الفزعة يالنشامى ...تورطنا على بداية الاجازة

[ضحية بيشة]

عندي يوكن 94م باب واحد القير اتوماتيك والدبل ارضي القير اكثر من محل مريت عليه يقول يحتاج للتوظيب ولاتمشي عليه يضر المكينة ...التوظيب

يكلف 2000ريال تقريبا عند البنقال ولقيت بالتشليح شد بلد بسعر 2800ريال وتشالنجر بيوظبه ب3800ريال

وامريكي مجدد ب1800رريال ..ابي الشور ياهل الخبرة مع العلم اني بالرياض وماراح امشي عليه لين اسمع شوركم ...جزاكم الله الف خير على جهدكم ..دعواتكم لي

[خالدعبدالعزيز]

من استشار رجلا فقد امتلك نصف عقله بارك الله فيك
بالنسبه لدبل السياره شف اهم شي الضمان والاكثر اهميه لا يكون فيه كسر الجرم الخارجي او مشيت عليه بدون زيت واحتر معك لانه ماراح يصلح ويرجع زي اول
والاخوان بيفيدونك اكثر

[الدويشاني]

الله يدلك على الراي الطيب

[Magellan]

كان مع أخوي كابرس 94 ...
طبعا ضرب القير عليه من الجور في رمضان واتذكر عطاني الكابرس وعطيته موتري ...
الصراحة كان متعه أعشقه D وإذا وصل إلى 70 فصل كنه فاضي،،لين يرجع ويعشق من جديد..
طبعا أحطه على 2 ويمشي بدون مايفصل أخذته حدود الشهر أمشي عليه، وبعد العيد سوى له توضيب كلتشات القير بـ1800 والوكاد ماجربته لأنه ناوي يشتري سيارة جديدة فما قعد معه اسبوع وباعه ،،،
وأتوقع إن مشكلتك نفسها اللي هي كلتشات القير محترقة،،
وأحسن شيء لك تغييرها ، لأن القير حرام تغيره وهو شد بلد Gmc،غيّر كلتشاته بأصلي
وأتوقع تبي تلقى شغل نظيف ومضمون أقل من تشالنجر بحدود 2000 ريال

[صقر العثمور]

اهم شي لاتسافر لين تصلحه ترى القظعه بالطريق شينه واهم شي خذ شي نضيف لوكان غالي ويكون عليه ضمان والضامن الله وبالتوفيق وترجع بالسلامه

[mok]

المهم لا تصلحه الى عند واحد فاهم
واترك عنك المراكز الصيانه الكبيره لانه نصابين من ناحيت السعر
انا مره خرب علي القير 2006 سييرا جمس ووديته لمركز كبير وقالي توضيب كامل
استخرت الله
ووديته لمهندس فنان و ضبط
وصلحته 1500
بدل 3200
المشكله طلعت عندي حزام وترس

[mok]

انت قلنا بالضبظ ايش مشكله القير

[سطام vip]

بسم الله الرحمن الرحيم

اخوي ضحيه بيشه اولا ادعوا الله ان يسهل امرك ويوفقك

احسن شي التوضيب على جرم القير الاصلي للسياره

ونصيحه من اخوك ابعد عن جيركو وتشالنجر وطقتهم من المراكز الكبيره

ترا اكلت منهم مقلب حطيته سالفه في المنتدى هنا

مشكله الي في التشليح ما تدري عنه يمكن يكون مكروف وعيبه مايعطونك ضمان يبرد القلب يعني في اي وقت يمكن يضرب عليك

الامريكي المجدد هذا الي جدده احد المراكز الكبيره تشالنجر وغيرها وينزلونها السوق للبيع

واي خراب فيه بترجع لهم مارح ترجع للمحل الي شريته منه يعني ما أستفدنا شي


اذا انت بتستخدم السياره وناوي تحلل قيمتها وضب القير بمعرفتك يعني انت الي جيب القطع

وشوف لك مهندس مضبوط وخله يشتغله على الضمان وبكذا تعرف وش حطيت من قطع

لان المراكز اغلبهم شغله قطع امريكيه ما هي اصليه وكاله

واذا انت تقول والله الماده ما تسمح توكل بالله وخذ لك مجدد وان شاء الله ما يطلع به عيوب والشكوى لله

والله يسهل امرك اخوي

عارف اني طولت عليك بس حبيت اشرح لك مميزات وعيوب كل ما ذكرته ولا عطيتك حل مناسب

وانا حطيت نفسي بمكانك وعشت مشكلتك وقلت وش ابسوي لو انها سيارتي

دمت بخير

[سوبر VTC]

اذا كان عزمه ضعيف احتمال كلتشاته محترقه او ان طرمبة البنزين دفعها ضعيف و بكذا يكون عزمه ضعيف شيك على ضغط الطرمبة
و بعض الاخوان غير (هلال) منكسر حق تغير النمر اعتقد ب300 ريال و ضبط الموتر
تحياتي،،،،،،،،،،،

[ابولولو]

اخوي ضحيه بيشه كلام الاخوان علي متمه وكلام طيب من اخوان واعضاء ممتازين الورشه الكبيره تاخذ فلوس كثيره وتحط لك قطع تجاريه حق كم شهر جربتهم للعمل اهم شي تشخص العله عند واحد ثقه وجيب انت القطع الحق صلحه قبل العطله علشان تمرن القير وتختبره بالبلد واسف علي الاطاله

[عاشق الموج]

انا عندي اخو موترك وضرب القير عندي وكلفني توضيبه 1400
وعليه ضماان 4 شهور والحمدلله للحين مثل الساعة ما شي معى
انا اقول اذا القير في موترك شد بلاده وضبه احسن لك ما تدري لو تاخذ مجدد او من التشليح
وش يكون وضعه

[ضحية بيشة]

صبحكم الله بالخير جميع ...بصراحه اخجلتوني بتفاعلكم ونصحكم لي

الله يوفقكم ويرزقكم الجنه ووالديكم ولا يريكم مكروه ...


والظاهر ان التوضيب هو اللي راح يصير اخوووي عاشق المووج وين السعر هذا 1400يوم سعرة انا

لقيت كلهم مافي اقل من 1800ريال وهل انت مركب قطع اصلية ومن وين اشتريتها ولاعليك امر..

[بدوي جنوبي]

اخوي ضحيه اسمع كلام الاخوان
ولا تفرط في اللي عندك

اذا انت في جده بدلك علي واحد ان شاء الله انه ثقه
بالتوفيق