فزعة النشامى {{محتار بين اعداء}}

[EFI.4500]

بسم الله الحمن الرحيم
الصراحه المنتدى متكامل بمعنى الكلمه والكامل وجهه سبحانه
انا توي طاف بانت والله مادخل مزاجي إلاهالمنتدى بدووووووون مجامله



عموما:
انا محتار بين موترين اعداء

الي مجرب لايبخل علينا تكفون

الأول: ربــــــــع نيسان {سلقه}
الثـاني: ربـــــــع تيوتا


علما اني بشبه قريه
يعني لابد صحراء عاد كلهن يتحملن

الي يرشح سياره يشرح لي السبب بوضوح

شوركم وهداية الله

[سيف الظفير]

النيســــــان مميز وقوي وسعره مناااااااسب وشكله بجنوط الفتك ابداااااااااع/ والتايوتا قووووي جداً مميز بالشكل الجديد بس غالي

[.أبوعبدالرحمن]

اذا انت تقول انك ساكن بقرية فتوكل على الله وخذ الربع التويوتا لكن يعيبه سعره غالي شوي


والسبب


هو ان القرى معروفة يا تجي في البر او في المرتفعات او في الوعر


من ناحية التويوتا يمشي معك ولا يقول لا فأكيد بيجيه المرش طلعات البر او طلعات المزارع او طلعات المرتفعات فهو يتحمل اكثر من النيسان وانشط



اما النيسان اذا انت في الديرة وراعي بر بقول لك خذ النيسان

[ذيب طي]

خذلك نــــيــــســـان وتوكل على الله ((لاتنسى صلاة الاستخارة))
موتر مكدة سواء في البر او في الديرة :good:

[قطاع البراري]

انا اقولك خذلك باترول بس والباقي كله خس

[مشاغب شوي]

انصحك بالنيسان

وعليك بالستخارة

[أبو بندر 2005]

أقولك نيسان أريحلك و أرخصلك ولا تنس الأستخارة و بالتوفيق

[GMC79]

اذا الفلوس ما تعوقك تويوتا وانت الربحان على كل الاحوال

الباترول ممتاز لكن التويوتا افضل واقوى من جميع النواحي ولذلك هو الاغلى سعرا

[التسعاوي]

تويوتا افضل من جميع النواحي إذاكنت <<مقتدر>>

[التعـ King ـديل]

اخوي اكلمك بواقع تجربه

انا مجرب الربع نيسان موديلات 88 - 93 - 97 - 2000 - 2006

مواتر مافي احلا منها على الاقل لا سمح الله حوادث قويه واضرارها مو كبيره ولا هي من المواتر اللي سهل تنقلب

وانا اعتبرها مواتر بر وديره بالمقام الاول اما جيب الربع التيوتا فياكثر مااسمع عن حوادثه وعدم توفر وسائل الامان فيه

تبي نصيحه اخ خذلك ربع نيسان طال عمرك وتوكل على الله ولا تنسى صلاه الاستخاره على الاقل مركبه لين ومريح

وفيه ايرباق يجي حتى بالاستاندر منه والله يطعمك من خيره ويكفيك شره ومبروك مقدمآ

[الشيحيه]

وش صار عليك ياذيب يلي محتار بين اعدء:redcar:
وش اعجبك النيسان ولا التيوتا

[كروزيا وبس]

التيوتا اصبر من الباترل
ولا تهمك القروش
لان الغالي للغالي

[راجح]

النيسان ممتاز جداً ومريح ورخيص ...

لكن ما دمت بقرية يبي يتفكك عليك .. شف التويوتا ولو انه غويلي وسمعته مشّي حالك :confused:
لكن يمسك سعره ,,,,

[EFI.4500]

وك
الله يجزاكم خير جميعا
لامكم مقنع صراحهى

ابشري انشاء الله نيسان
مع مشاورت الجميع رسيت على السلقه
التويوتا سمعته ومطابه مخربينه
وشكرا لكم وعسووووووووووول خاصه

[أبو فهد11]

اذا تبي نصيحتي خذ لكــ نيسان

لأسباب منها
الرخص والشيء الثاني أنه اكثر امان من الربع التويوتا
لكن الجيب الربع التويوتا اقوى هذا هو الفرق لكن النيسان قوة حلوه

ولا تنسى صلاة الاستخاااااااره

والف مبروكــ مقدماً لأي نوع من السيارتين تبي تشتريها

[ابوعقل]

النيسان ممتاز جداً ومريح ورخيص ...

لكن ما دمت بقرية يبي يتفكك عليك .. شف التويوتا ولو انه غويلي (((وسمعته))) مشّي حالك :confused:
لكن يمسك سعره ,,,,


وش دخل السمعه بالسياره

كبرو عقولكم

سالفت ان راعين الربوع راعين بزران((ما تقيس الوصخين على السياره))

يا خي فيه مطاوعه و كشاته معهم ربوع

وانت قاعد تقول سمعه

اتمنا انك ما تزعل من ردي

وانا انصح الرجال بالتايوتا

لأنه يكد

وعند البيع السعر ممتاز

[الريان.......]

دامك بقريه والله انا انصحك تاخذ نيسان
لنك لو خذيت تايوتا والله عير تمل من المطاب وغير ينقك ظهرك
لكن خل السياره تروح وتتفكك ولا يروح ظهرك والنيسان هذي ميزته انه ياكل المطب عن صاحبه
عكس التايوتا الي يجبرك تراعيه خوفن على حالك
طبعن انا اتكلم عن تجربه مع السيارتين

[راعي طويلات]

مامثل النيسان توكل على الله وخذه

[kk999]

ياخي الناس لازالت عندهم موضة تويوتا
يعني حتى لوتويوتا تسوي لهم سياره ماتمشي اصلا قالوا والله موتر !!!!
اخوي الباترول رائع جدا جدا جدا من واقع تجربه مع العلم والله العظيم اني لاامتلك ولاسياره من نيسان حاليا لكن سبق ان جربته مع كثير من الزملاء موتر ولااروع قوه ورساوه وراحه وانت جرب بنفس وراح تعرف وش اقصد والتويوتا مارفع سمعتها اغير الشريطيه ولا الربع مع التويوتا يجيب لك كل الامراض الي في الدنيا كانك راكب على هزاز حتى في الطريق المستوي تلاقيه يهزهز واقرب ملف تاخذه بسرعه انقلب هذا ماهو سياره هذا مرض ودي افهم الي يحط فلوسه في ربع تويوتا على ايش دفع كل هالمبلغ والله من قلت الدبره وكلامي عن تجربه

[فيتامين]

تبي الصبر

وتبي موتر ماتداري عليه ويتحمل الجور والجلد بأنواعه

خذ ربع تايوتا بغظ النظر عن المقارنات بينه وبين الباترول

وهذا من واقع تجربتي بالربع التايوتا من خلال ثلاث موديلات من موديل 97 إلى 2003

أما من ناحية سرعة الانقلاب فهذا غير صحيح يعتمد على السواق ومعرفته وتعوده على الموتر

[إعصار]

الراحة والارخص .. نيسان ..

العزم والصبر تايوتا ...

مع ملا حظة قطع الغيار ..
التايوتا أرخص ..

[EFI.4500]

الله يجازيكم خير وخاصه الي يتكلم من واقع تجربه

[kk999]

الراحة والارخص .. نيسان ..

العزم والصبر تايوتا ...

مع ملا حظة قطع الغيار ..
التايوتا أرخص ..
للاسف اخي الحبيب التويوتا حاليا صار من اغلى السيارات في قطع الغيار كان زمان رخيص اما الان للاسف صار من اغلاها واقصد بذلك قطع غيار السيارات الجديده طبعا