يالربع من يوصف لي ورشة الدغيري اللي بالسلي - حق ترهيم المراوح - وجزاك الله خير

[Black VTC]

السلام عليكم ورحمة الله وبركاته مساء سعيد للكل :D
اللي يعرف مكان الورشة لا يبخل علينا واللي عنده رقم صاحب الورشة يرسله لي على الخاص لان وضع الارقام ممنوع في المنتدى

وجزاكم الله خير ...

[alkongrs]

نقل الرجااااااااااااااااااااااال على حدلمي راح لصناعيه واذا رحت كود تاخذ موعد اد الموعد (كلااااااااااام واحد من الشباب):) والرقم ما اعرفه والله
والشباب ما يقصرون

[غضنفر]

انا عنده قبل شهر وكان في محله القديم
مخرج 16
وجهك شرق بعد 5 إشارة
ديور بتجيك محطة على اليمين محله فيها

[خالدعبدالعزيز]

اخوي غضنفر ما قصر

[يحيي بن حمد]

نفس كلام غضنفر بالتوفيق

[عاشق السيل]

هلا بخوي الغالي بلاك فتك ،،

إلى الحين خطك بالأزرق ؟؟؟!!!!! هههههههههههههههههه

عموما بالنسبة للتوصيف ماقصر أخوي الغالي غضنفر واعتقد اسم المحطة ( السعوي ) ،،

وأهم شي إذا ركبت المراوح تكفى عطني العلم تراي جازم 99.5% إني أركب لأني تعبت من ثقل الموتر بالصيف وخاصة إنه 4500 وأبي واحد يقولي اجزم وركب !!

تراي بانتظارك وتقبل مروي يالغالي ....

[Black VTC]

ولد العمدة جزاك الله خير و بارك الرحمن فيك ..

ـــــــــــــــــــــ

غضنفر بيض الله وجهك واضح الوصف 100% ما قصرت يالذيب جزاك الله خير ودعواتي لك بالتوفيق والله لا يوريك مكروه ..

ــــــــــــــــــــ

خالد عبدالعزيز ايه والله صدقت ان اخوي غضنفر ما قصر وانت كذلك جزاك الله خير على المشاركة ..

ـــــــــ
يحيى بن حمد بارك الرحمن فيك و جزاك الله خير على المشاركة ...

ــــــــــــــــ

عاشق السيل اكيد خطي وقلبي ازرق صافي ناصع ما فيه كدرة الصفار :):) يا حبي للازرق و يسعد قلبي في لابسين الزراق :):)

ابشر يالذيب انا هاليومين طالع موتري كأنه في اكس ار تكرم :) صوته مرتفع وحنته طالعه و اتوقع ان كلتش المروحة خربان و بهالمناسبة ودي امر على ابوعبدالله و اخذ رأيه ان كان ينصح اني اغير المروحة بمروحه ثاني ازين منه بدال ما اروح للحمراني واشري كلتش مروحه اغيره مرت(ن) وحده باللي يشير علي خصوصاً ان اكثر الشباب مدحوا شغله وقالوا انه نصوح ... الله يبارك له في مهنته ...

و ابزرق له الاسبوع الجاي وابعطيك العلم وعندي شغلات كثيره هالاسبوع الله يسهل علي اموري وامور كل مسلم ...

[خشيمان]

السلام عليكم

خذ العلم الوكاد

المراوح ان شاء الله منتب نادم اذا ركبتها
أهم شيئ الحنه تروح
والموتر يخف شوي

أنا مركب مروحتين سوبارو الصغيرات لان الرديتر حق السلقه صغير
والحرارة على الربع دائما

وابو عبدالله (الدغيري) ينصح بــ مروحة الشروكي بس سعرها غالي
وان بغيت اسأله عن المكسيما يمدحونه بعض الناس

وهذا رقمه
055222006
أسامة الدغيري

إن شاء الله اني أفدتك يالذيب

[Black VTC]

خشيمان بيض الله وجهك و الرقم تم اضافته للجوال بارك الرحمن فيك و ما قصرت يالذيب ...

[عاشق السيل]

أخوي خشيمان ولايهون بلاك فتك ،،،

ماتلاحظون إن رقم الجوال نـاقــص !!!!

تكفى يالغالي عجل علينا بالباقي ودي أحجز موعد بس بعدك يابلاك :D !!

[Black VTC]

أخوي خشيمان ولايهون بلاك فتك ،،،



ماتلاحظون إن رقم الجوال نـاقــص !!!!



تكفى يالغالي عجل علينا بالباقي ودي أحجز موعد بس بعدك يابلاك :D !!



عاشق السيل انت هالحين كذا :good: تدري ليش لانك تكتب باللون الازرق :D

شف وانا اخوك انا ما اتصلت على الدغيري لانك تعرف حنا في نهاية الاسبوع وما ودي اشغل الرجال وما شاء الله تبارك الرحمن عليك اكتشفت ان الرقم ناقص شكلك دقيت عليه :p

عموماً هي وحده من ثنتين يا ثلاث خمسات يا بين الخمستين تحط صفر لاني اعتقد ان اخوي خشيمان كثر الله خيره مخزن الرقم قبل لا يلعبون علينا الاتصالات بالخمسة والصفر :cool:

تحياتي لك اخوي عاشق السيل وانا وانت واحد اللي يسبق يلبق وتراي وسيع صدر ابحاول اروحله في بحر الاسبوع الداخل ان الله كتب بس ابتصل عليه باتسر ان شاء الرحمن ...

[بواسامه]

ابواسامه اللي اعرفه
عبدالرحمن الدغيري

[خشم العان]

السلام عليكم
وش الفائده من المراوح
وثقل الباترول4500والحنه
يروحن مع المراوح وجزاكم الله خيروشكرً0

[غضنفر]

الدغيري
*******05

نتشرف بخدمتكم <<< بيتوظف بالاتصالات:D



تم تحرير المشاركة بواسطة المشرف

[العودالازرقhk]

الله لايهينكم انا عندي شروكي بهذلني وادي اركب مراوح وريحتوني الله يوفق الجميع لما يحب ويرضى

[أبو أسامة]

السلام عليكم ورحمة الله

الدغيري قد أني تعاملت معه وأشهد بالله أن شغله نظيف جداً وأمين .......... لكن المشكله عنده أنه كل فتره رافعاً سعره خابره أول يعني قبل سنه ونصف كان يجيب المراوح سوبارو من عنده ويولف لها قاعده حديد وضفيره وتركيب على الددسن ب450 ريال ........... بعدين أرتفعت أسعاره يوم جيت أركب عنده وصارت على 550 ....... والآن سامع أن صار مايركبها دون 670 ريال ......... يعني صار أغلى من كثير من الكهربائيين ببعيد

[Black VTC]

بو اسامه شكراً على المرور :)

خشم العان اشكر لك مرورك :)

غضنفر الف شكر على على التعديل وبارك الرحمن فيك بس تبي الصراحة لك مستقبل في زين وترا الاتصالات بدت تفقد الكثير من العملاء :) عن نفسي احب موبايلي اسأل اخوي عاشق السيل اكيد راح يقولك ليش اما الشركات اللي معي فعندي شريحتين وحدة موبايلي و الثانية الجوال عشان نضمن اننا غطينها 100% :)

اكرر شكري لك ..


ــــــــــ

العود الازرق بامكان التواصل مع الهندسة الدغيري مشكورعلى المرور ..وتراي معجب باسمك تبي تدري ليش ايضاً اسأل اخوي العزيز عاشق السيل :) ...

ـــــــــــــــ


أبو اسامة كلش وانا اخوك ارتفع سعره من طق طق الى سلام عليكم ... حتى العامل العادي الحمالي يعيي يشتغل الا بمبلغ وقدرة ... الله يكفينا شر الغلا ...

اهم شي الخمسة بالمية ؟؟!!!!....

[عاشق السيل]

( تبي تشوف زين ظلل الخط ))


غريبة أخوي بلاك فتك ،، محد سألني عن حبك لموبايلي أو العود الأزرق !!


والمفروض تسمي نفسك بلو فتك !!!!!!!!


بالنسبة لي أحب الاتصالات السعودية ومافيه أمل أغير عنها
علشان كذا خليت الخط أصصصصصــفــــــرررررررر هع هع هع هع هع هع <<<<<< مسوي شرير !!

[Black VTC]

( تبي تشوف زين ظلل الخط ))



غريبة أخوي بلاك فتك ،، محد سألني عن حبك لموبايلي أو العود الأزرق !!


والمفروض تسمي نفسك بلو فتك !!!!!!!!


بالنسبة لي أحب الاتصالات السعودية ومافيه أمل أغير عنها

علشان كذا خليت الخط أصصصصصــفــــــرررررررر هع هع هع هع هع هع <<<<<< مسوي شرير !!






اخوي عاشق السيل يوم سويت لردك اقتباس و حطيت ردي بالازرق ثم طالعت واثر اللونين اصفر و ازرق مجتمعات و ما يجتمع اللونين في شي الا شانه :) عشان كذا غيرت لون ردك بالاقتباس و لو لي صلاحية كان غيرت لون خطك بردك الاساسي لانه اللون اللي انت حاطه يحوم التسبد :j عاد اختيارك على عيني وراسي ...

وانت صادق ما احد سألك و يمكن لشهرة موبايلي والعود الازرق كلهم فاهمين :D

تراي زرقت للرجال و يقول ان الفتك يرهم لوه مراوح شيروكي و كود اشتري له المروحة بحدود 850 ريال من محل حضارم في دوار الخرج .. وشغل ايده بحدود 350 ريال تقريباً...

وكود اجيه قبل بيوم اعطيه عربون عشان يحجز لي موعد لانه الرجال عنده مبداء - من حقه - انه ما يحجز لاحد الا هو مستلم العربون عشان وقته ... وحسب كلامه انك اذا دفعت عربون من جاه قبلك لا يمكن ان يشتغله ولو بعشرة الاف :no: صراحة جاز لي كلامه وطريقته لانه انسان عملي ...

[عاشق السيل]

أخوي بـــــــــــ أزرق ـــــــــــلاك فتك ،،

عاد معقولة تبي تركب المراوح بـ 1200 ريال ؟؟!!

رغم إن سيارتك 4800 يعني ماشاء الله تبارك الله عزمها زي اللوز ومنت بحاجة للمراوح زي موتري !!!!!

وتكفى إذا عندك نية ترجع للرجال ودي تسأله عن مراوح للسوبر سفاري 98 الله لايهينك ،،،

[ابومحمد vtc]

يا شباب انا معي فتك هل تنصحوني اركب مراوح وهل بيتغير الموتر من ناحيه عزمه والحراره والصوت
علما باني راعي خطوط
الله يعطيكم الف عافيه ويبيض وجهيكم ولا يريكم مكروه
تكفون ياشباب فزعتكم

[خشيمان]

معليش يا شباب اعذروني على الغلط في الرقم
من زمان ما دخلت النت ولا انتبهت للموضوع
وأخوي غضنفر ما قصر
بس المشرف زعل!!

[Black VTC]

ابومحمد vtc مر الرجال و شف وخذ من رأسه و ان قنعت فيه خليه يركب لك والشغلة تكلف حدود 1400 ريال..

خشيمان بيض الله وجهك ما قصرت و المشرف على عيني وراسي وانا قلت باصل الموضوع اللي يعرف الرقم يرسله على الخاص لاني عارف النظام :):)

المهم الناقص ثنين مع الاثنينات في ردك اللي ما احد دري عنه :):)

تحياتي للجميع ..

[ابو شموع]

الموقع الرياض
بالضبط: مخرج 15 يسار متجه شرق بعد رابع أشاره اللي عند العثيم إذا تعديته تجيك محطه السعوي على يسارك
ديور من الأشاره الخامسه يكون وجهك غرب تصير المحطه على يمينك بنفس المحطه بس قبل ماتجيه أتصل بين قوسين (أتصل). . . . . ( أتصل )عليه علشان يعطيك موعد
أتصل عليه 0552222006 أبو أسامه الأسم عبدالرحمن الدغيري وتفاهم على السعر وعلى كل شي والله وإذا أخذت الأستشاره منه يفيدك ولاكن الشغل تكتكه بس لاتنسون الدعوه الزينه
الله يوفق الجميع , , , , , , , ,

[عاشق السيل]

أخوي أبوشموع بيض الله وجهك على الوصف الدقيق والنصيحة القيمة ،، بس تراك أخطيت برقم المخرج (( مخرج 15 )) والصحيح إنه (( مخرج 16 )) والله يوفقك يالغالي ...


أخوي بلاك فتك اعذرني على اللقافة والرد اللي مهب من حقي ،،، بس تعرف أمون !!!!!!!

[واطي الجمرة]

بس المشكله احتراق الكتاوت مع الحراره

[Black VTC]

ابو شموع جزاك الله خير على الوصف الدقيق بس +1 بالرقم يضيع :):) على العموم كثر الله خيرك ولكل مجتهد نصيب و لك الاجر ان شاء الله ومثل ما قال اخوي عاشق السيل ان المخرج هو 16 حق اسكان الجزيرة :)
...
ـــــ






أخوي بـــــــــــ أزرق ـــــــــــلاك فتك ،،



عاد معقولة تبي تركب المراوح بـ 1200 ريال ؟؟!!


رغم إن سيارتك 4800 يعني ماشاء الله تبارك الله عزمها زي اللوز ومنت بحاجة للمراوح زي موتري !!!!!



وتكفى إذا عندك نية ترجع للرجال ودي تسأله عن مراوح للسوبر سفاري 98 الله لايهينك ،،،



اخوي عاشق السيل انت تمون وتمون بالحيل و تراي توي اشوف ردك اللي بالازرق من حبي للازرق احسبه الهلال :) صراحة احس ردك اللي بالازرق زي باص عيون حق التايب ما ادري وش لون سحبت بي والله توي اشوفه ... وابشر وما طلبت شي راح امره و اسأله اما بخصوص الفتك فالجيوب كله تنعاف بالحر والصيف لا فيه بر يوسع الصدر ويصير الموتر ثقيل من المراوح ... و يرفع الضغط :) ... و صدقت المبلغ مبالغ فيه شوي يعني 1400 خلتني اتردد كثير ... ويمكن نتحملها اربع شهور ...

عاشق السيل اكرر اسفي لك لسقوط ردك السابق سهواً ..


ــــــــــــــــــــــــــ

اخوي واطي الجمرة هذي مشكلة جديدة و كبيرة بنفس الوقت يعني زودن على خرابيط الفتك و حساساته اللي مالها داعي نركب كتاوت و يحترق بعد مع الحرارة طيب لو انا في مقطعة كود اشيل معي كتاوت احتياط ما يكفي كتاوت الطرمبة و كتاوت حساسات القير حاطهن بالدرج ازيد بعد كتاوت للمراوح ..

صراحة ردك خلاني اعيد حساباتي ... بارك الرحمن فيك ..

[ابو جنى 2005]

اخوي بلاك فتك مساك الله بالخير
انا ركبت عند الدغيري قبل شهر تقريبا
المهم الحرارة بالوقفة على الربع ما تتعدى ام على الخط حسب السرعة بالنسبة لخف الموتر لا تحكي فرق مية بالمية ام البنزين صار الموتر ما يصرف ابد فرقت صرفيته بشكل واضح
اما للتوصيف اخونا الغضنفر ما قصر اضيف عليه شي بسيط اسم المحطة اللي فيها المحل الغفيص واسم الرجال عبدالرحمن الدغيري ورقم جواله 055222006 ارجو اني افدت

[ابو جنى 2005]

بالنسبة للسعر 650 فقط

[عاشق السيل]

أخوي بلاك فتك ،،

الله لايهينك ،،، بس ليش كل هالأسف يادافع البلاء ؟؟!!!!

[Black VTC]

ابو جني مشكور على المعلومات وبيض الله وجهك يالذيب ..


ـــــــــــــــــــــــــ

الصديق الدائم عاشق السيل تراي مريت الرجال و يقول تكلف 650 ريال بالضبط و يركب لموترك مراوح سوبارو مع القاعدة كلهن من عنده مع شغل اليد بـــ650 ...

و الاسف هذا كله من غلاك وغلا الاخوان في المنتدى الراااائع ..

تحياتي لك وتراي ما بعد شريت حبر ازرق :):)

[آه ياقلبي]

علم وياحبي لكم ياأهل الرياض
بصراحه أهل فزعات وماتقصرون ولكن مسألة خذ موعد ؟ والله لو اني في عيادة ؟
بالتوفيق للجميع وبصراحه تم الحصول على الفائدة من هذا الموضوع

[الذكرى الحلوه]

اخواني انصحكم اللي معه 4800 فتك لا يركباها ما تصلاح خصوصاً القير التماتيك فيه اداتر تبريد ويتثر
اما 4500 عادي انا نركبها خقة سبرو حنه ما فيه والبنزين وفرته والعزم نفسه
والوصف 5 اشاره اعمال يتر ورجع في محطة السعوي مع مخرج 16
او اسال عن مشتشفى الصدريه هو حوله

[مفخرة الارض 0666]

وش الفرق عن الدغيري والمراوح اللي عند الكهربائي بــــ110 مع التركيب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[القلب المحروم]

ماشاء الله على الابداع
طيب يرهم للمواتر الصغار

[Shqra]

^^^
فيه موضوع اقدم من هذا ؟؟؟

ههههههههههههه

[جبله]

السلام عليكم يا اخوان اللي عنده ارقام ورش تركب مراواح بالرياض وشغله مضبوط لا يبخل علينا بارقام التلفون

[جبله]

غير ورشة الدغيري

[xbn]

رح للقصيم
بنصف القيمه

[انا العربي]

رح للقصيم
بنصف القيمه
اخوي ماعليك امر إذكر لنا بعض الورش اللي بالقصيم اللي شغلها ممتاز