خبراء الجمس تكفون

[أبو مشعل]

السلام عليكم ورحمة الله وبركاته

و لله الحمد اشتريت سيارجمس بيك اب sierra c3 2001

فول ابشن مع الدبل نضيف مرررره ..... بس الرادو و المسجل و السيدي
ما يشتغلون . يعطيني مقفول و يحتلج باس ورد

الجمس وارد امريكا

يشباب احد عنده خبره كيف أشغالهنننننننن جزاكم الله الف خير:mad::mad:

[نادر العش]

تلقا من يعينك ان شاء الله
تقبل مروري....................

[gsb]

شف درج السيارة افتحه بتحصل ملصق عليه رقم دخله عندما يطلب منك المسجل هذا الرقم

وذا ما حصلت راسل الشركة في امريكا.

[صالح...]

الرادو .. ماراح يشتغل معك حتى لأن الأمريكي تختلف تردداته .. فيلزمك بالحالتين برمجة ولا تستبدل مسجلك بواحد ثاني.

[humod]

مر على محلات المسجلات يمكن عندهم بعض الحيل
ومر على مجموعة منهم ومحلات الغرابي بعد
وإن شاء الله يفيدونك

[Magellan]

عندنا بالرياض في محل الحوشاني يفكه لك وبالاضافة يحول رادوك للمواصفات السعودية...
انا موتري شفر مواصفات سعوديه يختلف عن خويي معه نفس المواصفات في الرادو..
انا فرار الرادو ينقل حبة أو 0.1 بينما خويي مواصفات امريكية ينقل حبتين 0.2
طبعا رادو سيارتك مسوا له lock او مقفول من امريكا ..
اتذكر في موضوع تكلم عن هالامر ما ادري متى ، لكن الوكاد ترى محلات المسجلات عندهم معلومات عن هالامور وقد مرت عليهم اكيد

[هـدد]

الله يخليلنا الغرابي مرهم وتطلع المسجل يدددددددددددددددددددددددهر

[أبو مشعل]

اخوي نادر جزاك الله خير علي المرور
gsb يا مليا العافيه ماحصلت الرقم جزاك الله خير ما قصرت
يا استاذ صالح شكرا جزيل و خلك متفايلللللللل
humod and magellan شكرا و الله يعطيكم الصحه و العافيه ولا انساء اشهب مطور

انشاء الله لي بعد اسبوع جيه لرياض وا اروح للغرابي

الله يجازيكم الله الف خير علي المرور

[بدوي جنوبي]

عندنا بالرياض في محل الحوشاني يفكه لك وبالاضافة يحول رادوك للمواصفات السعودية...
انا موتري شفر مواصفات سعوديه يختلف عن خويي معه نفس المواصفات في الرادو..
انا فرار الرادو ينقل حبة أو 0.1 بينما خويي مواصفات امريكية ينقل حبتين 0.2
طبعا رادو سيارتك مسوا له lock او مقفول من امريكا ..
اتذكر في موضوع تكلم عن هالامر ما ادري متى ، لكن الوكاد ترى محلات المسجلات عندهم معلومات عن هالامور وقد مرت عليهم اكيد


اخي ماجلان تحس ان الامريكان كل الارقام اللي يستخدموها شاذه شوي
مثل :
حساب المسافات يحسبون بالميل وحنا نحسب بالكليو
الوزن بالرطل وعندنا بالكيلو
حساب الارتفاع بالقدم وعندنا بالمتر

وحتي الراديو كذلك
عند تغيير موجه في الاف ام مثلا اذاعة القرآن لابد تكون 100.5او 101.0 اما الاستخدام السعودي 100. صافي

وحسب ما سمعت من محلات المسجلات ما يقدرو يغيرو البرمجه


تحياتي للجميع