المساعد الشخصي الرقمي

مشاهدة النسخة كاملة : وش أرخص غرفة بالشرقية؟


KOZAM
07/06/2008, 01:26 AM
السلام عليكم ورحمة الله وبركاته..

صبحكم بالخير يالكشاته المكشاتيه..

سلمكم ربي.. ناوي أطلع للشرقية نهاية الأسبوع.. علشان الاختبارات تصير الشقق رخيصة :D

أبي السعر التقريبي للغرف اللي ممكن أحصلهن هناك.. حتى أقدر أقدر الميزانية للرحلة..

أبي غرفة وحده.. لأننا نفرين..

وشكراً للجميع مقدماً
مكشات عنيزه
07/06/2008, 05:06 AM
السلام عليكم

اولا اهنيك على اختيارك المنطقه الشرقية لان الصراحه هذي المنطقه وسيع صدره بشكل كبير
ثانيا كثيره روحاتي للشرقيه لان له ذكرى وحنييين لهذي المنطقه
نظرا لدراسة المرحلة الجامعية بالشرقية

نرجع لموضوعك
اذا كنت من النوع الي يهتم بخدمات الشقق وجودة المبنى وما ادري ايه
بهذي يفيدك غيري

اما اذا كان كل مقصدك عشان النوم وانك تحط اغراضك فالمطلوب عندي
انا دايما اسكن بشقق ولا عمري غيرته
وهي غرفه وحده وحمام والجميع بكرامه
ومطبخ بس الصراحه ما اسميه مطبخ لان كل الي به مغسله وحمايه على الكهرب
ومساحته صغيره ما تتعدى متر ونص في مترين
موجود اثاث جديد سريرين ودولاب واحد ومع التلفزيون
والعماره مجدده تجديد بسيط والارضيه سراميك جيد
وسعر اليوم بـ 80 ريال

اذا كان مقصدك مثل ما قلت بس للنوم تراه ممتاااااااازه لان موقعه بالنسبه لي اعتبره جدا ممتاز لانه اقرب منطقه سكنيه للبحر (الهاف مون)
ويبعد عن مركز المدينه لو قسنى على (مجمع الراشد)
ما تتعدى 4 كيلوا وعلى نفس الشارع

الموقع على شارع العزيزيه العام بالخبر قبل كوبري الي فوقه مطعن كنتاكي

اذا جازلك الي عندي رد علي بالموضوع عشان اوصفلك من يوم تدخل الشرقيه
KOZAM
07/06/2008, 04:50 PM
حبيبي أنت يا مكشات عنيزة..

عز الله إنك ما قصرت..

إذا عندك لهم رقم تليفون وإلا اسم العمارة.. ياليت ترسل لي ع الخاص..

وأكون جداً شاكر لك..

تحيتي
هـدد
08/06/2008, 10:13 PM
ورا ماتطقون رواق على هاف مون اوفر
ابن الصحراء
09/06/2008, 01:41 AM
اخوي الشقق الايام هذي متوفره بصوره ممتازه

ولا تسأل عن السعر لانه نازل مره

تعرف مدارس واختبارات !!!!!

بس ترى الجو حار شوي غبار انتبه
وقيان
09/06/2008, 02:36 AM
الشرقية غااااااااااااااااااااارقة في الغبار...يعني بتجي و مابتقدر تطلع لا بحر و لا كورنيش.....يوم الثلاثاء نعلمك بالجو...يمكنه يزين...
دغيم1
09/06/2008, 06:47 PM
السلام عليكم ورحمة الله وبركاته
حياك الله أخوي
بالنسبة للمنطقة الشرقية هذه الأيام طبعا متوفره الشقق والفنادق بشكل جيد
وذلك للأسباب اللي ذكرها الأخوان
أما بالنسبة للغبار فلعله يكون قد إنجلى خلال نهاية الأسبوع
وبالنسبة للأسعار فهي رخيصة وعليك بالأفضل والنوعية الجيدة
وأنا أفضل لك فندق لتجد فيه الخدمة وبعض الفنادق تقدم إفطار مجاني بما أنكم شخصين
وهي أفضل من الشقق .
وعليك بزيارة المناطق الجميلة هناك ولاتنسى زيارة

مركز الأمير سلطان فهو بحق جدير بالزيارة

. سايتك scitech (http://www.mekshat.com/vb/showthread.php?t=137798)

تمنياتي لك بإجازة سعيدة وسفرة آمنه
تقبل تحياتي
عين الداب
10/06/2008, 08:07 AM
مشكووووووووور وموفق