المساعد الشخصي الرقمي

مشاهدة النسخة كاملة : يا اخوان وش رايكم بالباترول 2001 باب واحد...سلقه


البيـرق
04/06/2008, 09:42 PM
السلام عليكم ورحمة الله وبركاته

اخواني واعزائي اعضاء مكشات الكرام

نويت بعد توفيق الله على شراء سيارة جيب ربع وبخليها بعون الله للبر والكشتات

والي لفت نظري باترول 2001 بالمعارض وبصراحة جازت لي السيارة....

بس بعد المشاورات اخبرني بعض الاخوة انه عزمه ضعيف وثقيل.........

ونصحوني بتركه وانا والله محتار....وقلت مالي بعد الله الا ذيابة مكشات......
إعصار
05/06/2008, 02:03 AM
لو تقدر على 2004 ياسلام .. لأنه بخاخ ..


اعرف واحد شرى 99 سلقه ..


ماطول معه .. يقول عزمه مهوب بالحيل .. والبنزين .. بشرب شرب الويل ..
مباري الريح
05/06/2008, 08:55 AM
اخوي انا معي اخوه 2000 وشهادتي فيه والله مجروحه
صحيح فيه صرف بانزين خفيف بس مهب على كلام الناس,, يصرف بالحيل,,
ومن ناحيه الثقل اذا حملت عفشك ثقل شوي..
وبالخليان والمقانيص ماشاء الله مايرده شي والتعلق بالعقوم انسه بس
ومثل ماقال.. اعصار..لو تقدر على البخاخ احسلك قووووووووه
مقلع الرمث
05/06/2008, 10:01 AM
انتبه انتبه اشرلك ديزل ازيلك من وااخف خذلك بخاخ افضل بكثيرر
عبدالله العواجي
05/06/2008, 10:15 AM
ماقصرو الأخوان البخاخ فيه فرق وبتلاحضه إذا جربت

تحياتي
البيـرق
05/06/2008, 04:17 PM
جزاكم الله خير.............

يعني زوين......بس الافضلية للبخاخ

الله يبارك فيكم............
خالدعبدالعزيز
05/06/2008, 08:28 PM
مهب زوين الا زين وممتاز بعد انا معي موديل 2000
وكنت اعاني من الثقل شوي مهب واجد وقلعت المروحه وركبت مروحه كهرب والحمد لله لا صوت حنه ولا صرفية بنزين من الرياض الى القصيم ياخذ تانكي الا شوي
بس لو تلاحظ موديل 2000 مكينته 4500 احسن من 98 و99 جت 4200 وتاكد من الناس الي معهم الموتر
راعي طويلات
05/06/2008, 11:55 PM
مثل ماقال بعض الاخوان أن قدرت على البخاخ أزين
والا خذ لك من 97 وتحت تراه اخف من ال98 وفوق
عاشق السيل
06/06/2008, 02:08 PM
أنت تسأل عن صقر الصحاري ؟؟؟؟!!!!علمٌ فوق رأسه نارُ ،،،

اشتر ولا تشاور ،، بس احرص على البخاخ لأنه أنشط وأوفر بنزين وأقل خرابات ،،

والله يوفقك لكل خير ....