السلام عليكم ورحمة الله وبركاته

[سحابه]

كيف حالكم إخواني
تعرفون ان الوكالة دائما قطعها تكون غالية الثمن
ودي تدلوني على موزع للوكالة (الي أعرفه ان الموزعين يكونون ارخص من الوكالة )
لكن يكون موثوق (ما تكون قطع مقلده ) بالرياض
غفر الله لنا ولوالدينا

[winchester]

وعليكم السلام ورحمة الله وبركاته.
حياك الله أخوي سحابه
حدد نوع السياره ونوعية القطع
وأن شاء الله يفيدونك الاخوان
وبالعاده الياباني والامريكي الفروقات بسيطه بين الوكيل والموزع
أما اللماني أكيد يفرق
دمـت بود

[سحابه]

جزاك الله خير ياخوي
نسيت اوضح لكم اخواني ان الموتر ياباني
بارك الله في الجميع

[ردن]

اخوي سحابه انتبه من قطع دبي
او كلمه اصلي سوق
كلها خداع وتحايل

موفق خير

[سحابه]

جزاك الله الف خير

[بواسامه]

لا تعدى دوير الخرج
ارخص شي
واشرط وكاله

[سحابه]

ياجماعة موزع نيسان

[سحابه]

إنا في الانتظار

[حي النزهه]

اخوي فيه كثير موزعين بس ياليت تعلمني وش القطعه اللي تبيها ونصيحه اذا الشغله ميكانيكا لاتاخذ غير من الوكاله لان السوق متروس من التجاري خصوصا النيسان بشكل ماتتصور واذا القطعه مو ميكانيكا شف عندك شارع الامير سلمان الصناعيه القديمه او وسط الصناعيه واذا تبي شمال الرياض عندك ام الحمام او صناعية العروبه فيها ثنين لنيسان واعتقد ام الحمام فيها 6 والصناعيه القديمه كثيرررررررر مره

لاتنسانا من دعاك واذا تبي شي احنا حاضرين ياخوي بس لاتنسى اذا القطعه ميكانيكا لاتشتريها الا من الوكاله

[سحابه]

جزاك الله ألف خير

[مسايف الطعس]

محلات عبدالله باخير موزع معتمد لنيسان ورخيص عنده فروع كثيرة في الصناعية القديمة قله أبي أصلي وهو يضمنه لك أن يكون أصلي

[سحابه]

اخوي مسايف الطعس
اسمك اعجبني ورحم الله والديك على المعلومه القيمة