إلى كل من يشكي من مشاكل العمود ( ورشة متخصصة بالعمدان بأنواعها )

[علي عليوه]

السلام عليكم ورحمة الله وبركاته

إخواني أعضاء وزوار منتدى مكشات

بالصدفة حصلت ورشة بالصناعية القديمة متخصصة بمشاكل العمدان

سواء من الرجة أو الميلان أو غيرها ,, ويبدو لي والله أعلم إن عندهم سالفة

لأنهم يرصصون العمود ويسوون له حركات مش بطالة

وصف الورشة : وأنت طالع من تحت الجسر الحديد اللي يسمونه دوار الخرج

متجه لمخرج 17 شرق

طريق سلمان بن عبد العزيز ,, احسب ثالث شارع على يدك اليمين ( وبالأمــاره ) فيه بالزاوية بنك البلاد

ادخل يمين وجهك جنوب يجيك ثاني شارع على يدك اليسار ادخل معه وعد 50 متر تحصل

ورشة وحيد

على يدك اليمين تفتح شمال

رقم تليفونهم

*****01

وأخيرا صدقوني لو أقسمت بالله أن لا مصلحة لي من وراء هذا الإعلان إلا دعاء

من متضرر لما حنثت

بيميني

لا تحرمني من دعوة ولو بظهر الغيب فأنا بأمس الحاجة , جزاك الله عني كل خير

تم تحرير المشاركة بواسطة المشرف

[بدوي جنوبي]

اخي الكريم يمنع وضع ارقام هواتف

اكتفي بأسم الورشة فقط

اللي يحتاج الرقم عن طريق الخاص اسوة بكل المواضيع
بالتوفيق

[طخيمان]

اخوي ورشة وحيد معروفة بشغلهم النظيف للأعمدة

وعندهم واحد سوري ممتاز وشغله نظيف

مرة من المرات ودينا له موتر واحد من الشباب قلنا له في مشكلة في العمود قال لنا لا مع انه كان بإمكانه يقول انه خربان ويحتاج تغيير ب 1000 او 1500

ولاهنت

[Magellan]

المفروض أي سيارة تورد للملكة مهما كان نوعها أو طرازها ، أن يتم حماية عمود الدفرنس(الكردان) من التأثير الخارجي...
بالفعل إستهتار من مصنعي السيارات بحياتنا ، يعني لو ينطلق هذا العمود لأصبح الإنسان في خطر ولترتب عليه أمور لايٌحمد عٌقباها ...
ولكن وجدوا مصلحة في وضعه عاري حتى تتم صيانته دائما لإستحلاب مافي الجيب

[بدنية2002]

يرفع للفائدة

وجزاك الله خير

[مقلع الرمث]

والله هذا وحيد رحت لمه ونصب علي نصبه اكويس المهم سوري اللي قابلت قالي العاموود يبيله تغيير وانه خربان مره طبعا السياره باترول قلتله ليه قالي ان الباترول مايظبط ابدا نرصصه ولا مانرصصه قلت وش اسوي قال مالك الا التشليح قلت الله يعين بعد توه ماخلص كلام قال انا عندي عامود حق باترول نظيف وطبزني بذاك السعر تقل شاري الورشه توقع كم قالي 2000 ريال والله حرامي وستين حرامي رحت للتشليح اتنقى على 200 ريال ونظيف مره واحسن من اللي عنده واسف لكن على انه قهرن بالسعرر واسف على الاطاله

[مطحن]

السلام عليكم ورحمة الله وبركاته

انا جربتهم مره وحده ... وكان الشخص اللي فحص موتري اسمه خالد

لكن ما شاء الله عليه ... بالعين المجرده اكتشف الخلل ... ومن شدة ما هو واثق بنفسه

قال المشكلة عندك بعمود الدبل وابفكه وجرب اذا راحت عندك المشكلة لا ترجع لي واذا ما راحت المشكلة ارجع ونركب لك العمود اللي حنا فكينا والفك والتركيب ببلاش

اخوك عبدالرحمن

[ابو سامي911]

أخوي علي الورشة هذي خربت علي العمود وصار يرج أكثر ونجبرت أشتري عمود من التشليح بسببهم

[المميـز]

للاسف هذي الورشه ماتصلح ((( عمــــــود البـــــاتــــــــرول )))

اانا بنفسي مريت عليهم وقالي مانشتغل بعمود الباترول

الكلام هذا قبل 6 شهور تقريبا

[الساهر2003]

اخوي هذولا ممتازين في الترصيص الارضي وهذا من تجربة لترصيص فقط غيره لم اجربه لاني حصلت لي مشكلة فيالجيب لند وهي رجه في البدي اذا اسرعة 140 واكثر ورحة لاكثر من ورشة معروفة في الصناعية وكلهم نصابين
الا هذولا من كلمة وحدة وظبط الموتر ولله الحمد

[سوبر VTC]

اذا بغيت تفحص العمود اذا كان فيه طعج بسيط او لا

ارفع الموتر من الخلف و عشق الموتر خله على سرعة 20مثلا و حط مفك على حد العمود اولا من عند القير و ثم من النص ثم من الاخير من عند قبل الكارونة
اذا كان العمود يبعد و يجي عن المفك فانه مطعوج
يساعد على ذلك ان العمود مسرع
و هذه الطريقة افضل من مكينة المخرطة لان دورة مكينة المخرطة بطيئة و لا تبين معك ان العمود سليم او لا
حل بديل
اذا كان العمود مطعوج
تروح للمخارط يقصون الماصورة المطعوجة كاملة و يحطون وحده جديدة و يضبط و هذه لاحد الربع معه جيب حوض م2000
تحياتي

[عبدالله الضويان]

للرفع لتعم الفائده
ويعطيك الف عافيه اخوي

[كبسولة2]

هناك أيضاً طريقة مثل طريقة أخي سوبر فتك بالضبط

ولكن بماصورة طويلة مستقيمة على قد عمود الكردان

توضع تحت العمود بمسافة نصف سم تقريباً وشخص آخر يعشق السيارة

ويمشيها 10 أو 20 فإذا كان في العمود لوحة أو طعجة راح تتلامس مع الماصورة

[غربي هواوي]

هناك أيضاً طريقة مثل طريقة أخي سوبر فتك بالضبط

ولكن بماصورة طويلة مستقيمة على قد عمود الكردان

توضع تحت العمود بمسافة نصف سم تقريباً وشخص آخر يعشق السيارة

ويمشيها 10 أو 20 فإذا كان في العمود لوحة أو طعجة راح تتلامس مع الماصورة



مشكووووووووور ما قصرت

[abo-lma]

قرأت هالموضوع

وأعجبني فحبيت أرفعه لتعم الفائده

والله يجزاك خير ياصاحب الموضوع ويسرالله أمورك

موفقين خير

[صدق النوى]

السلام عليكم ورحمة الله وبركاته
والله يا لربع الورشه ذي في وجهة نظري نصاب
السالفه / كان عندي صوت في الباترول ربع لين رفعت رجلي عن الابنص يطلع صوت قوي
رحت يمهم طبعا مرسل لهم قلت له السالفه
الرد / قال عمود قلت يا مسلم طيب شف وش فيه قال أبد لا اشوف ولا تشوف اللهم لا حول
وأدور عمود وألقاه بأربعمائة مع الرجيع وأركبه ونفس الصوت لا راح لا زاد لا خف
وارجع العمود عمود سليم ميه في الميه
وش صار المشكله طبعا مركب يايات استراليه ارتفعت السياره من الخلف والعمود ارتفع من جهة القير
وانزل القير بأربعين ريال وعاد المياه لمجاريها لا صوت ولا شي الحمد لله
طبعا هذا الموقف الي مر علي مع مخرطة وحيد xxxxxx

[mr.bingo]

مشكور على الاقتراح