هل من المعقول فبه جيب تانكي واحد فقط

[dhmy250]

السلام عليكم ورحمة الله وبركاته
شريت في اكس ار 2002 فل كامل فتحه مراتب جلد دوفلك حساس بالصدام الخلفي ونش سحب في الأمام
واتضح لي انه خزان واحد بانزين مع العلم اني افلله تقريبا خمسين ريال بنزين اخضر ويمشيبي حوالي480 كيلو والسياره استخدام خليجي لكن التانكي محيرني
هل هو شد بلد والا تورطت فيه ارجوا من لديهم خبره مساعدتي
دمتم بود

[مسايف الطعس]

أخوي

التانكي موهب شد بلد لأنك تعبي فل ب50 ريال يعني حول 120 لتر أو أكثر

حق الوكالة حولي 95 لتر يعني حول 38 أو39 ريال فل

تحياتي

[بواسامه]

نعم الفكسار السعودي
يجي تانكي واحد فقط
ولا يضيق صدرك
يعني شد بلد

[dhmy250]

ابو اسامه شكرآ علي الإستجابه السريعه
هل هو موديل 2002 بس والا كل الموديلات بهذا الشكل؟
ريحتني كنت ناوي ابيعه افكر انه استخدام اوربي
شكرآ

[أبو فهد11]

انا اول مره أسمع ان الموديلات الجديده يجي تانكي واحد بصراحه

لكن ممكن ليش لا

والشيء الثاني اذا تبي تريح نفسكــ رح

للبازعي خله يفحص لكــ

[ابوعقل]

نعم تانكي واحد

صديقي شاري Vxr

2002

قبل ثلاث سنوات

تانكي واحد انواع الفشل

باعه وخذا VXR

2004

قلته لك ثاني مره

وانت ليش مستغرب

جت دفعه وانقطعت

[بواسامه]

نعم فقط 2002 الفكسار جاء تناكي واحد السعودي فقط

[بدون مقدمات]

الفكسار السعودي
يجي تانكي واحد فقط
شد بلد

[AMAZ]

بما انه ابتلي بهذه السياره الله يكون بعونه طيب خله يسئل هل يمكنه اظافة تانكي اخر زي الجيوب الثانية من الاند كروزر مثلا لو ياخذ من التشليح تانكي اظافي ويركبة .

[بارق تميم]

بما انه ابتلي بهذه السياره الله يكون بعونه طيب خله يسئل هل يمكنه اظافة تانكي اخر زي الجيوب الثانية من الاند كروزر مثلا لو ياخذ من التشليح تانكي اظافي ويركبة

الوكاله ترفض الشي هذا (مرت علي) وبعدين هذا تانكي بنزين من بيضبطه يجيك ابو يمن يحوس ام الدعوه

والله يكون بعونك وإذا تقدر تبيع السياره بدون خساره نصيحتي لك بعه بدون تردد

تقبل مروري

[AMAZ]

الوكاله ماعندهم سالفه هم اكثر ناس يلعبون بالسيارات وخاصه وكالة ابو جميل كل شي عندهم تبديل ياخذون الاصلي ويركبون صيني . بعدين انا يوم نويت اركب مثبت سرعة رحت لهم وقالوا لا هذا خطير مايصلح وهبلوبي .. والحمد لله كله من بركات الله ثم بركات الاخوان في هذا المنتدى نصحوني بان اذهب على ورشة الفايز وركبت مثبت سرعة عند فيلب الفلبيني ولله الحمد له معاي الان ثلاث سنوات وتمام ... وانا اشوف انه اظافت تانكي ليس الامر الصعب او الخطير وعلى حسب ضني انه مكانه عندك فاضي الان لان هيكل السياره يشبه هياكل الاند كروزر الاخرى ... روح لك محل وخله يرهملك خزان اظافي وانا اقول خذ خزان قود من التشليح والخاص بالاند كروزر .. وفي النهاية الوكاله ماعندهم سالفه لان الموظفين فيها من مهندسين وموظفين استقبال غير مؤهلين ... يمكن بعضهم مايعرف حتى يسوق السياره .

[التعـ King ـديل]

حسب علمي ان الاند كروزر يجي تانكيين بفتحه بنزين وحده اخوي تقدر تصور لنا الطبلون من جهه عداد التانكي

واحب اقولك طالما تعبي ب 50 ترا موترك تانكيين لان التاني الواحد 96 لتر ومايتجاوز ال 35 ريال والثاني

حوالي 35 لتر تقريبآ 15 ريال لذلك انت لو عبيت 91 بتلاقيها 35 + 15 = 50 ريال

[ذيب بلاده]

كل شي ممكن اذا كان تانكي واحد أعتقد تقدر تخليه تانكيين

[بوسدن]

لا يضيق صدرك يا الغلي ما يعيب السياره وتقدر تركب تانكي إضافي ولا تنسى كل الجيبات الأمريكية (تاهو-يوكن-فورد ) تجي تانكي واحد