تكفون شوركم بالجيب الكزس 740مديل 2006 عطنا رايك بالله

[حالي حلو]

ياخوان ...زودي اشتري موتر فخم


ومحتار اشتري لكزس 430 او جيب لكزس


السؤال / وشرايكم بالجيب هل هو عملي ويصلح لتمشي بالبر.......ولا هو غير عملي شكل بس مثل جيب الطوارق وجيب البي ام!!!!


وهل تعتقدون ان طراز 2006 بيطول عزه ...ولا ان المديل راحت عليه بعد مانزل مديل 2008


تكفون وش الراي اجزم على جيب ولا اشتري صغيره 430 وشتري جيب ربع لطلعات !!!!!


لوك مكاني وش قرارك بيكون!!!!!!

انا كليوم ابفتح الموقع واقراء شوركم.....فلا تترددون

[((السنياري))]

انا الي عندي الجيب

انا لو مكانك اخذه ولا اشاور بس (( راتبك يساعد)) الموتر ماعليه كلام شيخ المواترلا ركبه تكره الموتر الثانيه


فيه شغله عذيريب صغير((القماشات+السفايف)) بين كل فتره لازم تبدلهن


بعد الهدريلك ترا لك عليه


بعد الحساسات لك عليهن


واعتقد هذي كلاها مواد استهلاكيه


انا الي عندي 2003ماخذه بسنته ماشي شي بصيط قعد عندي تقريبن سنه وطلعت هشغلات بس


وعلى فكره انا داقه بلخطوط دق رايح عليه الشام مره والعمره مرتين


واسعوديه عد وخربط بس قريب مابعد
خدم عندي سنتين ونص ماقل اح بس ماعمري طلعت عليه البر :no2:


قبل لا انسى اذا توفقت وخذته وتبي تسوي فيه شي وكاله رح البحرين ارخص من السعوديه والكويت


بتوفيق واتمنى استفت مني

[مساير الليل]

أخو vx-r مافيه فرق

ألا العلامة

[مقلع الرمث]

والله انا اقول كانك راعي سفريات وروحات وجيات مع الطريق خذلك صغيره اما كانك قليله روحاتك مع الطرق وكثيره روحاتك للبر خذلك جيب والله يكووون في عونك

[وقيان]

قيمته تجيب لك لاندكروزر 8 سلندر 2008...شكل جديد..او يوكن 2008 دينالي...و ان كانك تبي تخربها...جمس سييرا 2008 غمارتين و اللون أحمر...عشان لي مشيت الناس كلها تبطل حلوقها وعيونها عدل ...

[سحابه]

الله يدلك على الخير

[حالي حلو]

:rolleyes:

[4800VTC]

حالي حلو مافيه سلف 500 ريال :D

اذا كان لون الجيب لؤلؤي ولا فضي خذه ولا تشاور لان جيب اللكزس اذا بغيته خط خذ ولد واذا بغيته بر ابشر بشنب واذ بغيته كشخه مايحتاج يعني :good:
اما اذ اللون غير ما ذكر (مسوي فاهم باللغه) خذلك 430 الملقب( بالفرعون )

ولكم الثنك يو ومعناها عفوا

[book00]

اخوي حالي حلو وانا اخوك

لاشك ان الجيب افضل من 430ls
مثل ماقال اخوي 4800VTC
بأي حاجة لك يخدمك
ثم اذا كنت تخاف ان الجيب تطح شعبيته بعد الموديل الجديد
فالكزس 430ls طاحت شعبيتها نوعا ما بعد الموديل الجديد
فالمسألة سيان

توكل على الله وخذه

[حالي حلو]

تقل جزمتوني على الجيب


مايمنع ناخذ معلومات تفيد الرواد لهذه الخيمه

[عاشق الفكسار]

السلام عليكم
انا من رأيي يالغالي انك تاخذ الجيب
جيب اللكزس ماعليه كلام ,ان بغيته ديره وان بغيته بر
بس عيبه انه ما فيه (دف لوك)>>اذا كنت راعي بران
والله يعطيك من خيره ويكفيك شره مقدماً

[رغوه]

الله يوفق الجميع

[الخزامى 19]

عندنا جيب لكزس للوالد 2001 نطلعبه البر دائما احيانا يدري واحيانا مايدري الله يتوب علينا بصراحه ماشاءالله عليه حطه بالدبل وهات طعوس والله ماتدري عنه كانك مع زفلت ماتسمع الا وزيز البلوف ارفع الهيدروليك ولا دون طعس التحدي .

[الحلطاني]

خذه ولا تشاور أحد

ويدلك على الخيل أثمانها

[سيف الظفير]

نصيحة من أخوك والرأي رايك


تراه مثل الفكســــار فرق العلامة التجارية



خذلك VX-R 2008


فل كاامل وجديد بريمي خليجي ياباني اصلى احسن من لكزس مستعمل


والفكسار الجديد افخم من لكزس