رجة في عمود الدبل أو عمود الكردان في الباثفندر

[عاشق سدير]

السلام عليكم
مساكم الله بالخير يا شباب

عندي رجة قوية في السيارة كاملة ورصصت الكفرات مرتين آخرها ترصيص أرضي ولا زالت المشكلة موجودة .... وزاد فيها إني إذا فرملت يرج الدركسون بعد

وش رايكم ؟؟؟ هل فيه ورشة جيدة لمثل هالأمور في الرياض ؟؟

هل فيه تجارب لديكم ؟؟

وفقكم الله ............

[أبو بندر 2005]

أخوي عاشق سدير انت تشحم عمود الدبل؟؟؟؟

[عاشق سدير]

لا والله يالغالي ماقد شحمته ولا اعرف وين مشاحمه
ياليت تفيدني ....... وتتوقع لو شحمته تروح الرجة؟

[أبو بندر 2005]

اخوي رح للمشحمة وقل شحمولي عمود الدبل و انا سمعت ان اللي مايشحمها تتآكل عنده المسننات حقت العمود.
وان شاء الله تروح الرجة.

[عاشق سدير]

الله يجزاك خير يا أبو بندر وما قصرت.....

[أبو بندر 2005]

ادخل هالرابط وبتلقا اللي تبي:
http://www.mekshat.com/vb/showthread.php?t=77211

[Abo Nader]

السلام عليكم...

نفس المشكله..وترا في كثير من سيارات البر من ربعي عندهم نفس المشكله..الحل ركب فرار...

[محب الكرك]

اخوى عاشق سدير هل الرجه تاتى فجاه وتنفض بقويه وعند خفض السرعه تزول هذى سلمك الله صارت معى بسيارتى باترول وكان سببها من الاذرعه وديته الى ميزان الباديه وعمل له كبس اذرعه والحمدلله من ذلك اليوم والموتر تمام ولاشفت من شغله اى مشكله ومكان الورشه الصناعيه القديمه خلف بنك الراجحى

[خ الفياض]

ياخوي فيه امور كثيره تسبب الرجه منها الترصيص والكفرات نفسها وعمود الدبل وعمود الكردان وعندك الشياله اللي تجي بين عمود الكردان والدفرنس وعندك ذيل الجربكس مع العمود احيانا يكون فيه فراغ بسيط ويسبب رجه وعند كراسي المكينه وعندك كراسي الجربكس فلازم تشيك عليها وحده وحده والله يعينكويستحسن لو تسوي تربيط كامل

ياشباب استفسار بس
نا ولله الحمد ماعندي هالمشكله لكن سمعت ان الفرار يطيل عمر العكوس وودي اركبه رحت لمحلات قطع الغيار قالو الباثفندر مايجي له فرار وش السوات وهل يوجد محل بالرياض اوبالقصيم يبيعها ووش احسن الانواع وبكم اسعارهن

[عاشق سدير]

الله يعطيكم العافية جميعاً
ماقصرتوا والله

شحمت عمود الدبل ولازالت الرجة مع الاسف
احد يشير علي بورشة زينه ياشباب

[المحترف800]

ياخوي فيه امور كثيره تسبب الرجه منها الترصيص والكفرات نفسها وعمود الدبل وعمود الكردان وعندك الشياله اللي تجي بين عمود الكردان والدفرنس وعندك ذيل الجربكس مع العمود احيانا يكون فيه فراغ بسيط ويسبب رجه وعند كراسي المكينه وعندك كراسي الجربكس فلازم تشيك عليها وحده وحده والله يعينكويستحسن لو تسوي تربيط كامل

ياشباب استفسار بس
نا ولله الحمد ماعندي هالمشكله لكن سمعت ان الفرار يطيل عمر العكوس وودي اركبه رحت لمحلات قطع الغيار قالو الباثفندر مايجي له فرار وش السوات وهل يوجد محل بالرياض اوبالقصيم يبيعها ووش احسن الانواع وبكم اسعارهن

الفرارات تلقاها عند السليماني بالغرابي والباثفيندر مايركب عليه إلا الفرار البرازيلي ..
أتمنى أني أفدتك ...

[المحترف800]

ورشه المجد بالصناعيه القديمه ممتازه ..

[عاشق سدير]

الله يعطيكم العافية يا شباب

[كيكي]

بسم الله الرحمن الرحيم

انا صارت لي نفس المشكله وغير الكفرات ونفس الرجه ورصصت (( الكفرات طبعا )) وما زالت المشكله هي

هي وطلعت المشكله من مسامير عمود الكردان منحله فتأكد منها في البيت تراها سهله .

[التسعاوي]

شف وانا اخوك إذا الرجه تجي مع الفرامل فأنصحك تشيك على الهوبات...ودامك بالرياض رح لم العضيب ويعطونك العلم إن شاءالله.

[جيب الربع]

شف يااخى فك عمودالدبل وامش جرب واذا كان يرج الدرقسون اذا مسكت ابريك اخرط الهوبات الاماميه ويضبط ان شاءالله وفيه ملاحظه فيه احد يركب العمود على عماها ويكون فيها وصخ مكان المسامير والها طريقه التركيب وحده بس وشكرا

[أبو فهد11]

أخوي الرجه اللي تقول عليها اذا مسكت فرامل هذه من الفحمات يبيلها تتغير

أما الرجه اللي في الموتر انصحكــ نصيحة محب وهو فكــ عمود الدبل حق السياره وامش عليها بنفس السرعات

اللي كان تطلع فيها الرجه واذا راحت اعرف انها من العموم

وتأكد من الكفرات خاف انها محببه او فيها شيء وكذلكــ الجنوط احتمال يكون فيه ضربه

أخوكــ أبو فهد11

وأي خدمه مستعد

[عاشق سدير]

يامال العافية جميعاً...... ماقصرتوا والله

[الصفراوي]

أخي العزيز كانت تأتيني مثل هذه المشكلة وتبين ولله الحمد أنه الصليب الي بعمود الدبل فلما غيرته زالت المشكلة ولله الحمد

[ابوتلين]

ياخوي هذي الله يسلمك من عامود الدبل وعامود الدبل مايعدل ولا يرصص ماله الا التغيير وتغييره غالي (بحدود2400ريال)فأنصحك انك تركب فرارات من السليماني وسعرها حوالي 450ريال
ترى الموتر يبي يخف عليك ويوفر البنزيم بعد ..........
نصيحة مجرب
وشكرا

[m1m]

إذا كنت ما تسد شحمت عمود الدبل .. فهو قد يكون السبب حتى لو شحمته .. لأن داخله سنن وإذا راح الشحم تكسرت .. وما يتحرك مثل وهو فيه شحم .. فيصير فيه فضاوة .. ويرج

قد يكون من صليبات عامود الدبل .. أو قد يكون من مساعد الدركسون ..

إهمال التشحيم مشكلة يقع فيها أغلب أهل الجيوب

[العبقري 1]

شف خذ العلم الأكيد .. الرجة هذي تطلع مع الفرامل سببها الصلبان مئة في المئة شيك عند المهندس على جميع الصلبان التي في أعمدة السيارة وغير الخربان منها أو كلها وتدعيلي إن شاء الله .

[حيدر الو]

وش هو الفرار ياخوان ماعندي اي فكرة

[الجبيري1]

السلام عليكم
اخواني الأعضاء والزوار:
بالنسبة لموضوع الاخ السائل ،سبق وان حصلت لي هذة المشكلة وليست مشكلة ولله الحمد
اذا الرجة بين سرعة80 الى 100 اكيد عمود الدبل
اذا تبي تتأكد فك العمود وجرب
انا سارت معي فكيت العمود واختفت الرجة ودورت في تشليح الدمام مالقيت واتلها للرياض واروح لميزان المجد والعضيب مافية فائدة ويدلوني على ورشة صغيرة لواحد سوري اوفلسطيني اسمة وحيد الصفدي تخصص اعمدة كردان جميع انواع السيارات على طول شرحتله المشكلة قلي عمود 100% واروح للوكالة 2180 بعد الخصم :eek:
ولقيت عنده اعمدة مجددة ضمان شهر 1000 ريال
والحمدلله الأن تقريبا سنة زي اللوز
واسف عاى الاطالة ولكن للفائدة
سلــــــــــــمــــــــــــــــلم................. .........

[ابوجود3553]

شف خذ العلم الأكيد .. الرجة هذي تطلع مع الفرامل سببها الصلبان مئة في المئة شيك عند المهندس على جميع الصلبان التي في أعمدة السيارة وغير الخربان منها أو كلها وتدعيلي إن شاء الله .

كلامك بالصميم
صارت لواحد من ربعي نفس المشكلة وصار السبب
الصليب الرجال ما خلى شي ما شيك عليه
غير الفحمات
فك عمود الدبل
رصص الكفرات
كل هذا مانفع
وبالأخير طلع الصليب
وطلبوه من جدة مافيه بالرياض
معلومة السيارة 2006
واذا بغيت تكلم الشخص بنفسه

راسله على الخاص(مثبت السرعة)

[دانكن]

شف وانا اخوك سو الاسهل فالاصعب ..

لاتبدا بالغالي بعدين تتحسف ..

[ابو نواف المطرفي]

اخوي بالنسبة للرجة اللي بالسيارة اتوقع 90% انها من عمود الدبل لازم تركب تحاضير << فرارات
اما بالنسبة للرجة اللي تصير اذا فرملت << ضعف بالهوبات
اتمنى اني اكون افدتك
تقبل مروري

[بوعلي الشرقيه]

لا تستعجل في بعظ السيارات يجي في عامود التوازن بستم (جامبين) خل واحد جيد يشيك عليه ممكن يكون فيه مشكله والله أعلم

[بوعلي الشرقيه]

لا تستعجل في بعظ السيارات يجي في عامود التوازن بستم (جامبين) خل واحد جيد يشيك عليه ممكن يكون فيه مشكله والله أعلم

[خشير الذيب]

خذ الكلام من واحد تبهذل منها قبلك
اولا الفرامل ترج اذا مسكت فرامل بدون فرامل ما ترج يعني اذا الرجه وانت ماشي مامسكت فرامل انس موضوع الفرامل
ثانيا الكفرات ترج تحت سرعة 100 ترصيص
الاذرعه على ال80 ترج رجه قويه وماتحصل في الباثفندر بس في المواتر اللي تجي دفرنس قدام شاص ربع سفاري
العمود يرج رجه خفيفه وتواصل الى سرعات عاليه وسببها عدم التشحيم والحل 1 من 3
فك العمود اللي هو عمود الدبل وامش وشف راحت الرجه ولا لا اذا راحت معناها منه
2 غير العمود جديد او تشليح او وده للمخرطه يغيرون لك المسننات
3 خل العمود بعيبه وركب فرارت من السليماني ب500 بدون تركيب وب550 مركبه
وسلامتك وترا فك العمود بسيط جدا ماياخذ وقت 8 مسامير فكه بيدك