المساعد الشخصي الرقمي

مشاهدة النسخة كاملة : وش أفضل مساعدات للفتك


mushari-saud
27/05/2008, 10:03 AM
الأخوة الأعزاء ،، حفظهم الله >>> متعود على الخطابات ههههههههههههه

السلام عليكم ورحمة الله وبركاته

أنا عندي سوبر سفاري فتك 2002 وودي أركب له مساعدات وياي وش تنصحون به ؟؟ أبغى شيء يمسك الموتر صح وفي نفس الوقت يصير مطبه لين

وهل تنصحون بذراع الدركسون إلي عند الرماية؟

تكفون لا تبخلون علينا....

أخوكم مشاري
قفشر
27/05/2008, 11:27 AM
وعليكم السلام
وانا اخوك اتوقع افضل مساعدات هي حقات الوكاله رح للوكاله نفسه وتلقاهن بعد الخصم ب750 ومع مساعد الركسون ب950 بصراحة اتوقع انها افضل مساعدات والباقي ياقاسي بالحيل وهذا بيفكك الموتر ولا بسرعه يتفقع ومايتحمل الثقل
mushari-saud
28/05/2008, 09:12 AM
مشكور يغالي قفشر

بس مساعدات الوكالة ماتتفقع بسرعة
عاشق السيل
28/05/2008, 11:10 AM
وعليكم السلام ورحمة الله وبركاته ،،

مساعدات الوكالة عملية جدا وتتحمل أقوى المطبات ،، لكن الإستراليات أريح للموتر والراكب وهي الأنسب لراعي الصيد لأنه يسرع بالبر وقت الهدد ،، ومن ناحية اليايات الوكالة أفضل لأن الاستراليات ماتتميز إلا برفع الموتر فقط والباترول ارتفاعة شد البلد مناسب جدا للبر إلا إذا بغيته أرفع من كذا !!

ومن ناحية مساعد الدركسون يمدحون اللي عند الرماية بس بصراحة ماجربته أما حق الوكالة حده سنتين لراعي البر أما راعي المدينة ممكن يعيش أكثر ،،

وفق الله الجميع ....