إلحــــــق فــضـيحـة (نيسان) جديدx جديد

[صالح...]

بسم الله الرحمن الرحيم




هذا يا أخوان مرة من المرارير طالعين للبر وسيارتي الي معي دايو(ليجانزا) وأخويانا الثانين معهم باثفايندر كاني
منيب واهم فهو 2005.
انا معي ماطور ونسمت للكفرات , برضوا الباثفايندر يوم جى يبي يسري راعي الباثفيندر عبى كفراته على أساس أنه معه دبل ويبي يمشي إن شاءالله. إلا ويطيح والله بذاك الهيار ويغرز :no: وقال أبمشي من غيـر دبل :director: وصارة الدعوى تحدي ويوم مسك الموتر وصار لا عاد يمشي بدبل ولا غيـره ..

جى وقت الخبث :p .
الرجال مستعجل :hot: وأقنعناه أننا نسحبه بالدايو أســــــرع . والله سحبته مره مرتين ويطلع وربكم ستر على القيــر.:BUTT1:
وهذ المقطع الفديو +8 رجال عدول ثقات عند الحاجة :p


http://file9.9q9q.net/Download/26982571/------073.3GP.html




ملاحظه: بالنسبة للنيسان أنا جايزلي ,, علشان مايفهم مني إني أشن هجمات على النيسان:alarm:
<ـــــــــ يعز شي إسمه ربع باترول. :cool:










وهذا موتري الحين وما أوصيكم إذكرو الله :)


http://file9.9q9q.net/img/63611557/------------------.jpg (http://file9.9q9q.net/preview/63611557/------------------.jpg.html)

[شروكي ربع]

ياحبك للحرش :D

[صالح...]

شاكــر لك مرورك الكريم.. :good2: وبالنسبة للموضوع فانت الي ذكرتني فيه .:type:
والي بيجيني ( لك نصيب منه إن شاءالله). :looney:

[بنزرت]

res://shdoclc.dll/pagerror.gifلا يمكن عرض الصفحة

الموقع اللي انت حملت عليه المقطع شكله موقع قعيطيه ... مسحوه بعد وقت قصير

[جِهاد]

المقطع شغال

وفضيحه ماتنبلع خخخخخ

[الساهر2003]

اي سيارة ما تنسم الكفرات انس يطلع الا بسحب او تفجير وحتى الموتر اللي يسحب لزم ينسم وللمعلومية حتى الشيصان والارباع تغرز لكن لو تنسم انس يغرز
والف شكر لك

[صالح...]

اخوي بنزرت ,, حاول مرة ثانية وإن شاءالله يظبط معك . شكراًً لمرورك الطيب.

اخ جهاد ،، شاكر لك مرورك العطر.

اخ الساهر،، فعلاً التنسيم لا بد منه خاصة في مثل هذه المواقف :cool: شاكر لك مرورك العطر.

[Abu Saad]

العنوان في وادي والسالفة في وادي :)
بالتوفيق

[المميـز]

الله يعين خويكم عليكم شكلكم بكل جلسه تستلمونه شماته ههههههههههههه

وماشاء الله على الدايو ابدعت

لو انا منك ارسلها لشركة دايو ويعطونك عليها مبلغ سويت لها دعاية محترررمه

مشكووور على المقطع وننتظر جديدك ,,,

[صقر العثمور]

تسلم اخوي وتسلم ملاحظاتك

[صالح...]

Abu Saad: مادري وش كنت تتوقع يكون من خلف العنوان , هل كنت تتوقع خلوة غير شرعية مثلاً من النيسان والعياذ بالله (مثلاً). شاكر لك مرورك والله يوفق الجميع :)
------------------------------------------------------------------

المميز: حللت أهلاً ووطئت سهلاً . ترى ينطبق على هالشخص قول (لكل جواد كبوة) :) وبالنسبة للدعاية فكرة مميزة من شخص مميز :p والدعوة
تبي تكون FEFTE% :D


صقر العثمور: حياك الله .. وشاكر لك مرورك وردك العطــر تحياتي .

[روحي شماليه]

اخوي اذا خويك مايعرف يسوق لاتعيب على شركه كامله
والنيسان والتايوتا غنيات عن التعريف
والسواقه من واحد لواحد تختلف ولا السياره مثل ماقلت نيسان وتايوتا غنيات عن التعريف
وتقبل مروري

[سطام vip]

هههههههه والله يا انتم ضيقتوا صدره؟؟

اتوقع باع الباث عقبها هههههههه

بس عادي دام الكفرات معبيه ما فيه امل يمشي
واغلب الجيوب كذا اذا مو كلها

الف شكر لك والله يعطيك خيرها ويكفيك شرها

انتبه ترا قطعها ناااار والزاهد ما يرحم

دمت بخير

[مواسي الطعوس]

العنوان في وادي والسالفة في وادي :)
بالتوفيق

المفروض العنوان يقول ( تعالو شوفوا المهابول يبي يطلع بدون تنسيم )

ولا يماشي المهبول الا مهبول مثله هذا مهالك لو تبعد عن الديره انت واياه عليك خطر تموت معه


لو ينزل الموتر من جبل وش تقول بعد الخطا من الموتر ماقال هذا خطا


با لنتدى مثل ها العقليات


جاني النوم ما ودي ارد والسلام ختام

[مواسي الطعوس]

المفروض العنوان يكون ( تعال وا شوفوا المهابول يبي يطلع بدون تنسيم )

ولا يماشي المهبول الا مهابول مثله هذا مهالك لاتبعد معه عن الديره تراك تموت

لو ينزل من جبل كان وش تقول الخطا من الموتر ليش يطيع المهابول


المفروض يسحب الى الديره اللي مايستخدم الثقيل اذا كان الموتر واقف هذا مايعرف القياده


ودي ارد لكن ابنام الان

[صالح...]

سطام vip: حياك الله يالذيب ،، ومثل ماقلت الكفرات محجرلها بالهواء الرجال ولا الموتر مافيه عذروب وزين ماشاءالله .. بس وش تقول عن الي يطيرون بالعجة ويفهمون الأمور على غير وجهها. :no:
تحياتي لك ..:good2:

روحي شمالية: حي الله أهل الشمال أهل الجود والكرم ، وأقول اني متأكد لو تبي تعود تقرأ مرة ثانية يبي يتضح لك المقصد ;) . في حفظ الله

مواسي الطعوس: الله يهديك،،يوم إنك تذمني يهون(( أقدر أرد عليك)) لكن لاتذم بالرجال وهو مب موجود أنت الآن بهته الله يهديك إرجع عن الي قلته ولا تأخذك العزة بالإثم، ومابي أقول أكثر من الي قلته. , والسلام

[التسعاوي]

بالله عليك...!!!

[أبو LAMeS]

تحياتي أخوي صالح

على ما يبدو إن هالأيام كود الواحد ما يتغشمر

شكرا لك على هالمقطع الله يسعد أيامك

الأخ الكريم روحي شمالية يوجد في توقيعك صليبين متقاطعة

[مقلع الرمث]

الله يرجك ياحبك للتحريش

[سيف الظفير]

الصقر على صقــــــــــــارة

الصقر على صقــــــــــــارة

الصقر على صقــــــــــــارة

الصقر على صقــــــــــــارة

[جب هآت ود عط]

ما شا الله الدايو لا تبيعه علاشان كل ماغرز الباث فاندر تسحبه هههههههههه
من باب المداعبه

علا العموم ستر الله ولا كان صارت السالفه تحفير ودعس وترتفع الحراره وقلق

الحمدلله علا سلامتكم ولا تنسا لا تبيع الدايو ههههههه

وتقبل مرووووري

احوووكــــــ&ـــــ: غرشووووب

[((السنياري))]

اول شي الباثندر ((ددسن مصندقه ))مع احترامي للي عندهم هسياره((النيسان خفه وقوه ملاها حدود)) بس قويه طريقتكم لسحب اسياره ماخفت على سيارك وراعي الباثندرماخاف على سيارته

[Magellan]

ليس غريب على سيارات نيسان رديئة الجودة
ولكن السيارة تعتمد على سواقها

[حجيلان]

ههههههه الله يهديك ياخوي صالح والله يانت استاثمت بهم
اما ثمانية شهود عدول ثقات هههههههههه هاذي لحاله
ا

[روحي شماليه]

سطام vip: حياك الله يالذيب ،، ومثل ماقلت الكفرات محجرلها بالهواء الرجال ولا الموتر مافيه عذروب وزين ماشاءالله .. بس وش تقول عن الي يطيرون بالعجة ويفهمون الأمور على غير وجهها. :no:
تحياتي لك ..:good2:

روحي شمالية: حي الله أهل الشمال أهل الجود والكرم ، وأقول اني متأكد لو تبي تعود تقرأ مرة ثانية يبي يتضح لك المقصد ;) . في حفظ الله

مواسي الطعوس: الله يهديك،،يوم إنك تذمني يهون(( أقدر أرد عليك)) لكن لاتذم بالرجال وهو مب موجود أنت الآن بهته الله يهديك إرجع عن الي قلته ولا تأخذك العزة بالإثم، ومابي أقول أكثر من الي قلته. , والسلام
اخوي صالح: الله يحييك ويسلم غاليك انت كاتب العنوان فضيحة نيسااان!!! يعني بصراحه تثير الجدل واعذرني بي تعصب نيساني ;) والسموووحه



تحياتي أخوي صالح

على ما يبدو إن هالأيام كود الواحد ما يتغشمر

شكرا لك على هالمقطع الله يسعد أيامك

الأخ الكريم روحي شمالية يوجد في توقيعك صليبين متقاطعة

تحياتي لك اخوي بالنسبه لكلامك لاتلوم الشباب اذا انهم قبسوا الموضوع يثير الجدل (فضيحة نيسان!!) و لكل امرءٍ ماهوا وبالنسبه للتوقيع ياخوي كثير من الناس يجد اي شيء به تقاطع يقولون صليب وانا مااشوف انه صليب لاكن من عيوني بعدله




الصقر على صقــــــــــــارة



الصقر على صقــــــــــــارة


الصقر على صقــــــــــــارة



الصقر على صقــــــــــــارة

قالها ابن الاجواد

[الحمض]

يا اخي شي طبيعي اذا مانسم الكفرات يبي يغرز وهذا في جميع السيارات وش دخل نيسان في المشكلة اذا كان الخ لا يعرف كيف يتصرف

[ابوعبدالهادي]

تحصل كثير مع الغشم اما انت سواق ومشكور على المقطع

[سنعوسي111]

الله يعطيك العافية

[صالح...]

التسعاوي: كيـف الحال؟ , شكـرا لمرورك

أبو LAMeS: ممنون لك ولمشاركتك القيمة ، تحياتي لك:)

مقلع الرمث: حرش بس <ـــــ دبلوماسـي :cool:


سيف الظفير: كلامك ماعليه غبار , بس الدعوة أولاً وآخراً مزحX مزح . ولو إني ماعرف الرجال ماخلاني أسحبه بدايو. لكن الدعوة فيها جبر خواطـر :p

[صالح...]

غرشوووووب: الأولى مالنا غناة عنها :D , وترانا مب مبعدين عن الديـرة والأنوار الي توشفها هي أنوار شارع الفروسية. تحياتي لك :good:

R7AL_AL3OMR: مثل ماقلت البافثندر موتر خذ رجال ، خاصة موديلات الشكل القديم. وبالنسبة للجيب ماعليه خوف ،بس كان ممكن يكون التأثير على موتري والحمدلله ربك سلم.

Magellan: بالعكس، النيسان مواتر جلد وصبر وقوة ويكفي لو ما اذكر غير الددسن .
(الإختلاف لا يفسد للود قضيه) :p شاكر لك مرورك الجميل :type:

حجيلان: حي الله الذيب ،، ;)

[ابووتركي]

الله يهديك ياصالح قوية بالحيل هاذي شكلك في هافمون اذا ماخاب ضني

والكلام على السواق ماهوب على الموتر بنزل ان شاء الله فيديو نغس الكلام بس عاد ثقيل شوي

صابونه تسحب فتـــــــــــــــــك سوبر سفاري مرة وحدة والفلم نفس السيناريو تحدي عشان معه فتك وتاليها
تقلصه صابونه

[الباترول]

ما اقول الا الله يعين خويكم ويكون بعونه ويصبره على الموتر؟؟؟؟؟؟؟؟؟؟؟؟؟؟؟
ومثل ماقال الاخوان العلم على السواق60&#37; ثم الموتر 20 % ثم تنسيم الكفرات 20%
والشكر للجميع

[صالح...]

[quote=روحي شماليه;1638198]اخوي صالح: الله يحييك ويسلم غاليك انت كاتب العنوان فضيحة نيسااان!!! يعني بصراحه تثير الجدل واعذرني بي تعصب نيساني ;) والسموووحه


العنوان وسيلة جذب فقط لاغيـر ,, ويبقى المضمون هو الأصل وهو الأهم :light: . واعذرني إذا إني أثرت حفيظتك بالعنوان:D وتراني مقدر تعصبك للنيسان فهو يستاهل :good2: .

الحمض،ابوعبدالهادي :
مثل ماقلت من قبل , الدعوة كانت تحدي ولو هي جد كان أخذها الرجال من قاصرها ونسم الكفرات ومشى.
بس الدعوى تحدي :D . تحياتي لكم ولمروركم الكريم (الحمض، ابوعبدالهادي)

سنعوسي111: ومن يقول ، شكـراً لك:heart:

ابووتركي: حياك الله ..:) , مالك لوا . هذه المنطقة ورى شارع الرشوش :redcar: عند المخيمات . بإنتضار مقطع الصابونة :D

[راعي طويلات]

ماشاء الله عليك العنوان الي انت حاطه لموضوعك مختاره صح لانك عارف كيف تجذب الزوار بمجرد ماتكتب فضيحة لنيسان اعداد مشاهدة الموضوع تنسب فوق
عموما الخيل من خيالها والبلاء والدبره من السواقة ثم تنسيم الكفرات والا الباثفندر معروف نشاطه وخفته
قدام عيني هذاك اليوم ربع كبسوله 2004 متعلق براس طعس ولو الله ثم ددسن 82 غماره ماطلع
هل معنا هذا ان الكبسوله ماينفع في البر ؟ وهل الددسن يقارن بجيب ؟ الي يحكم هنا السواق وضغط الكفرات والدبره والبصيره في السواقه
مشكور على الموضوع

[أبو LAMeS]

تحياتي لك اخوي بالنسبه لكلامك لاتلوم الشباب اذا انهم قبسوا الموضوع يثير الجدل (فضيحة نيسان!!) و لكل امرءٍ ماهوا وبالنسبه للتوقيع ياخوي كثير من الناس يجد اي شيء به تقاطع يقولون صليب وانا مااشوف انه صليب لاكن من عيوني بعدله
أولا المعذرة أخوي صالح يمكن طلعنا شوي خارج التغطية قصدي الموضوع يعني شطحنا لكن ما نطحنا لكن المسألة مجرد توضيح لا أكثر ولا أقل
وتسلم عيونك أخوي روحي شمالية وكلنا والله نعشق الشمال ومكاشيته لكن الموجود داخل البوصلة صليب لكن الدائرة اللي فيها كتابة واللي في وسطها مثل الدرع مغطية عليه وإذا تبغى تتأكد سو بحث في قوقل عن صور الصليب وأشكاله
وشكرا

[صالح...]

الباترول ، راعي الطويلات : شكراً لكم على مروركم و تعقيبكم الجميل . بارك الله فيكم وفي الجميع.


أبو LAMeS: شكراً لك على حرصك, وحبك للخير وإيضاح الأمر . جزاك الله خير ;) أبداً والله ما شطحت ولا نطحت والشاهد حبك الخير للناس ، بارك الله فيك.

[عسلوف]

مع احترامي لصاحب الموضوع النيسان مافيه عيب يعني صارة الكوري افضل منه غير معقول يا اخي الخيل من ركابها ويش ذنب النيسان اذا ماعليها سواق بعدين الباثفندر ليس سيارة بر بالدرجة الاولى شف الباترول ذيبان وارجو ما تزعل حبيت اشاركك برايي

[صالح...]

عسلوف:السلام عليكم,,
أولاً: الكمال لله ((النيسان مافيه عيب)) .
ثانياً: لست في هذا الموضوع بصدد ذكر محاسن ومساؤي النيسان والدايو ولست أهلاً لذلك ، لكن ذكرت التحدي والي صار من وراه ، ونقلت الصوره لكم كما حدثت على أرض الواقع.
ثالثاً: لو إنك تقرأ بتروي ، وما تطير بالعجة ((علشان العنوان)) كان تغير ردك بالتأكيد . تحياتي لك,,:D

[صالح...]

:p تمنياتي لباقي الأعضاء بعدم الإستعجال,, وليعذرني أي شخص يرد على الموضوع من هذا المنطلق بعدم الرد عليه. :alarm:

[سكّين]

اول شيء انت ماغرزت وهو نشب خلاااص لو تحركة 10 سم طلع

والا انا غلطان

[ترى معي هايلوكس وآكره النيسااان في الله]

[حق الفيتو]

لو في الدايو خير ما قفلت المصنع

[فيتامين]

بدون زعل اسمحلي أقول:

إن خويك منسم علشانه مانسم الموتر

[راعي المواتر]

ههههههههههههههههههههههههههههه

السلام عليكم

كفواااااااااااا يا النقيزا منتيب هينه

[escape_man]

اخوي صالح

موضوع حلو وجميل ... والاهم انه اصدار جديد

باين على موضوعك انه لسعة الصدر .. وعيبنا بمكشات مانقبل المزح

كما لا نقبل التطعيس وهواته والترهيم وفنونه .. مع انها هوايتات محببة للكثير ..كبار وصغار

ابوي وهو ابوي معه بليزر وانا معي قطع 10 واكشت انا وياه يم النفود .. يحب يطعس ..روحه شباب

الله يعطيه الصحة والعافية. فيا احبابي ..اركدو شوي .. خلو ارواحكم شمالية .. وشدخل المقطع ببعض

المداخلات الغريبة.. ترى الواحد تطق تسبده من الردود الي تبين ان الي قدام ابو 70 سنه وهو الفاهم

الواعي وهو راعي البر والعلوم السنعه..

المهم حبيت روحك المرحة وووو الله يوفقك وتاكد اني من متابعينك لو طرحت اي جديد

والعافية

[صالح...]

أهلاً بالجميع:

قائد: فعلاً ، مثل ماقلت السيارة علقت ، ولو حنا يالشباب دافينها كان طلعت من غير تنسيم كفرات لكن نبيها تطلع بالدايو :p .

حق الفيتو: ههههههههههه .. , ثلاجات ويخب عليهم , عموماً السيارات الكورية تعد أغلبها إستهلاكية, وعمرها الإفتراضي أقل من 5 سنوات .

فيتامين: الدعوة كلها كانت تنسيم X تنسيم . شكراً لمرورك ومشاركتك .

راعي الموتر: وعليكم السلام،، شاكر لك إطرائك :D ، ومشاركتك .

[صالح...]

اخوي صالح

موضوع حلو وجميل ... والاهم انه اصدار جديد

باين على موضوعك انه لسعة الصدر .. وعيبنا بمكشات مانقبل المزح

كما لا نقبل التطعيس وهواته والترهيم وفنونه .. مع انها هوايتات محببة للكثير ..كبار وصغار

ابوي وهو ابوي معه بليزر وانا معي قطع 10 واكشت انا وياه يم النفود .. يحب يطعس ..روحه شباب

الله يعطيه الصحة والعافية. فيا احبابي ..اركدو شوي .. خلو ارواحكم شمالية .. وشدخل المقطع ببعض

المداخلات الغريبة.. ترى الواحد تطق تسبده من الردود الي تبين ان الي قدام ابو 70 سنه وهو الفاهم

الواعي وهو راعي البر والعلوم السنعه..

المهم حبيت روحك المرحة وووو الله يوفقك وتاكد اني من متابعينك لو طرحت اي جديد

والعافية



بن غييثات :
بارك الله فيك ، وبشاركتك القيمه.الي أثلجت صدري و نفست بصراحة عن مكنونات صدري :D . لبعض الردود السقيمة الي هي يمكن ثنتين ولا ثلاث فقط, يظهر بها للناس همجية تفكيره وضعف حيلته:no2:
وهم قليلين الي على هالشاكلة. ولله الحمد ;) ، وجزاك الله خيـر والله يخليك ووالدك لبعض ويمدكم بالصحة والعافيه . تحياتي لك :good:

[صالح...]

أشكــر الجميع .. على التفاعل والمشاركة.

[شعال]

ههههههههههه
عشت يالذيب
اجل بنبيع سياراتنا ونشري دايو

[صالح...]

ومن يقول ,, شكراً للمرور..

[الخادم]

اخوي
ماطلعت الصور للفيديو
بعدين بدون تنسيم انسى ان تطلع سيارة مغرزة

[64 الحر]

؟؟؟؟؟؟؟ ؟

[صالح...]

الخادم: جرب تحفظ المقطع، وتوشفه على جهازك وإذا بغيت تحذفه ،أنا جربت و أشتغل معي بهالطريقة . تحياتي لك :)


وإذا ماظبط؟؟ تلقا المقطع نازل على اليوتيوب , في واحد من الأعضاء نزلها هناك :confused: من غير ما يستأذن أو يذكر المصدر حتى ؟؟!!:no2:

[الشروكي3]

السايق تعبان وله الباث من أفضل الجيبات في الرمل ..