لمرتادي الصمان السيل يبداء من شويه و شمال شرق فقط

[المترو]

الاخوة الكرام السلام عليكم ورحمة الله وبركاته
قمت برحله عطلة نهاية الاسبوع الماضي للبحث عن مواقع المطر والسيل واتضح الاتي:
بداية الرحله من طريق الرياض الشرقيه السريع وتحديداً من مخرج قرية الدهو شمال حتى روضة ام المصران الارض ممطوره لكن لايعد سيل ولم تمشي الشغايا والنقع بالارض قليل جداً ورضة ام المصران بادي فيه الخضار لكن ببدايته ولم تمتليء ابدا وفيها اثر تجمع مياه قليله
ومن ثم اتجهت شمال شرق الى ان وصلت شويه وهناك فعلا ً وجدت السيل اللي يعدونه الرجاجيل من شويه شمال شرق فعلا سيل وكل روضه ممتليه الى اخرها مع العلم انه قد جف اغلب الماء لكن باقي اثر السيل والاوديه والشغايا ماشيه الى اخرها والطرق البريه مقطعها السيل ثم الى روضة سحمه وهي روضه فيها شجر رمث فقط ممتليه ثم دكاكة الصقري سيل عظيم ودكاكة الشمشوم وكل ما اتجهت من هذه الاماكن شمال شرق زاد السيل ومنطقة رماح مريت عليها بالعوده طبعا سايله جميع اوديتها ويبدو ان السيل ينقطع بعد رماح ويبداء من شويه





يوجد لدي صور لبعض المناطق واالرياض ومنها ام المصران روضة السحمه وبعض الاوديه لكن يوجد مشكله عند الاستعرض لتحميل الصوره لاتظهر ضمن المجلد حتى عند اختيار جميع الملفات فلا اعلم اين المشكله بجهازي
او بالموقع لانه اذا كنت خارج مكشات استطيع فتح الصور واستعرضها

وسلامتكم
الرحال 2003

[عبدالعزيز الدباسي]

بارك الله فيك ومشكور على هالعلوم الغانمة .

وبخصوص الصور ، حاول انك تفتح الصورة من المجلد وبعد كذا اضغط الماوس الايمن واختر خصائص وبعدها رح الى الموقع ، تلقى عنوان الصورة هناك ظللها واعمل لها نسخ ، وبعد كذا تعال الى مكشات واذهب الى الصور واذا طلب منك عنوان الصورة حط المؤشر في الخانة الفاضية واعمل لصق ، وان شاء الله تبي تظهر لك الصورة اللي تبي .

بس يالله عجل علينا:p

[المترو]

rowdah-am-messran


هذه اول صوره لروضة ام المصران وهي اول تجربه عسى تكون طلعت الصوره

الصوره الثانيه http://C:\My Documents\My Pictures\Kodak ...\2003-12-13


وهذ الصوره رقم ثلاثه لام المصران

http://000_0138.JPG


روضه قرب شويه لا اعرف اسمها rowdah-near-shawya

المعذره عن التقصير وانواع الشطيح لاني اوجه مشكله عويصه في انزال الصور لا اعلم السبب يبدو ان كمبيوتري يبي له شلوتي هنق مرتين
الرحال 2003

[نفل]

اخوي الرحال 2003

مشكور على المعلومات الي ذكرتها عن اخبار الامطار على الصمان من الجهة الشمالية الشرقية وياليت تعجل لنا بالصور خاصة فيضة ام المصران ويوم انك وصلت ام المصران احب اعرف هو انت مررت ام عقلا (الشملول) وهل بعدها اتجهت شمال يم الرفيعة ولا نكست على شوية من ام المصران على طول لانه ودنا نعرف اخبار السيول من هجرة الشملول وشمال عنها حتى الرفيعة هي ماسومة ولا .. لا .
واحب اضيف لمعلوماتك ان الامطار لا تقتصر على المنطقة الى انت مريت بها حيث ان هناك مناطق اخري موسومة من الصمان ولو قرأت وصف اخونا السمح للمناطق الي كشتلها نهاية الاسبوع كان تغير عنوان موضوعك .


وهذا هو وصف اخونا المشرف السمح /(((( وعلى كل حال أنا مثلك فرقت مع طريق هدبا ( المقانيص ) حتى وصلت المغاطية العودة ومنها إلى قراين أم قرين وأخذت شوي غرب حتى وصلت بربك دغيم واللي لاحظته في جميع الخباري والفياض إنها جاها سيل عظيم وهذا مبين من غثا السيل على أطراف الفياض ولكن الله والعالم إن الأرض عطشانة ولم يبق في الفياض التي مريتها غير الطين والخضار اللي ماشاء الله توه مقبل عسى الله يتبع له ويفكه من برد المربعانية ..
أكمل رحلتي من دغيم توجهت إلى بربك الحاج وكان فيها شوي ماء ومنها إلى بربك أوحيمد وقراين الجميلي ومويضي ثم إلى جو أبوبرقة ومنه خرجت إلى حسنا السبق وكان فيها شلقة ماء ولكن في طريقه إلى الزوال ، ومن حسنا اتجهت غرباً إلى فيضة طياحة ودليَل وكانوا يروون منها على أن الماء فيها قليل أيضاً من الفياض التي مريتها كحيلية ونوره وما بينها
أمضيت يومين في هالرحلة كانت جميلة جداً جداً والصمان كعادته ساحر جميل تشعر بالإنشراح في التنقل بين خباريه وحزومه .. الغريب أن العشب تغير خلال ليلة واحدة فقط فهو يوم الجمعة أفضل بكثير من يوم الخميس ،،، وأفضل المواقع التي شاهدتها من حيث باذر الربيع فهي المنطقة التي جنوب حسنا فهي روضات مرتفعة والربيع مقبل إن شاء الله )))

وفي الاخير تقبل تحيات اخوك نفل وعجل بالصور

[المترو]

هلا وغلا بالشقردي وشكرا على الشرح لتزيل الصور بس شكلها ما ضبطت معي لكن وراها الى ان تنزل ابي احاول كل الطرق وشكرا للمرورك على الموضوع
وياهلا بالنفل والخزاما اخي االحبيب نفل كلامنا متطابق
كلام اخوي السمح مطابق لما قلته لوتلاحظ المناطق التي ذكرها ومر عليها جميعها تقع شمال وشرق شويه وهذا ما قلته انا ايضاء اما جنوب الصمان فمطره خفيف وان شالله فيه البركه ومن ضمنه روضة المصران لانها عن طريق الشرقيه حوالي 50 كيلو وهي اقرب ما تكون جنوب الصمان والمناطق التى تسأل عنها اقول نعم وسيلها طيب ولاحظ اني اخطيت بالاسم الصحيح الشملول وليس( الشمشوم) ام عقلا شمال شرق شويه يعني تقع ضمن ما ذكرت
وزبدة الكلام حد السيل عرق النفود الذي يقع بعد شويه شمال وشرق منه الى حد ما وصلت انا مستوي السيل واحد (ارجو ملاحة ذكر المطر وذكر السيل )اعتقد انك تعرف الفرق بينهما

اما الصور سوف احاول ما استطيع
Dohal

[فـ(الجـوف)ـتى]

مشكور اخوى على هذه المعلومه




وجزاك الله خير تسلم 0

[ابو شكاع]

جزاك الله خير

والله يطرح فيه البركة

[* رمش العين *]

اخوي الرحال 2003 الله يعطيك العافيه وعندي استفسار بسيط المخرج الي ذكرته لقرية الدهو واضح من الخط السريع وكم يبعد المخرج من الرياض
وجزاك الله الف خير

[المترو]

الاخ رمش العين
حفظك الله والجميع
يبعد المخرج تقريبا 150 كلم عن الرياض بعد الوسيع وعرق النفود اللي بعد الوسيع ويوجد نقطة تفتيش قبل المخرج
نعم للدهو لوحه على الخط السريع مخرج او اعتقد مكتوب طريق صحراوي مع العلم انه اذا طلعت مع المخرج يسار تقريبا 200 متر يبداء الطريق المسفلت الى القريه وفيها محطة وقود وبعض المستلزمات وبمسافه تقريبا 18 كلم
وسلامتكم

[* رمش العين *]

اخوي الرحال2003 يعطيك الف عافيه على تجاوبك والمعلومات القيمه الي زودتني بها وانشاء الله انا بانطلق اليوم صوب اراضي الصمان واعطيكم ملخص عن الي اواجهه من خير
وياحبنالنا

[سهيل واحد]

السلام عليكم ورحمة الله وبركاته
ألف مبروك .. يا مكاشيت على ها الأمطار ..

عن إذنك يا الرحال 2003 مداخله ولا يهونون باقي الشباب ..

الاخ .. رمش العين إذا كنت تبي تنصى شويه ترى فيه طريق مزفلت يطلع من رماح شمال الى شويه ( يوجد محطة بنزين بمنتصف الخط إسمه محطة السبيله). فيه طريق إسمه الكنهري (غير مزفلت) من شويه إلين تقول سلام يا القليب ( 20 كم من خط عريعره -- النعيريه) . الكنهري يخلي روضة السحمه على اليمين.

الاخ نفل .. الارض ماسومه با المطر اللي نزل تالي الوسم والشملول إنشاء الله يبي يصير مثل هاك السنه اللي خلى الناس يتعرفون على شويه و ما حوليها.

انا كشت ها اليومين اللي فاتو يم الصمان و الحمد لله الخير واجد.
فرقنا يسار من عند البرج اللي يجي على يمين بعد البقاله اللي بآخر خط الصمان (سابقا) الارض رويانه ولله الحمد.
مشينا شمال شمال شرق (يعنى اكثر مالك شمال) بعد 5 كم لقينا غدير حلو بس ما من كبر وقفنا عند الغدير كان الوقت عقب المغرب. زينا عشانا .الجو كان برد شوي سمرنا هاك الليله وتعشينا ونمنا قمنا الصبح و اروح اجس الغدير على رجليني و معي السيلانيه وببطنه المتوسعه يام تبينت شوي الا يام شلع ذكر هاك البط (كنت متوقع إن الغدير لابد إن فيه شي) وأنالك إلحقوه المتوسعه .. در دب .. با الماء على علباته .. توزرت بثوبي .. دخلت الغدير و طلعت هاك الذكر اللي يجي له 1600 كغم.
مشينا من محلنا شمال و بدينا نمر على غدران بها الفياض والبط فيه لكنه يطير من بعيد والارض بادية تربع و اللي وده يكشت ترى ها اليومين دفا.

آسف يا شباب ما كان معي كمره.
تحياتي للجميع.

[عاشق الشروكي]

مشكور على المعلومات وجزيت خيرا