مطلوب مكينة باترول سوبر سفاري 1997

[آه ياقلبي]

يامكشاتيه ياحبايبي ياسنايدي ( بعد الله )
شريت باترول سوبر سفاري من رجيع الحكومه والموتر ماشي فوق 300000 كيلو
والمكينه رايحه في خرايطها ( المطلوب )
1- هل تنصحوني حسب الخبرة بالتوضيب ولا شراء مكينة من التشليح ؟
2- هل هناك محل أو موقع اليكتروني يبيع المكائن المستخدمه ؟
3- هل لو تم التوضيب عند شخص ثقه والقطع أصلي وكاله ستعود المكيينه جديدة؟
4- كم تتوقعون تكلف القطع للتوضيب + شغل اليد
5- ارغب تغيير اللون لأن فكم سيكلف ( فرن )
تحياتي لكل الزعماء والله الله في الردود السنعه

[الثويرات]

http://www.mekshat.com/pix/upload/images39/mk55341_zaz.gif




شف دق على الرقم هذا رقم راعي ورشه سعودي اذا كانك تبي توضب او تسأل عن مكينه او تركب مكينه جاهزه كلهن ان شاء الله متوفرات عنده
والموقع بريده التشاليح

ابومحمد ********05


تم تحرير المشاركة بواسطة المشرف

[بني تميم وهبه]

مشكووررررررر على الرقم

[kmn]

المكينه توضيبها احسب على 6000 ابعد الاحتمالات
اما الفرن 2500 واقل واكثر بشوي
احسن اذا لقيت مكينه من التشليح ومظمونه بس قيمتها تحت 5000 تراها افضل من التوظيب .

[آه ياقلبي]

الأخوة الثويرات و الأخ kmn
أشكركم على المرور والمشاركه المفيدة وأسأل الله لي ولكما التوفيق ولكن عتبي كل العتب على باقي الأخوة
يالله نتيح لكم فرصه لين تجون من إجازة نهاية الأسبوع
بالتوفيق للجميع

[راعي طويلات]

لو توضب المكينة أفضل ويمكن تكلف عليك حدود 5 الاف وعليها بقطع اصلي مع شغل اليد
أما تغيير المكينة من التشليح العام الماضي أنا مركب مكينة سفاري كلبليتر موديل 97 ب 4الاف
رح للتشليح الي أخذت منه المكينة لقيت عنده مكينه 91 ويقول لي ب6 الاف ماتنقص ريال ؟
قلت ليش قال كل شيء غالي
الله يكون في العون بس
وإن كان مكينتك بخاخ الحسبة بتزيد عليك
ورش الفرن مع حرق البوية من 2000 وعليها

[ريف1]

سمعت أن مكينة الكابرس تركب على الباترول فما اعرف هل هذاء صحيح ام لا من لديه معلومة يفيدون

[خالدعبدالعزيز]

تركب بس وش لك بوجع الراس وخسارة الفلوس
المهم قيمة المكينه من 4500 الى 6000 ريال مع الرجيع بالتشليح هذا بالنسبه لمكينة 4200 والله يعينك
اما بالنسبه 4500 افضل وبتزيد عليك يمكن 1000 ريال بس يطلع الموتر انشط وافضل
والله يدلك على الخير
اما بالنسبه للبويه فيه حركه اسويها عند الدهانين الي هي صنفر بس واذا فيه طعجه او صدمه تتعدل وتمعجن ويرشون وانتهى كل هالكلام ما يكلف 1000 ريال وتطلع البويه يا سلام سلم

[آه ياقلبي]

الاخوة راعي طويلات والأخ ريف والأخ خالد عبدالعزيز شكراً لكم جميعاً على المشاركه ولكن هناك نقطة لم افهمها في مشاركة الأخ خالد عبدالعزيز وهي مكينة 4500 أفضل هل هناك نوعين من المكائن للباترول 4200/4500 وهل الأفضل 4500 وهل تركب على أي نوع من السفاري والسؤال الآخر هل مكينة 98 تركب على 97 وفقكم الله

[بدوي جنوبي]

ارقام الهواتف عن طريق الخاص فقط

شكرا للجميع

[باترول للأبد]

أخوي آه ياقلبي مكينة الـ 4500 نازله من 98 وهي أقوى وأنشط من الـ 4200

وأذا بتركب ركب مكينة باترول بابين لأنها بخاخ و18 بلف ومكينة الربع ماصارت بخاخ الا عام 2004 وتراها 12 بلف

[L I M I T E D]

دامك مغير المكينه مغيرها

ركب مكينه كابرس اس اس (ls1)

بيصير الموتر طياره من العزم

واكثر اصحاب الباترول الربع صاروا يركبونها

وماشيه معهم زي الحلاوه ولا شكوا منها

اهم شيء ركبها عند واحد متخصص

وسعر المكينه تقريبا 12 الف ريال

وبالتوفيق ان شاء الله

[shaheenshah]

معي باترول 95 بخاخ المكينة 4200 ورايحه فيها بقوه
وضبت المكينة من الألف الى الياء وقطع اصلية كلفت 6000 ريال (الحمد لله على كل حال) المكينة صافية ولا فيها حرارة بس (المكينة بطه يعني ما تمشي) حتى اني نزلت بالموتر في ام دكة يوم جيت اطلع عجزت اطلع يبرد عزمها بسرعة وديتها لناس متخصصين في الباترول قالوا لي هذا عزمها طبيعي المهم ياطويل العمر مشيت بالمكينة حول 15000 كيلو والحين رافدها على بلكتين (طابوق) وشريت ls1 بـ (7000 ريال كاملة مع ظفيره وكمبيوتر)

الخلاصة: وفر قريشاتك المكينة ما تستاهل البنزين اللي تحطه فيها ولو اني مختصر العملية من الاول ومركب ls1 كان وفرت وقت و 6000 ريال.

[آه ياقلبي]

الأخ شاهين شاه
أشكرك وأشكر الأخوة الذين قاموا بالرد على موضوعي ولكن أين أجد المكينه التي تحكي عنها وهل هي مكينة كابرس وأين يتم التركيب وهل لايوجد مشاكل على المدى الطويل ؟
وهل المكينه تشرب البنزين شرب الهيم مثل الكابرس أم أن الوضع يختلف ؟ بصراحه أنا متوهق من عملية ترهيم المكينه وبما أني في تبوك فلا بد أن أزرق للرياض أو القصيم بالسيارة لتركيب المكينه وهل مدة التركيب تطول وهل مكينة الكابرس أي موديل تركب أرجوا وأسترحم الإفادة شاكر شاكر شاكر لكم حبايبي

[قناص حائل]

هلا اخوي

اذا ترغب بمكينة جيب باترول موديل 97 فهذي موجوده عندي اذا تبيها كاامله مع السلف والدينمو والكلبريتر
بخمسة واذا بدون ابي ارعيك فيها والمكينة استخدامي وسبب البيع تركيب مكينة بخاخ المكينة موجوده بالقصيم يمكن اجيبها الرياض الاسبوع القاادم

[آه ياقلبي]

الأخ قناص حائل
اشكرك على تعاونك ولكن كم حجم المكينه هل هي 4200 أو 4500 وهل هي على الضمان وكم ماشيه وهل تنصح بها لشخص يرغب الاستعمال ( تذكر ) ان المستشار مؤتمن
وفقني الله واياك لما يحب ويرضى

[الوسيطاء]

جاك العلم الوافي اخوي

اخوي اذا تبي توضب المكينه ترى حقات الحكومه تجي وجهين راس لذالك تبي تجيك حراره بعد 140 والافي الطعوس والمكينه لاتوضب والا شي انت رح للتشليح وفاوظهم على مكينه بدون رجيع واذا لقيت الي تبي وخلصت فاوضهم على الرجيع وبذالك تبي تطلع بنتيجه اخوي انا انصحك تركب مكينه 4500 حقت 98 باترول ربع وشف لاتاخذ الا المكينه يعني عشان تطلع عليك رخيصه قلهم القزوز والكلبليتر والكمبروسر و السلف لانها كلها تتراكب عندك وكمبروسر المكيف حق الا4500 ماتركب لياته عندك يعني ركب القديم والباقي يركب والكلبليتر ركب كلبليتر هولي تلقاه عند محلات التعديل

وانا معي 4500بخاخ فيه واحد معه كلبليتر بس انه مركب هولي العزم افضل واذا تبيني اخدمك انا مستعد حط رقم جوالك على الخاص وابتصل عليك