المساعد الشخصي الرقمي

مشاهدة النسخة كاملة : لأصحاب الخبرة في الكرسيدا


الفردوس
13/12/2003, 09:17 PM
السلام عليكم
من فترة قدر الله علي وصار معي كرسيدا
والمشكلة أني راعي بر بشكل مو طبيعي لا يكاد يمر اسبوع إلا وفيه من طلعة إلى ثلاث طلعات
والواحد ما وده ينطل وجهه على الناس يدور راعي الهايلكس والجيب
نختخت بهالكرسيدا ووالله العظيم انها مبروكة الله يحرسها
لكن فيها عيب واحد انها نازلة شوي
فأنا محتار بين أغير الجنوط إلى مقاس 15
أو نغير المساعدات ونرفعها شوي

هل أحد عنده خبرة شوي
أيمن
13/12/2003, 10:27 PM
أخوي الاسعدي ..
الله يبارك لك في موترك ويخليه لك ويخليك له ..
لكن ماحنا مجاوبين لين نشوف صورة المبروكة فوق طعس، ولا شافة شعيب، حتى تثبت لنا بالبراهين أنها "أد المآم :)"\
وأبشر باللي يفيدك ..

تحيتي
الفردوس
14/12/2003, 12:37 PM
أبشر يا مشرفنا
أجيب لك صورتين لها مرة على طعوس ومرة في شعيب تخوض بالماء
وش رايك ؟

انتظرني
الفردوس
15/12/2003, 01:43 AM
يالله وينك يا أيمن

http://www.geocities.com/mask00oo00/crassida.jpg

وهذا رابط الصورة

http://www.geocities.com/mask00oo00/crassida.jpg
الشقردي
15/12/2003, 07:42 AM
اللي أعرف يالجيوب و(((اتوقع))) يصلح لسيارتك شيئين:
1- يركبون قطع اضافية فوق اليايات وترفع السيارة بشكل غير طبيعة (زي حركات بعض الشباب هالايام الله يصلحهم يركبونها على السيارات الصغيرة والونيتات عشان الشكل بس! ) , الطريقة غير مكلفة ولكن مشكلتها على ما أعتقد انها تقلل من رساوة السيارة على الخطوط (ما جربتها بنفسي).
2- يركبون بالونات (خاصة) وسط اليايات تنفخها بالهواء قبل تحمل السيارة واذا رجعت لبيتكم تنسمها الى ضغط 10 , الطريقة اكثر تكلفة من هذيك ولا أدري تلقى مقاس بالون لسيارتك ولا لا؟ وتراها مجربه ويستخدمونها راعين القنص في جيوبهم وعليها ضمان لمدة 6 شهور.

أتمنى اني افدتك وأي معلوما ت زود انا جاهز.

سلام...
الفردوس
15/12/2003, 11:51 AM
مشكور يالشقردي وما قصرت
بالنسبة للخيار الأول جيد وأنا فكرت في اليايات نزيدها شوي ندور مقاس أكبر
لكن مثل ماقلت أنا راعي خطوط وسفرات واجد والسرعة 140 وانت ماشي فأخاف يؤثر على الرساوة

لكن لو غيرنا الجنوط من 14 إلى 16 هل ينفع ولا تحك السيارة خاصة بالرفارف
الشقردي
15/12/2003, 01:13 PM
السلام عليكم ورحمة الله وبركاته

بالنسبة للجنوط ما أتوقع ان ارتفاع السيارة بيختلف كثير يبي لك تحسبها مضبوط على شان ماتروح قروشك على الفاضي. وبعدين تحتاج انك تركب أربع جنوط وأربع كفرات جديدة وبتكلفك دراهم. وزود على كذا ما تدري احتمال وارد تحك في الرفارف مع المطبات القوية(لاحظ أنك في بر) والشئ الاهم ان احتمالية انكسار الجنط مقاس 16 اكثر من 14
لان الكفر من حوله يصير اخف سماكة.

ورى ما تسأل عن حقين البالونات ترى في الجيوب تركب بـ900 (جوز)واتوقع اذا لقيت مقاسك بيصير ارخص؟
الفردوس
16/12/2003, 12:56 AM
الشقردي وبس
طيب سلمك الله أصحاب البالونات وين نلقاهم ؟
الشقردي
16/12/2003, 02:46 PM
اذا انك من أهل الرياض
تلقاها في ورشة مقابل جنوب الفيصلية
وعلى ما أذكر اني سمعت ان فيه ناس يركبونها في القصيم, اذا فيه احد عنده معلومه يفيدنا؟؟؟