هل فيه أحد ركب خزان ماء للإف جي ؟؟؟؟؟؟؟؟؟؟؟؟؟؟؟

[عاشق الإف جي]

هل فيه أحد ركب خزان ماء مع العلم بأن مكانه جاهز في أسفل السيارة في الخلف
إذا فيه أحد لايبخل علينا برأيه


ودي أعرف كيف أسوي بفتحة تعبئة الخزان لأني ماودي أقص من الصدام



مع وافر الشكر لأعضاء المنتدى الكرام .................. ودمتم :j

[المحترف800]

هلابك ياعاشق الاف جي ..فيه ورشة سوافي مخرج 18 يركبون ..

[إعصار]

هلا بك ..



اي نعم تحت السيارة بحكم ان فيه مساحة جيدة لان استبنة الأف جي تعليق ..



ياخذ 90 لتر .. طبعا مسوية احد الاعضاء عند ورشة سوافي .. اسمه ابو نورة ..



هذا رابط الموضوع ..



http://www.mekshat.com/vb/showthread.php?t=114649 (http://www.mekshat.com/vb/showthread.php?t=114649)




والله يوفقك لما يحي ويرضى ..:)

[عاشق الإف جي]

ألف شكر على هذا التوضيح

[خالد77]

إن كان موترك لاندكروزر رح لورشة اليحيى غرب مقبرة النسيم وحطو لي تانكي فيبر بعازل حماية ولا شق الصدام ولا يحزنون وياليت أعرف أنزل الصورة أوريك

[خالد77]

المعذرة ماانتبهت للعنوان
زميلي معه اف جي ومركبه تحت ولا أحلى منه

[عاشق الإف جي]

'طيب زميلك أخوي خالد هل قص من الصدام وكم لتر ونوعه ستيل ولا فيبر
وسعره وعند من سواه
أدري ثقلت عليك تحملنا

[ظبي]

شف ركب عند اليحيا نصيحة
انا ركبته ارخص وافضل شغل
التعبئة مع الجنب
ما فيه شق ولاشيء
وسوف انزل الصور يوم السبت ان شاء الله
لا تستعجل
هههههههههه

[شروكي ربع]

في عضو اسمه أشيقراوي نزل موضوع كامل عن تجهيز الـ اف جي ..


دوره وبلتقى الجواب الشافي بإذن الله ..

[عاشق الإف جي]

انا بانتظار الصورة أخوي ظبي
لا هنت ورشة اليحيا هي الي بالصناعية قريبة من محل السالم للزجاج
ولا تنس تبيلنا انت حاط حنفية من جهة وحدة او من الجهتين

[س.س.التميمي]

الله يعطيك العافيه لفتحك هذا الموضوع