ياأهل الطائف الكرام أفيدونا

[ابن عاشور]

السلام عليكم



ماأفضل مناطق الطائف للسياحة والبقاء بعض الأيام ، من حيث :

1ـ السيول
2ـ الخضرة
3ـ الطيور للصيد
4ـ عدم كثافة السائحين
5ـ رخص الأجارات

نريد الإفادة مشكورين لعائلة وليس لعزاب .

[PC1]

عليكم السلام ورحمة الله وبركاته

اخوي انا من اهل الطائف وتحت امرك..

اما بالنسبة للسيول الله يرزقنا وياكم بالمطر
ومن نا حية الخضره فيه محلات قليله مو زي زمان
والطيور مافيه هذيك الطيور اللي تقول تغني وتسمن من جوع كلها حمام (طبعا انا اتكلم بهجت اهل الطائف ) ترى شكله قريب من القماري وطيور صغيره ام الوبر تحصله بقله جدا في جبال الشفا المطله على تهامه ام الضبان ما عندي خبر عنها واذا تبغى اسأل لك
4- والله الزحمه لا بد منها خاصة في الشفا والهدا ايام المواسم بس الايام العاديه بيذبحك الطفش وانت لوحدك
5 الاجارات يعني متوسطه وعلى حسب الوقت الي تجي فيه يعني ايام الاسبوع تختلف عن الخميس والجمعة
اذا تريد اي شي او احد اعضاء المنتدى انا تحت امركم حتى لو بتنزل مع طريق المحمديه الجديد انزلك (للعلم الطريق تحت الانشاء وهو من الشفا الى مكه المكرمه مرورا بتهامه )
وسلامتك

[نادر العش]

وعليكم السلام ورحمه الله وبركاته

اول شي حياك الله في الطايف يا ابن عاشور

بالنسبه للسيول الله يجيب مطر والخضره موجوده في الشفا والهدا والوهط والوهيط ووادي ذي غزال وكلها ذي على طريق الشفا وعندك منتزه سيسد الوطني واما الصيد فانه متوفر لكن محلات بعيده ولا بتعرفها والزحمه لابد منها حتى في الايام هذي فيه زحمه والاجارات فانها مرتفعه شوي

اتمنى اني افدتك والسلام عليكم

[الحضري]

5ـ رخص الأجارات
عندك الحوية اذا تبغى مكان زين واستراحات واسعة وقريبه من الطائف كلها 15 دقيقة وانت في الطائف والاسعار اقل من النصف

[نادر العش]

صدق الحضري الحويه اجآراتها رخيصه اذا كنت جاي من طريق الرياض اول ماتدخل الحويه وتتعدى كبري السيل يجيك على يدك اليمين شقق السواط المفروشه وهي اكبر مجمع شقق في الطايف واذا ماتبي ذي يجيك بعد كبري السيل كبري الامير محمد تطلعه وتلف يمين وتلقى هناك شقق كثيره

ونسيت اعلمك مكان ممتاز للتمشيه وهو خط الجنوب تلقى الخضار وسعه البال هناك قرب من بالحارث وقيا وميسان

تقبل تحياتي واي خدمه انا حاضر

[ابن عاشور]

بارك الله فيكم pc1 ، نادر العش ، الحضري على كرمكم ا لمعهود وطيب وفادتكم النبيلة وهذا ليس بغريب عليكم أيها الكرام وأنا مسرور جدا بهذا الوقوف المشرف ،
وإن شاء الله الحوية الحوية والله يكتب الخير . لكن أريد مناطق لصيد الحمام وهل فيه مناطق للقطا ؟

تحياتي العميقة ودعواتي الصادقة لكم

[نادر العش]

ابدلك على مكان فيه صيد بس بتضيع فيه شوي عندك وادي جليل فيه حجل وقطا وكذلك وادي قرن

[ابن عاشور]

بيض الله وجهك أخي نادر

[مكتشف الأمطار]

ان شاء الله تفيدك هذه المشاركه

1ـ السيول
الله يرزقنا المطر لكن في اغسطس ان شاء الله تحصل امطارفي جنوب الطائف ميسان وبني سعد وبني مالك
2ـ الخضرة
الهدا اكثر خضره من الشفا
3ـ الطيور للصيد
جنوب الطائف بصفه عامه تحصل اغلب انواع الطيور
4ـ عدم كثافة السائحين

الزحمه في الطائف امر عادي في الصيفيه لكن ممكن تغير وقت التمشيه في غير اوقات الذروه يعني مثلا تذهب في الصباح

5ـ رخص الأجارات

ما اعتقد تحصل رخيص في هذا الموسم الى بعض الشقق في الحويه

وبصفه عامه السياحه في جنوب الطائف افضل من ناحية
كثرة الصيد والمناظر الطبيعيه لكن يعيبها قلة الخدمات والشقق المفروشه