تمرين السيارة الجديدة

[أبو هشام راشد]

السلام عليكم ورحمة الله وبركاته
يسر الله لي والحمد لله شراء ماونتنيير ميركوري وأحببت الاستفسار عن طريقة التمرين وكم كيلو وسمعت بأنه يستحسن عدم تشغيل المكيف
صورة مثل السيارة لمن لا يعرفها
http://seattleautoshow.com/2006/mercury_mountaineer_b.jpg

لأني لم استلمها حتى الآن

شاكراً لكم مروركم

[حق الفيتو]

الله يطعمك خيرها ويكفيك شرها

[سليمان911]

وعليكم السلام ورحمة الله وبكراته
الله يعطيك من خيرها ويصد عنك شرها
اخوي ابو هشام مدة التمرين 1000 كيلو متر
واهم شي في التمرين لا تمشي فوق 110
ولا تضغط على الفرامل بقوه
هذا اللي عندي والاخوان ماراح يقصرون
وموفقين ان شاء الله

[أبو يزن الخديدي]

(الله يعطيها خيرك ويكفيها شرك) أمزح معاك لكن منجد الله يعطيك خيرها ويكفيك شرها000000000اذا تبغى الطريقة السليمة الأكيدة

[أبو يزن الخديدي]

اتبع ارشادات دليل السيارة بكل مافيه
وصدقني بتكتشف اشياء لم تكن تتوقعها في سيارتك

[أبو حطب 2008]

الله يعطيك من خيرها ويصد عنك شرها
وثل ماقلو الشباب
اما المكيف فاظن تحطه على الخفيف( 1)

[كرملا]

عني أنا في ثلاث سيارات مطلعها من الوكاله أول ما أطلع من باب الوكالة المكيف شغال وبعد 1000 متر أي بعد ما أمشي على السيارة كيلومتر واحد ادعس على الموتر واصك الطبلون وهذه وجهة نظري ولي أسبابي منها أبي اطلع العيوب اللي بالسيارة ( عيوب مصنعية ) عشان أحجهم وأغير السيارة كاملة مو يصلحونها واقعد معلعل طول فترة الضمان وبعد انتها ء الضمان اقعد بها .
ومنها أي سيارة ما تطلع من المصنع إلا ممرنة خل عنك كلام الوكالات مايبونك تشد على الموتر عشان لو فيه عيوب مصنعية ما تطلع إلا بعد فتره ويقولون لك بعدها سوء استخدام
وممكن كلامي خطأ لكن هذي اسلوبي بالجديد دائم ولازال

[عاشق السيل]

وعليكم السلام ورحمة الله وبركاته ،،

1 ـ شغل المكيف قبل تطلع من الوكالة واستمتع بالبرودة وماعليك من أحد !!
2 ـ السرعة خذ راحتك حتى لو مشيت 180 بس ضغط المكينة لايرتفع فوق الأربعة !!
3 ـ الدبل ( إذا كنت تبيه يعيش معك ) لازم تشغله أقل شي مرة بالأسبوع وتمشي عليه لو عشرة أمتار الخفيف والثقيل حتى لو ماطلعت للبر !!
4 ـ رح للوكالة بعد الألف كيلو للتشييك الأول والأخير وبعدها اسحب عليهم السيفون وغير الزيت عند مشحمة تعرفها أضمن وأحسن وأرخص لك من الوكالة ،، لأنهم احتمال يقولون غيرنا الزيت وهم أخذوا فلوس على لاشيء !!!
5 ـ اتبع النصايح السابقة وما جاك على مسؤوليتي !!
6 ـ أسأل الله الكريم أن يطعمك من خيرها ويكفيك شرها وعساها عشرين سنة بدون مشاكل ،،،
7 ـ تقبل مروري يالغالي .....

[سيف الظفير]

ـ الدبل ( إذا كنت تبيه يعيش معك ) لازم تشغله أقل شي مرة بالأسبوع وتمشي عليه لو عشرة أمتار الخفيف والثقيل حتى لو ماطلعت للبر !!




معلومة جديد’!!!


والله يا فيه ناس الدبل يجلس 6 شهور واكثر ما شغله


ويطلع للنفود ولا يشغله حتى

[AMAZ]

اهم شي لا تدعس للسياره عند القومة حاول ان السرعة تكون بحدود 110. شغل المكيف وستمتع بالبرودة . جربها مع صحراء فيها تغريز بسيط وحاول انك تشغل الدبل لكن خله بعد ماتمشي 500 كم لكن اهم شي شغل الدبل والموتر متوقف ولا تكون لف الدركسون . ((الدركسون بالمنتصف)) . ونسئل الله العلي القدير انه يعطيك من خيرها ويكفيك شرها . والف مبروك مقدماً

[مطارد]

الله يعطيك خيرها ويكفيك شرها .

[بدوي جنوبي]

وعليكم السلام ورحمة الله وبركاته ،،

1 ـ شغل المكيف قبل تطلع من الوكالة واستمتع بالبرودة وماعليك من أحد !!
2 ـ السرعة خذ راحتك حتى لو مشيت 180 بس ضغط المكينة لايرتفع فوق الأربعة !!
3 ـ الدبل ( إذا كنت تبيه يعيش معك ) لازم تشغله أقل شي مرة بالأسبوع وتمشي عليه لو عشرة أمتار الخفيف والثقيل حتى لو ماطلعت للبر !!
4 ـ رح للوكالة بعد الألف كيلو للتشييك الأول والأخير وبعدها اسحب عليهم السيفون وغير الزيت عند مشحمة تعرفها أضمن وأحسن وأرخص لك من الوكالة ،، لأنهم احتمال يقولون غيرنا الزيت وهم أخذوا فلوس على لاشيء !!!
5 ـ اتبع النصايح السابقة وما جاك على مسؤوليتي !!
6 ـ أسأل الله الكريم أن يطعمك من خيرها ويكفيك شرها وعساها عشرين سنة بدون مشاكل ،،،
7 ـ تقبل مروري يالغالي .....



نعم علي مسؤلية عاشق السيل :D
اسمع كلامه ولا يهمك احد

http://www.w6w.net/album/35/w6w_w6w_20050428100833550b80be796.gif

والله يعطيك خيرها ويكفيك شرها

[راعي شقراء]

الله يعطيك خيرها ويكفيك شرها

[kk999]

نعم علي مسؤلية عاشق السيل :D
اسمع كلامه ولا يهمك احد

http://www.w6w.net/album/35/w6w_w6w_20050428100833550b80be796.gif

والله يعطيك خيرها ويكفيك شرها
نفس الكلام الوكاله مايبونك تضغط على السياره علشان لوفيها شي مايضهر معك ولالعلمك في المصنع يجربونها قبل مايرسلونها السعوديه بسرعه عاليه
اما المكيف هذا كلام فاضي الناس ماعندهم سالفه صدقني الواحد يجلس في الحر لين يتفقع وجهه وقال ايش قال علشان لااخرب السياره عندك سيارات الايجار ماتمرنت وشفها زي الحلاوه
شغل المكيف يارجال وريح بالك والله يعطيك خيرها ويكفيك شرها

[shaheenshah]

السلام عليكم

الله يعطيك خيرها ويكفيك شرها ولا تنسى الدعاء الخاص (اللهم اني اسألك خيرها وخير ما صنعت من أجله وأعوذ بك من شرها وشر ما صنعت من أجله)

الغرض من التمرين هو علشان تبيت القطع صح من شنابر وسبايك و....الخ
والمصنع ما يركب المكينة في السيارة الا بعد ما تشغل برا السيارة لاكثر من 24 ساعة متواصلة للتأكد من خلوها من العيوب وكذلك لعملية تبييت القطع
يعني بالعربي (سم بالله شغل وادعس ولا عليك الا العافية ان شاء الله)

وانا ضد كلمة تشييك بعد 1000 كيلو او 5000 كيلو لان تشييكك انت بنفسك على السيارة احسن بألف مرة على تشييكهم

[مـدحـدر]

الله يعطيك خيرها ويكفيك شرها


ويكفيك شر خلقه

ضبط لها بايكه ( موقف مضلل ) تراة يستاهل

وشمسنا الله لا يوريك تميع الحديد

[مقلع الرمث]

مبرووك الف الف مبروووك ويعطيك من خيره وشره اما المكيف فشغله اما السرعه فلا تحرص لين يمشي 1000 واكثر احسلك

[saudiman]

الله يبارك لك فيها والله السياره حليوه مرررررررره الله يطعمك من خيرها ويكفيك من شرها واشوف انك تحافظ عليها والله يا اخوي السيارات ماعاد تقدر تشتري لين تكح العافيه الله يوفقك ويكفي انها من ميركوري

[روثان]

السلام عليكم..

مبروك أخوي الله يعطيك خيرها ويكفيك شرها

والأخوان ماقصرو بارك الله فيهم وفيك

[أبو هشام راشد]

أشكركم على مروركم يا الغالين وودي أفرد لك منكم برد اشكره على مروره ودعواته لكن لعل بعض الأحباب لا يودون ذلك


فلعل الرد المجمل يفي بالمقصود


الله يجزاكم خير على مروركم وإفادتكم والله يتقبل دعواتكم


الحقيقة أعجبتني الردود التي تؤدي الشد على السيارة لأن تعاملي مع اللي قبلها هكذا لكن لعل القلب ما يصفط يشد على العروسة وأمس أقول للوالدة ما هقيت إني أشتريها بهالمبلغ الله يسر سداد الدين ويرزقنا فيها الإعانة على الطاعة

[راعي الفورت]

عني أنا في ثلاث سيارات مطلعها من الوكاله أول ما أطلع من باب الوكالة المكيف شغال وبعد 1000 متر أي بعد ما أمشي على السيارة كيلومتر واحد ادعس على الموتر واصك الطبلون وهذه وجهة نظري ولي أسبابي منها أبي اطلع العيوب اللي بالسيارة ( عيوب مصنعية ) عشان أحجهم وأغير السيارة كاملة مو يصلحونها واقعد معلعل طول فترة الضمان وبعد انتها ء الضمان اقعد بها .
ومنها أي سيارة ما تطلع من المصنع إلا ممرنة خل عنك كلام الوكالات مايبونك تشد على الموتر عشان لو فيه عيوب مصنعية ما تطلع إلا بعد فتره ويقولون لك بعدها سوء استخدام
وممكن كلامي خطأ لكن هذي اسلوبي بالجديد دائم ولازال



ممكن أقاسمك الرأي ليش لا

[ذيب صعافيق]

--------------------------------------------------------------------------------اتبع ارشادات دليل السيارة بكل مافيه وصدقني بتكتشف اشياء لم تكن تتوقعها في سيارتك هذا الكلام اللي يجب ان تتبع ففي هذا الدليل عشرات الفوائد000ليست لتمرين فقط لكن لكل شىء بالسياره

[سحابه]

الله يطعمك من خيرها ويكفيك شرها