@@@ قال أيش قال توضيب مكينه @@@

[سطام vip]

بسم الله الرحمن الرحيم


اسعد الله اوقاتكم اخواني المكشاتيين


ابقولكم السالفه باختصار


دق تلفوني الساعه 8 الصباح واذا هو ولد خالي يقول الحق يا سطام المكينه فيها صوت طقطقه


سيارته فورد فكتوريا قلت لا تمشي عليها هاتها في سطحه للصناعيه المهم تقابلنا في الصناعيه وننزل السياره من السطحه


ونشغل السياره ما فيها شي؟؟ لا صوت ولا شي المهم قلت خلنا نأخذ لفه فيها الين تحتمي المكينه


وما امدانا نلف خمس دقايق الا نسمع الصوت اشوف امبير الحراره عادي النصف كحال كل الفورد صراحه قلت الله يستر


صوت كأنه صوت سبيكه رجعنا للورشه ومن دخلنا اسقبلنا المهندس الهندي


صراحه سمعته طيبه وجلس يتفحص السياره


قال صديق هذا لازم توضيب كامل؟ ضاق صدره راعي السياره


(ومن خلال الاستفاده من هالمنتدى الرائع) قلت لراعي السياره لا يهمك


خلنا نروح مهندس ثاني وثالث المهم رحنا للثاني فلبيني قال هذا مشكله كهرباء


روح للوكاله يفحصونها بكمبيوتر الكهرباء (رحنا الوكاله وقلت لهم نبي فحص كمبيوتر كهرباء مو مكينه قال ما فيه اليوم تعال بكره)


وسبحان الله العلي العظيم اذا بغى الخير لعبده وصله له


طلع لي شايب من الوكاله وقال يا ولدي ما فيه مهندس مضبوط هنا هذولا غالين


قلت الا فيه وأوصف له ورشه اعرف انهم شاطرين في الفورد وقلت يا ولد ليش ما نروح احنا بعد والحمد لله اننا رحنا لهم


اول ما دخلنا ويقابلنا المهندس الفبيني شايب يحبه قلبك ومن سمع الصوت قال صديق هذا طرمبه مويه؟؟


قلت ايش؟ قال طرمبه مويه والسياره مسخنه وهذا صوت التسخين وترا الامبير حقكم خربان


(مع العلم ان الامبير الكتروني) فل كامل وشوفوا الرديتر فاضي


وبالفعل شرينا طرمبه مويه 180 ريال وشغلهم 200 ريال وياربي لك الحمد انحلت المشكله


يعني 380 ريال


لا توضيب ولا فحص كمبيوتر

والحمد لله الي ستر على المكينه ما خبطت صدق من المشي عليها


المستفاد من القصه كما استفدت انا من نصائحكم الغاليه


عدم الاستعجال والمرور على كذا مهندس للتأكد من المشكله


ولاعطاء الخبره لاصحاب الفورد بها المشكله ويعرفون حلها


ودمتم بالف خير والله يستر من هالمهندسين


اخوكم سطام

[صالح...]

كفو والله، ودي أشوف خشة ولد خالك أحس أنه تشقق من الفرحة. :D والحمدلله ربك ستر ماعثو بالمكينة.

[هويدي]

كفو والله زين سويت والحمدلله على سلامة المكينه ومخبا ولد خالك

[أبو LAMeS]

هذا والهندي سمعته طيبة أحيانا ما ودك الواحد يعتمد على السمعة
على العموم سيارات الفورد فيها نظام طواريء إذا هربت موية الرديتر يسمى التبريد الجاف تقريبا يمشيك في حدود الثمانين كيلو
والحمد لله اللي جت على كذا

[شامخ ألهيلا]

زين والله الحمدلله جات على كذا
وصراحه انا من الناس الي ماقتنع باكبر مهندس لازم افر اقل شي على 13 14 ورشه الين اتااكد من الخلل واعرف اقل سعر

وانصح الشباب بعدم الاستعجاال في هالامور
سبق ان واجهه صاحبي مشكله في فورد معه ودخلها ورشه وقالوا كهرباء نصلحها لك بي 800 ريال واخوينا اجوودي
المهم جاه زميل له سعودي صاحب ورشه قال هات سيارتك عندي
زعلوا السوريين وفصل اكثر من فيوز ووصلات كهرباء لسياره
في الاخير راعي الورشه السعودي ركب الفيوز والاسلاك المفصوله وجرب وماشتغلت السياره
قال لصاحبه رح جب المفتاح الاسبير وجابه وجربه واشتغلت السياره وسليمه طلع الخلل في السيكرتي حق المفتاح
والاخوان السوريين عارفينه وفصلوا نص كهرباء السياره علشان يصلحونها ب 800 ريااال

[بواسامه]

هذا والهندي سمعته طيبة أحيانا ما ودك الواحد يعتمد على السمعة
على العموم سيارات الفورد فيها نظام طواريء إذا هربت موية الرديتر يسمى التبريد الجاف تقريبا يمشيك في حدود الثمانين كيلو
والحمد لله اللي جت على كذا
معلومة رائعه بس اقنعني بها
لانها اذا خربت الثلاجة وهي من عوايد الفورد
اتشت الحراره ومن الغلط انك تمشي عليها
لانها تسبب لك خلل اخر بسب الحراره هي بلوى السيارات
فليتك تعلمني وش هالتبريد الجاف لاهنت

[أبو LAMeS]

معلومة رائعه بس اقنعني بها
لانها اذا خربت الثلاجة وهي من عوايد الفورد
اتشت الحراره ومن الغلط انك تمشي عليها
لانها تسبب لك خلل اخر بسب الحراره هي بلوى السيارات
فليتك تعلمني وش هالتبريد الجاف لاهنت
تحياتي أخوي أبو أسامة ...

أولا بالنسبة للثلاجة غيروها من موديلات 2003 وصارت ألمنيوم بدل البلاستيك وأصبحت أفضل من الموديلات السابقة وعلى العموم سيارات الفورد من 2003 تحسنت بشكل ملحوظ يعني أرقد وأمن بعد مشيئة الله .

وبالنسبة لآلية عمل التبريد الجاف بأختصار إذا هربت موية الرديتر وخلصت أنفصلت أربعة سلندر وتبدأ تضخ هواء لتبريد المكينة وفيها براءة أختراع لشركة فورد
أرجو أن الصورة واضحة الحين
شكرا

[.أبوعبدالرحمن]

الله يعطيكم العافية استفدت من هذا الطرح وردوده

[سطام vip]

كفو والله، ودي أشوف خشة ولد خالك أحس أنه تشقق من الفرحة. :D والحمدلله ربك ستر ماعثو بالمكينة.


هههههههههه اي والله الضعيف تشقق ومن الفرحه

يقولي روح جيب القطع انت ابجلس عند المهندس

ههههههه الظاهر خايف لا يغير كلامه

الف شكر لك اخوي على مرورك وردك

تقبل مني تحياتي وسلامي


كفو والله زين سويت والحمدلله على سلامة المكينه ومخبا ولد خالك

هلا فيك هويدي والله يسلمك من كل شر

والحمد لله انها جت على كذا

الف شكر لك على مرورك والرد

وتقبل مني تحياتي وسلامي


هذا والهندي سمعته طيبة أحيانا ما ودك الواحد يعتمد على السمعة
على العموم سيارات الفورد فيها نظام طواريء إذا هربت موية الرديتر يسمى التبريد الجاف تقريبا يمشيك في حدود الثمانين كيلو
والحمد لله اللي جت على كذا

ابو لميس خلها على ربك انا جربت صلحت سيارتي من قبل عند هالهندي

شغله مرتب ونظيف بس دريت انه داج في الامور الصعبه

حده كراسي مكينه وتهريب زيت وطبات اما شي بداخل المكينه دااج

الف شكر لك على هالمعلومه الجديده الي اثريت فيها موضوعي

وتقبل مني تحياتي وسلامي

[سطام vip]

زين والله الحمدلله جات على كذا
وصراحه انا من الناس الي ماقتنع باكبر مهندس لازم افر اقل شي على 13 14 ورشه الين اتااكد من الخلل واعرف اقل سعر

وانصح الشباب بعدم الاستعجاال في هالامور
سبق ان واجهه صاحبي مشكله في فورد معه ودخلها ورشه وقالوا كهرباء نصلحها لك بي 800 ريال واخوينا اجوودي
المهم جاه زميل له سعودي صاحب ورشه قال هات سيارتك عندي
زعلوا السوريين وفصل اكثر من فيوز ووصلات كهرباء لسياره
في الاخير راعي الورشه السعودي ركب الفيوز والاسلاك المفصوله وجرب وماشتغلت السياره
قال لصاحبه رح جب المفتاح الاسبير وجابه وجربه واشتغلت السياره وسليمه طلع الخلل في السيكرتي حق المفتاح
والاخوان السوريين عارفينه وفصلوا نص كهرباء السياره علشان يصلحونها ب 800 ريااال

الله لا يوفقهم وحسبنا الله ونعم الوكيل

هذول علشان الريال يسوون المصايب اهم شي يكسبونالله لا يربحهم

الف شكر لك اخي شامخ الهيلا على مرورك وردك الرائع

تقبل مني تحياتي وسلامي

دمت بخير



الله يعطيكم العافية استفدت من هذا الطرح وردوده


هلا وغلا فيك اخوي ابو عبدالرحمن

الله يعافيك من كل شر والحمد لله ان الطرح اعجبك

والاعضاء ما قصروا في تجاربهم

تقبل مني تحياتي وسلامي

دمت بخير

[رغوه]

من يشري الفورد مني 2008

[سطام vip]

من يشري الفورد مني 2008

الله يرزقنا واياك اخوي رغوه

والله يرزقك بالمشتري الصامل

دمت بحفظ المولى

[ماسك الخط]

اعنبو حقين هالورشات اطرف صوت على طول توظيب
التوظيب مانعرفه مبطي الحين صار مثل البنشر على طول

[سوبر مكشات]

زين ماقالك تحتاج سمكرة من عند الرفرف


العمال في الصناعية بوادي والمكنيكا بوادي الا من رحم الله

[ابو سالم3000]

الاخ سطام بارك الله فيك اذا ممكن توصفلنا الورشه اكون لك من الشاكرين

[ابوشجاع911]

تحياتي أخوي أبو أسامة ...

أولا بالنسبة للثلاجة غيروها من موديلات 2003 وصارت ألمنيوم بدل البلاستيك وأصبحت أفضل من الموديلات السابقة وعلى العموم سيارات الفورد من 2003 تحسنت بشكل ملحوظ يعني أرقد وأمن بعد مشيئة الله .

وبالنسبة لآلية عمل التبريد الجاف بأختصار إذا هربت موية الرديتر وخلصت أنفصلت أربعة سلندر وتبدأ تضخ هواء لتبريد المكينة وفيها براءة أختراع لشركة فورد
أرجو أن الصورة واضحة الحين
شكرا

كلام سليم اخي ابولميس

احنا تونا مطلعين كراون فكتوريا 2009 والميزة هذه مذكورة بالتفصيل في الكتالوج حقه وكاتبين انه عند اشتغال هذا النظام سوف تسمع صوت طقطقه عاليه في المكينة وسوف يقل عزم السيارة بشكل كبير يعني تمشيك لاقرب مكان للصيانة بس مشكلة الشعب مايقرا ولا يعرف شي الا بالتجربة ونحن شعب (كل طقة بتعلومة) يعني لازم تاكل الطقة عشان تتعلم :D

[AL-Hadbani]

حلو تبادل الخبرات



والحمد لله على السلامة

[المغامر2]

صحيح والله ماينكب الواحد الى انه يعتمد على مهندس واحد ولو سال اكثر من شخص لتوصل الى الحل المقنع
شكراً لك اخوي سطام على هذي المعلومه القيمه

[الكايف 1]

السلام عليكم ورحمة الله وبركاته
هلا وغلا بالحبيب / سطام vip
ماشاء الله عليك الله يجعل ماقمت فيه بميزان حسناتك
الله يسهل امرك وينور دربك على المعلومات الطيبه:good2: :good2: :good2:
بارك الله فيك وتقبل مروري

[زيــآدِ]

الهندي اي شيء عنده شيل سياره سوي توضيب مكينه هع