اماكن عيادات علاج الطيور الطبيه والشعبيه

[سالم غانم]

السلام عليكم ورحمة الله وبركاته
مسائكم /صباحكم خير انشاء الله
عندي استفسار لي وانشاء الله الفائده تعم
حبيت اسائل عن اماكن علاج الطيور من بيطره وطب شعبي ومستشفيات واحسنهم في نضركم وابعدهم عن الغش التجاري وبكلف عليكم لو ينحط الوصف وارقام الهواتف . ويعطيكم الف عافيه

[المان العرب]

مرحبابك ياسريع العطب
فيه خالد العويدي صقار ويعالج طيور وصف بيته مدري والله لاكن على شارع سلمان الفارسي

[قلب شاهين]

ياهلا بك والله بالمنتدى ،،

موضوعك جيد وابشر بالي عندي ،،

طبعا ياليت لو يكون كل واحد يقولنا عن المستشفى الي قريبه من منطقته ،،

بالنسبة لي انا .. عندي عيادة فارس التميمي وطبعا هذي جيده ومايحتاج ،،

وهذا الرقم :

038902793

وأنشاء الله تعم الفائده ،،

تحياتي / قلب شاهين ،،

[وَسَام!]

افضل واحد على حد علمي خالد العويدي ومحله مثل ماقالوا الاخوان شارع سلمان الفارسي حي النهضه
اذا كنت متجه لجهة الشمال بعد ماتتعدى محلات الصقر والصقار والسويبع تتعدى الاشاره وبعد
ماتتعدى الاسواق الكبيره اللي على يدك اليسار اسواق بغلف سابقا تجيك محطه على اليسار اسمها هلا
تديور وترجع لجهة الجنوب الشارع اللي قبل المحطه تلف معه جهة الغرب هو البيت الثاني او الثالث
على يدك اليمين المهم تشوف باب المجلس مفتوح على الشارع طبعا يفتح من بعد صلاة المغرب الى العشاء !!!
ارجو اني افدك وعرفت الوصف !!

[لعّاب المنايا]

عيادة بندر الدرع للصقور مخرج 9 الرياض

تلفون والله ما اعرفه,,

بس للعلم كان عندي طير وانا بالمقناص رايحن فيها جاهـ مرض ياخوي غريب بتنفسه لا هو رداد ولا التهاب الطير موات
طلعت من المقناص وحطيته عندهم وكلمة حق يعلم الله تنوم شهر وبعدها طلع وقالولي تعامل معه مثل الطير اللي توهـ طالع من الربطه وفعلا زي ما قالوا صار يجي على الملواح 130 وصاد الحبارى أبشركـ ,,

أبشوف لك رقمه وأبشر ,,

الوصف مخرج 9 باتجاه الشرق واول محطه على اليسار رح قبلها يسار وبعدها اول شارع أصفر يمين امش تقريبا مسافة 300 متر تحصلها على اليسار على شكل استراحه كبيره بعد مسجد ,,

[سالم غانم]

(شكر خاص )لكم ويعطيكم العافيه
كفيتو ووفيتو والي يحب يشارك من الاخوان الي ماشاركو المجال مفتوح والمصلحه للجميع ومشكروين مره ثانيه ماقصرتو

[أبو رداد]

وعليكم السلام ورحمة الله وبركاته

موضوع طيب
جزاك الله خير ياسريع العطب
نثبته اسبوع
واذا حصل من الاخوان تفاعل اكثر
نثبته في الفهرس
علشان تعم الفائده اكثر

[الزعـبي]

السلام عليكم

عندك مركز الامير فهد بن سلطان للصقور في الرياض مخرج 9 تروح غرب لين اول اشاره تتعداها وتحصل المركز على يمناك ..

[KAYD]

السلام عليكم ورحمة الله وبركاته

يعطيك العافية أخوي سريع العطب

اضافة لمشاركة أخوي الزعبي
مركز الامير فهد بن سلطان للصقور مخرج 9 رقم الهاتف 014501160 دوام المركز من السبت الى الاربعاء من الساعة 8 صباحا الى الساعة 12 ظهراً ومن 4 الى 7 مساءً يوم الخميس دوام واحد فقط من 8الى 12

وياليت الشباب يضيفون تجاربهم مع العيادات ويذكرون بعد بماذا تشتهر كمثلا التوسير يشتهر فيه مركز فهد بن سطان وهكذا

تحياتي

[ابوالجازي]

تفضل احداثيات منزل خالد العويدي ومركز فهد بن سلطان
اريح من التوصيف


منزل الدكتور الشعبي خالد العويدي لعلاج الصقور بحي الخليج
550"46"24
975"47"46

مركز الامير فهد بن سلطان للصقور مخرج 9
301"46"24
158"43"46


وانا اشور عليك بخالد العويدي

[الزعـبي]

بالنسبه للتوسير انحش من مركز الامير فهد بن سلطان قد وسرنا عندهم شاهين 12 ريشه تخيل موسرينها بحديد والحديد واصل الى اللحم تخيل كيف يكون طيارها ؟؟؟؟

احسن توسير عند العويدي او فارس التميمي في الخبر

[KAYD]

شكرا على التوضيح أخوي الزعبي
لأني الحمد لله ماقد جربت احد بالتوسير بس اني قلت مثلا من راسي

[أبو رداد]

جزاكم الله خير جميعا
وان شاء الله يتم اضافة عناوين
من قبل باقي الاخوان مستقبلا
وسنضع للموضوع رابط في الفهرس حتى يسهل الوصول اليه
والسلام

[بن قرمله]

افادوك الاعضاء الله يجزاهم خير وعليك بالعويدي

[جارح العين]

الله يعطيهم العافيه ماقصروا

[فداع]

السلام عليكم ورحمة الله مركزالاميرفهدبن سلطان كان زمان جيد ايام الدكتورجمي ورقمهم---- 014567723وعيادة الدرع رقمه 0505475553-012789507وهوسراحه رجل جيديتابع معك حلت الطيروالطبيب الشعبي العويدي رقمه 012286478ولكم جزيل الشكر

[سنافي نجد]

..



خالد العويدي .. طبيب شعبي رائع و مجرب من ناس واجد







افضل واحد على حد علمي خالد العويدي ومحله مثل ماقالوا الاخوان شارع سلمان الفارسي حي النهضه




اذا كنت متجه لجهة الشمال بعد ماتتعدى محلات الصقر والصقار والسويبع تتعدى الاشاره وبعد
ماتتعدى الاسواق الكبيره اللي على يدك اليسار اسواق بغلف سابقا تجيك محطه على اليسار اسمها هلا
تديور وترجع لجهة الجنوب الشارع اللي قبل المحطه تلف معه جهة الغرب هو البيت الثاني او الثالث
على يدك اليمين المهم تشوف باب المجلس مفتوح على الشارع طبعا يفتح من بعد صلاة المغرب الى العشاء !!!


ارجو اني افدك وعرفت الوصف !!




<<< وهذا الوصف الصحيح إن شاء الله




..

[سالم غانم]

شكراَ للجميع
عاجز عن شكركم الله يجزاكم خير جزاء

[جار ابو علي]

السلام عليكم ورحمة الله وبركاته


العويدي طبيب شعبي ممتازمجرب (012286478)


والدرع ممتاز ويتبع معك عن طريق التلفون (0505475553-
012789507)

[ذراع الذيب]

ماشالله تبارك الله
الاعضاء ماقصرو والموضوع مفيد للغايه..........

[زيزوم الاكحل]

توجد عدة مراكز متخصصه بالشرق الاوسط لعلاج الصقور ومنها
- مركز الاميرفهد بن سلطان لعالج الصقور((العياده )) بالرياض
-منزل خالد العويدي للطب الشعبي بالرياض
-مستشفى الصقور بسوق واقف بالدوحه بقطر
-مستشفىر الواحه للصقور بابو ظببي
- مستشفى الصقور في دبي
-مستشفى الصقور بمحمية العرين بدولة البحرين .
الي عنده اي اضافه ارجوا وضعها حيث ان فيه عدة اماكن ولكن لا تحضرني اسمائها وهناك عياده في حي غرناطه اتمنى من لديه اية معلومات ان تضاف هنا

[علي آل جميله]

مرحبا اخوي زيزوم ومشكور على هذا الموضوع


عيادة الدكتور فارس التميمي في الخبر

[زيزوم الاكحل]

بيض الله وجهك ياطويل العمر واشكرك كل الشكر على المشاركه
عيادة الكتور فراس التميمي بالخبر

[قرناس صلا]

موضوع مفيد ومعلومات مفيده بيض الله وجيهكم

[ناصر96]

الله يعطيكم العافيه .