أحد عنده خبرة في جنوط الهلل

[المستجيربالله]

السلام عليكم

أحد عنده خبرة في جنوط الهلل

الموجود في السوق النوع التجاري

مشورتكم يالنشاما

[المستجيربالله]

مازلت أتأمل الكثير منكم

[هويدي]

وعليكم السلام

وشلك بالتجاري لا صار الاصلي رخيص

[المستجيربالله]

وعليكم السلام

وشلك بالتجاري لا صار الاصلي رخيص


لاهنت ياهويدي


الأصلي كم سعره


وجنوط الهلل أصلا خاصة بأي سيارة


وين أحصله

[بني تميم وهبه]

ما عرف شي عنه

[المصمك]

الأخ المستجير بالله
إذا كانت سيارتك تويوتا أنصحك بجنوط الباجيرو هلل
أصليه وكالة تحصلها في شارع الغرابي أربعة جنوط بــ 500إلى 600 ريال النظيفة
والله يوفقك للزين
وتقبل مروري:BUTT1:

[المستجيربالله]

الأخ المستجير بالله
إذا كانت سيارتك تويوتا أنصحك بجنوط الباجيرو هلل
أصليه وكالة تحصلها في شارع الغرابي أربعة جنوط بــ 500إلى 600 ريال النظيفة
والله يوفقك للزين
وتقبل مروري:BUTT1:


بيض الله وجهك يالمصمك

هل هذه قيمتها جديدة

وفي أي محل أحصلها

[المصمك]

مستعملة
ما ني متأكد من اسم المحل
اسئل أصحاب المحلات بيعطونك الخبر
أهم شي خذ ضمان عن الرجه وتفحصها وجرب سرعة السيارة إلى 160

[المحترف800]

الظاهر أن الأصليه بحدود 1200 والتجاري تراه نوعين ...

[المستجيربالله]

شكرا للجميع

لو شريت الأصلية وبركبها على شاص هل تحتاج خرط

[هويدي]

زي ما تفضل اخوي المصمك هاذي اسعارها وهي حقت الباجيرو اللي تجي 6 مسامير

بس تقول موترك شاص اي موديل

ان كان من 2000 وطالع يبيلك جنوط الهدد اللي تجي خمس مسامير

ومن ناحيه الخرط اخبر واحد من الربع مركبهن على 2005 خارطهن فمدري هي زينه ولا ضروره

[خشيمان]

بالنسبة للهلل خذ العلم الوكاد ( 6 مسامير)
اللي بــ 600 حقت الغرابي تجارية
بالنسبة للأصلية أنا اعتبر ماخذها رخيصة جدا
أخذتها من واحد بــ 900 خمس جنوط (باجيرو)
وكانت ما تركب على الباترول
تحتاج إلى خرط (توسيع الفتحة اللي في الوسط )
وتحتاج إلى تبريز ( علشان ما تحك في الفحمات)
وكلفني الخرط مع التبريز 400 ريال (بس شغل ممتاز وفيه ارخص منه)

أتمنى اكون افدتك

[هويدي]

انا سبق وشريت اربع اصلي باجيرو بـ600 ريال ركبتهن على الباترول بدون خرط بس ركبت قدام التبريزه الجاهزه لان شفه الجنط تحك بالذراع ومشا الحال ،،، بس شكليا وعمليا خرط الجنوط افضل ( تبريز)

[بدنية2002]

لا تاخذ إلا أصلي وخاصة إن كنت راعي تحميل

أحد الزملاء ركب تجاري وحمل شعير وانشعر جنط منهن مع فتحات المسامير

وتحصل الأصلي عند محل الضحيان بالصناعية القديمة

واللي أعرفه سعر جنوط الهدد 5 مسامير يتراوح من 1350 ألى 1400

[إعصار]

وتحصل الأصلي عند محل الضحيان بالصناعية القديمة




ممكن رقم الضحيان .. أو وصف المحل .. اذا تكرمت ..:)

[بوه مير نيم12]

طيب وين احصل جنوط هلل 6 مسامير اصليه

[التعـ King ـديل]

اذا كان الشاص اللي معك 6 مسامير ركب له اصلي

واذا 5 مسامير ركب له فراشه

[الحناش999]

ياخوي من واقع خبرة بالنسبة لجنوط الهلل تراه انواع كثيرة واللي بالسوق حظ ونصيب وغالبيتها تجي من الامارات مصبوغة وداخل كراتين عادية واي يماني تسالة يقول اصلي وبالنسبة للاصلي حق الهدد الجي اكس مايركب على الشاص والربع لانة يحك قدام لكن من تجربتي وللة الحمد اخذت لي من التجاري نوع محفور علية كتابة انجليزية واللة لة سنة ماشاللة علية على جيب ربع لذلك انصحك نصيحة اخ وانصح اخواني باخذها اما اللي تجي ماعليها كتابة منحوتة ابعد عنها لانها ماتحمل الكرف لك تحياتي ولا تنسونا من دعائكم

[ابو واافي]

ياخوي من واقع خبرة بالنسبة لجنوط الهلل تراه انواع كثيرة واللي بالسوق حظ ونصيب وغالبيتها تجي من الامارات مصبوغة وداخل كراتين عادية واي يماني تسالة يقول اصلي وبالنسبة للاصلي حق الهدد الجي اكس مايركب على الشاص والربع لانة يحك قدام لكن من تجربتي وللة الحمد اخذت لي من التجاري نوع محفور علية كتابة انجليزية واللة لة سنة ماشاللة علية على جيب ربع لذلك انصحك نصيحة اخ وانصح اخواني باخذها اما اللي تجي ماعليها كتابة منحوتة ابعد عنها لانها ماتحمل الكرف لك تحياتي ولا تنسونا من دعائكم


اخوي ابي اشتري اللي تقول تجارية كانها تركب على الباترول 6مسامير بس ياليت توضح الكتابة المنحوتة وين احصلها جوى الجنط او برا واذا تعرف الكتابة ياليت توضحها الله لايهينك

[ALOTAIBI]

اخواني , هناك جنوط شفتها ما جربتها تجي من بلد على الونيت الاسيزو الدبل ابو رفرف اسود ,مقاس 16 - 6 مسامير - هلل - الفتحة اللي بالوسط كبيرة خلاف جنوط الباجيرو صغيرة .
لكن هل نفس مقاس الفتحة بالباترول والجيب التويوتا القديم ؟ لا اعلم ...ان شاء الله تركب وترتاح من الترهيم

تقبلوا مروري

[كايد]

معليش الموضوع قديم

لكن نبي جنوط الهلل الاصلية يا ليت احد يدلنا على الوكيل ؟
شكرا