لمن سأل عن الواير الأنسب , أنقل لكم تجربتي مع الواير الأقوى على الإطلاق .. ( بالصور )

[شروكي ربع]

بسم الله الرحمن الرحيم ..


السلام عليكم ورحمة الله وبركاته ..


أحييكم مرة أخرى عبر هذا القسم اللي مقصير معاه كثيرا ً ..

شاهدت موضوع هنا قبل أيام ان لم أكن واهما ً , وكان يتحدث عن أفضل الوايرات ..

وحبيت أنقل لكم تجربتي البسيطة في تفصيل واير - ان صح التعبير - على ما أريد ..

سابقا تعبت من تنوع الوايرات وجربت انواع لا بأس بها , تثق أن معك بسيارتك واير ووقت الحاجة يخونك :mad:

المهم قلت مالك الا تضبط واير على كيفك وخرجت بهذا الواير المتواضع .

أولا اشتريت من شارع الريل راسين من أقوى وأكبر الأنواع ( الواحد بـ 25 ريال ) , وشريت حبل قوي ومتين ودبلته في الواير 3 مرات .

وننتقل الى الصور :


http://pix.nofrag.com/d/e/1/cbbeb30032c38a32ce6e4441a1b0e.jpg (http://pix.nofrag.com/d/e/1/cbbeb30032c38a32ce6e4441a1b0e.html)


http://pix.nofrag.com/a/c/c/a4f49d65ee06bf5773ecdbd24a425.jpg (http://pix.nofrag.com/a/c/c/a4f49d65ee06bf5773ecdbd24a425.html)


http://pix.nofrag.com/9/0/2/aa26b1d0308dcec251ff4662e1d86.jpg (http://pix.nofrag.com/9/0/2/aa26b1d0308dcec251ff4662e1d86.html)


الراس ويتضح مقدار التحمل وكبره ..


http://pix.nofrag.com/b/1/d/419ff38760439021a0f4c0aae62de.jpg (http://pix.nofrag.com/b/1/d/419ff38760439021a0f4c0aae62de.html)


بقي أن أخبرك أخيرا ً أن هذا الواير لم يخونني يوما ً ;) ولن يخونني بإذن الله :D

هذا ماكان لدي في هذه العجالة والى اللقاء في مواضيع جديدة و مميزة قريبا ..

[فيدل كاسترو]

مشاء الله عليك عمل رائع وانت اروع

[شروكي ربع]

مشاء الله عليك عمل رائع وانت اروع



الله يحييك ويسلمك ..


وأنت أروع بردك الصاروخي :)

[صالح...]

جيد .. ماشاء الله عليك .. بس لو كان الحبل أطــول راح يكون أفضل بكثير مع أنه كل ما طال الحبل راح يكون أضعف نسبياً. نصيحتي لك (إنتبه لقزازة موتر من الشنكار لا يفلت لأنه مثل هالحبل ماراح يتحمل مع الوقت)علشان كذا أحسن شيء جربته الواير الأصفر الي يجي مدبل مهنى أفضل منه .
ذكرتني بفضيحة باثفايندر على طاري السحب والواير :rolleyes: .. سحبت بثفاندر بدايو ليجانزا وكل شيء 1-موثق بالفيديو. 2- وشهود 8 رجال عدول ثقات :D قبل لا يصير معي الجمس عطي الله.. :cool:
أحس إني مضيع من السهــر :no2:

[االديحاني]

ما شاء الله عليك
مبدع

[ابوفهيدان]

تري الوايرات المصنوعه من البلاستيك خطرة لانها تتمدد ولو تنقطع ترجع مثل الرصاصة خاصة لما تركب هوك عليها الله يستر
عليك بالحبال القطن المتينة المستخدمة للسفن تراها افضل شي

[جبل الاشعل]

تري الوايرات المصنوعه من البلاستيك خطرة لانها تتمدد ولو تنقطع ترجع مثل الرصاصة خاصة لما تركب هوك عليها الله يستر
عليك بالحبال القطن المتينة المستخدمة للسفن تراها افضل شي
صحيح اخوي انتبه

[ولد القرينه]

صارت معي اسحب زبر طلحه بجيب vxr

[ولد القرينه]

صارت معي اسحب زبر طلحه وانقطع جزء من الزبر ويجيك في الباب الشنطه ويكسر القزازه الخلفيه ويدمر الباب

[سيف الظفير]

مشكورين وبارك الله فيكم يا الذياااااااااابة

[محب الكرك]

اخوى شروكى ربع انصحك بالسبته وهيا حبل مصنوع من البلاستيك وتحصله سلمك الله عند محل العثمان واذا محل الضيف الله بشارع الريل انصحك انك تشتر من عندهم لانه مصنوعه حسب جوده عليه وتتحمل طنون عاليه

[اول 111]

مشكووووووووووووووووووووووووووووووووووووووووور

[مكـiiiـات]

التوليف يوهق دائما .....

[taag1]

لاهنت يالشروكي على هالتجربه والنصيحه وبيض الله وجهك ......

[سوبر152]

التوليف يوهق دائما .....احذر حبلك ما يوقي عندالتغريزات الصعبة وشكرا

[دكتور بر]

والعلم عند الله انتبه لا تستخدمه بعد سنه تراه بيكون حرقان من الحراره ويبي يوهقك...نصيحة مجرب...

[ابوغلاب]

ماشاء الله تبارك الله اخوي شروكي ربع بس يصلح تسحب السيارات اللى بالسد ههههههه اتوقع الصورة هذي اللى بالتوقيع لديرة احبها وهي ديرة ربعي والله اعلم


عموما اشكرك يالغالي تقبل تحياتي

[مخاوي الكشات]

ولكن صدقني هذا لا يخدمك في جميع الأماكن والأوضاع لسبب أنه قصير وهذه ميزة سلبية على سبيل المثال حينما تتكون في منطقة سبخة أو طينية وتربض إحدى السيارات حينما تقوم بسحب السيارة لابد أن تبتعد عن الطين أو السبخة قدر المستطاع لتستطيع أن ترسي السيارة الساحبة حتى لا تغطس وتربض في الطين كسابقتها حينما تعلق سيارة على سيف لا بد أن يكون الواير طويلا بحيث أنك حينما تسحب السيارة المتعلقة طبيعي أنه ستندفع بإتجاهك فلو كان الحبل طويلاً لكانت هناك مسافة آمنة حينما تغرز السيارة في ربابة أو أرض هيال لابد أن يكون الواير طويلاً حتى تبتعد عن هذه الأرض قدر المستطاع والأمثلة في ذلك كثير ولكن إبتكارك كان جميل جداً ولكن ينصح بأخذ واير طويل إضافي ..

[الجماجمي]

يااخوان الأحبة هذا تنبيه ( الواير الواير الواير ولا لا تطلع البر ) والله نصيحة ودمتم بود . الجماجمي

[mohmad]

ذكرتني بفضيحة باثفايندر على طاري السحب والواير :rolleyes: .. سحبت بثفاندر بدايو ليجانزا وكل شيء 1-موثق
بالفيديو. 2- وشهود 8 رجال عدول ثقات :D قبل لا يصير معي الجمس عطي الله.. :cool:







قووووووووووووويه

[عين الداب]

كلام ابو فهيدان 100\100

[شروكي ربع]

أشكر الجميع على التفاعل والردود ..


أما الواير هذا صار له أكثر من 3 سنوات ولله الحمد والمنة لم أشتكي منه مطلقا ً ..


وأبشركم لم يسبق لي أن استخدمه بجر بسيط ..


طلعت سيارات وااااااااااااجد متعلقة تعليقات جامدة جدا ً , وكان أول معين بعد الله هذا الواير ..


ولا منه خطر نهائيا واذا انقطع الواير أصلا سيكون الشنكار مشبوك بالموتر فكيف يرتد على السيارة ؟؟


اذا قصدكم الشنكار الثاني فسيكون في السيارة الثانية , يعني احتمالية الارتداد 0 من 100 .


وانصحكم به وبقوة ترا والله لن تصدقوا مدى قوته الا اذا شفتوا وش جر هالحبل اللي حاقرينه .



جربت انواع وانواع ولم يصبر ولم أجر بهذا الواير كغيره .



اما الطول صحيح عيب وميزة قصره , الطول يضعف ويذهب الفائدة بعكس القصر ..


والقصر لا يفيدك في اماكن الطين والوحل .


وبانتظار آراء البقية .

[صالح...]

انا سحبت لوري زول محمل و مغرز ومعاه حبل عادي نفس الي معك .. بس كان حبله عليه شحم وقالب لونه أسود مدري من كثر الإستخدام ولا هو حاط عليه ولا إنقطع ولا شيء ماشاءالله؟؟؟!!!
إحتياط إستخدم الحبل من غير الشنكار .. والحافظ الله .

[ابووتركي]

جيد .. ماشاء الله عليك .. بس لو كان الحبل أطــول راح يكون أفضل بكثير مع أنه كل ما طال الحبل راح يكون أضعف نسبياً. نصيحتي لك (إنتبه لقزازة موتر من الشنكار لا يفلت لأنه مثل هالحبل ماراح يتحمل مع الوقت)علشان كذا أحسن شيء جربته الواير الأصفر الي يجي مدبل مهنى أفضل منه .
ذكرتني بفضيحة باثفايندر على طاري السحب والواير :rolleyes: .. سحبت بثفاندر بدايو ليجانزا وكل شيء 1-موثق بالفيديو. 2- وشهود 8 رجال عدول ثقات :D قبل لا يصير معي الجمس عطي الله.. :cool:
أحس إني مضيع من السهــر :no2:


والله ياذيبان كلام اخونا صالح سليم او ضع القفل المخصص للشنكار يكون استخدامه اامن
حصل حادث لصديق كان بيفقد حياته بسبت الشنكار افلت وهو يسحب:no2: :no2: :no2:


(اخوي صالح نفس الي حصل معك حصل معي سحبت فتك بصابونه وموتق ايضا وش قصت النيسان؟؟)

[qw77]

يا اخوان تعليق على اللي يقول سحبت فتك بصابونه واللي يقول سحبت باث فندر بدايو ما توافقوني ان العيب قد لايكون في السيارة بل في السواق بالرغم من اني من عشاق اللاند كروزر

[حجيلان]

:good: ماشاء الله عليكم ياخوي انا يعجبني الي يفكر ويشتغل بنفسه
الصراحة اعجبتني الفكره وان شاء الله ازين لي واحد
مشكووووور على الموضوووووع

[ابومحمد vtc]

مشكور اخوي الله يعطيك العافيه
بس حبيت اضم صوتي مع الشباب الي قالو انه خطر وحسب رائيي مافيه مثل السبته الالمانيه المدبله تلقاه في شارع الرين لون السبته اخصر وتجي الوان ثانيه
وتقبل مروري

[قرم البر]

الله يجزاك خير على الفكره الصز انه مهب شينه

[ford]

يعطيك العافيه الفكره حلوه لكن شكل الحبل بلاستيك ليتك تغيره بحبل قطن لان البلاستيك مع الزمن والجو الحار يتكسر
وعلي فكره فيه حبال للسفن في جدة سعر المتر غالي لكن يستاهل

وبالنسبه للشنكار انا لاحظت انه 2طن واللي دايم ينصحون فيه 3طن واعلي


وبالنسبه للاخوان اللي انطلق عليهم الواير فيه طريقه سهله والمشكله محد يستخدمها وهي انك اذا ركبت الواير بين السيارتين حط الفرشه او اي قماش ثقييل فوق الواير بالطريقه هذي لو ينطلق الواير لاسمح الله بيطيح علي الارض علي طول

[شروكي ربع]

الحمد لله 3 سنوات وزي الحلاوة وقوي ..


يعني والله ما تتخيلون متانته وقوته , وبالنسبة للحفظ فهو في كيس داخل السيارة ..


فما يتعرض للشمس مباشرة , وبين فترة وفترة لا بد تجر من هالـ هايلكسات والا الدداسن :D


فما يجلس فترة طويلة ما يستخدم ..

[عاشق z71]

والله يالغالي شروكي لو اني ماعرفك زين وعارف طيبتك وخوتك وحبك للخير

كان قلت ذا ينصب علينا

بس فعلا بما اني ماقد شفت تجربه له قدامي فكلامك صحيح

وتسلم يالغالي والله يستر عليك وعلى اخونا المسلمين

[شروكي ربع]

والله يالغالي شروكي لو اني ماعرفك زين وعارف طيبتك وخوتك وحبك للخير

كان قلت ذا ينصب علينا

بس فعلا بما اني ماقد شفت تجربه له قدامي فكلامك صحيح

وتسلم يالغالي والله يستر عليك وعلى اخونا المسلمين


تبي أسلفك أياه تجربه :D

عادي ترا بس كل جره بـخمسة ريال :p

[بواسامه]

صدقني انه مايقارن بالقماش
اللي هي السبته القويه
رح للريل عند ضيف الله ولا غزلان وخذ الهولندي
ولا المحيميد عنده الصيني
افضل واضمن من هالحبل البلاستيكي ولا فيه وجه مقارنه لا بقوة ولا تحمل
وانا اكلمك من واقع تجربه
سلسله شريتها صلب 180ريال وعندي من 17 سنه ومايحتاج مدح لها بس خطره ومازالت
وهالحبال اللي تتكلم عنها اخطر واخطر لو انطلق الحبل من الهوك وهو ممط ثمن يجيك على القزازه ولا على زميلك لا قدر الله
لا تتعدى السبته القويه وتتحمل الى اطنان بدون مبالغه حسب مايكتب عليها
ورح الى اي محل لبيع الحديد تجدهم يستخدمونها وهذا اكبر دليل على قوتها
يشيلون بها اطنان ويومي ومن سنوات
وكذلك المواني العالميه عليها
والان في السوق الصناعه الاماراتيه وجيد وقوي
وركب الهوك اللي شريت
وللمعلوميه بالنسبه للهوك في الياباني هو افضل شي كهوك
صغير الحجم وقويه في التحمل والشد ولا يعلى عليه
والكبر الزايد ليست بميزه وانا اخوك لان بعض المواتر مرب الشد في الشاص فتحه ولا تناسبه
عموما شاكر لك حرصك على نفعك ياشركي ربع
وجزاك الله خير

[بن عاقول]

السلام عليكم ورحمة الله , أنا مع الأخ اللي قال إن الحبال القطن قوية مثل حبال الخيام بس طبعا أكثر سماكة لا وإذا صارت مبلولة تتضاعف قوتها سبحان الله على أساس تجمع الألياف وبالنسبة للي يبغى قوة متناهية ياخذ حبال السفن والقوارب , وترى وايرات العليان ممتازة خصوصا تايجر 5طن مجرب وفعال هذا وتقبلوا تحياتي

[الطرفاوي@]

ماقرت وبيض الله وجهك على هذه النصائح انت ولاخوان بارك الله بالجميع

[شروكي ربع]

صدقني انه مايقارن بالقماش
اللي هي السبته القويه
رح للريل عند ضيف الله ولا غزلان وخذ الهولندي
ولا المحيميد عنده الصيني
افضل واضمن من هالحبل البلاستيكي ولا فيه وجه مقارنه لا بقوة ولا تحمل
وانا اكلمك من واقع تجربه
سلسله شريتها صلب 180ريال وعندي من 17 سنه ومايحتاج مدح لها بس خطره ومازالت
وهالحبال اللي تتكلم عنها اخطر واخطر لو انطلق الحبل من الهوك وهو ممط ثمن يجيك على القزازه ولا على زميلك لا قدر الله
لا تتعدى السبته القويه وتتحمل الى اطنان بدون مبالغه حسب مايكتب عليها
ورح الى اي محل لبيع الحديد تجدهم يستخدمونها وهذا اكبر دليل على قوتها
يشيلون بها اطنان ويومي ومن سنوات
وكذلك المواني العالميه عليها
والان في السوق الصناعه الاماراتيه وجيد وقوي
وركب الهوك اللي شريت
وللمعلوميه بالنسبه للهوك في الياباني هو افضل شي كهوك
صغير الحجم وقويه في التحمل والشد ولا يعلى عليه
والكبر الزايد ليست بميزه وانا اخوك لان بعض المواتر مرب الشد في الشاص فتحه ولا تناسبه
عموما شاكر لك حرصك على نفعك ياشركي ربع
وجزاك الله خير


كلامك جميل يالغالي ..

وجميل طرح التجارب المنوعة حتى يستفيد الجميع ..

[شروكي ربع]

السلام عليكم ورحمة الله , أنا مع الأخ اللي قال إن الحبال القطن قوية مثل حبال الخيام بس طبعا أكثر سماكة لا وإذا صارت مبلولة تتضاعف قوتها سبحان الله على أساس تجمع الألياف وبالنسبة للي يبغى قوة متناهية ياخذ حبال السفن والقوارب , وترى وايرات العليان ممتازة خصوصا تايجر 5طن مجرب وفعال هذا وتقبلوا تحياتي


كلامك سليم يالغالي ..

والحبال ذي ما يحتاج , عز الله انها قوية قوة خيالية ..

[مفخرة الارض 0666]

مشاء الله عليك

[شامخ ألهيلا]

اخوي شروكي ماشاء الله عليك يالذيب اخترت اوفر الطرق وافضلها وطريقته حلوه اذا تبي تشيله في اي مكان بالسياره

عندي لك حبل بما اني راعي قلبان وارتوازاات واشتغلت فيها
طال عمرك يوجد عند حقين الغطاسات الزراعيه حبل حريري قووي ومتين واخف وزن ويستخدم فيتنزيل الغطاسات في الابااار
وترا سعره رخيص وهو قووي ولاياثر فيه الشمس والا المويه ولا شي


اخوك شامخ

[الشاهين2004]

غخ67طرترمحيتعبق
هقف78758
وبعتلف
هقخي

[داود الحمد]

مرحبا أخوي شروكي
بصراحة أنا ماشفت مثل السلسلة عطيت الله صح إنها ثقيلة لكن تبرد كبدك
عموما مثل ما قالوا الإخوان إنتبه من التوليف لأنه يوهق دايما

تقبل مروري ولك خالص الشكر

[ذيب المواجع]

بارك الله فيك وما قصرت
وفكره رائعة جدا
ذيب

[ابودعسان]

اذا تعرفون السير اللي يجي بمكاين المزارع
هذا مافيه زيه بس يبي له اللي يضبط خياطته

[سوبر VTC]

مشكور اخوي شيروكي
تحياتي لك

[ابو عبدالملك 2]

طريقة الحبل جيده بشرط ان تكون على طريقة السلسله

طريقة السلسلة قويه جدا بحيث انك لوتجر تريله ما اظنه ينقطع وابحاول انزل موضوع عن كيفية صنع السلسله بالحبل بالصور في اقرب وقت ان شاء الله

[وكعة]

تسلم اخوي على هالفكرة .... بس يبدولي ان السبتة هي افضل شي موجود ميزتها لينة على السيارة اثناء السحب وافضل جودة..... لازم ترخي الريال
...... مشكور اخوي مجرد رأي

[شروكي سبورت]

ما شاء الله عليك
بس انتبه

[ابوتركي666]

السلام عليكم
إنتبهوا ياشباب لسلسله تراها اخطر شيء
صارة معنى مرتين مره نسحب واحد وخوينا متل الموتر يوم إنطلقة السلسله وسطي الموتر الي متعلق ونثري القزازه الاماميه صار كنه طايح عليه ماصوره
والثانيه واحد متعلق في طين وجاء خوينا ومتله ونطلقة السلسله من عند السواق داخله عليه بالغماره طبعا هالمره الي يجر تأثر
اكرر واقول انتبهوا لسلسله