تظليلة في كول

[مجالس الرجال]

مسا الخير للجميع
مين منكم مركب هالتظليله وهل كلام الوكيل صحيح من انها تحجب الاشعه فوق البنسفجيه 98 بالمائه
وتحجب الحراره بنسبة 55 بالمائه طبعا اقصد الشفافه لان عندهم انواع اغلى نوع الشفاف
واسمع ايضا انها ماتكون الواجهه الاماميه واضحه للرؤيه مثل لو كانت بدونها
انتظر ردودكم

[وقيان]

الأغلب يمدحها..وتحجب الأشعة..لكن تراها رفاهية مالها داعي...احط مبلغ 3 الاف ريال عشان تظليلة.....حط لك تظليل عادي ب 60 ريال بتقوم بالواجب.... واذا قضى الصيف شيلها....هذي نصيحتي لك..

[monsixnet]

_

انا مركبها وركبتها على جميع السيارات اللى امتلكتها....

والصراحه انها فوق الممتازه بس عيبها الوحيد السعر عدا ذلك معليها كلام

[سعد777]

انا مركبها على كامل السياره ومن قدام خفيفه ولا تفرق ان فيه تضليله
ولا تخدش وحسيت بفرق شاسع من ناحيه الحراره

احط يدي على الزجاج من برى والله ماتقدر تلمسه احد ايدي على الزجاج من الداخل ما تحرك يدك يعني حراره زينه


مده ضمانها خمس سنوات

مركبها على أفالون 1600

ولا احد وقفني من المرور او أمن الطرق مع اني كل خميس وجمعه سفريات اكثر من 700 كيلو للرياض الدمام القويعيه

[القناص-sniper]

انا مركب في كول

وبصراحه وبكل امانه ممتااااااااااااااااااااااز جداً

يعزل الحراره بشكل عجيب ومضلل سيارتي كامل حتى فتحة السقف

الزجاج والشبابيك الامامية بنوع شفاف اسمه زيرو/ زيرو والخلفيه اغمق منه شوي الي هو زيرو/ ون

وفي عز الصيف اشغل المكيف على اول طقه Low وبراد يحبه قلبك ولكن فيه شغله بسيطه طلعتلي في

تضليلة القزاز الامامي بعد فترة من التضليل يعني سنتين صار مغبش شوي يالله تلاحضه واتوقع لو اروح لهم

على طول يغيرونه لان عليه ضمان خمس سنوات

هاذا الي اقدر افيدك فيه وتقبل مروري

[مجالس الرجال]

انا مركب في كول

وبصراحه وبكل امانه ممتااااااااااااااااااااااز جداً

يعزل الحراره بشكل عجيب ومضلل سيارتي كامل حتى فتحة السقف

الزجاج والشبابيك الامامية بنوع شفاف اسمه زيرو/ زيرو والخلفيه اغمق منه شوي الي هو زيرو/ ون

وفي عز الصيف اشغل المكيف على اول طقه Low وبراد يحبه قلبك ولكن فيه شغله بسيطه طلعتلي في

تضليلة القزاز الامامي بعد فترة من التضليل يعني سنتين صار مغبش شوي يالله تلاحضه واتوقع لو اروح لهم

على طول يغيرونه لان عليه ضمان خمس سنوات

هاذا الي اقدر افيدك فيه وتقبل مروري

ياليت انك تروح لهم وتشوف راح يغيرونه لك او لا؟

ويعطيكم ربي العافيه وماقصرتو

[فارس العمور]

تضليلة القزاز الامامي بعد فترة من التضليل يعني سنتين صار مغبش شوي يالله تلاحضه

انا نفسس الكلام بالضبط

صراحه حلوووه بس غالية
ونفسي اركبها بسيارتي الجديده بس دوامي احيانا يشددون على التظليل (قطاع عسكري) فحرام يجبروني افكها

بركب الحراري ابو 50 ريال وافكه متى مابغيت

[مجالس الرجال]

ابي استفسر ...
هل بالليل تمتص الاضواء للسيارت اللي مواجهتك بالطريق؟؟؟ يعني كانك لابس نظاره شمسيه
وشكرا لكم.

[marzog]

يا خوان بغيت موقع محل كول

الله لا يهينكم

ويعطيك العافية اخوي على الموضوع

[يحيي بن حمد]

ما جربنا الصراحة

[القناص-sniper]

يا خوان بغيت موقع محل كول

الله لا يهينكم

ويعطيك العافية اخوي على الموضوع


اذكره مقابل مدينة الملك فهد الطبية بالرياض امتداد طريق خريص

لكن تأكد قبل لا تروح

[القناص-sniper]

ياليت انك تروح لهم وتشوف راح يغيرونه لك او لا؟

ويعطيكم ربي العافيه وماقصرتو

.
في اقرب فرصه امر عليهم لأن باقي في الضمان الضاهر سنه و9 شهور تقريباً

انتظر خبر الزياره

[مجالس الرجال]

الله لايهينك ويجزاك كل خير
بانتظارك

[سيف الظفير]

ياالربع تراها تأثـــــــــر على النافجيشن وعلى اجهزة الملاحة الفي كول فقــــــــــط لأنها تحتوى على نسبة حديد عااااااااالية اكثر من المسموح والدليل انها استبدلت في كل الوكالات من عبداللطيف والعيسى والجميع على ما اظن

[مجالس الرجال]

ياالربع تراها تأثـــــــــر على النافجيشن وعلى اجهزة الملاحة الفي كول فقــــــــــط لأنها تحتوى على نسبة حديد عااااااااالية اكثر من المسموح والدليل انها استبدلت في كل الوكالات من عبداللطيف والعيسى والجميع على ما اظن
كلامك صحيح يالغالي اجهزة الملاحه تتاثر منها لكن فيه حل ابسط حل يفتحون على شكل دائره في القزازه وتنحل المشكله

[بومعطش]

بالنسبة لكلامكم عن الزجاجه الأماميه أنها بعد سنتين تغبش فهذا صحيح
وعادي والأمر بسيط رح لهم وعلى الضمان يبدلونها لك هذا حسب كلام الموظف المختص في ((في كول))
ولاالتظليله ماعليها كلام تطربك في الصيف عالطول تبرد السياره ماتاخذ وقت
وتحتفظ بالبروده لفتره بعد لونزلت ورجعت في وقت قصير حتى قارورة الماء تبقى محتفظه ببرودتها ((من واقع تجربه))

[مقلع الرمث]

موفقين خيررر ركب عاديه وارتح

[monsixnet]

ياالربع تراها تأثـــــــــر على النافجيشن وعلى اجهزة الملاحة الفي كول فقــــــــــط لأنها تحتوى على نسبة حديد عااااااااالية اكثر من المسموح والدليل انها استبدلت في كل الوكالات من عبداللطيف والعيسى والجميع على ما اظن


اللى فيها فضه مو حديد لتصحيح فقط

وهذا سبب سعرها الغالى

[ضحية بيشة]

فيه محل جديد بعد مستشفى اليمامة باتجاه الشمال على اليمين اسمه

الخدمه السريعه عندهم نفس تضليلة زيبارت وبسعر 1100ررريال مسوين خصم 50بالميه

وركبت مع واحد اليوم مركبها بفورد والله خيال السياره باردة والمكيف على الخفيف ولاتحس بوهج الشمس

ولاالحرارة ...

[ابوبدران]

السلام عليكم
انا مضلل على سيارتي الاوله تضليله في كول في عز الظهر ولي تقريبا ساعه امشي في الشمس
المس الطبلون اقدر احط يد بدون ما تلسعني الحراره يعني دافي تقريبا
اما السيارتي الحين حطيت الكوري صرحه فرق السماء ( في كول ) عن الارض ( الكوري العازل )
والله ما اقدر احط يدي على الطبلون اكثر من 10 ثواني غير صالي الشمس تحسبه وغير الوان الكوري ما اعجبتني وايضا صحيح القارمن ما يستقبل انا حاط انتل خارجي وعلى العموم هذا مشاركه لي قديمه




السلام عليكم






أنا مضلل ( في كول ) كامل السيارة القزاز الأمامي والفتحة بـ 1900 ريال صرحه تفرقها في المشي في الشمس يعني ما تتعبك الشمس زى ألي ما ضلل أو مركب تضليله رخيصة

أعطيك مثال كنت راجع من الشرقية الساعة 2 الظهر إلى الرياض أشوف بعض الناس يحط شماسه أو سجاده أو أي شي يمنع حرارة الشمس بينما أنا ولله الحمد لم أضع أي شي لان ألتضليله عاكسه نسبه كبيره من ضوء الشمس والحرارة طبعا مع تشغيل المكيف و بعد ما تضايقك الشمس في المشاوير داخل المدينه في عز الظهر

كنت عندي حساسية من ضوء الشمس في الظهر يعني لازم البس النظارة الشمسية وإلا تدمع عيوني واقعد فترة لين اعتاد على الضوء لكن بعد التضليل ارتحت وصر الأمر عندي عادي


ملاحظه مهمة جدا


لا تظن انك أذا وقفت السيارة في الشمس تحصلها باردة لا تحصله حارة ولأكن اخف من السيارة ألي ما ضللت والديركسون حار بس ما يلسع زى ألي بدون تضليله
ركب أي ماركه تحب أهم شي أنها تكون ماركه( في كول ) ( جونسون ) ( زيبارت ) ( لومار ) ( كول لايت ) ( بدون ترتيب )

أيضا التضليل الماركة يكون تركيبه تحت أيدين ناس فهمه
وتناظر من خلال ألتضليله ما تشوف إشعاع مع الاضاءه في الليل وأنوار والسيارة ألمقابله يعني ألتضليله صافيه بنسبه عاليه جدا
ايضا عندي القارمن ما يستقبل الا باريل خارجي بسبب التضليلة

ونصيحه لا تكبها الا على سياره جديده علشان تتمتع به اكثر وقت ممكن

[الدويشاني]

طيب ايهما أفضل أركب في كول والا زيبارت

تراني محتار

[monsixnet]

_

أفضل تركب في كول علشان الضمان

[aaa658]

السلام عليكم
انا ركبت تظليله درايف7 على سيارتي vxr2008 شفاف اعلى عازل حراري في العالم يعزل 95بلمية من حرارة الشمس
فعلا ممتازة بس عيبها سعرها غالي اشوي 4050ريال طبعاً هذا السعر لاني طلبت السيارة تكون كلها عازل قوي وشفاف
والضمان عشر سنوات

[مـدحـدر]

من ركب يا شباب فلم الترميل


اللي يحمي الشيارة من الترميل


وكم قيمته للوجهيه الاماميه والقزاز الامامي

من لديه الخبر يخبرنا

وشكرا

[مجالس الرجال]

من ركب يا شباب فلم الترميل


اللي يحمي الشيارة من الترميل


وكم قيمته للوجهيه الاماميه والقزاز الامامي

من لديه الخبر يخبرنا

وشكرا
ياليت يالغالي نزلته موضوع جديد افضل من ان يكون ضمن الردود

[أبا الحارث]

لجميع المشاركين جزاكم الله خيراً


لقد إستفدنا !!