رايكم يهمني بخصوص تانكي الماء للهايلكس (و اهل الرس ابيهم بكلمة راس)

[السفير14]

السلام عليكم ورحمة الله وبركاته..

صباح/مساء الخير للجميع..

خبركم الحين جانا الصيف وخفت المكاشيت..

فأنا نويت في الوقت الحالي بما ان محلات تجهيز المواتر شبه فاضية فقلت خلني استغل الفرصة وابدى اشتغل على الموتر من ناحية التجهيزات من تانكي وهنقلين وملحقاتهم .. لاني في الشتاء هذا العام كلتها وما لقيت مواعيد عند محلات التجهيزات الا بعد شهر وزود:confused: .. ولا قدرت اشتغل بسبب الزحمة:( ..


طبعا انا معي هايلكس 2007 دبل..

وبغيت اول شي اسويه اللي هو التانكي, ففكرت وين احطه فخطر في بالي يكون موقعه عند الشاصي (بالطول) ولو كان من الجهتين.. اهم شي توفير محل في الصندوق...

فعطوني رايكم في موقع التانكي.. واذا ما ضبط معي محله عند الشاصي وحطيته في الصندوق (بالعرض) خلف الغمارة الثانية.. ابي خبرت من سبقني بحيث وشي الاشياء اللي تشوفون اني اطلبها من اللي يفصل التانكي من :ــ

1-جعل التانكي بفتحتين ونحوهما..
2- ماهو الحجم المناسب لتانكي (100-110-120-130-140-150 لتر)
3- هل استخدامك لتانكي لماء الشرب او للغسيل او للاثنين معا..ولماذا


اهل الرس..

بصراحة بعد المشاورات .. تم ترشيح الرس لشغلات هذي من توانك وهنقلين..
والتفنن بالشغل:good2: ..

فبغيت الله لا يهينكم افضل ورش لعمل التوانك الالمنيوم (واذا كان التانكي في الصندوق اهم شي بدون تخريم).. لاني بصراحة بجي عنوه للرس من الشرقية (700 كم تقريبا) وابي شغل صح..

وايضا اذا فيه في الرس ورشة تفصل هنقلين اللي ينفتح مع الجوانب بدون تخريم .. لاني حصلت عروق الشمال والاختيار وورشة وصفها لي اخوي الخادم وكلها للاسف تخرم البدي مسامير:( ..

فشاكر ومقدر لكم تعاونكم ومشاركتم لي مقدما..

[حجيلان]

السلام عليكم ورحمة الله وبركاته
بالنسبه لحجم المناسب اعتقد انه مية وعشرين لتر مناسب ويكفي
وحط في بالك انه كل ماكبرت التانكي كل ماصغرت المساحة في الصندوق
وعندي لك راي ثاني اذا كان فيه مساحة فوق الاستبنة مثل الدفرنس
فانت حط تانكيين واحد فوق الصندوق ويكون سعته مية لتر والثاني الي تحت سعته يكون ستين او خمسين
واختيارك ورش الرس اختيار في محله وكان عندي ارقام للورش ولكن ضيعتهن
لكن ماشاء الله المنتدى مليان من عيال الحزم ويبي يفدونك ان شاء الله
ارجو اني اقدرت افيدك وبالتوفيق ان شاء الله

[السفير14]

مشكور وما قصرت يا الغالي على المشاركة والاقتراح..


بس وين ردود الربع..

[ملاعب الريح]

اخوي مالي خبره ولا أعرف إلى الآن ولا ورشه ما تخرم لأن التخريم شي أساسي في تثبيت الهنقلين

لاكن عدي وجهة نظر وإعذرني على صراحتي ليش ما تبي تخرم عشان يستانس به الشريطي اللي بيشريه منك ولا عشان ما تطيح قيمته مع إن العالم وقت الشرا إذا صار الموتر تمام ما يهم التخريم


وألزم ما على الرجال وناسته...........



ملاعبـــ

[إعصار]

اخوي مالي خبره ولا أعرف إلى الآن ولا ورشه ما تخرم لأن التخريم شي أساسي في تثبيت الهنقلين

لاكن عدي وجهة نظر وإعذرني على صراحتي ليش ما تبي تخرم عشان يستانس به الشريطي اللي بيشريه منك ولا عشان ما تطيح قيمته مع إن العالم وقت الشرا إذا صار الموتر تمام ما يهم التخريم


وألزم ما على الرجال وناسته...........



ملاعبـــ


هذا الكلام ..

وشعليك وانا اخوك السيارة مابزود ولاينقص فيه قيمتها التخريم ولاغيرة ..


للمعلومية ..

معي نفس موترك .. ومركب تانكي ومركب هنقلين وكلها مخرم ..



بالنسبة


1-جعل التانكي بفتحتين ونحوهما..

أزين لك حط فتحتين ..

2- ماهو الحجم المناسب لتانكي (100-110-120-130-140-150 لتر)

150 لتر .. انا مسويه ومافيه ذاك الفرق سواء 130 ولا 150 ..

ومزينه خلف الغمارة مباشرة..

3- هل استخدامك لتانكي لماء الشرب او للغسيل او للاثنين معا..ولماذا

والله أفضل اشتري دبه صغيرة ماء حلو .. لماذا الطعم.. وانا اخوك يفرق ..وجرب وانت الحكم ..

بس الوضوء .. والغسيل لا من التانكي ..

:)

[سكّين]

ياخي ترا معك مسااحة كبيرة وش لك بالضيق

حط التانكي بالصندوق

والعرض شبر او زود شين بسيييط

[السفير14]

اخوي مالي خبره ولا أعرف إلى الآن ولا ورشه ما تخرم لأن التخريم شي أساسي في تثبيت الهنقلين

لاكن عدي وجهة نظر وإعذرني على صراحتي ليش ما تبي تخرم عشان يستانس به الشريطي اللي بيشريه منك ولا عشان ما تطيح قيمته مع إن العالم وقت الشرا إذا صار الموتر تمام ما يهم التخريم


وألزم ما على الرجال وناسته...........



ملاعبـــ


يا هلا وغلا بملاعب الريح..
انا احترم وجهت نظرك يا الغالي, بس اذا فيه ورش تعمل هنقلين بدون تخريم ليه اروح عند واحد يخرم البدي؟؟!!
لان فيه ورش تعمل هنقلين بدون تخريم بس للاسف ما يصلحون اللي بالجوانب..
اما كلامك عشان يستانس به الشريطي لا والله ما فكرت كذا .. بس خبرك موتر جديد تتحسف تخرمه واذا شلت الهنقلين بيكون عرضه لصدى , خاصة اذا كنت في ديره مثل الدمام..






هذا الكلام ..


وشعليك وانا اخوك السيارة مابزود ولاينقص فيه قيمتها التخريم ولاغيرة ..



للمعلومية ..


معي نفس موترك .. ومركب تانكي ومركب هنقلين وكلها مخرم ..




بالنسبة



1-جعل التانكي بفتحتين ونحوهما..


أزين لك حط فتحتين ..


2- ماهو الحجم المناسب لتانكي (100-110-120-130-140-150 لتر)


150 لتر .. انا مسويه ومافيه ذاك الفرق سواء 130 ولا 150 ..


ومزينه خلف الغمارة مباشرة..


3- هل استخدامك لتانكي لماء الشرب او للغسيل او للاثنين معا..ولماذا


والله أفضل اشتري دبه صغيرة ماء حلو .. لماذا الطعم.. وانا اخوك يفرق ..وجرب وانت الحكم ..


بس الوضوء .. والغسيل لا من التانكي ..



:)


تشكر اخوي اعصار على المشاركة ...

بس بغيت اسئلك انت يوم حطيت التانك 150 ما حسيت انه ثقيل على الموتر؟

والشكر موصول لك مرة اخرى على اظهار تجربتك للاستفادة..



ياخي ترا معك مسااحة كبيرة وش لك بالضيق

حط التانكي بالصندوق

والعرض شبر او زود شين بسيييط

تسلم يا قايد على مرورك الرائع..




ولازلنا ننتظر البقية .. واهل الرس بعد..

[مخاوي كشات]

العزيز : السفير 14

السلام عليكم ورحمة الله وبركاته ,,,
جو الشرقية اليوم حار
بالنسبة للورشة انا أخذت تانكي المنيوم 90 لتر تحت الشاصي للاندكروزر حلو وممتاز وعليه ضمان 10 سنوات من مصنع الوادي للمعادن جنوب الرس بجوار محطة كهرباء يمكن الإشارة التاسعة وانت جاي من بريدة .
سعره قبل سنة الف ريال الآن يمكن يزود شوي . شغلهم نظيف . بس حدد المطلوب في بالك قبل تاصل له وإذا وصلت تجد عنده اشكال وتصاميم عديده .
الله يوفقك ومبروك عليك .

[السفير14]

يا هلا وغلا بمخاوي كشات..

ايه والله انك صادق الجو حار بس اليوم ما شاء الله ممتاز..

الله لا يهينك على مرورك يالغالي.. بس ما تحس ان 1000 ريال واجد على خزان 90 لتر؟؟!!

وننتظر مشاركات البقية..

[سرهيد]

السلام عليكم

والله انا عندي ونيت دفرنسين غمارتين وركبت فيه تانكي وشد طبعا التانكي خلف المرتبة الخلفية غير التناكي الصغير اللي خلف الاستبنه

وكذلك ركبت شد

حقيقة ارتحت كثيررررررررررر واليك هذا الموضوع عن ذلك فيه تفاصيل ماتريد

http://www.mekshat.com/vb/showthread.php?t=129027

[السفير14]

ما شاء الله عليك اخوي سرهيد..

التانكي اللي مركبه , من عند عروق الشمال ؟ كم حجمه باللتر ؟ هل هو استيل ؟ وكم كلفك ؟

ياريت تذكر اذا عملته بتخريم ولا لا

[abd-107]

يالطيب إذا كنت ناوي تشتغل بالرس بالنسبه للتوانك فلا تشتغل إلا عند الوادي حقيقه شغل نظيف ودقه ويعطيك التفصيل اللي تبيه بالضبط أما الشد فلا تشتغل إلا عند الضويان وكلهن بشارع واحد بالصناعيه
وحقيقه المحلين إشتهر صيتهم ليس بالمنطقه فقط ولكن على مستوى المملكه وأنت أكبر دليل

[عجمي]

السلام عليكم ورحمة الله وبركاته..

صباح/مساء الخير للجميع..

خبركم الحين جانا الصيف وخفت المكاشيت..

فأنا نويت في الوقت الحالي بما ان محلات تجهيز المواتر شبه فاضية فقلت خلني استغل الفرصة وابدى اشتغل على الموتر من ناحية التجهيزات من تانكي وهنقلين وملحقاتهم .. لاني في الشتاء هذا العام كلتها وما لقيت مواعيد عند محلات التجهيزات الا بعد شهر وزود:confused: .. ولا قدرت اشتغل بسبب الزحمة:( ..


طبعا انا معي هايلكس 2007 دبل..

وبغيت اول شي اسويه اللي هو التانكي, ففكرت وين احطه فخطر في بالي يكون موقعه عند الشاصي (بالطول) ولو كان من الجهتين.. اهم شي توفير محل في الصندوق...

فعطوني رايكم في موقع التانكي.. واذا ما ضبط معي محله عند الشاصي وحطيته في الصندوق (بالعرض) خلف الغمارة الثانية.. ابي خبرت من سبقني بحيث وشي الاشياء اللي تشوفون اني اطلبها من اللي يفصل التانكي من :ــ

1-جعل التانكي بفتحتين ونحوهما..
2- ماهو الحجم المناسب لتانكي (100-110-120-130-140-150 لتر)
3- هل استخدامك لتانكي لماء الشرب او للغسيل او للاثنين معا..ولماذا


اهل الرس..

بصراحة بعد المشاورات .. تم ترشيح الرس لشغلات هذي من توانك وهنقلين..
والتفنن بالشغل:good2: ..

فبغيت الله لا يهينكم افضل ورش لعمل التوانك الالمنيوم (واذا كان التانكي في الصندوق اهم شي بدون تخريم).. لاني بصراحة بجي عنوه للرس من الشرقية (700 كم تقريبا) وابي شغل صح..

وايضا اذا فيه في الرس ورشة تفصل هنقلين اللي ينفتح مع الجوانب بدون تخريم .. لاني حصلت عروق الشمال والاختيار وورشة وصفها لي اخوي الخادم وكلها للاسف تخرم البدي مسامير:( ..

فشاكر ومقدر لكم تعاونكم ومشاركتم لي مقدما..
وعليكم السلام ورحمة الله وبركاتة
حياك الله يالسفير
الورش بالرس فية الضويان ( وذي مجربة ) فصلت تانكي ستيل معة ظمان خمس سنوات
وشغلهم تمام وهذا رقمهم 063391116
وفية الوادي ونفس الشي يمدح واجد وهذا رقمة 063331596
اما من ناحية الشد اللي يفتح على جنب ماعندي علم عنة وتقدر تتصل عليهم وتاخذ العلم من راسهم
وبالنسبة لتركيب توانك وشد من دون تخريم هذي اظنة صعبة وما خبرت احد سواة ..كيف يجي التانكي والشد وين يثبت فية !!واظن اذا ركبت فيبر ماعندك مشكلة بالتخريق
بالنسبة لحجم التوانك افضل شي تكون على حد الصندوق من أعلى ..وعلى حد الرفرف الداخلي اللي فوق الكفرمن جوا الصندوق عشان يكون شغلك كلة مخفي ...
واي خدمة حاضرين
وبالتوفيق

[سرهيد]

ما شاء الله عليك اخوي سرهيد..

التانكي اللي مركبه , من عند عروق الشمال ؟ كم حجمه باللتر ؟ هل هو استيل ؟ وكم كلفك ؟

ياريت تذكر اذا عملته بتخريم ولا لا

السلام عليكم

هلا باخوي السفير

طال عمرك المنيوم ويقولون ان حجمه فوق المئتين لتر وكلف طال عمرك ما يقارب التسع مئة ريال

طبعا تم تخريم حرف الصندوق علشان يمسك ضبط

واشوف روعه

ولكل رأيه في الامر

تقبل احترامي

[السفير14]

يالطيب إذا كنت ناوي تشتغل بالرس بالنسبه للتوانك فلا تشتغل إلا عند الوادي حقيقه شغل نظيف ودقه ويعطيك التفصيل اللي تبيه بالضبط أما الشد فلا تشتغل إلا عند الضويان وكلهن بشارع واحد بالصناعيه
وحقيقه المحلين إشتهر صيتهم ليس بالمنطقه فقط ولكن على مستوى المملكه وأنت أكبر دليل

ما قصرت يا الغالي بصراحة افدتني بشكل كبير, الله لا يهينك
وابد ان شاء الله اول ما اروح الرس او ما انشد عن الورشتين اللي ذكرتهم..


السلام عليكم

هلا باخوي السفير

طال عمرك المنيوم ويقولون ان حجمه فوق المئتين لتر وكلف طال عمرك ما يقارب التسع مئة ريال

طبعا تم تخريم حرف الصندوق علشان يمسك ضبط

واشوف روعه

ولكل رأيه في الامر

تقبل احترامي

يا مال العالفية والله يا ابو عبدالله ما قصرت والله بس ماتلاحظ ان 200لتر ثقيييل على الموتر..

ولك رسالة ع الخاص يا ابو عبدالله..



وعليكم السلام ورحمة الله وبركاتة
حياك الله يالسفير
الورش بالرس فية الضويان ( وذي مجربة ) فصلت تانكي ستيل معة ظمان خمس سنوات
وشغلهم تمام وهذا رقمهم 063391116
وفية الوادي ونفس الشي يمدح واجد وهذا رقمة 063331596
اما من ناحية الشد اللي يفتح على جنب ماعندي علم عنة وتقدر تتصل عليهم وتاخذ العلم من راسهم
وبالنسبة لتركيب توانك وشد من دون تخريم هذي اظنة صعبة وما خبرت احد سواة ..كيف يجي التانكي والشد وين يثبت فية !!واظن اذا ركبت فيبر ماعندك مشكلة بالتخريق
بالنسبة لحجم التوانك افضل شي تكون على حد الصندوق من أعلى ..وعلى حد الرفرف الداخلي اللي فوق الكفرمن جوا الصندوق عشان يكون شغلك كلة مخفي ...
واي خدمة حاضرين
وبالتوفيق

بيض الله وجهك يا الذيب وما قصرت ..
والله انك قصرت العنوه يا الذيب..
وما فيه شي صعب وانا اخوك , الحين موجود توانك بدون تخريم و هنقلين بعد.. الهنقلين يشدونها بمسامير من دون تخريم في الصندوق..

[سفاري97]

اخوي إذا جيت لرس هذا رقمي اخدمك قدر استطاعتي 0500737073

[السفير14]

اخوي إذا جيت لرس هذا رقمي اخدمك قدر استطاعتي 0500737073



الله لا يهينك يا سفاري..

ابدا لا تعب نفسك ,, انا باخذ المعلومات من الموجودين واللي بيردون على الموضوع

[السفير14]

للرفع الله يرفع قدركم..

[سرهيد]

السلام عليكم

اخوي سفير

اعتذر عن التأخير

هذا توضيح لطريقة وضع اللي اللي سبق وذكرت لك

لاحظ كيف

http://www.mekshat.com/pix/upload02/images72/mk40450_tanky.jpg

طبعا صورة اللي مدمجة مع صورة التناكي لاني ماخذ الصورة من راعي جركل وهذي صورة الجر الاصل علشان تعرف بالضبط ما اعني

http://www.mekshat.com/pix/upload02/images72/mk40450_tanky6.jpg

وبالنسبة لطريقة وضع اللمبات اللي سبق وأوضحت لك ستجدها لاحقا في موضوع الشد

تقبل احترامي وحاضرين يا مال العافية

تقبل احترامي

[مكيف لو تدري]

أخوي الله يمسيك بالخير أما عن التانكي فلى تركبة إلا في صدر الصندوق وأحسن محل يصلح توانك ألمنيم اليحيى في شرق الرياض و ميزة الألمنيم أزين للشرب وللغسيل لا تحمل جيكة ولا شي وأحسن مقاس 120 أنا مركبه في موتري مهنا أحسن منه مايحتاج تطق مشوار في الرياض كل شي
تحياتي

[السفير14]

السلام عليكم

بالنسبة للموقع هذا يحكمه طال عمرك وضعك لفتحة البزبوز لانه منها بيطلع اللي

يعني ما له لزوم تضع فتحة مستقلة لمعرفة قدر الماء بل عليك ان تضعها فوق الفتحة اللي بتكون للبزوز اللي بتستخدمه للماء

انا اشوف انك تحطه في جانب التانكي اليمين او اليسار احسن واسلم له ايضا

طبعا اكيد بتاخذ اغراضك قبل ما تروح له

ركز على انك يا تاخذ استيل او نيكل يعني تجنب انك تاخذ الحديد علشان تسلم من الصدأ ، وانا انصح بالنيكل


وتقبل من محبك كل احترام

محبك

ابو عبدالله

وعليكم السلام ورحمة الله وبركاته..


وقولك ما له لزوم تضع فتحة مستقلة لمعرفة قدر الماء بل عليك ان تضعها فوق الفتحة اللي بتكون للبزوز اللي بتستخدمه للماء

كلام جميل جدا.. ولو قلت انني ماني فاتح فتحة مستقلة لمعرفة قدر الماء , وش لون طريقة وضع الفتحة (فتحة لمعرفة قدر الماء ) فوق فتحة البزيوز اللي بيستخدم للماء ؟؟ الا اذا قصدك الكوع يكون له فتحتين

[السفير14]

أخوي الله يمسيك بالخير أما عن التانكي فلى تركبة إلا في صدر الصندوق وأحسن محل يصلح توانك ألمنيم اليحيى في شرق الرياض و ميزة الألمنيم أزين للشرب وللغسيل لا تحمل جيكة ولا شي وأحسن مقاس 120 أنا مركبه في موتري مهنا أحسن منه مايحتاج تطق مشوار في الرياض كل شي
تحياتي


مشكور ما قصرت يا الغالي..

مشاركتك اثلجت صدري..

[سرهيد]

وعليكم السلام ورحمة الله وبركاته..


وقولك ما له لزوم تضع فتحة مستقلة لمعرفة قدر الماء بل عليك ان تضعها فوق الفتحة اللي بتكون للبزوز اللي بتستخدمه للماء

كلام جميل جدا.. ولو قلت انني ماني فاتح فتحة مستقلة لمعرفة قدر الماء , وش لون طريقة وضع الفتحة (فتحة لمعرفة قدر الماء ) فوق فتحة البزيوز اللي بيستخدم للماء ؟؟ الا اذا قصدك الكوع يكون له فتحتين

الكوع عندئذ بيكون فوق اما اللي تحت بيكون قسام

بحيث يكون فيه فتحة للي وفتحة تكون موصلة لخروج الماء للغسيل وغيره

هل فهمت قصدي ام اوضح لك اكثر

تقبل احترامي

[السفير14]

مشكور وما قصرت يا ابو عبدالله ..

طبعا بيكون التانكي بهذي الطريقة


http://www.e4up.com/up/uploads/314.jpg (http://www.e4up.com/up/314.html)





طبعا في الاسفل يوجد قسام (بدون كوع) ولكن ذكرت ذلك لمعرفة الاتجاهات

[winchester]

أخوي السفير 14

غير مصنع الوادي لا تركـب تانكي أفضل لك

وغير السلستيل لا تركب لانك بتتعب مع الصدأ

للمعلوميـه تركب واحد يمين واحد يسار سعر الواحد 600 ريال

وفقك الله لما يحبه ويرضـاه

دمـت بود

[فلان بن عفتان]

الأخ العزيز السفير14

من واقع تجربة التانكي لاتركب إلا استيل ,, الألمنيوم مايصلح ينشق بسهولة مثلاً لو جدعت المسحات بالصندوق تبي تشق التانكي ,, الإستيل أفضل ..

مكان تركيب التانكي :
في الصندوق على جنب يمين ويسار هذا الأفضل ,, أما التركيب خلف الغماره على طول هذي طريقة ماتنفع لانها هي اللي بتاخذ مساحه في الصندوق وأنت شاري هايلكس دفرنسين تبي تتحسف إذا خليت التانكي خلف الغمارة ..

أفضل مقاس :
120 لتر

أما استخدام التانكي :
عب ماء حلو واستخدمه لشرب ولكل شي واللي يقول خذ جركل قل له ليش أنا مركب تانكي وأشيل جركل !!!!!!!!!!

أفضل ورشة : الوادي ويوجد في الرياض ورش ممتازه تضاهي شغل الوادي

بالتوفيق لك ..

[السفير14]

أخوي السفير 14

غير مصنع الوادي لا تركـب تانكي أفضل لك

وغير السلستيل لا تركب لانك بتتعب مع الصدأ

للمعلوميـه تركب واحد يمين واحد يسار سعر الواحد 600 ريال

وفقك الله لما يحبه ويرضـاه

دمـت بود
مشكور اخوي winchester على مشاركتك..

الوادي كذا واحد مدحه لي بس لقيت سعره غالي مقارنة في عروق الشمال..


الأخ العزيز السفير14

من واقع تجربة التانكي لاتركب إلا استيل ,, الألمنيوم مايصلح ينشق بسهولة مثلاً لو جدعت المسحات بالصندوق تبي تشق التانكي ,, الإستيل أفضل ..

مكان تركيب التانكي :
في الصندوق على جنب يمين ويسار هذا الأفضل ,, أما التركيب خلف الغماره على طول هذي طريقة ماتنفع لانها هي اللي بتاخذ مساحه في الصندوق وأنت شاري هايلكس دفرنسين تبي تتحسف إذا خليت التانكي خلف الغمارة ..

أفضل مقاس :
120 لتر

أما استخدام التانكي :
عب ماء حلو واستخدمه لشرب ولكل شي واللي يقول خذ جركل قل له ليش أنا مركب تانكي وأشيل جركل !!!!!!!!!!

أفضل ورشة : الوادي ويوجد في الرياض ورش ممتازه تضاهي شغل الوادي

بالتوفيق لك ..

تسلم اخوي فلان بن عفتان,,

بصراحة معلومة جديدة ,, بس ما اتوقع المشكلة في الالمونيوم المشكلة كم ملي سمكة..

واكرر الشكر مرة اخرى على مشاركتك..

[سرهيد]

اخوي السفير

نعم مثل ما ذكرت في الصورة هذا ما اعني

وعسى الله يسهل دروبك يا الحبيب

تكفى ان كان لك مرة يمنا في الرياض شرفنا طال عمرك فديتك

وعسى الله يهنيك

تقبل احترامي

اخوك

ابو عبدالله

[السفير14]

بيض الله وجهك يا ابو عبدالله..

ويوفقك ربي ,, ويجعل الجنة من نصيبنا ونصيبكم وجميع المسلمين,,

وان كان لي زيارة لرياض,, نتشرف والله بمعرفة الرجال شرواك ,,

ولا عدمناك يا ابو عبدالله,,

[سرهيد]

السلام عليكم

اخوي السفير

بشر وش صار عليك طال عمرك

تقبل احترامي

اخوك

ابو عبدالله

[السفير14]

وعليكم السلام وحمة الله وبركاته..

ابد والله يا ابو عبدالله.. على حطت يدك كنت ناوي اروحلهم يوم الخميس القادم ,, ولكن حصل لي ظرف والظاهر اني بروح لهم بعد اسبوعين ان الله يسر..

[سرهيد]

وعليكم السلام وحمة الله وبركاته..

ابد والله يا ابو عبدالله.. على حطت يدك كنت ناوي اروحلهم يوم الخميس القادم ,, ولكن حصل لي ظرف والظاهر اني بروح لهم بعد اسبوعين ان الله يسر..

اخوي السفير

موفق ان شاء الله واهم شيء حاول في الصيف ترى وقت الشتاء عندهم زحمة

وعسى الله ييسر امورك

تقبل احترامي

اخوك

ابو عبدالله

[سمرقند]

ياسرهيد قلبي انت الى ها لحين ما لقيت القز
انا انشا الله ابروح الى حيل وبدوره لعلل الله ايوفق
وترا لونه عندي ولله ما يغلا عليك
تحياتي

[الطويرفه]

السلام عليكم ورحمة الله وبركاته استفسار عن الهايلكس 2008 عندي تنسيم في الباب عند سرعة140 هل جميع الهايلكسات مثلي ام لا ارجو الافاده
:(