استشارة في الجمس 1500 او 2500

[الشبارم]

السلام عليكم و رحمة الله و بركاتة

لاهل الخبرة

ودي اشري جمس ونيت غماره و نصف 1500 او 2500 و شرايكم فيه

ارجو الافادة و شكراّ

[ابو مساعد]

وعليكم السلام ورحمة الله وبركاته

مادامك شاورت عليك 2500 وبس .

تحياتي .

[ابو شكاع]

كنت احسب انك تقصد ال SUBURBAN

لكن مدامك تقصد الونيت فانا ما عندي فكرة


والله يوفقك وانا اخوك

[الشبارم]

السلام عليكم ورحمة الله وبركاته

مشكور ابو مساعد و ابو شكاع على الردود و ماقصرتو.

بس ما عهدنا شباب مكشات هكذا يومين ماجاني خبر و ين اهل الخبرة و ين شباب مكشات و ينكم يالربع
بس دأم التمس لااخيك المسلم العذر " يمكن كاشتين يمكن ما دخل احد على النت"

عطونا علم ولا خبر تكفون


اخوكم

الشبارم

:o :o :o :o

[الربع]

والله رايي 2500 بس الله يعنك على البنزين ( أسأل مجرب ).

[Abu-Sulaiman]

السلام عليكم،،

أخوي الغمارة ونصف يكون الشاصي له طول وهذا ممكن يتأثر بالتحميل اذا طلعت للبر بحيث ان الشاصي ينشعر (يجيه شرخ).
بالنسبة للصرفية ان كان عندي 3500 لمدة سنتين وصرفيته احسن من اللاندكروزر والباترول.
وبالنسبة للنشاط خذ ولد ومرتفع عن الارض بحيث انك تنسى الحكات والجروف ماتدري عنه.
والسعة ماعندك مشكلة ان بغيت تاخذ عفش البيت كله ما يقول لا والمرتبة تشيل بالرص اربعة.

لكن فيه عذروبين
1- من 91 وطالع ان الدبل كهربائي وخرباته واجد ومكلف (انا اشتريت الموتر بدون دبل وخسرت عليه تقريبا 8000 ريال بس شغل متعوب عليه)
2- مشكلته تفكك الصندوق يعني يبغاله تربيط (لكن للتخفيف يبغالك تنسم كفراتك على 20-25 داخل البر سواء رمل ولا جلد. (بالنسبة لي كنت راعي سرعة واقطع مسافات طويلة داخل البر مغطة وحدة ويمكن هذا اللي اثر على الموتر )

[المواكب]

الشبارم ....
السلام عليكم ورحمة الله وبركاته... انصحك الشبارم اشتر شفر استعمال امريكي من موديل 95 فما فوق انا جربته ولا احكي من فراغ اشتر ولا يهمك احد لا يصرف بنزين وقوة وسعة لحمل الاغراض بالصندوق اما بالنسبة للماء بالبر ماعندك مشكلة .. وانصحك بالقير التماتيك . اخوك المواكب الله يختر الصالح وانصحك بصلاة الاستخارة والدعاء ،،،،،،

[اعقاب]

السلام عليكم ورحمة الله وبركاته

اخي العزيز
حسب معلوماتي وتجربتي اللتي قد تكون كافيه للمشاركه في هذا الموضوع اذا كنت تريد استعمالها في نقل احمال ثقيله ف2500 افضل من الاخر
مع العلم انه يستهلك وقود اكثر
اما اذا كنت لاتريد ان تنقل احمال ثقيله ف1500 افضل بكثير لانه امن بالنسبه للبنشر لانه ليس ك2500 قد لايؤثر على توازن السياره كثيرا
ايضا وزن 1500 اقل من الاخرى
مع احترامي لراي الاخوة الاعزاء