الفزعة يا هل النيسان

[حديدي]

:( السلام عليكم ورحمة الله وبركاته هذي أول مشاركة لي في هذا المنتدى وارجو اني ما اثقل عليكم
مشكلتي عندي باترول 2005\4800 فيه ارتداد في القير فيه طقه اذاجيت اوقف وشلت رجلي من البريك
تكفون الفزعة يا هل الخبرة

[حمد808]

وعليكم السلام الطقة تجي بين التعشيق 1و2و3 او اذارفعت رجلك عن الفرامل

[username]

و عليكم السلام.
عندي نفس المشكلة مع النيسان 2005 الفتك. نفس المشكلة بالضبط. مدري اذا كان شي طبيعي مع النيسان لكن تعودت عليها.

[3bdul3ziz]

موجودة في كل النياسين

[الساهر2003]

لها موضوع خاص تم طرحه في السابق والمشكلة موجودة في الباث والباترول واللاند الفي اكس ار التماتيك
ولكن الرابط غير موجود عندي
مع اطيب تحية للجميع

[وقاااااد]

المشكله هذي عيب من عيوب النيسان التماتيك واغلب اهل النياسين يشتكون منها
الطقه هذي من عمود الكردان فيه فضاوه في المسنن ولاله حل إلا التغيير كامل
وانا عانيت منها كثيرا ولاكن فيه طريقه تخفف الطقه بس لازم تستمر عليها كل شهر تقريبا
وهي التشحيم شحم العمود بشحم ثقيل وتخف بنسبه 70 %
اتمنى اني افدتك يالحديدي
تقبل مروري
وقاااااااااد

[((السنياري))]

اخوي 1-ممكن من الهيئه الاماميه 2-ممكن من صليب العمود((فيه صوت لامشيت))

[حديدي]

بيض الله وجيهكم عز الله انكم طمنتوني
الوكالة قالت انه شي عادي وعطوني ظمان على سلامة القير
بس حبيت أتاكد جعلني ماعدمكم:p

[محسن اليامي]

وعليكم السلام ورحمة الله وبركاته

كلام الوكالة هو صحيح وهي شي عادي بالفتك بس ماعليك الا التشحيم فقط

[ابو سامي911]

مثل ما قالوا الاخوان شحم العمود وتنتهي المشكلة

[سوبر VTC]

واحد من كبار السن شرا الباترول 2005 اول نزل بالسوق بعد ذلك اشغل الوكالة اشغال :)
الا تشوفون الصوت قالوا له يابن الحلال الصوت طبيعي :d
الرجال ما اقتنع
بالنهاية ما صبر و باع الموتر :d
تحياتي

[الهاوي2008]

وعليكم السلام

الله يوفقك

[المميـز]

اخوي حديدي

هذا الموضوع انطرح في احد المنتديات

وكان علاجها تشحيم العمود ( يقولون كثرررر شحم وتروووح المشكله )

وكل ماطلعت لك حط شحم وعلمنا بالنتيجه اللي تصير معك

[Abo Saud]

السلام عليكم
اخوي انا عندي باترول ربع 2005
ونفس حالتك بالضبط وقالولي الحل كثر شحم :d