عامود الدبل وش الحل

[ABO-AZIZ]

السلام عليكم ورحمة الله وبركاتة


يا اخوان ابي فزعتكم وش الحل في عامود الدبل لجيب vx-r ابي افكوه
بصيف لاجاء الشتا ان شاء الله ركبتة وش رايكم


لكن سمعت ان حق الvx-r مايفك

ابي مشورتكم يا جماعة الخير

[aooa]

يا اخي ركب فرارات وريح راسك
لانها تفصل لك الدفرنس الامامي والعامود يعني كنك فاك العامود

واذا غرست اشبك الفرارات مهوب مثل فك العامود اذا غرست ما تقدر تطلع

[الشنه]

الفرارات ما تفيد
تفصل الحركه عن الكفرات فقط لكن الدفرنس يدور
لان الحركه تنتقل البه من العامود المتصل بالدبل
فك العامود احسن للي يطلع للبر في السنه حسنه
فيه ناس يمر عليها الشهرين والأربعه ما شغلت الدبل
هالفئه احسن حل لها فك العامود وتركيبه عند الحاجه
ومن يقولك انه ما ينفك
كلها اربع مسامير تفكهل وتركبها عند اقرب مسحمه
هذا اذا ما تبي تفكها وتركبها بنفسك
لكن من عيوبها ان الزيت حق الدفرنس يصير اثقل
حتى في كتلوج السياره
يقول لك كل فتره اشبك الفرار وامش عليه 15 او 20 كيلو لتحريك الزيت وتشحيم التروس

[بن داود]

هلابك اخوي اسئل فتى الشروكيات بموضوع اسئل وابشر بعزك
ولا هوب مقصر

[بواسامه]

اصلا الفكسار ماله فرارت
وكذلك هو دفع رباعي مستمر
يعني لو ركبت فرار بالقوه معاد مشى الموتر وهذا من واقع تجربه

[ابرق العزاف]

انا معي فكس ار 94 وفاك الدبل ومريح ومرتاح حتى صرفية البنزين خفة
ومع الاسفلت كنك على كابرس وفكه بسيط0000
اكلت كم تغريسه لكن مع تنسيم الكفر نطلع

[qw77]

اخوي ابو عفجه
من واقع تجربه لايمكن فك عمود الدبل الا في حالة انك تقوم بفصل نظام التفاضل لان الvxrنظام دفع رباعي واذا فكيت عمود الدبل ما راح يمشي وانا مجرب وفاصل التفاضل والموتر خفيف جدا ولافيه اي مشاكل اتمنى ان اكون قد افدتك

[بدوي جنوبي]

اخوي ابو عفجه
من واقع تجربه لايمكن فك عمود الدبل الا في حالة انك تقوم بفصل نظام التفاضل لان الvxrنظام دفع رباعي واذا فكيت عمود الدبل ما راح يمشي وانا مجرب وفاصل التفاضل والموتر خفيف جدا ولافيه اي مشاكل اتمنى ان اكون قد افدتك

ما شاء الله عليك كلامك صحيح
لان عملية التفاضل تحصل في الدبل
لكي يتم توزيع القوة علي الكفرات الاربع

بعض الصور المقربه للتوضيح فقط:
http://www.mekshat.com/vb/../pix/upload02/images71/mk32037_4wd_fulltime_popup.gif

http://www.mekshat.com/vb/../pix/upload02/images71/mk32037_4wd.gif

http://www.mekshat.com/pix/upload02/images71/mk32037_tc1.jpg





تنبيه:
اذا فكيت العمود وجيت تركبه انتبه يقلبوه
الا اذا صار من النوع اللي له فتحه خاصه ويركب علي جهه وحده هذا تمام
http://www.mekshat.com/vb/../pix/upload02/images71/mk32037_drive_shaft_2000.jpg

[ABO-AZIZ]

تسلمولي على الردود

واسف على التاخر في الرد عليكم
خبركم اجواء القصيم اليوم خير

اخوي وشلون افك نظام التفاضل
لاهنت على المرور
هذا ماتعودناه منكم

[الثويرات]

الفرارات ما تفيد
تفصل الحركه عن الكفرات فقط لكن الدفرنس يدور
لان الحركه تنتقل البه من العامود المتصل بالدبل
فك العامود احسن للي يطلع للبر في السنه حسنه
فيه ناس يمر عليها الشهرين والأربعه ما شغلت الدبل
هالفئه احسن حل لها فك العامود وتركيبه عند الحاجه
ومن يقولك انه ما ينفك
كلها اربع مسامير تفكهل وتركبها عند اقرب مسحمه
هذا اذا ما تبي تفكها وتركبها بنفسك
لكن من عيوبها ان الزيت حق الدفرنس يصير اثقل
حتى في كتلوج السياره
يقول لك كل فتره اشبك الفرار وامش عليه 15 او 20 كيلو لتحريك الزيت وتشحيم التروس


اسمحلي اقول ان كلامك غلط

الفرار وماادراك ما الفرار
الفرار هو يفصل العكس من الهوب الي طبعاً مربوط فيه مسامير الكفر
يعني اذا شبكت الفرار ومشيت الكفر يدوور العكس-- والعكس يدوور الدشالي والدشالي يدوور الطاره والطاره تدوور البنيون والبنيون يدوور العامود والعامود يدوور الدبل0

يعني اذا فصلت الفرار ومشيت يصير الكفر يدور على الرمان فقط