ياأهل المكشات...دلونا على أفضل منقل للشوي تكفون

[رفيع الشأن]

السلام عليكم
كيفكم جميعا ان شاءالله بخير
لاهنتو بغيت واحد نشمي يدلني على أفضل منقل للشواء بشرط ان يكون من مادة لاتصدأ ويكون جيد الصنع
ذبحتنا هالمناقل الصاج ردية وماتطول معك بالاضافة إلى انها تنعفط او تصدي و اطرافها حادة وممكن تجرح الاطفال عند نقلها

اذكر فيه واحد في النت حط موضوع قديم شوي عن منقل متعدد الاستخدامات جايبه من دولة افريقية ناسي اسمها لكن روابط الصور ماطلعت لي

المهم اللي عنده فكرة عن افضل منقل للشوي يفيدنا
ثاني شي وش افضل انواع الفحم الموجود حاليا و فين القاها؟ ولا نمشي حالنا بالفحم المكعبات الامريكي انا جربته وجيد افضل بكثير من بعض الفحم اللي يباع عندنا اللي مايطول ويرمّد بسرعة

وجزيتم خيرا

[جساس.]

وعليكم السلام
مافيه مثل الشواية الكهربائية المنتشرة حالياً....... من ناحيتي هي افضل شي
وتلقاها عند السنيدي للرحلات في بريدة او عند اي محل للرحلات



تحيتي,,,,,,,,,,,,,

[رفيع الشأن]

وعليكم السلام

مافيه مثل الشواية الكهربائية المنتشرة حالياً....... من ناحيتي هي افضل شي
وتلقاها عند السنيدي للرحلات في بريدة او عند اي محل للرحلات





تحيتي,,,,,,,,,,,,,

هلا والله باخوي جساس
الشواية الكهربائية تشتغل على ايش بالضبط على بطارية السيارة ولا كيف؟ ثانيا واضح ان اللي تقصدها خاصة بالدجاج
انا ودي شي يصلح لجميع انواع المشوي مثل الأوصال والريش
بارك الله فيك

[رفيع الشأن]

للرفع بارك الله فيكم

[عاشق السيل]

وعليكم السلام ورحمة الله وبركاته ،،

أنا أفضل المناقل اللي تقول لأنا خفيفة ورخيصة وتجي على المقاس اللي تبيه وسهلة التحميل بالسيارة ،، وإذا صدت أو تعوجت واندمرت ممكن تغيرها بواحد جديد لأنها رخيصة جدا ،،

أما إذا قلت تراي مليت منها وأبغى البديل اللي مايصدي ولا يتلف ،، أقول اشتر الشوايات اللي فيها حركات رهيبة ولها رجول توقف عليها ( يعني تشوي وأنت واقف ) ولها رفوف تحط أغراضك فيها وممكن تغطيها علشان تكتم البخار وشبكها كبير يشيل كميات من اللحم وممكن تغسلها بالماء بدون ماتصدي ولها مميزات عديدة ومقاسات كثيرة وأسعار متفاوتة وهذي ممكن تلقاها بأي سوق مركزي كبير أما محلات الرحلات ماأعتقد إنهم يجيبون تشكيلة كبيرة ،، بس الله يعينك على الأسعاااااااار !!!!

أما من ناحية الفحم أنا أشتري اللي يجي بأكياس بيض وأشوفها ذات جودة عالية ،،،


هذا اللي عندي وتقبل مروري يالغالي .....

[مكـiiiـات]

لايمكن تجد طلبك ؟
كل شي يصدأ مع الحرارة ؟

[رفيع الشأن]

وعليكم السلام ورحمة الله وبركاته ،،

أنا أفضل المناقل اللي تقول لأنا خفيفة ورخيصة وتجي على المقاس اللي تبيه وسهلة التحميل بالسيارة ،، وإذا صدت أو تعوجت واندمرت ممكن تغيرها بواحد جديد لأنها رخيصة جدا ،،

أما إذا قلت تراي مليت منها وأبغى البديل اللي مايصدي ولا يتلف ،، أقول اشتر الشوايات اللي فيها حركات رهيبة ولها رجول توقف عليها ( يعني تشوي وأنت واقف ) ولها رفوف تحط أغراضك فيها وممكن تغطيها علشان تكتم البخار وشبكها كبير يشيل كميات من اللحم وممكن تغسلها بالماء بدون ماتصدي ولها مميزات عديدة ومقاسات كثيرة وأسعار متفاوتة وهذي ممكن تلقاها بأي سوق مركزي كبير أما محلات الرحلات ماأعتقد إنهم يجيبون تشكيلة كبيرة ،، بس الله يعينك على الأسعاااااااار !!!!

أما من ناحية الفحم أنا أشتري اللي يجي بأكياس بيض وأشوفها ذات جودة عالية ،،،


هذا اللي عندي وتقبل مروري يالغالي .....
بيض الله وجهك ياعاشق السيل وماقصرت
صدقت من ناحية المناقل الصاج المتعارف عليها رخيصة وفي حالة اندمرت ذبها واشتر غيرها

اما الشوايات الامريكية فكلامك صحيح ممتازة لكن أسعارها غالية.....لكن لو فيه وحدة حجمها معقول مايمنع نقتنيها وشكلي ابمر على ساكو اكيد ابلقى نوعيات متخلفة بس قلت اشيك اول يمكن فيه نوعيات صناعة محلية بجودة معقولة
لكن وش سالفة شوايات الكهرب عندك فكرة عنها وكيف طريقتها بالضبط؟ تنشبك على البطارية؟

وشكرا لك على الافادة

[رفيع الشأن]

لايمكن تجد طلبك ؟
كل شي يصدأ مع الحرارة ؟
اكيد يالغالي مافيه شي يدوم الا وجهه سبحانه
لكن في شي يتحمل اكثر من غيره....مثلا اسياخ الشوي الستيل غير الحديد....ولا وشرايك؟ :)

عشان كذا قلت اشوف يمكن فيه مناقل ستيل....لاني احترم اي شي مصنوع من هالمادة

شكرا لمرورك الكريم وبانتظار افادة بقية الاخوان

[عاشق السيل]

بيض الله وجهك ياعاشق السيل وماقصرت
صدقت من ناحية المناقل الصاج المتعارف عليها رخيصة وفي حالة اندمرت ذبها واشتر غيرها

اما الشوايات الامريكية فكلامك صحيح ممتازة لكن أسعارها غالية.....لكن لو فيه وحدة حجمها معقول مايمنع نقتنيها وشكلي ابمر على ساكو اكيد ابلقى نوعيات متخلفة بس قلت اشيك اول يمكن فيه نوعيات صناعة محلية بجودة معقولة
لكن وش سالفة شوايات الكهرب عندك فكرة عنها وكيف طريقتها بالضبط؟ تنشبك على البطارية؟

وشكرا لك على الافادة


بالنسبة للشوايات الأمريكية ممكن إذا شريتها تفك رجولها وتصير صغيرة بالحجم وتؤدي نفس الغرض بس الفرق إنك تشوي وأنت جالس مثل سالفة المناقل العادية ،، لأن رجولها هي السبب في كبر حجمها !!

أما الشوايات الكهربائية حتى الآن لم تنتشر بأنواع كثيرة واللي شفتها كلها تشتغل على الكهرباء العادي يعني إذا طلعت للبر لازم تجيب محول كهرب وتشبكه على البطارية ويعطيك 110/220 فولت وممكن تشغل أي شي !!

وبالتوفيق يالغالي .....

[رفيع الشأن]

بالنسبة للشوايات الأمريكية ممكن إذا شريتها تفك رجولها وتصير صغيرة بالحجم وتؤدي نفس الغرض بس الفرق إنك تشوي وأنت جالس مثل سالفة المناقل العادية ،، لأن رجولها هي السبب في كبر حجمها !!

أما الشوايات الكهربائية حتى الآن لم تنتشر بأنواع كثيرة واللي شفتها كلها تشتغل على الكهرباء العادي يعني إذا طلعت للبر لازم تجيب محول كهرب وتشبكه على البطارية ويعطيك 110/220 فولت وممكن تشغل أي شي !!

وبالتوفيق يالغالي .....
يخليك ربي ياعاشق السيل ومشكور وماقصرت

[البدائع ديرتي]

السلام عليكم اخوي رفيع الشأن
فيه شواية كهربائية حلوه مرررررررررررررررررررررررررره تصلخ لكل سئ
اذا تريدها راسلني على الخاص

[رفيع الشأن]

السلام عليكم اخوي رفيع الشأن
فيه شواية كهربائية حلوه مرررررررررررررررررررررررررره تصلخ لكل سئ
اذا تريدها راسلني على الخاص
اخوي"البدائع ديريتي" للاسف عدد المشاركات لايسمح
لكن حط اللي عندك هنا خل البقية يستفيدون
وشكرا على اهتمامك

[رعد الجنوب]

السلام عليكم ورحمة الله وبركاته

هلا بك اخوي رفيع الشأن , من تجارب متعددة سابقة وجدت ان افضل منقل للشوي ممتاز وقوي ولاياخذ مكان في السيارة وحتى في البيت وميزته انه يصفط ويوضع في جراب شراع انصحك به اذا كنت في الرياض تلقاه
عند محل المقناص مخرج 15 اتجه باتجاه الشرق شفه يفتح جنوب قريب من المديور الى فوق النفق .

تحيتي وسلامي

[رفيع الشأن]

السلام عليكم ورحمة الله وبركاته



هلا بك اخوي رفيع الشأن , من تجارب متعددة سابقة وجدت ان افضل منقل للشوي ممتاز وقوي ولاياخذ مكان في السيارة وحتى في البيت وميزته انه يصفط ويوضع في جراب شراع انصحك به اذا كنت في الرياض تلقاه
عند محل المقناص مخرج 15 اتجه باتجاه الشرق شفه يفتح جنوب قريب من المديور الى فوق النفق .



تحيتي وسلامي

بعدي والله يارعد الجنوب..بيض الله وجهك وماقصرت
وباذن الله اليوم العصر امر عليهم لان سبحان الله ردك جا في وقته....عندنا طلعة شوي اليوم انا ومجموعة من الشباب وانا اللي متزهل بكل شي
اذا لقينا المنقل اللي تقول عليه ولا مشينا حالنا باللي عندي

بارك الله فيك

[رفيع الشأن]

الله يجزاك خير اخوي رعد الجنوب نصيحتك كانت في محلها
لقيت المنقل اللي تقول عليه عند برق الحيا
منقل وذف وجميل إلى ابعد درجة والميزة القوية انها يتصفط تقول جريدة...وبمجرد ماينفتح يصير منقل متوسط الحجم على كيف كيفك وحجمه جدا خفيف وعندما يصفط ماتتخيل انه منقل بكامل تجهيزاته وارجله
وينحط في شنطة علاقية ...صراحة فكرته ابداع واحلى شي المغناطيس اللي في جوانبه عشان القطع اذا انفتحت على بعض تتماسك بشكل جميل

بيض الله وجهك يارعد الجنوب ...نصيحتك فعلا جات في وقتها وابشرك توني راجع من البر جربته وشوينا عليه ومن ابدع مايمكن

تحيتي لك ولكل من شارك بهالمضوع

[صمان1]

ممكن صورته
وشكرا

[اصيل نجد]

زي ماقال اخوي صمان 1 ودنا بصوره صراحه ناوين ناخذ واحد بس ودنا بصوره علشان نعرفه بارك الله فيك