أبشركم زيت سوبر جي تي غلا وصار من 190 الى ....... , وغيره من الزيوت ..

[شروكي ربع]

بسم الله الرحمن الرحيم


السلام عليكم ورحمة الله وبركاته ..


امتداد لسلسة إستغلال الشعب السعودي , وامتداد لجشع التجار ..


وامتداد لشخير وزارة التجاة و حماية المستهلك ..


وامتداد لموجة عفوا طوفان الغلاء الذي ما فتئ ينكأ بالشعب السعودي المسكين ..


انقل لكم هذا الخبر الذي اصبح طبيعي وهو الغلاء , ولكن اليوم غلاء الزيت - زيت محركات السيارات -


فقد كنت ذاهب الى للصناعية القديمة لشراء كرتون زيت وكم قطعة غيار وللتو رجعت , وفوجئت كغيري بارتفاع اسعار الزيوت ..


فأصبح كرتون الجي تي من 190 ريال قبل شهر او اقل الى 215 ريال ..


واليوم تحديدا ارتفع زيت الشل بـ 20 ريال , والمضحك ان صاحب المحل يقول ان الشل سعودي :mad:


يعني وش اللي خلاه يرتفع ؟؟


عالعموم حبيت انقل لكم هذه الخبر السيئ للأسف ..


على أمل ان يفيق من هو نائم من نومه ويتحرك ..

[kmn]

الغلا علاجه الترككككككككككككككككككككككككككككككككككككككك

[الجال الطويل]

الغلا علاجه الترككككككككككككككككككككككككككككككككككككككك
وش نترك وش نخلي ----نترك الدجاج والا اللحم والا الزيوت والا الاجبان والا الاقشاط والا الحلبان

معناتها يبوننا نموت ياناس موتوا وريحوهم

[ابوعقل]

وش نترك وش نخلي ----نترك الدجاج والا اللحم والا الزيوت والا الاجبان والا الاقشاط والا الحلبان

معناتها يبوننا نموت ياناس موتوا وريحوهم


والله نك صادق


وش نقاطع


كل شي ارتفع


الله يكفينا الشر


لا حول ولا قوة الى بالله

حسبي الله ونعم الوكيل

[طحنون]

صدقوني لو فيه تعاون من الجميع على المقاطعه والتصرف بالبدائل يكون افضل
لاكن وش الفائده انت تقاطع وغيرك يستهلك من وراك
والغلا يعتبر عقاب من رب العالمين وعلامه من علامات الساعه

[خالد77]

اللهم ارفع عنا الغلا ..................

[المتوكل]

[اللهم ارفع عنا الغلا00000اللهم ارفع عنا الغلا00000اللهم ارفع عنا الغلا000000النعم لاتدوم000 النعم لاتدوم000 لا باالشكر وحال كثيرامن الامه اليوم مؤسف ومخزي وهذا والله اعلم نذروتحذير من المولى((ظهر الفسادفى البر والبحربما كسبت ايدى الناس)) واتوقع والله اعلم ان الامه مقبله على ما هو اعظم وادهاءوامرالاان يشاءالله برحمه من عنده وفضل ((اللهم لا تعاملنا بعدلك بل برحمتك يا ارحم الراحمين)) فاالذى ينظر حال الامه بعين متبصره تشيب مفارقه قبل اوانه كثرالفسادو الظلم والنفاق والحسد وقطيعه الرحم والنميمه واكل اموال الناس بغير حق قلت الرحمه بين الناس تقاطعواو تناحروا وتحابوبالالسن وتباغضوابالقلوب يحبون من اجل الدنيا ويكرهون بفقدها 00يحتقرون الضعيف الفقيرويطبلون ويرقصون خلف الاغنياء اللهم بدل الفساد منا بالصلاح

[سوبر152]

اللهم ارفع عنا الغلا ..................

[شروكي ربع]

وش نترك وش نخلي ----نترك الدجاج والا اللحم والا الزيوت والا الاجبان والا الاقشاط والا الحلبان

معناتها يبوننا نموت ياناس موتوا وريحوهم


هههههههه

والله انك صادق :D

أجل نموت بس ونخربها :p

[أبوخطاب]

شف آخر شارع الريل فيه موردين زيوت وبيعون بالجملة وسعرهم أرخص من الصناعية سوبر جيتي 200 ريال وكنت أشتريه ب190 وآخر زيت شريته قبل فتره بسيطة ألترىسفن وهو نفس مواصفات سوبر جيتي 195ريال
والله يرحمنا برحمته

[وقيان]

زيت كاسترول ..الكرتون ب 245....

[عابر القارات 2000]

لاحول ولاقوة الا بالله

[آه ياقلبي]

لاحول ولا قوة الا بالله
اتوقع انه عقاب من الله سبحانه وتعالى هذا الغلاء واستدراج لنا من رب العالمين
والحل الوحيد في نظري المتواضع العودة الى الله وترك المعاصي والزكاه وترك الغيبه والنميمه
قال الله تعالى ( وأن لو استقاموا على الطريقة لأسقينهاهم ماءً غدقا)
متى آخر مره حضرت محاضرة في المسجد وهل صليت الفجر اليوم في جماعه ومتى مريت على الشيبان أو سألت عنهم ليبدأ كل واحد منا بنفسه ثم الأقرب فالأقرب وسامحوني على الإطاله

[جول قميري]

وهي وقفت على الزيت ؟؟؟؟؟؟ الله يستر من الجاي ..يمكن بعد يصير

حنا شعب مغلوب على امرنا

لاا ***** ولا وزارة تجارة ولا شييييييييييي ابد ابد ابد ابد ... حنا عن****** صفر باقصى الشمال..

الله مير يعين

تم تحرير المشاركة بواسطة المشرف

[Magellan]

هي وقفت على الزيت ...
أنا عندي أرض بشمال الرياض ونويت أبنيها ...لقيت سعر الحديد 4500 ريال
يابلاش

[شامخ ألهيلا]

حسبي الله ونعم الوكيل على من السبب اقوول امش على الزيت اليييين 8000 وماجااك عندي وخذ النوع الخفيف 10/30 لانه يبطي في لزوجته
انا اشتري 8 علب لللاند من الصناعيه قيمتها 9.50 فوكس الابيض 10/30
والسيفون الاصلي نزل الى 17 ريال في الوكاله
وابو يمن ياخذ 15 ريال للغيار بس نقسه شينه ويطلع tootal = ريال 108

وقبل 145 ريال وكل شي من ابو ***

وصرت امشي على الجيب الي 9000 يعني كل 3 شهور اغير



تم تحرير المشاركة بواسطة المشرف

[عبدالله ابو]

لاحول ولا قوة الا بالله

حسبنا الله ونعم الوكيل على وزراه التجاره النائمه

مافي رقابه مافي احساس بالمسؤليه تجاه الوطن وابناء الوطن

زيت الشل سعودي ويرتفه سعره!! اجل الي مستورد من برا كم صار سعره مقارنه بزيت شل

[.أبوعبدالرحمن]

الحل الوحيد الرجوع الى الله والتوبة اليه


والاكثار من الاستغفار

[Black VTC]

والله المشكلة وانا اخوك ان ما فيه رقابة ...

يعني صاحب المحل او التاجر لو عرف انه وراه واحد يبي يشمع محله بالشمع الاحمر لانه رفع سعره من غير تصريح كان فكر ستطعش مليون مره قبل لا يرفع سعر سلعته هلله وحده ...

ودام ما فيه حسيب الكل يبي يرفع زي ما يبي و حتى الدبش لو تدري ان الراعي ما يرده ان هملت تبي تهمل كل يوم في شعيب واسألوا اهل البادية عنهن :)...

[ابا الأفلح]

ياخوي الاجانب هم السبب وزد على ذالك لارقيب ولاحسيب عندك وزارة التجاره مكبرين الوساده تمام التمام وال**** حيالين (موبكلهم )لكن الاغلب
السوبر جيتي قبل لايرتفع عندهم 13 ريال وانت تشريه بالكرتون ما يكلفك العلبه 8.5 ريال
ليته يكتفي 4.5 ريال الي مطلعها بكل علبه لا وياخذ عليك 5 ريال تركيب سيفون
والفلتر عندهم 25ريال وهو اذا طار بالوكاله 15 ريال واحسبها وانت الحكم ....



تم تحرير المشاركة بواسطة المشرف

[بن داود]

ايه والله ابو ****

تم تحرير المشاركة بواسطة المشرف

[مقلع الرمث]

اخر مره رحت شري زيت شريت كرتونين شل على 204 ريال وقلت اشري كرتونين عشان داري بعد كم شهر انشاء الله ابجي ابحصله اغلى من السعر هذا وهذا زاااد واحد من الشباب يقول اشتريلك اي بضاعه حديد او اي شي وخزنها عندك بعد سنتين تبيعها دبل الدبلات يعني الدنيا من الااان وانت رايح كل شي غالي

[سوبر VTC]

السلام عليكم و رحمة الله
ياخوان انا جربت سوبر جي تي الاماراتي علبة حديد مدوره من محل جملة بشارع علي بن طالب و ارى انه لا باس به لان وظيفة الزيت تقليل الاحتكاك و تبريد المحرك ( وجهة نظر ) و دمتم بخير