إلـى خبراء الباثفندر بهذلتني الحرارة أرجووووكم عطوني حل لها !!!

[بدنية2002]

السلام عليكم ورحمة الله وبركاته

إخواني أعضاء منتدى مكشات الكرام ...

أرجوكم مساعدتي في مشكلة الحرارة في الباثفندر

حيث تصل الى ما قبل حرف الـ H مع العلم إن السيارة موديل 2005 وماشي تقريب 90 ألف

واليوم مشيت عليه مسافة طويلة والحرارة مرتفعة وولعت لمبة بالطبلون وصورتها موجودة

ما الحل المناسب وما هي المشكلة حتى لا أقع في فخ فلسفات الميكانيكي

الصورة

http://up3.m5zn.com/thumbnailer/5-2008/kg5pbu8xsni.jpg (http://up3.m5zn.com/showimage-5-2008-kg5pbu8xsni.jpg)

[أبوناصر]

لازم تصيخ الرديتر


وأنا شبه متأكد منها



وبعدها شيك على

تماتيك المروحه وطرمبة الماء والبلف

[عقاب طويق]

شيك على اتماتيك المروحه 0 سبق ان صارت مع سيارت اخوى نفس الموديل والممشى

[بدنية2002]

مشكورين إخواني على الحلول للمشكله وإنشاء الله بكره نشيك ونسيخ
لكن تكفون اللمبه اللي بالصوره وش حلها

[AZOO9Z]

هلا أخوي بدنية 2002

إذا أنت سيخت الرديتر و راحت المشكلة بإذن الله و لا زالت لمبة المكينة مولعة خلها كلها كم يوم و تروح

يمكن تقعد معك أسبوع و فيها . و الله لا يضر موترك و إن شاء الله ما تشتكي منه .

[م.أبوإبراهيم]

إذا كان الموتر كل ما مسكت خط احتمى بالعادة وانت بوسط الديرة عادي بالعادة هذي مشكلة الرديتر يبيله تسييخ بس اعرف ناس سيخوا ولا نزلت الحرارة زي اول يعني خفت كثير بس مهب المطلوب لأنه رديتر الألمنيوم إذا جته حرارة عالية يخرب وبدال ما تخسر مرتين طقلك رديتر جديد مرة وحده وريح مخك وانا صارت معي نفس المشكلة وغيرت الرديتر وارتحت والرديتر الجديد شريته 950 والله يكون في عونك

[.أبوعبدالرحمن]

فيه اشياء كقيرة تسبب ارتفاع الحرارة



منها وهو اول شيء لأنه ارخصهم غير غطا الرديتر

بعدين شيك على تماتيك المروحة

بعدين صيخ الرديتر

[بدنية2002]

Azoo9z
الله يجزاك خير ونبي نسمع كلامك الله يبارك فيك وننتظر اللمبة لو اسبوعين

م.أبوإبراهيم
جزاك الله خير وفعلا اللي صاير معي نفس كلامك بالضبط , وهذي هي المشكلة

يعني وأنت على باب الميكانيكي بالديرة السيارة ما عندك أحلى منها بس ما يمديك تطلع إلا والحرارة ملعلعة

حول الإتش

ابوعبدالرحمن الصفيّان

الله يجزاك خير وأبشرك الخطوات اللي أنت كاتبها بالترتيب علشان نبدأ بالأرخص

أنا عكست ترتيبك وبديت بالتسييخ ,, لأن غطاء الأديتر ما فيه أي مشكلة بس نظفته من الترسبات وطلع زي الحلاوة

.........

عموما أنا سيخت الان والحرارة رجعت للطبيعي ( الربع ) ويوم الجمعة بإذن الله راجع للرياض وبجرب الموتر

وأعطيكم النتائج ..

أشكركم كل باسمه وجزاكم الله عني كل خير والله لا يحرمكم الأجر ...

[بدنية2002]

السلام عليكم

بحمدالله وصلت الرياض بالسلامة والحرارة تمام التمام بعد تسييخ الأديتر

لكــــــــــــــــــــــــــــــــــــــــــــــــ ـــــــــن

اللمبة ياجماعة ما طفت وش الحل معها غير الانتظار - وأنا منتظر - غصب

[كن مع الله]

واحد من الزملاء يشتكي من نفس المشكله


وزين تسيخ للرديتر وراحت الحراره وبعد 3شهور تقريبا

رجعت الحراره والمسكين من القهر ناوي يبيع موتره

وش الحل تكفون

[كن مع الله]

للرفع رفع الله قدركم

[خشيمان]

انا سمعت والله العالم ( بس من واحد لك عليه )

يقول ركب رديتر ومروحة 2001 ويضبط

والله اعلم

[بدنية2002]

أبشركم اللمبة طفت اليوم الظهر من حالها

وفعلا خبراء المنتدى عداهم العيب ما قصروا

وريحونا من الروحة والجية

بيض الله وجيهكم جميعا وجزاكم الله كل خير

[إعصار]

الحمد لله ..

وماتشوف شر ياخوي وكل مسلم .. :)

[سحابه]

اخوي كن مع الله عندي لخويك حل والعلم عند الله
بدلا من بيع السيارة والبهذله الي بياكلها وهو يدور سيارة او السعر العالي في السيارات الجديدة
خله يغير الرديتر انا صارت لي نفس المشكلة مع ددسن وسيخت الرديتر وخفت شوي ولما غيرته راحت المشكله والعلم عند الله