متطلبات شراء قارب من احدى دول الخليج

[دابوي]

مساء الخير على الجميع اذا ممكن تعطوني معلومات عن متطلبات وزارة المواصلات والجمارك وكل الإجراءات الرسمية لشراء قارب من احدى دول الخليج

[سداح الاول]

هلا
اخوي دابوي

انا شريت طراد مستخدم من البحرين
اول شي رحت دورت الطراد
بعدين دفعت افلوسه
بعدين رحت مع صاحب الطراد سلاح الحدود مال البحرين عشان يسوي اخلاء طرف من البحرين

طبعا لا ترمي ولا ورقه كل الاوراق تحتاجه خاصه ورقة التصدير

المهم لا تخاف ولا ترتبك في الجمارك<<< الي يشوفه بهرب مخدرات

المهم بيني وبينك بس لا تعلم لحد الجمارك السعوديه مالت السعوديه تاخذ 5&#37; من قيمة الطراد كجمركه
طبعا التسعيره تاخذها من الجمارك البحرينيه طبعا انا قيمة طرادي 25 الف خليته بس ب 5 الاف
كذبه بيضه والله يسامحني

المهم خذو جمركه 250 ريال

المهم الطراد يجلس في الجمرك السعودي لين تروح سلاح الحدود الي في الخبر عشان يصرحو لطراد بالدخول

يعني يبيله يوم ثاني اذا وصلت متاخر

وطبعا الباقي كل ما تروح مكان تسئل عن المكان الثاني
بس لا تنسى ورقه اخلاء طرف
وورقة التصريح من دخول الطراد الى البلد الى انت فيها

وطبعا الطراد الجديد اسهل

اخوك سداح الاول

[دابوي]

الله يعطيك الف عافية يا سداح الأول وما قصرت

[ابو رامز]

السلام عليكم
ما شاء الله معلومات قيمة
فيه سؤال :
هل نقل القارب من البحرين إلى جدة مثلاً يؤثر عليه أو على المكائن. فيه ناس تقول توضع حماية على السطحة مثل الفلين أو ما شابة. نرجوا الإفادة
وشكراً.

[alsafwany]

شكرا اخي سداح الاول على المعلومات المفيدة

الصراحة ان في واحد من الشباب راح جاب طراد من البحرين وقال للجمرك ان الطراد سعره 20الف كما مكتوب في الورق المبايعة لكن الي حصل انهم ماصدقوه وجابوا مثمن وعطاه 25 الف والرجال لاحول ولاقوة دفع المطلوب

انا ايضا جبت طراد 31 الف

على فكرة الطراد التفصيل من المصنع :الدرازي الظاعن والنورس ....والخ مافي جمرك عليهم اذا انت فصلته بنفسك واثباتات المصنع معاك

واسف على الاطالة

[دابوي]

مشكورين ما قصرتو الله يرحم والديكم

[دريمز]

وانا ايضا عندي استفسار مصرف في ليبيا طالب عروض على قوارب متطورة وباجهزة تقنية حديثة ياترى بكم سعر القارب جديد طول عشرة متر وعرض 3 متر كامل بالعدة وكل شي
ارجو افادتي ومن يرغب في الدخول بتفاصيل اكثر يراسلني برسالة خاصة