بخصوص حل مشكلة حرارة الباثفندر هنا الحل ان شاء الله

[Abo Fhad]

ترقبوا التفصيل بالصوره للسيارة ولد عمي الى كلفته حول 8000 ريال لتصليح حرارة السياره

وطلع الحل ما يكلف بالكثير 800 ريال اذا القطع وكالة ( وبأمكانك يكون من التشليح ولا تكلفك 400 ريال بالكثير )


ادري ان شوقتكم لكن الصبر طيب .... :)

[خلفهم]

بإنتظارك بأحر من الجمر ..!!

[المميـز]

الله يصبرنا

[كن مع الله]

اي والله تكفا لاتتأخر علينا

بارك الله فيك وجزيت خيرا

بس متى راح يكون ان شاء الله

[ابوعبدالله678]

ن ح ن ن ت ر ق ب

[Abo Fhad]

ابشروا بالسعد

لكن انا في انتظار ولد عمي يدور القطعه في التشليح ويصور المشكله وانزلها لكم ان شاء الله ...

[كن مع الله]

الله ييسر امرك وامره بس تكفا لاتتأخر علينا

يالقرم ترانا بالانتظار

[الساهر2003]

اخوي ابو فهد ترانا ننتظرك والله ييسر امرك
مع ان الحرارة عندي تتجاوز الخط الثاني في الظهر ومشغل المكيف في الرياض باث تماتيك 2005
هل هو طبيعي مع اني توني مصيخ الاديتر
الف شكر لك

[الحمض]

عجل على اخوانك

[المحترف800]

أبو فهد لاتتأخررررررررررررررررررعلينا الله يرحم والديك ...

[Abo Fhad]

يا اخوان الله يهديكم استعجلتو علي لكن الله يعين ..

المهم بالنسبه لحرارة الباثفندر خصوصاً هذه الأيام طبيعي يكون فوق الربع طبيييييييييييييييعي ...

المهم

المشكلة تكمن في الفلتر الى جاي من القزوز ورايح للكنداسه ( مكانه بالضبط تحت باب السواق في النص ) وهو عباره عن دبه للشكمان ويوجد بها حساس ... هاذي سلمكم الله بعض المرات يتكسر الحديد الى داخلها ويكتم على الموتر ولاتطلع الحراره او الدخان من الشكمان ...

امامك احد الخياراين اذا كان الوصخ الى داخل الفلتر خفيف يفكها لك فني شكمانات امين وينظفه وترجع المور تمام .... اما اذا كان متكسر ومتهالك الله يعين على 1400 من الوكاله او 500 ريال من التشليح .

اسف على عدم دقة الأسعار في ارد السابق ..


للمعلوميه ولد عمي غير بلف الحراره وفك نص المكينه وخرط الراس وغير قطع كثيره ولا استفاد شي !!!!

وفي الأخير طلعة هاذي المشكله بعد معاناة دامت سنه !!!!

الحمد لله على كل حال .... وماتشوفون شر .........

[saudiman]

ابو فهد وهقت الناس وهجيت وينك ياصاحبي ننتظرك هههههههه

[المحترف800]

الله يعطيك ألف العافيه يأبو فهد .. والأجواء بعد حرررررررررررر أنا تاصل عندي فوق الربع بشي بسيط وأتوقع
مثل كلامك طبيعي .. وسألت واحد عنها وقالي طبيعي فوق الربع بشي بسيط ...
ويعطيكم ألف عافيه ياشباب وجعلكم ماتشفون شر ..

[السرب]

يعطيك العافيه وتسلم على الافاده

[كن مع الله]

اخي ابو فهد بارك الله فيك ولا حرمك الاجر والمثوبه

بس سؤالي وامل ان يتسع صدرك لي

كم صار له مغيرها ولد عمك وهل الموتر الان تمام

لأني ان شاء الله بقول لخويي يغيرها ويتوكل على الله بعد ما تعطيني الاجابه

ولا حرمك الله الاجر يالغالي

[Abo Fhad]

اخي ابو فهد بارك الله فيك ولا حرمك الاجر والمثوبه

بس سؤالي وامل ان يتسع صدرك لي

كم صار له مغيرها ولد عمك وهل الموتر الان تمام

لأني ان شاء الله بقول لخويي يغيرها ويتوكل على الله بعد ما تعطيني الاجابه

ولا حرمك الله الاجر يالغالي

اخي الكريم لا تغيرها الا اذا كانت تحتاج تغيير مثل خربشه - تنسيم في جنب الدبه خفيف ( حط يدك بجنب الدبه واذا في تنسيم بتحس بهواء حار قوي شوي )

توه مصلحها يوم السبت الى فات

[الساهر2003]

الله يجزاك خير اخوي والف شكر لك
وماقصرة على التوضيح

[التسعاوي]

هلا ابوفهد...تقصد الشخلات..؟

[ذيب صعافيق]

أنا ارى ان تقص هذه الوصله وتضع مكانه ماصوره وتلحم فيها صاموله تكون نفس سنة الحساس وتركب الحساس فيها

[خشيمان]

أتوقع انك تقصد الشخالات؟؟

طيب فيه حل ثاني

ركب هدرز جديد ما يتعدى 1500
وركب دبة يوكن علشان يروح الصوت
واضف ان العزم يبي يزيد

أتمنى يكون رأيي صائب

خشيمان

[جول قميري]

الله يعطيك العافية اخوي ... والله يعين على الحرارة صدق تضيق الصدر

بداخل الرياض توصل عندي فوق الربع بشوي واذا وصلت السرعة 140 توصل النص!!

[Abo Fhad]

الله يعطيك العافية اخوي ... والله يعين على الحرارة صدق تضيق الصدر

بداخل الرياض توصل عندي فوق الربع بشوي واذا وصلت السرعة 140 توصل النص!!

هدئ من روعك فهذا طبيعي

[عاشق نصب باث]

الله يعطيك العافية اخوي ... والله يعين على الحرارة صدق تضيق الصدر

بداخل الرياض توصل عندي فوق الربع بشوي واذا وصلت السرعة 140 توصل النص!!

الله يعينك يا لبى قلبك
هذا كلتش المروحة شيك علية حبيبي والمروحة بعد

[ابوجاسم 11]

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
شـكــ وبارك الله فيك ـــرا لك . (http://www.arabia-ms.com/).. (http://www.arabia-ms.com/vb) .. (http://arabia-ms.com/). لك مني أجمل تحية .

[رفيع المقآم]

الله يعينك يا لبى قلبك

هذا كلتش المروحة شيك علية حبيبي والمروحة بعد



ههههههههههههههههههههههههههههههههههههههههههههههه

والله يانت مطفي النوووووور وبقوة بعد

اجل المروحه

الموضوع يابعد قلبي عام 2008 يعني قبل 4 سنوات

يمكن الرجال باع الموتر وشرى وكالة

اتمنى تتقبل ردي بصدر رحب

والشي الثاني ماترفع المواضيع القديمة

[mnhajri]

اخوي بارك الله فيك
ادري ان الموضوع قديم شوي
بس هل الحل هذا ينفع معي ..

مشكلتي ترتفع الحرارة عندي اذا السيارة واقفه والمكيف شغااال فقط ..

[sgl2002]

الباث والباترول في اشد الظروف تتعدا الحرارة الخط الثاني بشوي

يعني لاتغير شي دام الوضع كذا فوق الربع بشوي

[mnhajri]

اي ربع فوق النص توصل