سوال لاهل الخبرة كم يكون ضغط هواء كفرات سيارتك على الطرق المعبدة

[السبت]

السلام عليكم ورحمة اللة واللة ياخوان محتار امشي بسيارة وضغط الهواء25 او 30 او35 واللة ماادري كل واحد من الشباب يقلي راى وحبيت اخذ رايكم اخوني مع العلم ان السيارة لاند ومقاس الكفر 17وانا صراحة لاما امشي وضغط الهواء 25 احس السيارة مريحة وما تحس بلقربعة داخل الموتر واعذروني على التعبير اخوكم اقروي:d

[ردن]

25 صحراء

30 في السفر وقت ( القيظ ) الصيف

35 داخل الديره والمشاوير القريبه

موفق خير

[فهد بن مشبب العاصمي]

اخوي السبت 15 أو 10 واحيان 5 اذا تأزمت الأمور ... . طبعا بالبر .. .. بالديره وبالسفر 25 او 30 .. .. انا مجرب والحمد لله الكفرات معي زي الحلاوة ..

الموتر هايلكس ..

[طحنون]

بالصيف اذا كنت محمل عفش وركاب والخط طويل 40 واذا كانت الحموله قليله او مافيه حموله 35 زين للخط لاكن بعد ماتنتهي من المشوار وبعد مايبرد الجو تعاير الهواء لان بعد المشوار الكفرات راح تعبي هواء والسبب الحراره نزلها الى 35
ودائما في الصيف خل الكفرات مليانه هواء علشان يقلل نسبه انسلاخ الكفر بالخطوط
هاذا بالنسبه للخطوط لاكن الرمله انت عارف مقاس الهواء على حسب سواقتك والمكان اللي رايح له اقل شي الى 15 او 20 او 25 على حسب الظروف

[xahmaedx]

صراحة 40 في الصيف وفي البرد 35

[وقيان]

ضغط الاطار مايفرق بالصيف عن الشتا....وكل سيارة يناسبها ضغط معين حسب اللي يحطه المصنع....تلاقي الضغط المناسب عند باب السائق...اتبعه..ونتمنى لك السلامة...

[شاص&نص]

ما أزود على كلام أخوي وقيان شي

[القبقب]

الموتر لاند هدد الاطار 16 أنش .
في الديرة 33
في البر 18

[عين الداب]

انا موتري شاص في الخط الطويل 40 وفي البر 30 وفي البلد20

[book00]

وانا اخوك لكل سيارة كتيب تعليمات مكتوب فيها ضغط الهواء الموصى به
طبعا في الحالات العادية واخبر ان الاند كفرات عرض 275 تقريبا ضغطه 37 مثل مايقول الكتيب
لكن يختلف ضغط الهواء باختلاف الحال


صيف - شتاء - محمل - فاضي - منطقة صخرية - منطقة رملية - مرتفع شديد - منحدر شديد
فالصيف احرص ان الضغط ماينزل عن الثلاث وثلاثين من اجل عمر اطول لاطاراتك
اما الشتاء فالدعوه سهله
اما اذا كنت محمل فمن 35 - 40
اما فاضي فمن 33 - 37
اما منطقة صخرية لاتنزل عن 25
اما منطقة رملية ( نفود ) انسب شيئ للاند من خلال تجربة 15
اما مرتفع او منحدر شديد فتنسم حتى تضمن تحكم اكبر بسيارتك


ارجوا اني افدتك يالغالي( السبت )

[فارس العمور]

كلام الشباب وافي

والاكييييييييييييد تلقى الارقام مكتوب في باب السواق 100%

ونصيحتي 35 وفوووف على الخطوط السريعة خصوصا مع الجو الحاااااااااار لان الكفر اذا ناقص هواه يكون عرضة للانسلاخ لاقدرالله وهذي المعلومة 100%

[.أبوعبدالرحمن]

دائما ضغط الكفر يكون من 30 الى 35

[فهد بن مشبب العاصمي]

اخواني مداخله بسيطه .. بانسبه للي يقول ان التعليمات تلقاها موجوده ..

يعني مااظن ان اغلب كلامهم صح .. لأن فيه بعض الاحيان تجيك منطقه هيار وتغرز والكفرات فيها 15 أو 10 .. وتلقى ان الحل انك تنسم زووود .. فرضا تحطها 5 .. وطبعا فيه فرق شاسع بالممشى لكن كل شيء له ضريبه .. انها احتمال ينفصخ الكفر وواحتمال ينشق لأن ممكن تدعس حصاة ويحتك الجنط بالكفر وينشق . .

مجرد رأي وشيء مجربه

[كهلان]

الافضل للكفر مقاس 275 الهواء 30 للكفر الامامى و35 للكفر الخلفى على الطرق المعبده
اما الصحراء فلابد من ماطور هواء وساعه موجوده معك والانسب صيفا فى النفود 15 والشتاء 20
والله يوفقك

[ابوعقل]

25 شوي يخرب الكفر



وانا اخوك لكل سيارة كتيب تعليمات مكتوب فيها ضغط الهواء الموصى به

طبعا في الحالات العادية واخبر ان الاند كفرات عرض 275 تقريبا ضغطه 37 مثل مايقول الكتيب
لكن يختلف ضغط الهواء باختلاف الحال


صيف - شتاء - محمل - فاضي - منطقة صخرية - منطقة رملية - مرتفع شديد - منحدر شديد
فالصيف احرص ان الضغط ماينزل عن الثلاث وثلاثين من اجل عمر اطول لاطاراتك
اما الشتاء فالدعوه سهله
اما اذا كنت محمل فمن 35 - 40
اما فاضي فمن 33 - 37
اما منطقة صخرية لاتنزل عن 25
اما منطقة رملية ( نفود ) انسب شيئ للاند من خلال تجربة 15
اما مرتفع او منحدر شديد فتنسم حتى تضمن تحكم اكبر بسيارتك



ارجوا اني افدتك يالغالي( السبت )


وهذا الكلام السليم

[طحنون]

اذا جينا للواقع واذا تبي شي علمي وعملي
شوف الصيانه الخاصه بسيارات ارامكو السعوديه
وهي ان تضغط الكفر الى الاخر ويطبقون الكلام اللي مكتوب على المصنع يعني يحطون الهواء الى الحد الاقصى
الموصي به مصنع الكفرات
ولو تلاحظ تراهم يحطون من 45 الى 50 حتى وان كان الموتر فاضي اي بدون حمل
وهاذا هو الصح لاكن ان بغيت الجد الموتر ماهوب مريح
طبعا ضغط الكفر الى الاخر له ايجابيات كثيره وهي تقليل التصاق الكفر بالارض وعدم تعرضه للحراره الزائده
قوه الكفر وتحمله للصدمات الخارجيه يؤثر ايجابا على الاداء الميكانيكي للسياره تصبح السياره خفيفه جدا حتى ان الدركسون يصير ريشه بيدك والسبب الكفر صاير خفيف
تقليل نسبه صرفيه الوقود بنسبه لا تقل عن 10% وهاذا واقعي ومجرب في هاذاي الامور مع تجنب الاصطدام في الارصفه وعمل ميزان اذرعه والمحافظه على الهواء المناسب اضمن لك الكفر يجلس معك 3سنوات بدون مشاكل
ودائما احرص على قياس الاطارات وهي بارده

[شاهين الباز]

أولا يا اخوان ترا الكفر هواء...................................

ثانيا من وجهة نظري ان على الخط 35 ممتازه في القيظ وفي الشتاء 30

لكن مع هذا كله ترا كل كفر مبين عليه الضغط المناسب له مثلا الكفر مقاس 265 على 17 بطول 65 الضغط المكتوب عليه 51 psi وأكيد اهل الكفر اللي صانعينه هم اخبر به....