الفزعة ياشباب فيه احد له خبرة بالمساعدات

[الاشهب]

السلام عليكم ورحمة الله وبركاته
بالله ياشباب تكفون الله يجزاكم خير انا معي باث فاندر وتفقعت المساعدات ويوم رحت للوكالة ابسألهم عن المساعدات قالوا لي ان المساعد الواحد قيمته حوالي 950 ريال ومير يغمى علي عندهم وزهموا على الاسعاف يشيلونن الحقيقة انهم بلشوا بي يوم اني طحت عندهم بس ابشركم اني الحمد لله الحين طيب راحت اثر الصدمة المشكلة اني لو تويق بمخباتي ماتلقى معي عشرة ريال من وين ابجيب تسعمية وخمسين ريال الا ان كان اروح للمسجد اخذ فاتورة بقيمة المساعدات يمكن بعض هالمحسنين يساعدونن في مشكلتي
على العموم معليش طولت عليكم بس ياجماعة وش السواة الحين المساعدات بالسعر هذا غالية بالحيل هل فيه احد عنده حل آخر بدال مااشري حقات الوكالة
واكون لكم شاكر ومقدر والسلام عليكم ورحمة الله وبركاتة

[قناص القرائن]

السلام عليكم ورحمت الله وبركاته: ياحبيبي لاتركب عند الوكاله معروف ان الوكاله غاليه لاكن فيه مساعدات حلوه يركبن عليه ورخيصه هذا شوري لك

[الفردوس]

شف لك مساعدت وكالة جبريال عندهم مقاسات واجد تركب على كثير من السيارات وفيه ناس جربوها على جيب باترول .. ممتازة

[عروان]

أخوي الاشهب

فيه مواضيع كثيرة تتحدث عن المساعدات وانواعها واسعارها

والافضل منها. اللي عليك فقط انك تزور الرابط هذا:

http://www.mekshat.com/vb/search.php?s=&action=showresults&searchid=10403&sortby=lastpost&sortorder=descending



تحياتي لك

[ابودلـــــــه]

فيه شركة اسمه شركة السبت للتجاره هم وكلاء للعديد من انواع المساعدات بالصناعيه بالرياض
وعندهم لجميع السيارات وقوة تحمل مختلفة

والله يحفظ الجميع

[عاشـق الريـم]

السلام عليكم ورحمة الله وبركاته
مساكم الله بالخير جميعا
انا عندي نفس مشكله الذيب(الاشهب) بس بدون حاله اغماء الزبده اني مساعدات موتري متفقعه (باثفيندر) وبحثت عن مساعد شبيه ماحصلت. لان مساعد الوكالة ممتازجدا في البر والي يعرف نوع نفس القوة يفزع لي
انا والاشهب .
وشكرا.

[عاشق الخزامى]

وانااضم مشكلتي لنفس مشكلة الاشهب وعاشق الريم بس انا شتريت مساعد وحد بعد ما جمعة بحصالتي

900 وطياران للوكالة وغيروها واللحين قاعد اجمع قيمة مساعد ثااني :(

بس يا اخوان جميع ما ذكرتو من بديل للمساعد انا معاكم اقتصادي في السعر لكن هل نفس كفأة اللي في

الوكالة صدقوني انا معاكم سعره غاالي مرره بس بأذن الله راح يعيش معك وله مميزاته الا اذا فيه نفس المميزات اللي عند الوكاله فدلونا عليه لاني ترددت كثير قبل ما اركب اللي في الوكالة فاقنعوني ان اللي في الوكاله رغم غلاه الا انه هو الانسب بين اي بديل

[مسوي راعي بر]

والله ياشباب ركبت قبل شهرين مساعدات البيض بالهايلكس وقبل اسبوعين تعرفون حب الأستطلاع شفتها متفقعات مع اني ماني راعي مطامر بالنفود ؟؟؟؟؟؟؟؟؟؟؟؟؟؟؟