بخصوص مشكلة سقوط مسامير الثلاجه في المكينه @@ للأصحاب الباثفندر الباثفندر

[Abo Fhad]

اخواني الكرام


السلام عليكم ورحمة الله وبركاته


اقلقني كثيراً ( واقلق اكثر من عضو في الموقع ) موضوع مسامير الثلاجه في مكينة الباثفندر من موديل 2003 الى موديل 2005 خصوصاً واني من محبي هذا الموتر .


ومن خلال متابعتي في الموقع لردود الأعضاء وبعد الأطلاع على موضوع الأخ بن محفوظ :


تابع الموضوع السابق مشكلة الباثفندر في المكينة (( بالصور )) .. بن محفوظ


http://www.mekshat.com/vb/showthread.php?t=121019


وبعد الأطلاع على موضوع الأخ مساير الليل :


مسامير الثلاجه للباثفندر ....هنا الحل


http://www.mekshat.com/vb/showthread.php?t=137895


وبعد الأطلاع على موضوع الأخ سحابه :


مكينة الباث


http://www.mekshat.com/vb/showthread.php?t=137845




وبعد الأطلاع على شكل الثلاجه من موضوع الأخ بن محفوظ :


http://www.mekshat.com/pix/upload02/images70/mk24631_mk31353_20080121421.jpg


http://www.mekshat.com/pix/upload02/images70/mk24631_mk31353_20080121422.jpg



لذلك قررت بما هو ات :cool:



اولاً على من يقوم بأصلاح المسامير تصويرها قبل وبعد الأصلاح .


ثانياً على كل عضو قام بأصلاح المسامير ( ونزل الصور في الموقع ) ذكر مكان وتكلفة الأصلاح والمده الزمنيه لذلك .


سيقوم الأخ ابوعبدالرحمن الصفيان مشكوراً بزيارة الورش المذكوره في المواضيع السابقه في منطقة الرياض .
كما سأقوم بالسفر الى مدينة القصيم ان شاء الله خصيصاً لهذا الموضوع مع العلم انني من سكان مدينة الدمام ( اذا تيسرة اموري خلال هذا الأسبوع ان شاء الله )



ثالثاً يثبت موضوعنا هذا حتى يتم الأنتهاء من حل هذه المشكله



كما نرجوا من الأخوه الأعضاء الجديه ومتابعة هذه المشكله لما قد تسببه من ضرر على المكينه والتى قد يصل بها الحد الى التوضيب كفانا الله واياكم وماتشوفون مكروه .


والله من ورى القصد


اخوكم ابوفهد :)

[أبو فهد11]

مشكور أخوي أبو فهد على هذا الموضوع

أنا أعرف ورشة في الصناعية القديمه وهو ورشة رشيد

لحم لي مسامير الثلاجه لكن التكلفة كانت تقريباً عاليه

بـــ 400 ريال و200 ريال وجيه جديده للثلاجه

والشيء الآخر اللي احب ابلغه للأخوان أنه كان

معي انفنتي شبيه الباث فندر ( سابقاً )

وطاحت علي مسامير الثلاجه وأنا واقف عند محطه

والحمد لله ناها جت على كذا لأنه يقول الميكانيكي

لو مشيت على السياره راح توظب السياره توظيب كامل

يعني خرط سرندل أما على هذه الحاله لا بس بنفكـ المكينه ونطلع

المسمـــار وهذه مكلفه لكن اهون من التوظيب وكلفتني

5000 ريال

وهذا الكلام كله للفائده

وارجوا أني ما ثقلت عليكم

أخوكم أبو فهد11

وأي خدمه حاضرين

[.أبوعبدالرحمن]

الله يعطيكم العافية والله يقدرني على اللي يرضي الله ثم اللي يرضيكم


وإن شاء الله بحاول ازور المهندس رشيد وغيره من الورش واوافيكم بالاخبار بإذن الله اول بأول والله يعين

[سحابه]

السلام عليكم ورحمة الله وبركاته
هناك ورشه دلني عليها اخوي بن محفوظ ربي يحفظه من كل شر (والقارئين)
تقع جنوب الرياض حي السويدي تقاطع شارع سدير مع بديع الزمان
ورشه العياف وهذا رقم المدير ( محمد) 0561571724
اسم الميكانيكي ماكس (فلبيني)

[alkongrs]

جزاكم الله خير والله لايحرمكم الاجر ناطرينكم:) قصدي احتريكم

متااااااااااااااااااااااااابع وبقوة

[الفذ]

أخوكم من ضحايا وكالة نيسان التي تعلم بالخلل المصنعي هذا ومع ذلك لم توضح لعملائها هذا الخلل

خوفا من الملاحقة القانونية

طبعا خبط الموتر معي وركبت له نص ماكينة ب 5000 ريال تقريبا

يخلف الله

[جيب الربع]

ياخى انا مارتن على المشكله وظبطها واحد مكانيكى والتكلفه 250 ريال وبدون لاحام ولوقت اخذ ساعتين

[الساهر2003]

اخوي ممكن تمرون ابو ابراهيم عضو في مكشات شرواكم وتكلم عن هذه المشكلة وسيارته باث 2004 ومظبطها في ورشته روحو لمه في الرياض ابرك لكم من الفلبيني يصلحها ب400 او ب 500 وهو بجنب بيتنا ومزحوم ولا صلح الا باث بن محفوظ على كلامه ولكن ابو ابراهيم بحسب كلامه اكثر من باث وافضل من رشيد لانه غالي جدا جدا ب 600 ليه مع العلم ان ابو سليمان في القصيم قايل لي ما يحتاج وجيه
مع اطيب تحية وتاخذ ساعتين تقريبا

[gsb]

والله الخطأ خطأ شركة نيسان خلل فني عظيم ومع ذلك لم يحركوا ساكن

والزكيل مطنش ماعمره سمع بالخلل هذا ابد ابد ولا عمرة جته ولا سيارة تشكو من الخلل هذا .... يكذب وربي!!!

[المميـز]

هل هذي المشكلة فقط بالباثفندر ؟؟؟؟

أم موجودة ايضاً بالباترول وباالتحديد الفــتـــــــك 4800 ؟؟؟

ارجوا من اصحاب الفتك الرد هل عانوا من هذي المشكله قبل كذا ؟؟؟

او فيه احد يعرف راعي فتك عانا منها قبل كذا ؟؟

الصراحه الموضوع يخووووف وننتظر الاجابه

[بـتّاع]

هل هذي المشكلة فقط بالباثفندر ؟؟؟؟

أم موجودة ايضاً بالباترول وباالتحديد الفــتـــــــك 4800 ؟؟؟

ارجوا من اصحاب الفتك الرد هل عانوا من هذي المشكله قبل كذا ؟؟؟

او فيه احد يعرف راعي فتك عانا منها قبل كذا ؟؟

الصراحه الموضوع يخووووف وننتظر الاجابه



شكرا لطرح الموضوع ..



اخوي المميز ..تصدق بالله اني عاقد العزم على فتك سوبر 2008 جديييد !!


لكن عقب ماطرح المشكله مشرفنا القدير سابقا ًميراج في هذا المنتدى المبارك ..


هووونت من الموتر وصرفت نظر نهائياً ...


ولا وش رايك مو تر بـ 180000 ريال واروح به وهو جديد يم الورش يفككون بثلاجته ويلحمون ويغرّون !!!

بس .

[أبوناصر]

مشكور اخوي على طرح مثل ها الموضو ع



اخوي الساهر 2003

دلني على ورشته الله لا يهينك

[المميـز]

شكرا لطرح الموضوع ..



اخوي المميز ..تصدق بالله اني عاقد العزم على فتك سوبر 2008 جديييد !!


لكن عقب ماطرح المشكله مشرفنا القدير سابقا ًميراج في هذا المنتدى المبارك ..


هووونت من الموتر وصرفت نظر نهائياً ...


ولا وش رايك مو تر بـ 180000 ريال واروح به وهو جديد يم الورش يفككون بثلاجته ويلحمون ويغرّون !!!

بس .


لكن فيه ناس اشتروا السوبر سفاري من عام 2002 والى الان ماشاء الله عليهم ماشافوا شي

لكن الباثفندر موديل 2005 وعلى ايامه سمعنا بالمشكله كثير من اصحاب الباثفندر

انا سألت عن الباترول والى الحين ولله الحمد محد رد

وانت ياخوي بـتّاع اجزم وخذ لك فتك ترا والله ماتمل من مركبه

وعليك طبعا بالاستخاره قبل الاستشاره

واللي الله كاتبه يبي يصير بالفتك والا بغيره

الله يكتبلك ويكتب لنا اللي فيه الخير .... آمين

[عبدالرحمن السالم]

انا والله سألت عنها بصراحه يقول مديل 2005 تحسن ولاتطيح مسامير الثلاجه هذا والله عرفته
لكن فيه ورشه بالشفاء اسمها نوفا بصناعيه حي بدر اسم المهندس محمد روحو وان شاء الله يفيدكم

[Abo Fhad]

ما اقول الا الله يستر ..........

فرفرت ورش الدمام وما حووووولك احد .... و ورشة صبيا ( خبير الجيوب ) يقول مامرت على المشكله ولايعرف يلحم المسامير ولو اجيبله الموتر مخبط قالي 5000 !!!!!

الله يعيينا على جشع الورش وعدم وجود الأمانه الا من رحمه الله .

[المحترف800]

أبوفهد .. ولا يهنون الباقين ...
وأنا بسأل بالورش بالرياض لاني بروح لورشه أعرفها شغلها تمام وأشوف وش سالفه أم هالمسامير
وش أسبابها وأردلك لأن موتري باثفيندر بعد ... الله يوفق ...

[الساهر2003]

مشكور اخوي على طرح مثل ها الموضو ع



اخوي الساهر 2003

دلني على ورشته الله لا يهينك

هلا بك اخوي
المهندس ابو ابراهيم 0554889337
مع اطيب تحية وراح امره الاسبوع الجاي ان شاء الله

[بدوي جنوبي]

تم تثبيت الموضوع لما له من اهمية

[Abo Fhad]

لاهنتوا ...........

[أبو بندر 2005]

هلا بك اخوي
المهندس ابو ابراهيم 0554889337
مع اطيب تحية وراح امره الاسبوع الجاي ان شاء الله
أخوي الساهر ابو ابراهيم ورشتة بالرياض؟؟؟

[مانع التميمي]

الله يستر ويعين اهل الباثفندر


وبارك الله فيكم

[Abo Nader]

السلام عليكم...

الله يعين الجميع...بالنسبه لسيارتي صلحتها عند رشيد في الفتره بين الفصلين الماضيه وأخذ علي 600 ريال...ولا كان ودي بالقصيم أرخص لكن الوقت ما كان معي بحكم إرتباطي بالأهل...وإلى الحين ماشفت مشاكل..

[جيب الربع]

الو طاح المسمار فى المكينه مايبغا توضيب بس فك الراس الى طاح به المسمار وطقم وجيه وبس

[saudiman]

يا اخوان ياريت تفتونا هل المشكله موجوده في الشكل الجديد من الباث

يعني موديل 2006 و 2007 و 2008 ياريت احد يفتينا من اللي

ذهبوا الى الورش

[Abo Fhad]

بعد البحث والتحري تبين ان المشكله تستلزم فتح هذه القطع كما في الصوره

يعني ما يحتاج فك نص المكينه !!!

http://o505859054.googlepages.com/pat04.JPG

[.أبوعبدالرحمن]

الله يعطيكم العافية


تم الاتصال على رشيد الباكستاني وذكر لي ان السيارة لازم تجلس يوم كامل وسألته عن التكلفة وقال لي تعال وما نختلف وان شاء الله اروح له اتفاوض معه في الوقت والسعر واعطيكم خبر



علما سبق وذهبت للصناعية القديمة ورحت لكذا ورشة قرابة ثمان ورش وذكروا لي ان المشكلة هذي أول مرة يسمعون بها

ايضا سألت الوكالة بالرياض طريق خريص الوكالة رقم 2 اللي تجي على اليسار وانت بإتجاه الشرق وذكروا لي
ايضا ان المشكلة هذي أول مرة يسمعون بها



وهذا غريب والله


وان شاء الله اخبركم بكل ماهو جديد

[المحترف800]

يعطيك العافيه أبو عبدالرحمن ..

[Abo Fhad]

الله يعطيكم العافية


تم الاتصال على رشيد الباكستاني وذكر لي ان السيارة لازم تجلس يوم كامل وسألته عن التكلفة وقال لي تعال وما نختلف وان شاء الله اروح له اتفاوض معه في الوقت والسعر واعطيكم خبر



علما سبق وذهبت للصناعية القديمة ورحت لكذا ورشة قرابة ثمان ورش وذكروا لي ان المشكلة هذي أول مرة يسمعون بها

ايضا سألت الوكالة بالرياض طريق خريص الوكالة رقم 2 اللي تجي على اليسار وانت بإتجاه الشرق وذكروا لي
ايضا ان المشكلة هذي أول مرة يسمعون بها



وهذا غريب والله


وان شاء الله اخبركم بكل ماهو جديد

لاهنت يابوعبدالرحمن ....... انا خلال ها الأسبوعين اذا ما بعت موتري ( ان شاء الله تتيسر اموري الماديه وما ابيعه )

بسافر للقصيم واجيب لكم تقرير كامل عن عملية التعديل .

بالتوفيق للجميع

[الساهر2003]

ابو فهد الله ييسر امورك وتسلم على هذا الموضوع وبصراحة حاول قدر الامكان انك ما تفرط فيه بصراحة الباث اللي يعرفله ماراح يلقى موتر اخف طينة منه ابد وخلال هذا الاسبوع ان شاء الله بامر ابو ابراهيم في الرياض ويظبط الموتر واوافيكم بالخبر
مع اطيب تحية للجميع

[Abo Fhad]

ابو فهد الله ييسر امورك وتسلم على هذا الموضوع وبصراحة حاول قدر الامكان انك ما تفرط فيه بصراحة الباث اللي يعرفله ماراح يلقى موتر اخف طينة منه ابد وخلال هذا الاسبوع ان شاء الله بامر ابو ابراهيم في الرياض ويظبط الموتر واوافيكم بالخبر
مع اطيب تحية للجميع

جزاك الله خير

والله ما ودي ابيعه لكن وانا خوك جات الصيفيه وفيه التزامات عسى الله ييسرها وان شاء الله بنك انماء يبيض الوجه .... وتتيسر الأمور بحول الله .


وانصحك تروح ل ابوسليمان ارتحت لكلامه واحس انه خبره يكفيك لما كلمته وقلت له اني من اهل الدمام وبدق مشوار فوق 700 كيلو قالي انا استغرق 3 ساعات تقريباً ...جاي من الدمام او من غيره وبنخليك تشوفنا واحنا نشتغل .... هاذي ريحتني كثيييييييير ... اما مسألة خل السياره عندنا هاذي ما حبها .........

بالتوفيق ولاهنت على المرور

[ss454]

فيه ورشه بصناعية الدائري متخصص بالنيسان والتايوتا ، سعودي ويشتغل بيديه .
سألته عن المشكله بالنسبة للباترول ويقول انه مرة علية بالفتك .

والي يبي يستفسر يمر الرجال بالورشة
ابو سليمان
0500117060

[خلفهم]

الله يستر والله الوضع يخوفـ .. !!


إلى الأن ما مرت تجربهـ .. إلا من الأخ أبو فهد 11وابو نادر بإنتظار أبو موسى ( الساهر ) عند العم أبو إبراهيم ..


بإنسبهـ لأبو فهد 11 ليش طلب منك وجهية ثلاجهـ .. ؟؟


*

[اخو سعود]

http://www.mekshat.com/pix/upload02/images59/mk41473_upload2world81dc7cp1.gif

[.أبوعبدالرحمن]

مريت اليوم صناعية الحراج بجنوب الرياض

ولقيت لي سوري ماشاء الله عليه كأنه فهم الشغله وخليته يشرحها لي كأني ماني فاهم وشرح لي المشكلة بالتفاصيل


وقال بتكلف عليك تقريبا 400 ريال وبتاخذ السيارة يوم كامل\

كذلك يقول اذا فيكيت الثلاجة من فوق دقيت عليك عشان اوريك المسامير بعد ما اغسلها بالنزين وبحط على المسامير سلقون

ويقول اما اللاحام ما اقدر احط لك لحام


طبعا فريت شوي في صناعية الحراج ومالقيت احد يعرف عن الشغله هذي شيء وكل من شرحت له يقول لي

مالي دخل وما اعرف شيء


كذلك مريت واحد يماني ووصف لي ورشة في الصناعية القديمة جمب ورشة شلنجر ويشتغل فيها واحد سوري

راعي بخاخات ويقول هو يمكن يعرف السوري هذا الشغله ولا ادري عنه لاني كنت مشغووووووووووووول


وبإذن الله سأوافيكم بكل جديد يحصل معي

[Abo Fhad]

لاهنت يابو عبدالرحمن ... انا عن نفسي ارتحت للأبو سليمان وانصحك تروح له اصرف اما شغلة السليكون في مكينه !!!! هاذي ما بلعتها من السوري

جزاك الله الف خير والله لا يوريك مكروه .

[الساهر2003]

حياالله اخواني
اسف على التاخير والغيبة
ولكن العلم الوكاد ان شاء الله انه بيفيد الجميع
1 - اول شيي لا تخافون الشغله بسيطة على الفني اللي فاهمها اما اذا الفني غير فاهمها فالله يعين السيارة وصاحب السيارة لانه راح يلعب في السيارة
باختصار غير مخل
2- مريت ابو ابراهيم رجال شقردي شرواكم في صناعية الدائري وظبط السيارة وعنده فني ممتاز يده خفيفة وابو ابراهيم في الورشة مع الهندي متابع جزاه الله الف خير ورخيص جدا جدا
واسف على التاخير لاني جالس اجرب السيارة مدة اسبوع والحمد لله الوضع سليم الى الان
- لاني الغيت شيي اسمه مسامير ولهات في الثلاجة وللمعلومية يوجد 12 حاقن هواء 6 فوق و6 تحت اللي تحت قليل من المكانيكيين يفكونه ولا يتوقعون انه موجود واما اللي فوق فهو سهل الفك والتركيب
ويوجد 3 طبقات لثلاجة .
وزينتها عنده من بعد صلاة العصر الى العشاء وتم الغائها بمشورة منه وعلى حسب رغبة الشباب ممكن يغريها لك بغراء الحديد الخلط وهذا ممتاز ولكن عندي بعد الالغاء الموتر انفك قيده ولم الحظ الفارق كبير سواء في الوقوف او المشيي
واذا يوجد فارق فهو في الوقوف
والحمد لله على كل حال ولما فك الثلاجة طلبت تغيير البواجي وغيرة السيور والحمد لله على التيسسير ويوم الجمعة طامرة عليه باحد الشعبان والحمد لله تمام التمام
والرجال فاهم الشغلة لانه معه باث ونفس العملية ملغيها والكل ماشي وهم وانزاح ولله الحمد
وجوال ابو ابراهيم في احد ردودي السابقة في هذا الموضوع
مع اطيب تحية للجميع

[gsb]

طيب سؤال ثلاجة الباث وارد امريكا زي ثلاجة الباث الي عندنا ولا تختلف.

[خلفهم]

إذا ممكن أبو موسى توضح كيف ألغيتها .. مهب القضيه تلحيم .. !!




واذا يوجد فارق فهو في الوقوف


يا ليت تذكر الفرق ..



ورخيص جدا جدا



.. كم طلب منك ..

وهل طلب منك غطاء زي ما قالوه الشباب .. إلي صلحوا عند رشيد ..

[Abo Nader]

السلام عليكم...مشاء الله عليك يالساهر جزمت تخليها بدون مسامير...الفكره مره امنه..بالنسبه لسيارتي زينتها عند رشيد ولا طلب مني وجه...لكنه غرا المسامير..والحمد لله ماتغير شي أبد..

الله يوفق الجميع...

[الساهر2003]

إذا ممكن أبو موسى توضح كيف ألغيتها .. مهب القضيه تلحيم .. !!



يا ليت تذكر الفرق ..



.. كم طلب منك ..

وهل طلب منك غطاء زي ما قالوه الشباب .. إلي صلحوا عند رشيد ..

حيا الله الشباب
الغيت المسامير والحديد اللي يفتح ويسكر مجرى الهواء وهو يشبه القروش الحديد
الفرق ان في حالت الوقوف وانت حساس جدا جدا راح تلاحظ تفه بسيطه وتلاحظ انه في شي يشتغل كل فترة وهو كهرب مثل اذا تولع النور العالي يعني يتحمل الموتر شوي وهذا طبيعي والباقي النشاط يزيد بشكل بسيط وهي موضوعة لطقس البارد تحت الصفر والتايوتا غير موجودة
والاصلاح من 150 الى 200 وابو ابراهيم يستاهل اكثر
ولم يطلب غطاء او وجيه لان الوجيه حديد
والف شكر للجميع

[الساهر2003]

السلام عليكم...مشاء الله عليك يالساهر جزمت تخليها بدون مسامير...الفكره مره امنه..بالنسبه لسيارتي زينتها عند رشيد ولا طلب مني وجه...لكنه غرا المسامير..والحمد لله ماتغير شي أبد..

الله يوفق الجميع...

حياك الله اخوي بصراحة لما قالي ابو ابراهيم اني ملغيها ولا صار شيي قلت الغيها مثله وانا راعي مطامر وبطناج وردمية فخفت اني اغريها وتطيح ثانية فقلت نفكها واذا لاحظنا شيي رجعناها والى الان ولله الحمد الوضع تمام
الف شكر لك

[أبوناصر]

أما فكتها بالمره فكره مهيب شينه بشرط


ما يكون لها عواقب بعدين


والميكانيكي الفاهم يشرح لنا وضيفتها عشان نعرف ها بدون بيتأثر الموتر ولا لا


ننتظر ردودكم

[Abo Fhad]

أما فكتها بالمره فكره مهيب شينه بشرط


ما يكون لها عواقب بعدين


والميكانيكي الفاهم يشرح لنا وضيفتها عشان نعرف ها بدون بيتأثر الموتر ولا لا


ننتظر ردودكم


كلام سليم .............

[بـتّاع]

ياشباب هل ينطبق هذا الوضع على الباترول ( الفتك ) ؟؟

[.أبوعبدالرحمن]

عدنا لكم مرة اخرى


اخواني قبل امس يوم السبت سألت احد زملائي بالعمل عن هذه المشكلة وقال لي اصبر يوم واعطيك الخبر

بحكم انه يعرف شباب ماشاء الله عليهم فاهمين في السيارات واليوم الاثنين قابلني وذكر لي انهم قالوا اصبر علينا

شوي نتأكد لك من ميكانيكي يعرفونه عشان يعطوني العلم الاكيد علما انهم ما نصحوني الحم المسامير لانها

فيها فرق في الصيف والشتاء ومع الوقت ينكسر اللحام وتروح المسامير فلذلك ذكروا لي اني اصبر شوي عشان

العلم الاكيد ان شاء الله وانتوا اصبروا معي شوي هههههههههههههههههه


وسأعود لكم ان شاء الله اذا صار اي شيء جديد

[Abo Fhad]

عدنا لكم مرة اخرى


اخواني قبل امس يوم السبت سألت احد زملائي بالعمل عن هذه المشكلة وقال لي اصبر يوم واعطيك الخبر

بحكم انه يعرف شباب ماشاء الله عليهم فاهمين في السيارات واليوم الاثنين قابلني وذكر لي انهم قالوا اصبر علينا

شوي نتأكد لك من ميكانيكي يعرفونه عشان يعطوني العلم الاكيد علما انهم ما نصحوني الحم المسامير لانها

فيها فرق في الصيف والشتاء ومع الوقت ينكسر اللحام وتروح المسامير فلذلك ذكروا لي اني اصبر شوي عشان

العلم الاكيد ان شاء الله وانتوا اصبروا معي شوي هههههههههههههههههه


وسأعود لكم ان شاء الله اذا صار اي شيء جديد

الله يرحم والديك ويجزاك خير .. والله اني احببتك في الله يابوعبدالرحمن ...

عز الله انك ريحتني بكلامك هذا .... وفي انتظار الأخبار الطيبه ... مع اني معزم على القصيم وناوي اروح لكن من داخلي ماني مقتنع ليش ماني عارف ..


الله يجزاك خير على المتابعه وفي انتظارك الأخبار الطيبه ..


اسأل الله ان يجعلها في موازين حسناتك ... وابشرك ان شاء الله الأجر مكتوب بأذن الله .. وهاذا الدليل ..





قال رسول الله صلى الله عليه وسلم




( أحب الناس الى الله أنفعهم ,وأحب الأعمال


الى الله عز وجل سرور تدخله على مسلم ,او تكشف عنه كربه , أو تقضي


عنه دينا ,او تطرد عنه جوعا ,ولأن امشي مع اخي المسلم في حاجه احب الي من ان أعتكف في المسجد شهرا ,ومن كف غضبه ستر الله عورته ,ومن كظم غيظا ولو شاء ان يمضيه امضاه ,ملأ الله قلبه رضى يوم القيامه ,ومن مشى مع اخيه المسلم في حاجته حتى يثبتها له ,أثبت الله تعالى قدمه يوم تزل الأقدام ,وان سوء الخلق ليفسد العمل كما يفسد الخل العسل )

[المحترف800]

مساكم الله بالخير ياجماعه وأعذرونا على التأخير والأنقطاع هالفتره ...
لكن مريت الوكاله اللي بطريق خريص فبل وكالة هوندا قبل كم يوم وسألتهم عن مسامير الثلاجه وقالوا لي أنها مع الزمن تطيح ... وقلتله طيب وش الحل أنها ماتطيح قالي خذ موعد للصيانه وندخل السيارة ونشد المسامير إذا كانت مرتخيه وبس ، وسالته بكم قال800ريال ... وفيه واحد من الوكاله يقولي إمش ولا تشيل هم وإذا طاحت تجيب السياره وفيه غراء من اليابان جاي يحط عليها بطريقه معينه وتضبط ...
وإعذرونا على القصور ياجماعه ...

[Abo Fhad]

مساكم الله بالخير ياجماعه وأعذرونا على التأخير والأنقطاع هالفتره ...
لكن مريت الوكاله اللي بطريق خريص فبل وكالة هوندا قبل كم يوم وسألتهم عن مسامير الثلاجه وقالوا لي أنها مع الزمن تطيح ... وقلتله طيب وش الحل أنها ماتطيح قالي خذ موعد للصيانه وندخل السيارة ونشد المسامير إذا كانت مرتخيه وبس ، وسالته بكم قال800ريال ... وفيه واحد من الوكاله يقولي إمش ولا تشيل هم وإذا طاحت تجيب السياره وفيه غراء من اليابان جاي يحط عليها بطريقه معينه وتضبط ...
وإعذرونا على القصور ياجماعه ...

اشكرك اخي الكريم على اهتمامك ومتابعتك لهذا الموضوع .... ولكن كيف يقولون لك امش ولاتشيل هم واذا طاحت يحطون غراء ... مع العلم ان طيحة المسامير تؤثر على المكينه وتكلف الكثير .... صراحه ابغا توضيح اكثر ....


اتصل بي احد الأخوه من القصيم جزاه الله خير ويقول انه قد صارة له هذه المشكله و وضب السياره ب 13000 ولا تلافي هذه المشكله راح لورشة في القصيم اسمها ورشة الجربوع وغيرو له المسامير بمسامير اطول و عكقو او ثنو ( الزبده عفطو الصاموله من الجه الأخرى :D )

http://www.mekshat.com/pix/upload02/images72/mk24631_path__4_.jpg


http://www.mekshat.com/pix/upload02/images72/mk24631_path__5_.jpg

[أبوناصر]

طيب وشيلتها بالمره (( إلغائها )) مهوب أحسن من تركها طاحت ما طاحت ؟

[Abo Fhad]

طيب وشيلتها بالمره (( إلغائها )) مهوب أحسن من تركها طاحت ما طاحت ؟


ما اعتقد انها احسن ............ والله اعلم

في انتظار اراء الشباب

[الساهر2003]

اخواني الله يجزاكم خير
الان انا شايلها لي حول اسبوعين او اكثر والاربعاء اللي فات سافرت عليه وجيت وطامرت في بطاحي والحمد لله تمام التمام
يوجد فرق بسيط اذا وقف الموتر والظغط اكثر من النص تلاحظ تفة بسيطة جدا جدا لا تحرك الانبير
فقط هذا الفرق فقط والعزم لايوجد فرق يذكر وهو لصالح عدم الوجود
مع اطيب تحية للجميع
اشيد بشغل ابو ابراهيم ياشباب ياشباب ووالله العظيم اني ما اعرف الرجل الا عن طريق المنتدى لما كتب رد في احد المواضيع السابقة

[خلفهم]

بس يا أبو موسى ما ادري أحس شيلتها .. فيها مخاطره خصوصاً إنك تقول مع الوقف تفتف ..

[.أبوعبدالرحمن]

الله يرحم والديك ويجزاك خير .. والله اني احببتك في الله يابوعبدالرحمن ...

عز الله انك ريحتني بكلامك هذا .... وفي انتظار الأخبار الطيبه ... مع اني معزم على القصيم وناوي اروح لكن من داخلي ماني مقتنع ليش ماني عارف ..


الله يجزاك خير على المتابعه وفي انتظارك الأخبار الطيبه ..


اسأل الله ان يجعلها في موازين حسناتك ... وابشرك ان شاء الله الأجر مكتوب بأذن الله .. وهاذا الدليل ..





قال رسول الله صلى الله عليه وسلم



( أحب الناس الى الله أنفعهم ,وأحب الأعمال

الى الله عز وجل سرور تدخله على مسلم ,او تكشف عنه كربه , أو تقضي



عنه دينا ,او تطرد عنه جوعا ,ولأن امشي مع اخي المسلم في حاجه احب الي من ان أعتكف في المسجد شهرا ,ومن كف غضبه ستر الله عورته ,ومن كظم غيظا ولو شاء ان يمضيه امضاه ,ملأ الله قلبه رضى يوم القيامه ,ومن مشى مع اخيه المسلم في حاجته حتى يثبتها له ,أثبت الله تعالى قدمه يوم تزل الأقدام ,وان سوء الخلق ليفسد العمل كما يفسد الخل العسل )





جزاك الله خير واحبك الله الذي احببتني فيه


والله يغفر لك وللجميع


وهذا واجبي جعلك تسلم وشرف لي اني اخدم شرواكم

[الساهر2003]

بس يا أبو موسى ما ادري أحس شيلتها .. فيها مخاطره خصوصاً إنك تقول مع الوقف تفتف ..

التفتفة اخوي لا تذكر خفيفة جدا جدا جدا
كل اللي ركبو معي لم يلحظونها

[ابو فهد 1]

مرحبا شباب

انا زينته عند ابو خالد ببريده ورشه الخضير بطريق خضيرا

والحمد لله اني لحقت عليه يوم فك الثلاجه لقى مسمار واحد طايح ويقول انه طالع من الشكمان

وفيه اربعه يرقلن

وزبطلي المسامير كلهن حط عليهن غراء

والحمد لله مالاحظت على الموتر ابد لاتقطيع ولا شي

ويجلس الموتر وهو يصلحه نصف ساعه

وشغله تمام التمام

وسعرة برضوة مناسب جدااااا بـــــــــــــــــــ 150 ريال الصراحه انه رخيص



واذا تحتاجون شي انا تحت الخدمة


والسلام عليكم

[خلفهم]

ما شاء الله أبو فهد .. الحمد لله لحقت على موترك ..

.. كم ماشي الموتر ..؟

وهل طلب منك غطاء جديد ...؟

وسعره مقارنه بثانين رخيص جداً .. لكن وشلون شغله مظبوط .. ؟


*

[aljthab]

الموضوع في غاية الاهمية يا اخوان
مشاركتي للفائدة وهي
اني انا وابن عمي السيارة تابعة لة ... اخذناها لورشة الجربوع في صناعية السليم في بريدة
وقفناها الصباح بعد ان قمنا بالاتصال بة واخذناها قبل اذان الظهر التكلفة 250 ريال
لم يخبرنا بما قام بة,,..>>>يقول سر المهنة
في الورشة اشار لسيارتين باث فاندر كلها مخبطات بسبب هذة المشكلة
انصح اخواني وكل من يمتلك مثل هذة السيارة بضرورة تدارك حل هذة المشكلة قبل ان تقع

وسلامتكم

[abuud]

ياخوان هذي المشكلة ماتطلع الى اذا مشيت على الموتر بالمطانيج لك 50 كيلو الى 100 راح تطلع المشكلة اذا كنت شاد على الموتر يعني جايب العيد فية

[ابو فهد 1]

مرحبا خلفهم

سلمك الله الموتر ماشي 170000 الف

ولا طلب من اي شي بس قال اقعد بلكرسي وصب لي شاهي وكله نص ساعه وهو خالص الموتر

وشغله مضبوط ولا تدري انه زين شي من زين شغله مب حوسه زيوت وحرابيط

والصراحه مالاحظت على الموتر اي شي لا تقطيع

والسلام عليكم

[الحر الاول]

السلام عليكم

يااخوان معي باثفندر لكن وشلون اعرف ان المشكله حصلت عندي ؟؟


فيه صوت يطلع ولاوش ؟؟؟

شاكر ومقدر

[القميري هواي]

انا نفس ةكلام اخوي الحر

ياليت لو تدق علي يا ابو عبدالرحمن الصفيان معي اخو موترك بس اللهم فرق اللون

ووش لون ادري انه يبي مسامير 0556477450

[سفاري 99]

الاخ الكريم ابو فهد1 من خلال خبرتي في الميكانيكا فمن المستحيل ان يخرج اي جسم معدني اذا سقط في السرندل من خلال الشكمان وعند سقوط اي شي لو كبر راس المسمار فانه لابد ان يخرج صوت للموتر ولابد من حالاتان فقط لاثالث لهما اما ان ينكسر البلف او ان ينخرق البستم والذي يخرج سلمك الله هو الغازات المحترقه فقط وقد سالت عدة ميكانيكيين عن ماذكرت انه الميكانيكي وجد احدها ساقط وخرج مع الشكمان فاكدو انه يستحيل ذلك وعن الوقت المقدر لفك الثلاجة فقط دون اصلاح فيها اي شي فانه يتطلب اكثر من 30دقيقة والتركيب نفس الوقت او اكثر فمابالك بالاصلاح والغراء الذي يتطلب وقت للنشوف حتى وان كان سريع الالتصاق وايجاد مسمار بديل فان الامر لابد له من ساعة ونصف الى ساعتين على الاقل هذا اذا المكنيكي متفرغ لك اخي ابو فهد بالنسبه لي اكاد اجزم ان سيارتك لم تفك وانا لك من الناصحين فتاكد منها من خلال ورشه ثانية بالاظافة الى ان سعر 150 قليل جدا لفك الثلاجة حيث يتطلب الامر فك اجزاء قبل فكها ياخي الفحمات وهي لاتطلب جهد كبير وفنيات لاتجد احد يعملها دون 50 او 60 ريال وانا لاادعو للغلا ولكن يجب ان نعرف ان الشي المعقول معقول مع تحياتي

[الساهر2003]

الاخ الكريم ابو فهد1 من خلال خبرتي في الميكانيكا فمن المستحيل ان يخرج اي جسم معدني اذا سقط في السرندل من خلال الشكمان وعند سقوط اي شي لو كبر راس المسمار فانه لابد ان يخرج صوت للموتر ولابد من حالاتان فقط لاثالث لهما اما ان ينكسر البلف او ان ينخرق البستم والذي يخرج سلمك الله هو الغازات المحترقه فقط وقد سالت عدة ميكانيكيين عن ماذكرت انه الميكانيكي وجد احدها ساقط وخرج مع الشكمان فاكدو انه يستحيل ذلك وعن الوقت المقدر لفك الثلاجة فقط دون اصلاح فيها اي شي فانه يتطلب اكثر من 30دقيقة والتركيب نفس الوقت او اكثر فمابالك بالاصلاح والغراء الذي يتطلب وقت للنشوف حتى وان كان سريع الالتصاق وايجاد مسمار بديل فان الامر لابد له من ساعة ونصف الى ساعتين على الاقل هذا اذا المكنيكي متفرغ لك اخي ابو فهد بالنسبه لي اكاد اجزم ان سيارتك لم تفك وانا لك من الناصحين فتاكد منها من خلال ورشه ثانية بالاظافة الى ان سعر 150 قليل جدا لفك الثلاجة حيث يتطلب الامر فك اجزاء قبل فكها ياخي الفحمات وهي لاتطلب جهد كبير وفنيات لاتجد احد يعملها دون 50 او 60 ريال وانا لاادعو للغلا ولكن يجب ان نعرف ان الشي المعقول معقول مع تحياتي

الله يجزاك الف خير اخوي ماقصرت
كلامك برد خاطري الشباب الله يهديهم يضيقون الصدر اقول تيس يقولون احلبه ياجماعة اقرو الردود كلها وتعرفون
التفتفة لا تذكر الا عند الشخص الحساس جدا جدا جدا اي موسوس
فك الثلاجة باجزئها الثلاثة يحتاج الى ساعة ونص والتركيب ساعتين وعليك الحساب ويوجد 12 لهات و24 مسمار 12 منها صغير جدا واسفل الثلاجة وهذا الجزء اكاد اجزم ان من الميكانيكيين قليل من يفكه ويكتفي بفك الجزء العلوي والجزء العلوي يحتاج ل نص ساعة فقط لفكه
والف شكر للجميع

[خلفهم]

|


حيرتونا .. !!




*

[Abo Fhad]

ياخوان هذي المشكلة ماتطلع الى اذا مشيت على الموتر بالمطانيج لك 50 كيلو الى 100 راح تطلع المشكلة اذا كنت شاد على الموتر يعني جايب العيد فية


اتفقك معاك وبقوة ... جزاك الله خير

[المحترف800]

اشكرك اخي الكريم على اهتمامك ومتابعتك لهذا الموضوع .... ولكن كيف يقولون لك امش ولاتشيل هم واذا طاحت يحطون غراء ... مع العلم ان طيحة المسامير تؤثر على المكينه وتكلف الكثير .... صراحه ابغا توضيح اكثر ....


اتصل بي احد الأخوه من القصيم جزاه الله خير ويقول انه قد صارة له هذه المشكله و وضب السياره ب 13000 ولا تلافي هذه المشكله راح لورشة في القصيم اسمها ورشة الجربوع وغيرو له المسامير بمسامير اطول و عكقو او ثنو ( الزبده عفطو الصاموله من الجه الأخرى :D )






هلابك أبوفهد أعذرنا على التأخيرلان عندي مشكله بـ(دي أس أل) وتوها تزين الحمدلله ،أبرجع له وأتأكد وأرد لك خبر بإذن الله لان المسامير والله شاغلتن بالي لكن ربك بيسر ...
تقبل تحياتي / أبوخالــد

[Abo Fhad]

هلابك أبوفهد أعذرنا على التأخيرلان عندي مشكله بـ(دي أس أل) وتوها تزين الحمدلله ،أبرجع له وأتأكد وأرد لك خبر بإذن الله لان المسامير والله شاغلتن بالي لكن ربك بيسر ...
تقبل تحياتي / أبوخالــد

جزاك الله خير والله يكتب اجرك

[عايش البر]

السلام عليكم ورحمة الله وبركاته . .



اولا اشكر صاحب الموضوع على التنبيه والتوضيح لهذه المشكله .


لكن عندي سؤال يا اخوان عن الصوت هذا نفسه .!


انا يطلع لي صوت خفيف بالموتر ... والصوت مايطلع الا اذا كان الموتر مرتاح .. يعني مثلا عشّقت من نمره 2 الى 3 وانا مهدي تقريبا امشي 25 الى 30
فهنا يطلع صوت خفيف وسريع مثل القرقعه .. والصوت الاحظه بوسط الكبوت .


هل الصوت هذا هو صوت مسامير الثلاجه اللي تكلمون عنها .. ولا صوت شي ثاني ؟؟


ارجو الإفاده بارك الله فيكم ...

[Abo Fhad]

اخواني نحن في انتظار تقرير خاص في موضوع مستقل للأخ ابوعبدالرحمن الصفيان .... جزاه الله عنا وعن المسلمين خير الجزاء .

[سيف الظفير]

الله يجعلكم في جناااااات النعيم يارب العالمين

س/ هل ه

[سيف الظفير]

الله يجعلكم في جناااااات النعيم يارب العالمين

س/ هل هذة المشكلة موجود في الباترول 2006 وما فوووووووق


عطونا العلم فيه اعضااااااء وانا منهم ناوين العزم على باترول الجديد 2008


وقيمته حول 180.000


مانبيها روووح عبث يا الربع

[جده غير]

الله يخارجنا من وكيل نيسان

[.أبوعبدالرحمن]

الله يعطيكم العافية


نعم المشكلة هذي والله اعلم موجودة في الفتك الى الان


كما ان الفتك يعاني ايضا من مشكلة كتاوت الطرمبة للنزين



فأقترح للذين ناوين ان يشترون الباترول انصحهم بأن بنتظرون الى الشكل الجديد


الذي سنزل بإذن الله بعد شهرين تقريبا

[عايش البر]

السلام عليكم ...

ما حد رد علي يالربع ... هل الصوت اللي تكلمت عنه سابقا هو مسامير الثلاجه ولا ؟؟؟

[م.أبوإبراهيم]

الأخي عايش البر: الصوت الي تقول هذا الصرقعة تطلع بكثير إذا كنت معبي بنزين اخضر وإذا عبيت احمر تروح إلا إذا ثقلت على الموتر مره فهذا عادي وأنا معي باث فايندر اعبي اخضر كان بالشتاء ما تطلع الصرقعة يوم جاء الحر بدت تزود يوم عبيت احمر وراحت وبالنسبة لصوت المسامير إذا طاحت بالمكينة ولا أي شيء يطيح بالمكينة يطلع صوت قوي مرة فجأة كأنه انكسر شيءبالمكينة

[عايش البر]

الحمد لله .. دامه مهوب صوت مسامير الثلاجه فالمشكله سهله ان شاء الله .


جزاك الله خير يا أبوإبراهيم .. :)

[سحابه]

يا أخوان بيض الله وجيهكم
قال رسول الله صلى الله عليه وسلم ( لايؤمن اخدكم حتى يحب لاخيه مايحب لنفسه )

[Abo Fhad]

يا أخوان بيض الله وجيهكم
قال رسول الله صلى الله عليه وسلم ( لايؤمن اخدكم حتى يحب لاخيه مايحب لنفسه )

جزاك الله خير ... وهذا واجبنا وماشاء الله الشباب هنا كلن يقول الزود عندي .. الله يبيض وجيهم ويجزاهم الجنة .

[الضرغام11]

يا اخوان هل المشكلة تصير بالقير التماتيك والعادي ولا بس التماتيك..

لأني دقيت على أحد الورش بالقصيم علشان آخذ موعد وسأل سيارتك عادي ولا تماتيك ؟ قلتله عادي ..

قال العادي ما فيه مشكلة المشكلة بالتماتيك بس..

هل هذا الكلام صحيح ؟

وأشكرك أخي على الموضوع الرائع والمفيد.

[الساهر2003]

موجودة في الجميع ولا يحتاج تروح للقصيم موجودين في الرياض وارخص يمكن

[سفاري 99]

الاخ الكريم ابو فهد1 من خلال خبرتي في الميكانيكا فمن المستحيل ان يخرج اي جسم معدني اذا سقط في السرندل من خلال الشكمان وعند سقوط اي شي لو كبر راس المسمار فانه لابد ان يخرج صوت للموتر ولابد من حالاتان فقط لاثالث لهما اما ان ينكسر البلف او ان ينخرق البستم والذي يخرج سلمك الله هو الغازات المحترقه فقط وقد سالت عدة ميكانيكيين عن ماذكرت انه الميكانيكي وجد احدها ساقط وخرج مع الشكمان فاكدو انه يستحيل ذلك وعن الوقت المقدر لفك الثلاجة فقط دون اصلاح فيها اي شي فانه يتطلب اكثر من 30دقيقة والتركيب نفس الوقت او اكثر فمابالك بالاصلاح والغراء الذي يتطلب وقت للنشوف حتى وان كان سريع الالتصاق وايجاد مسمار بديل فان الامر لابد له من ساعة ونصف الى ساعتين على الاقل هذا اذا المكنيكي متفرغ لك اخي ابو فهد بالنسبه لي اكاد اجزم ان سيارتك لم تفك وانا لك من الناصحين فتاكد منها من خلال ورشه ثانية بالاظافة الى ان سعر 150 قليل جدا لفك الثلاجة حيث يتطلب الامر فك اجزاء قبل فكها ياخي الفحمات وهي لاتطلب جهد كبير وفنيات لاتجد احد يعملها دون 50 او 60 ريال وانا لاادعو للغلا ولكن يجب ان نعرف ان الشي المعقول معقول مع تحياتي
وينك يبو فهد

[tareq400]

يعطيكم العافية شباب
الموضوع مهم جدا بما اني من يملك باث2005

نفس المشكلة اللى تتكلمون عنها . . .

صلحتها بالوكاله عند الحمراني

سألت الشخص عن المشكله قال لى صحيح فية عيب بس الوكاله مهب قايله للناس

المهم دخلت السياره عنهم و صلحوها الحمد لله كانت على وشك
( مرتخيه المسامير )

طبعا سعرها في الوكاله تصليح فقط ( شغل يد ) 800 ريال

القطع ( الوجيهه) 210

فيه نقطه مهم ان اللى بسونها عند الورش مهب تصليح كامل

لان الباث فية 3 ثلاجات

المعروف عن الورش الثلاجة الاولى بس و هذا خطا
لانه اسهل شئ لهم الثلاجة الاولى اما الثانية و الثالثة تحت يبغا لها شغل
انتم عارفين انه كل بستم له 4 مسامير يعني مجموعهم 24 مسمار

كل ثلاجة فيها بستمين يعني 8 مسامير

لازم تلحم جميع المسامير مهب الثلاجة الاولى بس

بصراحة انا دخلتها الوكاله اريح لى صح غالى بس شغل مضمون .
لانه شئ مهم مهب اي واحد يصلحة .
السيارة جلست يومين كاملاة في الوكاله .
الحمد لله الان امشى و انا مرتاح جدا جدا .

[Abo Fhad]

يعطيكم العافية شباب



الموضوع مهم جدا بما اني من يملك باث2005


نفس المشكلة اللى تتكلمون عنها . . .


صلحتها بالوكاله عند الحمراني


سألت الشخص عن المشكله قال لى صحيح فية عيب بس الوكاله مهب قايله للناس


المهم دخلت السياره عنهم و صلحوها الحمد لله كانت على وشك
( مرتخيه المسامير )


طبعا سعرها في الوكاله تصليح فقط ( شغل يد ) 800 ريال


القطع ( الوجيهه) 210


فيه نقطه مهم ان اللى بسونها عند الورش مهب تصليح كامل


لان الباث فية 3 ثلاجات


المعروف عن الورش الثلاجة الاولى بس و هذا خطا
لانه اسهل شئ لهم الثلاجة الاولى اما الثانية و الثالثة تحت يبغا لها شغل
انتم عارفين انه كل بستم له 4 مسامير يعني مجموعهم 24 مسمار


كل ثلاجة فيها بستمين يعني 8 مسامير


لازم تلحم جميع المسامير مهب الثلاجة الاولى بس


بصراحة انا دخلتها الوكاله اريح لى صح غالى بس شغل مضمون .
لانه شئ مهم مهب اي واحد يصلحة .
السيارة جلست يومين كاملاة في الوكاله .
الحمد لله الان امشى و انا مرتاح جدا جدا .




اخي الكريم جزاك الله الف خير

ودنا تعطينا رقم الي صلحلك وفي اي مدينة وفي اي فرع بالضبط حتى نتأكد جزاك الله خير .. لاتزعل مني لكن وانا خوك تحري الدقة في مثل هذه الأمور مطلوب .... وانا صراحة ابغا الفايدة لنا جميعاً ولا نبغا نصرف الا في وجه حق ....


للمتابعة يا اخوان واعتقد انا بنوصل الى حل نهائي ومن ثم نغلق هذا الملف الساخن ;)

[.أبوعبدالرحمن]

بسم الله الرحمن الرحيم


الحمدلله تم اصلاح سيارتي الباثفندر في ورشة بصناعية الدائري


وبإذن الله سنزل تقرير كامل والكامل وجه الله بالصور خلال ثلاثة ايام

[المحترف800]

يعطيك العافيه ياأبوعبدالرحمن وماقصرت ...
ونحن بالإنتظار ...

[Abo Fhad]

بسم الله الرحمن الرحيم




الحمدلله تم اصلاح سيارتي الباثفندر في ورشة بصناعية الدائري




وبإذن الله سنزل تقرير كامل والكامل وجه الله بالصور خلال ثلاثة ايام



بالتوفيق والله يعطيك من خيرها ويكفيك من شرها


وفي انتظارك لاهنت

[tareq400]

اخوي الغالي " Abo Fhad (http://www.mekshat.com/vb/member.php?u=24631) "

المكان : وكالة نيسان فرع خريص الجديد اللى جنب هوندا و الجميح

[.أبوعبدالرحمن]

اخواني في الله



اعتذر عن التأخير لاني لاحظت بعض التغيرات على السيارة


وإن شاء الله ابذكر لكم التغيرات بعد تطابق التغيرات مع من


صلح السيارة بنفس الطريقة وهي الغاء الحدايد اللي تسكر على الهواء


في الثلاجة مثل اخوي الساهر واتمنى من اخوي الساهر ارسال رقم جواله على الخاص

[Abo Fhad]

اخواني في الله





اعتذر عن التأخير لاني لاحظت بعض التغيرات على السيارة



وإن شاء الله ابذكر لكم التغيرات بعد تطابق التغيرات مع من



صلح السيارة بنفس الطريقة وهي الغاء الحدايد اللي تسكر على الهواء




في الثلاجة مثل اخوي الساهر واتمنى من اخوي الساهر ارسال رقم جواله على الخاص


الله يسهل امرك ولا يوريك مكروه ..

[Abo Fhad]

اتصلت على واحد في وكالة نيسان فرع الدمام ويقول السيارة تكلف 700 ريال ويبغالها شغل 6 ساعات !!

[المحترف800]

رجعت للوكاله وقالوا لي اذا طاحت المسامير يطلع صوت وانت بتوقف السياره على طول لانه يقول الصوت واضح مره واذا جبتها يركبون لها مسامير ثانيه ، لان حتى المسامير صغيره على كلامه.. بس المهندس يقولي انها نادره .. على العموم يقول تصليحها 800ريال بس ماسالته كم تقعد السياره ..

[أبو بندر 2005]

الله يعافيكم ياشباب و اشكركم على اهتمامكم وحرصكم على مساعدة مالكي ابو بندر.
السؤال: انا عندي باث 2005 ووضبت المكينة توضيب كاامل عند الوكالة وهي ماشية 60 الف (المشكلة كانت نقص الزيت)و الحين ماشية 94 الف ,, وش رايكم هل يحتاج تلحيم المسامير او تتوقعون حلو المشكلة ؟
و الله يعطيكم العافية.

[salehhd]

اتصلت على واحد في وكالة نيسان فرع الدمام ويقول السيارة تكلف 700 ريال ويبغالها شغل 6 ساعات !!


السلام عليكم

ياليت تقولي اسم الشحص الي قالك عن معرفتهم بالمشكلة في وكالة الجبر لاني كلمت مدير الصيانة عندهم الاستاذ / مجاهد وقالي مامرت علينا هذي المشكلة فاذا كانو عارفين عنها فهذي مشكلة وراح اوصلها لمدير عام الشركة

[Abo Fhad]

السلام عليكم

ياليت تقولي اسم الشحص الي قالك عن معرفتهم بالمشكلة في وكالة الجبر لاني كلمت مدير الصيانة عندهم الاستاذ / مجاهد وقالي مامرت علينا هذي المشكلة فاذا كانو عارفين عنها فهذي مشكلة وراح اوصلها لمدير عام الشركة

اسمه هيثم

وهاذا جواله 0553831400

ممكن تكلمني لاهنت ضرووووووووووووري 0505859054

[salehhd]

السلام عليكم

اخواني الاعزاء امل زيارة هذا الموضوع للاهمية القصوى

تحياتي لكم


تقرير مقابلة مدير الصيانة بالجبر بخصوص مشكلة مسامير ثلاجة الباث (http://www.mekshat.com/vb/showthread.php?t=143300)

[.كبريت.]

اخوي هل هاذي المشكله تحدث مع 2007

[.أبوعبدالرحمن]

اخوي كبريت المشكلة هذي


تحصل في الباثفندر من 2003 الى 2005


كذلك في الفتك 2002 الى اخر مديل والله اعلم




والله يعطيكم العافية وحاليا في إعداد التقرير

[لاندكروزر-83]

والله لي كم يوم وانا انتظر التقرير
:D :D:D :D
والله انتظرك على احر من الجمر ابي اشوف النتيجة
:hot:

[.أبوعبدالرحمن]

أبشر الحين انزله لكن الصور شوي كثيرة

[.أبوعبدالرحمن]

تم الانتهاء من الموضوع

http://www.mekshat.com/vb/showthread.php?t=143479

وهذا هو الرابط واتمنى الدعاء لي بالتوفيق فإني مقبل على زواج

[المحترف800]

مشكور ياأبوعبدالرحمن والله ييسر أمورك ويوفقك ..

[بدوي جنوبي]

يررررررررررفع

[Abo Fhad]

uppppppppppppp

[م.عمر]

ياجماعة انا لحمته بـ 200ريال عند تشاليح الخضيري ببريدة واخذ ساعتين ..
وماشاءالله شغل مضبووط له سنتين ونص الحين مزبوووط ..

[الميسور]

في الكويت نلحم المسامير وطريقة ناجحة لخلل الوكالة نيسان لأن جاري حصلة لة نفس المشكل وخسر نصف مكينة .