لا خاب من استشار

[lowcool]

السلام عليكم ورحمة الله
يا شباب ان محتار بين ثلاث انواع من السيارات كلها دفع رباعي:confused:
1- تاهو ال تي 8 سلندر
2- اكسبلور 6 سلندر
3- باث فيندر 6 سلندر

انا ابغها
1- عائليه ( عدد افراد العائله خمسه)
2- عمليه ( تعرفون الدمام الى الطائف الى الديره -الباحه...الخ
3-حقت هبقات (( عده البر جهازه وين الموتر
4- السياره الحاليه تطلبكم الحل

ارجوا افادتي وجزاكم الله الف خير:confused:

[طحنون]

هلابك يالاحبيب
التاهو يعتبر ممتاز للعائله مثل عائلتك الله يحفظها واذا انت راعي خطوط طويله واهلك الطائف فهو الخيار المناسب من بين الثلاث خيارات
وبعدين التاهو معروف ومعروفه صيانته لاكن قبل ماتشتري استخير
الاكسبلور مافيه عيب ألا انه ضيق مايصلحلك لعائله خمس افراد
الباث فندر الجديد ماهضمته لان السياره هجينه نسيان على تجميع امريكي لخبطه في لخبطه وقطع غياره مزعج الى حد كبير
خلك على التاهو فهو خيارك

والخيار الرابع من عندي خارج التغطيه فخذلك باترول (سفاري 2)
فهو فوقهم كلهم لاكن بالراحه والرحابه خلك على التاهو
والله يطرح فيك البركه

[بواسامه]

والخيار الرابع من عندي خارج التغطيه فخذلك باترول (سفاري 2)
فهو فوقهم كلهم لاكن بالراحه والرحابه خلك على التاهو
والله يطرح فيك البركه

او لاند كروزر جي تماتيك ونم

[ردن]

الاكسبلور 2008 اخذه اخوي وكاله دفع رباعي


ممتاز ولا يشتكي منه وعدد العائله 6 بعد




***
اما الخيار الاول والثالث الله اعلم


موفق خير


***

[ABO AL-HESH]

اذا كنت تبي سيارهـ تعيش معك مالك الا الباث فاندر ..
اما السيارات الامركية الاصل من تالي (2005) وفوق، القير وحساس الدبل باي لحضه يخربن وبدون مقدمات.

[Magellan]

أنا أرشح التاهو :
ملك الطرق السريعة بلا منازع وعائلي
لن تحس بالطرق معه فهو مريح جدا ورحب

[أبو محمد2010]

أنا أرشح الإكسبلورر 2008 ، ولا تنسى الإستخارة...

[book00]

بلا شك اخوي ان التاهو هو الافضل
( التاهو الي الناس بفخامته تاهو )
رحابة - فخامة - راحة
اما خراباته فلا تنكر كأي سياره اميركية
لكن شورتي لك به لان كل السيارات الي ذكرتها تشترك معه في كثرة المشاكل

انا اشور عليك ذا الشور وانا لست من هواه الامريكي

ارجوا اني افدتك يالغالي

[أبو LAMeS]

بلا شك اخوي ان التاهو هو الافضل
( التاهو الي الناس بفخامته تاهو )
رحابة - فخامة - راحة
اما خراباته فلا تنكر كأي سياره اميركية
لكن شورتي لك به لان كل السيارات الي ذكرتها تشترك معه في كثرة المشاكل

انا اشور عليك ذا الشور وانا لست من هواه الامريكي

ارجوا اني افدتك يالغالي
أحترامي لك أخوي لكن كلامك فيه تناقض تقول إن خراباته لا تذكر كأي سيارة أميريكية ثم قلت تقول السيارات التي ذكرتها تشترك معه في كثرة المشاكل ؟؟؟!!!!!

على العموم أخوي الكريم lowcool أولا أدعو الله أن يوفقك للسيارة ويكتب لك فيها الصالح والسيارات التي ذكرتها جميلة وعملية وفعلا ينطبق عليك المثل اللي يقول إذا تبغى تحيره خيره !

نبدأ بالتاهو يعتبر فئة تختلف عن الأكسبلورر والباث فندر فهو أضخم مكينة وأكبر حجما والسيارة مشهورة بأمريكا أكثر من شقيقه اليوكن لكن نحن لم نعرفه إلا في هذا الموديل لكن قرأت الكثير يشتكي من قيره ومن بعض الأعطال والأخطاء المصنعية في الموديل الجديد .

الأكسبلورر سيارة معروفة متصدرت المبيعات في أمريكا طبعا هذا كلام الشركة وبعض المواقع ولا أعلم مدى صحته والسيارة مرتبة وعملية ومريحة وبدأت بالأنتشار لدينا تحسنت للأفضل من موديلات 2005 لأن الموديلات السابقة كان فيها مشاكل تتعلق بالقير والدبل وإن كانت ليس بالشكل الواضح الفاضح لكن الشركة عدلت المشاكل في الموديلات اللاحقة

الباثفندر سيارة يابانية الأصل أمريكية المنشأ وهي لا تقل عن الأكسبلورر فخامة وراحة لكن عيبها الوحيد مرتبة الصف الثالث فهي ضيقة على الأطفال فما بالك بالكبار لم أقرأ أو أسمع أحد يشكو منها بسبب عيب فاضح

الخلاصة التاهو يعتبر أريح للخمسة أفراد بحكم حجمه وإذا كانت هبقاتك من نوع المطامر والطرد وراء الصيد فجميع السيارات لم تجهز لمثل هذا النوع من الهبقات وإن قلت هبقاتي خفيفة فكلها فيها الخير والبركة وأهم شيء إذا دخلت النفود وهي نقطها يغفل عنها الكثير أو يتساهل بها وهي تخفيف ضغط هواء الكفرات

أخيرا أنصحك تنتظر هالشهرين فموديلات 2009 على الأبواب والله يكتب لك الصالح

[العودالازرقhk]

ورا ماتفكر في سيارات تايوتا والله انها عز
تقبل وجهة نظري

[shaheenshah]

ما أرشح ولا سيارة من اللي قلتها

[lowcool]

اشكر الجيمع على مشاركتهم وصراحه لا خاب من استشار الجميع افادني واسأل الله ان يجزيكم الف خير على مشاركاتكم القيمه والمفيده

[بن داود]

خذلك سفاري جديد 2008 ب 130 الف وريح مخك من الخرابات الي بتجيب بعد 4 ولا 5 سنوات اذا شريت الامريكي
ومن واقع تجربه

شكرا

[book00]

أحترامي لك أخوي لكن كلامك فيه تناقض تقول إن خراباته لا تذكر كأي سيارة أميريكية ثم قلت تقول السيارات التي ذكرتها تشترك معه في كثرة المشاكل ؟؟؟!!!!!



اخوي أبو LAMeS هلا بك وبمرورك

حبيت انبهك اني قلت ( لاتنكر ) بالنون وليس بالذال

تقبل تحاياي book00

[ابولولو]

نصيحه اخوي والامر لك جربت انا التاهو وكشت فيه للصمان صح مريح ووسيع لاكن خربت علي الطربه وبهذ لتني لين بعته وشريت الي مابعده احسوفه ولا ندم في اكس ار سنتين زي الحلوه وهومستعمل2003وشريت بعده سفاري راي الشخصي غيرهن لا دور لابالقوه وشيك عند البيع

[رحال7]

ليس من تجربه لكن من معلومه لا انصح بالاكسبلورر

[عرق رملان]

ليس من تجربه لكن من معلومه لا انصح بالاكسبلورر

انا اويد الاخ الفاضل الاكسبلور اعرف شخصيين ضربتهم الحسوفة على مشتراه

انا اويد التاهو بقوة .. ورد على احد الاخوان ان الطرمبة بهذلته انصح الاخوان ان لا ينزل عداد البنزين عن الربع عشان ما تخرب الطرمبه هذا هو الحل الاول والحل الثاني حاول بقدر المستطاع انك تعبي لدى الشركات المعروفة والتي عليها صيانه دورية للمضخات .. مهوب محطات هالبنقاليه المستاجرة وزين بعد ما غشو في البنزين بالاضافات كما بين من إدارة الدفاع المدني ..
وشكراً

التاهو
او
اليوكن
هو المناسب مثل ضروفك

[Magellan]

انا اويد الاخ الفاضل الاكسبلور اعرف شخصيين ضربتهم الحسوفة على مشتراه

انا اويد التاهو بقوة .. ورد على احد الاخوان ان الطرمبة بهذلته انصح الاخوان ان لا ينزل عداد البنزين عن الربع عشان ما تخرب الطرمبه هذا هو الحل الاول والحل الثاني حاول بقدر المستطاع انك تعبي لدى الشركات المعروفة والتي عليها صيانه دورية للمضخات .. مهوب محطات هالبنقاليه المستاجرة وزين بعد ما غشو في البنزين بالاضافات كما بين من إدارة الدفاع المدني ..
وشكراً

التاهو
او
اليوكن
هو المناسب مثل ضروفك

بارك الله فيك أخوي أول مشاركة للمعلومية تغير نظام طرمبة البنزين من 2005 وطالع
على حسب كلام فني باكستاني في الجميح يقول إنها صارت تزود بطرمبات لاندكروزر شد بلد ،،
على العموم الموديلات الجدد مايشتكون منها

والرجال يبي النصيحة وأنا أنصحه بالموتر الشعبي والسالك بين الناس
يعني يمسك طريق وإلا يتمشى بالشوارع ويشوف أكثر واحد بينهن من هالثلاثة ،
لأن الناس ماياخذون إلا شيء مجرّب ومعروف وقليلة مشاكله،
بس تبي رأيي وش الموتر اللي طايح نظرك عليه ،والمايل عليه قلبك
وإستشر جماعتك وربعك ،ترى هم أكثر شيء يفيدونك ويبون ينصحون لك أكيد

[Mohammad]

بارك الله فيك أخوي أول مشاركة للمعلومية تغير نظام طرمبة البنزين من 2005 وطالع
على حسب كلام فني باكستاني في الجميح يقول إنها صارت تزود بطرمبات لاندكروزر شد بلد ،،
على العموم الموديلات الجدد مايشتكون منها

والرجال يبي النصيحة وأنا أنصحه بالموتر الشعبي والسالك بين الناس
يعني يمسك طريق وإلا يتمشى بالشوارع ويشوف أكثر واحد بينهن من هالثلاثة ،
لأن الناس ماياخذون إلا شيء مجرّب ومعروف وقليلة مشاكله،
بس تبي رأيي وش الموتر اللي طايح نظرك عليه ،والمايل عليه قلبك
وإستشر جماعتك وربعك ،ترى هم أكثر شيء يفيدونك ويبون ينصحون لك أكيد

الاخ ماجلان انتم من هواة الامريكى وهذا حق نحترمه جميع ولكن اذا قارنت تاهو كامل المواصفات 160 الف ولاند تقريبا كامل المواصفات 216 الف..الفرق اكثر من 50 الف ريال

السؤال لو اردت استخدام 10 سنوات ما هو سعر السيارتين بعد هذه السنوات مع افتراض ان الياره ستكون فى وضع جيد جدا و عداد بين 200 الى 250 الف ما فارق اللصيانه والمشاكل المعهوده على الامريكى!

[سيف الظفير]

سفاري 2 احسسسسسسسسسن لك يا الذيب نصيحة اخووووووووووية ابتعد عن القائمة اعلاه