممتاز جدا:good:
* القوه محركه قوي مره مقارنه بحجمه، صرفه للوقود اعتبره عادي اذ قارنته بسيارات الدفع الرباعي الي في فئته يعني تقدر تقول تمشي عليه 500كلم وانت مرتاح:good:
* خفيف مره ماتحس انك راكب سياره دفع رباعي:good:
* مكيفه جيد جدا:good:
* نظام (الجر) يعني الدفرنس الخلفي مقفول يعني اكثر ثبات من غيره في الرمل والمنحدرات:good: :good:
* تسمع قرقعه خفيفه في الخلف لاكن اعتقد اني الي عندي عيب مصنعي لان نسيبي معه واحد نفس سيارتي مافيه قرقعه:confused:
انا بيني وبينك كرهته من بديت اسمع القرقعه لان الاخوان في شركة نيسان مهم معترفين بهذ المشكله
ولاهم قادرين يعرفون وش المشكله ونا ما الومهم لان المختص الي يفحص السياره سوداني:mad: :mad:

[Eagle]

بصراحه انا الي موعاجبني فيه سعره مرتفع وما اظن يستاعل هالسعر
وانه راح ينزل منه قصه جديده لا تستعجل وتاخذ هالموديل
لانه لا نزل الجديد السعر ينزل حيل
تقدر اتشوف القصه الجديده على جيب الانفنيتي
لانها تنزل على الانفينيتي قبل الباثفايندر
ومن ناحية قطع الغيار والسيرفس سعره مو هين
زبده الكلام هالسياره ما تستاهل هالسعر ( بحالة تبي تشتريه كامل المواصفات)

والراي الاول والخير لك

[معشوق]

اخوي طمطماية
ان كنت تبي رأيي ترى الموتر خوش موتر وانشاء الله يبيض الوجه
انا الوالد معاه باثفيندر 2003 بس جير عادي وتراه عجيب وقوي ومثل ماقالك اخوي بـــدر انه خوش موتر
(بس انا ماسمعت القرقعه اللي بالخلف :confused: ) الظاهر مثل ماقلت انه عيب مصنعي بس الله يعوضك;)

[الفرعاوي]

وعليكم السلام ورحمة الله وبركاته

انا معي 2001 و تمام التمام لكن مكينتة ضعيفة شوي (تم تغيير المكينة في 2003 )

انا اعتقد ان من المهم تكون الاستبنة ورا مهيب تحت علشان تقدر تركب تانكي موية و ما اعتقد ان هالشي متوفر عنل الوكيل ؟؟؟

[مكشاتي]

Originally posted by معشوق
اخوي طمطماية
ان كنت تبي رأيي ترى الموتر خوش موتر وانشاء الله يبيض الوجه
انا الوالد معاه باثفيندر 2003 بس جير عادي وتراه عجيب وقوي ومثل ماقالك اخوي بـــدر انه خوش موتر
(بس انا ماسمعت القرقعه اللي بالخلف :confused: ) الظاهر مثل ماقلت انه عيب مصنعي بس الله يعوضك;)

[الجنوبي]

اخوي العزيز
السياره خوش سياره انا عندي 2002قير عادي ماشي 40000 ومن عيوبه مثل ما قال الاخوان القرقعه في الباب الخلفي .... لانه جاي وصله واحده ... وايضا اصوات في الديكور تبع المسجل في الظهريه مع الحراره
غير كذا خذ موتر؟؟؟؟؟؟؟؟؟؟؟؟

[MOR300]

اخوي الباث فايندر انا اعتبره افضل سياره دفع رباعي بالنسبة للمواصفات والسعر مقارنة مع غيره

انا معي واحد 2003 صارله حوالي 10 شهور معاي ومشالله قوه وعزم وخفه في البر
طبعا زادو مكينته من 180 حصان الي 250 حصان هذا غير كثير من الميزات الثانية

عموما ترا موديل 2004 نزل

وكل التغيرات الي صارت مسكان الأبواب حطوها نفس لون السياره والطبلون صار لونه ازرق والجنوط رشوها رشه نسيت اسمها بس قريبه من النيكل

يعني 2000 ريال تعدل لك 2003 الي 2004 بدال ماتدفع فرق 10لاف ريال الفرق

تحياتي

[طمطماية]

بدر ، فاجلي ( ما عليش مشوار اقلب للنجليزي :) ) ، معشوق ، الفرعاوي ، الكاشت ، الجنوبي

والله مشكورين وما قصرتوا ...... وبصراحة الموتر مو لي .. للوالد الله يحفظة

بس يا اخوان ذا الموتر عجيب

تصدقون درت معارض النسيم و الشفا ... وما طلعنا إلا بسيارتين جديدة ... وحده لؤلؤي .. والثانية ( رصاصي ) مثل سيارتك يا بدر الله يحرسها :) ...

وبصراحة انا ما اداني النسيان خلقة :D
نعن أبو بليسهم ... سيارة بثمين الف ... وأتفاجئ إن كبوتها ما زال على الحديدة .. مهوب بستم ..... يوم احرجت اللي في الوكالة ... قال إن البستم مشاكلة واجد

ايه هين :D

<< معه vxr من حقه يتغلى ;)

بس وش نسوي ... دخل في راس الوالد الباثفايندر .. ودورنا له ... وهالوجيه الطيبه ما قصرت والله .

وشريناه موديل 2003 قير اوتوماتيك .. لؤلؤي .. جنوط طبعا .... بـ 79 ....
ماشي 12 بس :D

الله يطهمنا من خيره ويكافينا شره

<<< مهوب كنه طول شوي ؟؟

وهذي كل السالفة

واعذروني كاني قمت ارطن واجد


لكم تحياتي مشكورين

[* رمش العين *]

السلام عليكم جميعاً
طالما يالحبيب طمطماية شريتوا الموتر وانتها الموضوع انا احب اقولكم يطعمكم من خيرة ويكفيكم شرة.
وبالنسبه للاخوان الي يشتكون من القرقعة في الباب الخلفي للموتر اقولهم ان المشكله قديمه ومصدرها من القزازه الخلفيه الي تنفتح على فوق الحالها والحل ياحبايبي ياحلوين ((( تروح لم ساكو وتشتري منهم شريط لاصق الي يجي اسفنج عريض شوي وتقوم وتحط الجزء الاصق على القزازة الخلفية من الداخل دار ما دار والجزء غير اللاصق الي قلنا انه اسفنج راح يسوي لك فاصل بين القزازة وبدي السيارة وبكذا تثبت القزازة وتروح الطقطقة ..... وسلامتكم )))
وانا مستخدم قديم (( للباث )) اسم الدلع للموتر
وانصح فيه بقوة لان حجمه مناسب لهب كبير ولا هب صغير وسعته مرة زينه ومن ناحية العزم وصرف البانزين حلها في تركيب ( الفرارات )
اما كون الاستبنه تحت فهاذا مايمنع تركيب تانكي وشلون اقولكم يمكن تركبه داخل الموتر في الجزء الخلفي ( الشنطه ) ويكون من الفيبر قلاس وصدقوني اريح ويشيل 100 لتر مويه وارتفاعه فقط 10 سم ويتحمل اي حمل تحطه فوقه واريح من فك وربط تحت الموتر وتركيب قاعدة ووزنه خفيف مرة وتكلفته ماتتجاوز 500 ريال وبامكانك تشيلة متى مابغيت.
وياحبنالنا

[القناص]

السلام عليكم ورحمة الله وبركاته

الباث رائع ومدروس في الحجم ويفي بالغرض
سعره مرتفع قليلا
لكن 250 حصان على هالحجم يعتبر انجاز

[طمطماية]

رمش العين ..

مشكور على مداخلتك الحلوه ...

وبما انك خبير في الباث :D(( بس وش رايك فيني وانا اتعلم بسرعه ))

حبيت أسألك ولا يهونون الشباب ... أدخله الوكالة بعد الألف كيلو ولالا ؟؟؟


ووكالة نيسان (( الحمراني )) تبيض الوجه ولا شغل خنبقه ؟؟

افيدونا مأجورين :)

---------

القناص

شاكر كرورك

[MOR300]

الله يعطيك من خيره ويكفيك شره

اي سياره لازم تدخلها بعد 1000 كيلو

انا يوم دخلته اكتشفوا فيه مشكله بالدبل وغيرو قطعه ب1300 ريال علي الضمان

اما عن شغل الخنبقه ففيها حقها وللأسف

[نجمة سهيل]

طمطماية:heart: مبروك المويتر:)

الباث:D سياره قويه وممتازه جدا ، وعندنا وحيد:) من حوالي 10شهور ـ والى الان مااشتكى منه اخوي

ماشي الان حوالي 35الف ، مالاحظ عليه شي الحمدلله ، لكن ترى فيه عيب صغنون:D وهو في السيدي ،

انه ساعات يفوت يعني مثل عندك سيدي فيه 10 قصايد ، يجيب الاولى ووراها يمكن الثالثه او الرابعه يعني

بالعربي يطمر:D ، لكن من ناحية القوه فابشر بسعدك:)

[طمطماية]

مور 300

مشكور يا حبيبي ....... ودخلنها الوكالة وابشرك ما لقينا شي ولله الحمد ..

نجمة سهيل ...

شرهتك على اللي شغل السيدي :D

بس بصراحة فيه عيب اكبر من السيدي

اللي هو هواية المكيف
لازم اقفلها كل ما شغلت الموتر

والله شغلة

[طمطماية]

رمش العين

ممكن تدلني وين احصل تانكي الموية اللي تقول ؟؟

[ابوقاسم]

الاخ طمطماية ............
السيارة قوية وما عليها كلام وانا عندي موديل 2000 ولا اشتكيت منه في شي خفيف وسريع ولا يخالف طعوس اسفلت غيره وطلعات البر كثر منها وبالنسبه لعيبه اللي تقول على الهوايه هذي يخوك ميزة خصوصا في ديرتنا وصيفها لانك اذا تركت الهوايه مسكرة في الصيف والشمس تعطيك حقها ترى تصير السيارة من الداخل فرن ميكروويف لطبخ اسرع يعني تركب السيارة ما تقدر تحرك شي فيها لادركسون ولاقير بس لما تكون الهوايه مفتوحه اهون شوي .
واسئل مجرب يخوك ولا تسئل صيدلي.
والله يبارك لكم السيارة.

[* رمش العين *]

اخوي العذر والسموحه على التاخر في الرد وبالنسبه لمراجعة الوكالة اقولك نعم لازم تراجعهم بعد 1000 كيلو وبالنسبه للتانكي الفيبر ممكن تلقاه عند مصانع الفيبر ( ورش صغيرة )الي بالسلي واذا توفر عندي رقم مصنع خابره من زمان راح اعطيك اياه انشالله