مقارنه بين الددسن و الهايلوكس [الأرشيف]

مشاهدة النسخة كاملة : مقارنه بين الددسن و الهايلوكس

كروزيا وبس

24/05/2008, 06:28 PM

بسم الله الرحمن الرحيم
السلام عليكم ورحمة الله وبركاته
اليوم ابغا مقرنه:D
ما ابغا مضاربه :no2:
والى بيقارن لزم يزكر(السبب)
المقارنه هي بين الددسن

و

الهايلوكس

شاص1988

24/05/2008, 09:37 PM

يليت اسوزو تدخل معهم

مسامرالليل

24/05/2008, 10:19 PM

اسوزو
تفرق على الاثنين وهي الافضل

Abu Saad

24/05/2008, 10:23 PM

كالعادة وللاسف ...
كل واحد بيتعصب لسيارته ..
وبينتهي الموضوع طقاق .
وستبقى القناعة كماهي .
:)

كروزيا وبس

24/05/2008, 10:38 PM

يليت اسوزو تدخل معهم

السوزو ماله دخل في الموضوع

الموضوع بين الددسن والهايلكس

حق الفيتو

24/05/2008, 10:46 PM

الهايلكس

ما ينفكك واوسع وانصب وزين ويمسك سعرة شيك بالجيب

الموالي

25/05/2008, 03:14 PM

من موديل 2006 وفوق الددسن أزين ولا فرق

مشاغب شوي

25/05/2008, 03:26 PM

من وجهة نظري الددسن لاسباب عدة

- راحة
- اقتصادية في البنزين
- تصبر وتتحمل

كبسولة2

25/05/2008, 03:54 PM

والله شوف

الهايلوكس متماسك ما يتفكك يتحمل كرف

قوي جداً في الطلعات الجبال ضعيف في التغاريز الرمل

الراحة مافيه راحة مطبه ثقيل شوي وينطنط

الصرفية أخف من الددسن

الددسن يتحمل كرف بس يتفكك ديكوراته

ضعيف في الطلعات الجبال قوي في الرمل بسبب خفة وزنه

الراحة في الخط أفضل من الهايلوكس مطبه خفيف

صرفية أكثر من الهايلوكس في البنزين

وكل إنسان له قناعة خاصة فيه

بالنسبة للشكل الددسن أشخص من الهايلوكس صراحة

.أبوعبدالرحمن

25/05/2008, 08:44 PM

جعلك تسلم وقبل كل كلامي ابقول لك لا تنسى الاستخارة

اما من ناحيتي وبحكم اني مجرب الاثنين بقول لك خذ الهايلكس

الددسن مميزاته

خفيف نفس
مطب خفيف

عيوبه

ضيق من ورا بشكل غريب
عزمه يطيح مع الكرف
يتفكك
مايشيل حمل ثقيل زي الهايلكس
مكينته شبه ضعيفة

الهايلكس مميزاته

نشيط نشاط يطرب
وسيع من ورا
تغير مطبه من 2006 الى الافضل
يتحمل الكرف
مايطيح عزمه
نفسه طويل في الرقيات
يتحمل الحمل الثقيل

عيوبه

المطب شوي تقيّل
حركات عبداللطيف جميل البايخة

واتمنى اني افدتك

ABO AL-HESH

25/05/2008, 09:29 PM

السلام عليكم ورحمة الله وبركاته..
مافيه بالهايكلس الا انه انشط بشكل خفيف ..
اما السعر والرساوه والراحه والتماسك ورخص قطع الغيار ورخص تركيب القطع وجودة القير والمكينه والافضل في الطرد ..كله في صالح الددسن ...
يااااناس الي بيحكم على السياره هي شيك والا لا
لا يشوف قيمة السياره اليوم بس يعني الهايلكس 2003 قيمته من 38 الى 43 مستعمل والجديد كان بـ62 .
الددسن 2003 قيمته من 34 الى 36 مستعمل والجديد كان بــ49 .... من الي صار شيك ... وانا انصحك اخوي انك تستاجر قبل لان الراحه النفسيه له دوور ولا تاخذ شي الا عن قناعه

مواسي الطعوس

25/05/2008, 09:49 PM

الهايلكس

ما ينفكك واوسع وانصب وزين ويمسك سعرة شيك بالجيب
مايتفكك ابد الهايلوكس الجديد اذا كان واقف في المعرض والا مع السرعه ينفك كبس الصدام الامامي ا*** انصب وهم اول ماطلعت يقولون ماهي هايلوكس يغيرون الصدام الخلفي لكن مع الوقت كل شي يزين

** يمسك سعره راجع موضوع بعنوان (من الافضل عند اعادة لبيع نيسان فورد تويوتا جي ام )

عاشق السيل

25/05/2008, 09:57 PM

رقبة حاشي

26/05/2008, 03:24 PM

الدتسن طبعا /قوي جدا / يتحمل ..... لا يطلب صيانه ..... كد ومد

فارس العمور

26/05/2008, 09:14 PM

الهايلكس الجديد 2006 ووفوووووق

مافيه غير اسمه بس والبدي صفرررررررررررررررر والصدام الامامي كرتووووووووووووووون

يصلح للمراهقين عشان فزته بس

مواسي الطعوس

26/05/2008, 09:35 PM

الهايلكس الجديد 2006 ووفوووووق

مافيه غير اسمه بس والبدي صفرررررررررررررررر والصدام الامامي كرتووووووووووووووون

يصلح للمراهقين عشان فزته بس

هذا الكلام وبس / لا فيه واحد يقول يتحمل الكرف ذكريات قديمه براسه . يقول الداتسن خفيف ثم يقول ثقيل ماكينته ضعيفه وشلون تجمع بين هالكلام . الداتسن 160 حصان والهايلكس 158 حصان الفرق كان قير الداتسن خفيف الان من موديل 2005م اصبح ثقيل يصلح للطلعات
** هالسيارات مع الشباب كثير وممشاهم بالخط بحدود 150 و160 وعلى السرعه الثانيه اذا ماكان الفرق قريب من الصف لصالح الداتسن تراني ماعرف وجربوهن بوقت واحد وتشوفون
دمتم خير

سليمان 10

26/05/2008, 09:55 PM

يااخوان انا في وجهة نظري ان السيارتين ممتازتان الا ان النيسان عموما يفوق على التويوتا بالفرامل فقط وكل انسان له ذوق 000

كبسولة2

27/05/2008, 03:22 AM

الهايلوكس خطيييييييير جداً وسريع الأنقلاب

إذا كنت تمشي 120 أو 140 ودعست فرامل فجأة يحذف على طول

أعتقد مشكلة تصنيع في فرملة الهايلوكس من الشركة

فأنتبهوووووووووا لهذه النقطة

االديحاني

27/05/2008, 03:42 AM

انا ارغب الددسن

alse7es

27/05/2008, 02:09 PM

ولله أرشح الددسن
ماأدري أرتحلو

الوسيطاء

27/05/2008, 02:27 PM

اخواني مع الوالد ددسن دبل 2002 والله انها رمه والهايلكس كذالك بس الهايلكس مو في العزم السياره تبي شوي تعديلات عن الوكاله شوي وفيها مشكله في الكارونه وسببها اذا الواحد يبي يرد نمره بنفود وهو زاره يبيه مايطفى عزمه يعطيه نمره اقوى والكارونه قل عليها السلام تبين مع كثير من الشباب صوت خفيف والهايلكس حقت شركات لانها لاحمله عزمها مايطيح والدعوه عمال تصير عند الي في بلدهم مريحه بزود وهي تكسر الظهر

طرح السعودية

27/05/2008, 02:38 PM

الهايلوكس من 2006وفوق مافيه غير اسمه البودي تنك والصدام الأمامي يكفي لمشوارين على الاسفلت وبعدها يتطاير اكثر تربيط البودي كبس بلاستيك والكفرات قريبة من كفرات الكورلا او الهونداي كل واحد معه هايلوكس تحصله مغير جنوط وكفرات والصناعة تايلاندية لكن للأسف الكثير منا الدعايات مؤثرة فيه ومعمية عيونه أما الددسن فلا مقارنة قوة متانة بالبودي صدامات قوية كفرات مناسبة جدا للاسفلت والبر ومريحة والبريك أفضل من الهايلوكس بمراحل والصناعة يابانية خالصة