معي فورد اكسبدشن 4×4 2007 ودي اغير الكفرات وش احسن نوع للمناطق الصحراويه

[سعد777]

السلام عليكم

عسااااكم طيبين

مثل ماقلت لكم

الي معي بيرلي ماتبغا ولا بريال مع الصحراء والمقاس 225/70/ 18 يعني جنط 18


وش رايكم الأفضل من الكفرات وهل اغير مقاس العرض يعني يصير 250/ 70/ 18


نصيحتكم

تعرفون بر وجبال وجلد ونفود ماتنفع معها بيرلي مع العلم انها غاليه لا بارك الله فيها سعرها 900

[sameer_1798]

الله يعينك سبب أرتفاع السعر هو جنط 18 ..
لو تغيرها بجنط 16 أو 17 أفضل لك .

[سعد777]

للرفع

مقدر اغيرها جنط 17 يصير نازل الموتر شوي

[سعد777]

يالربع ماهي عادتكم عطونا وجهه

[رفيع الشأن]

والله وانا اخوك اشوف ان الميشلان هو شيخ الكفرات كلها
قوي ويتحمل الكد والمد وخصوصا في المناطق الوعرة
عيبه هو انه قاسي شوي على البطناج
لكن ابشر به....في الخط والبر والرمل وجميع انواع التضاريس

و وكيله الجفالي
هناك نوعان 4×4 من ميشلان وهي : Diamaris و Synchrone

هذي لو لقيتها عند الوكيل لاتبعد عنها
اهم شي ان الكفر يكون صناعة أمريكية او فرنسية وماظني بتلقى الماني ولا هو الاساس
اهم شي ابعد عن التايلندي والاندونيسي
وتأكد ان تاريخ الصنع يكون حديث عشان لايحبل عليك الكفر
عموما ادخل على موقع ميشلان وادخل جميع بيانات سيارتك (اسم الشركة, نوع السيارة, وحجم الجنط ..الخ) وهو راح يوريك الكفر الانسب لسيارتك من شركة ميشلان
http://www.michelinman.com

تقبل تحيتي

[سعد777]

والله وانا اخوك اشوف ان الميشلان هو شيخ الكفرات كلها
قوي ويتحمل الكد والمد وخصوصا في المناطق الوعرة
عيبه هو انه قاسي شوي على البطناج
لكن ابشر به....في الخط والبر والرمل وجميع انواع التضاريس

و وكيله الجفالي
هناك نوعان 4×4 من ميشلان وهي : Diamaris و Synchrone

هذي لو لقيتها عند الوكيل لاتبعد عنها
اهم شي ان الكفر يكون صناعة أمريكية او فرنسية وماظني بتلقى الماني ولا هو الاساس
اهم شي ابعد عن التايلندي والاندونيسي
وتأكد ان تاريخ الصنع يكون حديث عشان لايحبل عليك الكفر
عموما ادخل على موقع ميشلان وادخل جميع بيانات سيارتك (اسم الشركة, نوع السيارة, وحجم الجنط ..الخ) وهو راح يوريك الكفر الانسب لسيارتك من شركة ميشلان
http://www.michelinman.com

تقبل تحيتي


بيض الله وجهك رفيع الشان


انا البارح شريت وانتهيت من الموضوع
شريت هنكوك 265/70/18

وعساء الله يكتب اللي فيه خير

[رفيع الشأن]

بيض الله وجهك رفيع الشان


انا البارح شريت وانتهيت من الموضوع
شريت هنكوك 265/70/18

وعساء الله يكتب اللي فيه خير
بيش الله احس انها تفقيع وجه خخخخ
عموما الله يوفقك...لكن ترا الهانكوك لين ...زين للطعوس لكن مايصلح ابدا للحجارة لانه ينشق
اهم شي جربه واعطنا تجربتك وبكم خذيته

[سعد777]

بيش الله احس انها تفقيع وجه خخخخ
عموما الله يوفقك...لكن ترا الهانكوك لين ...زين للطعوس لكن مايصلح ابدا للحجارة لانه ينشق
اهم شي جربه واعطنا تجربتك وبكم خذيته
والله قصدي بيض الله وجك وماقصرت


شريتها 570 للوحده تاريخ جديد الأسبوع 39 من 2007

وتراي ماشريتها الا قبل مشاركتك لني اخذت مده محد اعطاني رأي وتوكلت على الله وشريتها ولا ازيدك من الشعر بيت ولافيه الا هي بعد الأنواع الثانيه مثل برجستون او ميشلان او شاهين يقولون مافيه الا برجستون وبسعر 950 لمقاس 18 او كفرات وكاله لليوكن اسمها كنكلوتن
سعرها 900 وعليه تكه


لو ادري بمشاركتك كان سعرت ميشلان وركبتها
المهم مكتوب اشتري هنوكوك

التجربه توني مابعد تمردست في بطنها زين

[monsixnet]

_

مباركه ان شاء الله ومن خيرها يعطيك وشرها يكفيك

[رفيع الشأن]

والله قصدي بيض الله وجك وماقصرت


شريتها 570 للوحده تاريخ جديد الأسبوع 39 من 2007

وتراي ماشريتها الا قبل مشاركتك لني اخذت مده محد اعطاني رأي وتوكلت على الله وشريتها ولا ازيدك من الشعر بيت ولافيه الا هي بعد الأنواع الثانيه مثل برجستون او ميشلان او شاهين يقولون مافيه الا برجستون وبسعر 950 لمقاس 18 او كفرات وكاله لليوكن اسمها كنكلوتن
سعرها 900 وعليه تكه


لو ادري بمشاركتك كان سعرت ميشلان وركبتها
المهم مكتوب اشتري هنوكوك

التجربه توني مابعد تمردست في بطنها زين
الله يعطيك خيرها ويكفيك شرها
والسعر اللي شريتها فيها ممتاز مقارنة بمقاس الجنط 18 لان كفراته اسعارها جدا غالية

عموما تبليها بالعافية واذا جربتها في الطعوس عطنا تجربتك
تحيتي

[سعد777]

الله يعطيك خيرها ويكفيك شرها
والسعر اللي شريتها فيها ممتاز مقارنة بمقاس الجنط 18 لان كفراته اسعارها جدا غالية

عموما تبليها بالعافية واذا جربتها في الطعوس عطنا تجربتك
تحيتي

تجربتي لها في البر على هواء 38 بطناجها واجد وقوي
اقل من ذلك لم اجربها

الطعوس زينه والهواء على 38

[الذويخ]

الكفرات الكورية اثبتت كفاءتها وقوة تحملها - كالهانكوك والكمهو ، اما الياباني والاوروبي والامريكي ، مع المده وحرارة الجو تكون ناشفه ، فتفقد طراوتها بسرعة ، عند ذلك تصدر صوتا مزعجا عند القيادة ، اما ، الكمهو و الهانكوك فلا تتأثر بسرعة ، واحرص على الجودة العالية عند الشراء واختر حرف V او w - اما القياس فتقيد بقياس الاطار الموجود والملصق على باب السائق تجده اذا فتحت باب السيارة - واذا اختلف العرض قليلا او الارتفاق ، لابأس - وموفق انشاالله

[مهاجرالديار]

السلام عليكم ورحمة الله وبركاته
اخوي انا مركب كفرات يوكوهاما النقشة رقهما 051 على فورد حوض حجمة F250 مركبها لي أكثر من شهرين ويا محلاها جربتها في طعوس الثمامه وجربتها في الصمان وعدة البر كلها معي ويا محلها ؟
وعلى فكرة ما هي موجوده الى في وكالة الجميح ومحل واحد في الغرابي وقيمة الكفر الواحد حجم 275/75/16 (525ريال)

[سيف الظفير]

السلام عليكم

عسااااكم طيبين

مثل ماقلت لكم

الي معي بيرلي ماتبغا ولا بريال مع الصحراء والمقاس 225/70/ 18 يعني جنط 18


وش رايكم الأفضل من الكفرات وهل اغير مقاس العرض يعني يصير 250/ 70/ 18


نصيحتكم

تعرفون بر وجبال وجلد ونفود ماتنفع معها بيرلي مع العلم انها غاليه لا بارك الله فيها سعرها 900



يا كحيلان عليك بهنكوك

مقاس

18/ 275 / 75

18 ( مقاس الجنط ) + 275 ( عرض الكفر ) + ( 75 ارتفاع الكفـر )


وبتدعيلي يا الغالي بيرتفع الفرد وبيكون شكلة زين و عملي بالبر والخوطو والنفود وان شاء الله هذا المقاس بركبه على السوبربان 2500

[الذويخ]

انا معي نفس سيارتك بس موديل 2008 - لفيت و درت كل المحلات والشركات والوكالات في الكويت والسعودية الرياض القصيم والشرقية ، ما لقيت شي يناسب الا - هانكوك لا يباع الا عند الوكيل بن شيهون ومقاس الكفر 18/60/285 و هذا المقاس ممتاز جدا وافضل من مقاس البيريللي بكثير ،، فهانكوك بمقاسه المشار اليه فيه عرض زايد وقوه تحمل للحراره ، فيتناسب مع النفود والجبل والسهل والاماكن الوعرة ،، اشتر وركب ولا تتردد ، لكن خذ جديد وتأكد من تاريخ صنعه وسرعته ودرجة حرارته ِ

[الذويخ]

عليك بمقاس 18/60/285 من كفرات هانكوك و وكيله في السعودية ( بن شيهون ) - فأنا استعملته وجربته في السهل والنفود والجبل فهو اعرض مما ذكره البعض ، وكفر السوبربان مقاسه يختلف كليا عن الاكسبدشن فورد ، فلن تجد كفرا اعرض مما ذكرته لك فهو يتحمل حرارة الصيف اللاهب والسرعة ، وانا اقول ذلك عن تجربه ، سعر الكفر 650 ريال عند الوكيل بن شيهون راكب

[بو جريس 73]

الأخ سعد777 عنديلك اقتراح تروح تاخذلك جنوط اكسبدشن لموديل قديم 15 او 16 وتركب عليهم كفرات وتستعمله فترة الشتاء كلها ولما تخلص من الموسم تركب الي كانو راكبين على الموتر والي ماتستعمله خزنه بمكان منعزل عن الشمس والحراره ونسم على هواه شوي واذا تحصل جنط 15 اكسبدشن موديلات اول التسعينات تمام التمام بيكون اقوى وانعم بالبر ولاتنسى ان اسعار الكفرات 15 و16 ارخص بكثير وتكون حافضت على جنوطك الأصليه واذا بتسويها انتبه ان يكون ارتفاع الجنط 15 او 16مع كفره متساوي مع جنط 18 وكفره علشان ما يأثر على برمجة وغيارات الجير وتقبل فائق الاحترام والتقدير :good:

ملاحظه/ الفكرة كنت مطبقها على وانيت موديل 1987 F-150 وضلت معي الكفرات 4سنوات بالراحه وانت موترك يستاهل انك تحافض على جنوطه :good:

[فهد العيافي]

ماء شاء صبيان الجحادر وصلووا هنيا بعد يا راعي الرين اربك خنفري ولا عاطفي شعان اعطيك موتري وكفراته بعد وشوي في حقك بعد

[عاشق الفرعه]

على البركة الكفرات وتقطعهن إن شاء الله بالعافية