G M C ؛ الرفارف و المصفحات ؛ كـــل شـــئ عنهم ،. ( معلومـات و مـناقشـــات )

[بـلـيـهـان 1]

http://www.up2up.com/uploads/images/up2up-355b2fa21f.gif (http://www.up2up.com/)


http://www.up2up.com/uploads/images/up2up-7154fb0e30.gif (http://www.up2up.com/)


http://www.up2up.com/uploads/images/up2up-2237bb3eed.gif (http://www.up2up.com/)


حـياكـم الـلـه و بــياكمـ و ســـدد عــلى طريــــق الحــق خطــاي و خــطاكم ،..

يـااا هــلااا فيكــم يا إخــواني الأعــزاء و يــاااا مــرحبا فيــكم ( تراحيــب المــطر ) ،


موضــوعـي أريــده بــعد الله ثـم مــنكم أن يــكون من المواضــيع الكــبيرة الشيقــة الممتــعة التــي تصب لإستفــادة النـــاس مــن الخبــرات بطريــقة مخــتصــرة و ســـهلــة لأن فــي الـحقيــقة بعــض المــواضيــع تطــرح و لا يتــم بهــا شـئ مـن الإسـتفــادة و نــحن نريــد القــضاء علــى هــذه الــعادة :no2: و نـريـــد مــعا ً و يــدا ً بــيد أن نــكـتـب كــل مــا هــو مفــيد و رائــع ،..

لا أطــيل عليــكم أعزائــي ..



مــوضوعــي يــتحدث بــوجــه عــام عــن ( مـــركــــب الـــشـــيـــوخ )

:alarm: .. GMC .. :alarm:

( الـرفـــارف و المــصــفحــات ) مـن كــل مـــوديــل و يــنـاقــش بــه بعـــض المشــاكل التـــي تــتم فيـــه و طــريقــة لإيجــاد حـــلول للأعــطــال مــن كــل شخــص لـديـه مــعــلومة أو خــــبرة ..

http://www.up2up.com/uploads/images/up2up-89f0de5977.gif (http://www.up2up.com/)


و يــتحدث عــن الـ GMC .. أنـــواعـــه ، أســـعــاره ، مــعارض أو أمــاكــن أو أشــخــاص يـريــدون بــيع GMC ، مكــائــنه ، اســتفســارات عــن أي شــئ يتــعلق فــيه ، مــعلومــات مــن أي شــخص يملــك أي معــلومة عنــه ، بــوجه عــام (( أي شئ عنه )) ..


أمثـــلة على الإستـــفســارات .. و هــي /


أريــــد درفـــنش يا شبــاب .. ويـــن تخبـــرون أماااكـــن أحصــله يبيــعونــه ؟


أريـــد جنــوط شـــنابر ..؟ من ويـــن بالربــع .. ؟


أريــــد مكيــــنة 454 حمــراء ؟ من ويـــن أحصلهــا يالربـــع ؟؟


أيــن يبــاع عمــود كرنـك استــاندر للجمـــس ؟


ويــــن الشــئ الفلانـــي ؟


(( أنتــم عرفتوا قــصدي يالغــالين .. ؟ ! ))





عمومــا ً ،.. :



سـأقدم بعــض ممــا عــندي من معلومات عن الجموس الرفارف من 78 – 87 لتسفــيدون منهـا /

ألـوانــه الـشـد البــلد /

3 فئـــات من اللــون الأحــمر ..

الحــليبــــــي

الأبيـــض

الــــــعودي

البني الغــــامق

الكحلــــــي ( بين الأزرق و الأسود )

الـــــنحاسي

--------------------------------------------------------------------------------------------------------------------------------

وكالات الرفارف /

الجميح ( السعودية )

بهبهاني ( الكويت )

-----------------------------------------------------------------------------------------------------------------------------

مكاينه /

350 ( أبو شكمان واحد )

454 ( أبو شكمانين )

502 ( و هي قليله جداً ) .

و ألوان المكاين فيه شئ أسود و شئ أزرق و شئ أحمر .. و الأحمر هو الأقوى ..

-----------------------------------------------------------------------------------------------------------------------------

معارض لبيعه /

معرض شواهد الخير ( و هو من أفضل المعارض في الدمام لبيع الرفارف ) و هذا رقمه :

*********

معرض راشد الخالدي ( في الدمام ) :

*********

معرض جوير بالخرج :

*********

معرض العرجاني بالخرج :

*********

معرض البراك بالخرج :

*********

معرض الجرجير بالخرج :

*********

--------------------------------------------------------------------------------------------------------------------------

محلات لبيع قطع غياره ( توضيب و ما إلى ذلك ) و أرقام تشاليح :

مؤسسة عبد العزيز فلاح الخالدي ( يبيع قطع غيار 454 و 350 و هو محل رائع ) و موقعه بالخضرية في مدينة الدمام :

*********

شركة با عاصم ( و هو من أفضل المحلات لبيع قطع غيار القديم 454 و 350 ) و هذا رقمه في الدمام :


*********

و هذا رقمه في مدينة الخبر :

*********

و هذا رقمه في الأحساء :

*********
و هذا رقمه في جدة :

*********

انتهى

محل السهالة لقطع الغيار في الخبر و هذا رقمه :

*********

محل باخشوين و موقعه بالدمام :

*********

محل رهدان و موقعه بالخبر :

*********

تشليح :

*********

----------------------------------------------------------------------------------------------------------------------------

أرقام ورشات تصليح جمس و محلات لبيع مكاين :

ورشة الأحمري بالدمام ( ورشة جيدة و بها مكائن كثيرة تخص الجموس ) :

*********

ورشة ( لا أعرف إسمها ولكنها رائعه و شغل جيد على أيدي فلبينينن ) بالخبر :

*********

ورشة الامارات بالدمام :

*********

ورشة الحساوي للترفيع و التنزيل بالخبر ( و هو من أفضل الذين يعملون في هذا المجال ) :

*********

ورشة العبد القادر و هي ورشة رائعه و متميزة و شغلها كويس ! و بالخبر :

*********

هذا رقم محل بالدمام يبيع جميع أنواع المكاين و يوضب و شغله عدل :

*********


--------------------------------------------------------------------------------------------------------------------------------------------------------------------------------



القــصــد يا إخـــوان

أن جمـيع ممــن يحــــبــون الجمس يضعون هنا معلــومات و عندما يــسأل أي شخــص و يستــفسر عن شئ نــكون لــه عـون و نرد عليــه لأن معاونة أخيـــــك المســـلم تأجر عليــها و نتبـادل الخبرات و المعلومات و نتناقــش و ما إلـــــى ذلك .،



و في الختام
هذا شئ مما لدي ، و أرجو من الجميع أن تكون أغلب الردود بها شئ بالمعلومات ليصبح هذا الموضوع وجهة لأصحاب الجموس للإستفادة بـ طرق مختصرة و سريعة :redcar: و جميلة :type: ..

و أرجو الدعاء لوالدي َ و ألف شكر لكم و جزاكم الله كل خير و صلى الله على حبيبنا و سيدنا و شفيعنا محمد صلى الله عليه و سلم و على آله و صحبه و من سلم تسليما ً كثيرا ً


أخوكم.. و مغليــكم وهذه صوره ختامية إهداء لكم


ماشاء الله تبارك الله

http://www.up2up.com/uploads/images/up2up-69aaba646b.jpg (http://www.up2up.com/)



تم تحرير المشاركة بواسطة المشرف

[وقيان]

يعطيك يا العــــافية يا الغــــالي.... وسجلني معك أول متابع للموضـــوع.. و ان شاء الله أي معلومــــة نحصل عليها بنطرحها هنا....

[&أبوخالد&]

موضوع جميل جداً
الله يجزاك خير

[الوسيطاء]

قديم نديمك لو جديدك اغناك

الله يعطيك الصحه والعافيه

الله يطرح فيه الفايده

[adkmz]

موضوع متعوب عليه وأن شاء الله راح يكون مرجع لكثير من عشاق الوحش الاسطوري ...

بس فيه سؤال / 2008 الجديد وش صناعته سمعت أنه كندي ؟

[Ibrahim.O]

أول شيء مشكور اخوي شقران على الموضوع الرائع

أبي اسالكم ( المجربين والخبراء ) عن الجمس الحوض دفرنسين قطع 2500 موديل 2008

غمارة وحده

السؤال وش رايكم فيه ؟ وش لونه في النفووود والخطوووط ؟؟

واللي يعرف كم اسعاره تقريبا

[طحنون]

يعطيك العافيه وأظم صوتي للك ولكل الاعضاء
طيب خذ عني بعض المعلومات في حياتي امتكلت اربع ونيتات اثنين ابو رفرف
الاول موديل 78 كل شي فيه شد بلد وبدون سمكره انا اللي رشيته بسبعه الاف ريال عند ورشه الناجم المكينه 454 وجلس عندي قرابه سنه وبعته على شخص من الرياض يشتغل عند قصر لكبار الامراء
الموتر الثاني ابو رفرف موديل 80 اللون حمر هاذا الموتر كان ملفق تلفين وان غشيت فيه بحكم صغر سني وعدم الخبره كانت مكينته مغيره ماهي مكينته الاصليه وكذالك القير ماهو قيره لاكن الموتر كشخه بس لاكنه في القومات والنشاط أخرطي هاذا الموتر شريته ايام الازمه بدايه الشتاء اللي ماينسي كان ربيع وكنت وقتها في حفر الباطن ماطول في القيض انباع لشخص من قطر من عيال المهندي
الموتر الثالث ونيت قطع عشره موديل 86 قير عادي ماطول معي تقريبا 8شهور وصارتله سوالف واجد من ضمنها انسرق مرتين مره ونا في الحساء ولا حصلوه ألا عند محطه بنزين طريق خريص الرياض
والمره الثانيه في مدخل القطيف واللي يسرقونه يتضح انهم سكارى ههههههههه لان كان اي مفتاح يشغله
الموتر الثالث مصفح موديل 84 اللون بحري قطع 15 مكينته 350 هاذا الموتر انهلك من الكشتات والخطوط
وبيض الله وجهه ماعمري رحت به الورشه حتى الزيت ماعمري شيكته ولا غيره ماغير بنزين وامش طبعا الموتر ماطول شراه مني رجال راعي طرادات من اهل الجبيل
.................................................. .................................................. ...............

للمعلوميه يوجد عندي قير عادي مفكوك من ونيت موديل 78 القير شغال مافيه غير العافيه
طبعا القير سنقل (دفرنش واحد )
.................................................. .................................................. ................
طبعا الونيت ابو رفرف الموديلات القديمه موديل 76 77 78 79 80 تعتبر هي الموديلات الكلاسيكيه
وهي الموديلات اللي تتميز بالمحركات القويه من مكينه الى قير الى دفرنش كذالك منظر طبعا بالنسبه لي من الشبك والانوار الدوائر هو المنظر المرغوب للكثير من عشاق الرفرف القدماء
.................................................. .................................................. ............
نبي نتكلم عن تاريخ ابو رفرف في الصولات والجولات في عالم التهريب والمغامرات لتعطي الموضوع نوع من التنوع
لاكن انتبهو من الصواريخ يعني عطونا سوالف الواحد يقدر انه يصدقها بدون مقدمات وبدون تعصب لان سوالف ابو رفرف تعدت الخيال واسبحت اسطوره من الاساطير والخرافات والاعتقادات الخاطئه

[سيف الظفير]

مشكور على الموضوع

ولكن الجموس الحمر ابو رفرف

حضارة سادت ثم بادت

وجاء 2006 /8100

والحين2008 قوة فووق 420 حصـآآآآن V8/2500

[طارق الحربي]

يعطيك العافيه

وشكرا على الموضوع المهم

بس ياليت مايقتصر بس على الرفارف القديمه خلوه يمتد الى 2005

عشاني عندي واحد :)

[بـلـيـهـان 1]

وقيان يا هلا و يا مرحبا بك و إن شاء الله في إنتظارك و حياك الله

[بدوي جنوبي]

الاخ الكريم شقران اعتذر منك
يمنع وضع ارقام هواتف
اللي يحتاج الرقم عن طريق الخاص

بالتوفيق

[بـلـيـهـان 1]

الجنوبي يا مرحبا بك و يا مرحبا بأهل الجنوب و يا هلا

[بـلـيـهـان 1]

اخوي بدوي جنوبي لا هنت نبغى الاستفاده للكل و الإختصار و أنا من وجهة نظري لا يوجد هناك حرج أو مشكلة من وضعها ، بالعكس استفاده كبيره جدا للجميع و نرجو منك مراعاة الظروف

[بـلـيـهـان 1]

الوسيطا يا هلا فيك و يا مرحبا و يا ليت تكون الردود مفعمة بالمعلومات و الفائدة و جزاك الله كل خير

[بـلـيـهـان 1]

ادكمز

بالنسبة للـ ألفين و ثمانية أنا ما سمعت أنه كندي و لا اعتقد انه كندي بل أنه أمريكي أبا ً عن جد !!

ولكن نشوف ردود الوافين

[طحنون]

الاخ العزيز بدوي جنوبي
والله انها ماهي للدعايه هي لخدمه الاعضاء ونا متأكد من شخص كاتب الموضوع الله يجازي بالخير
لاكن اذا انها من شروط المنتدى الله كريم الشكوى لله
( توني داخل المنتدى ابي اسجل الارقام لاكنك سبقتني الله يعوض علينا )

[بـلـيـهـان 1]

ابراهيم حياك الله

بالنسبة لسؤالك إن شاء الله الرجال يفيدونك و لكن بعطيك إلي أعرفه عن الجمس 2008

أول ما نزل بالسعودية نزل قطع 10

و قطع 10 نوعين على ما اعتقد أو 3 انواع و هي

استاندر

Z71

Z71 افخم نوع .. شبك و جنوط و حاجات حلوة

و بالنسبة لقطع 25 نزل بقطر قبلنا ، حنا ترا توه نازل عندنا ، و لكن بإذن الله أنه كفو و نشمي ! لأنه معروف من فعول جدانه و التسلسل بالطيب ( شرواك ) ...!

و يا مرحبا بك و شرفتنا

[بـلـيـهـان 1]

طحنون يا مرحبا يا مرحبا مرحبا يا مرحبا بالطش و الرش

أنا أشهد هاذي الردود الكفو

إلي فيها فااايده و علم ٍ غانم و سعة صدر و سواليف رجال

يا لبيه بس

لا هنت لا هنت لا هنت لا هنت

و أنا أعتبرك صاحب الموضوع يالذيب

[بـلـيـهـان 1]

سيف الظفير

مع ذلك فإن الجموس الجداد

بلاستيك

أي طقة برجلك ينعفط الموتر

خفيف البدي

أي مشكلة فيه تجر مشكلة ثانيه

أما لا جتك الجموس القدام الرفارف 79 و ما شابهها كلن يناظرها و يقول عزاه يالقدام

بديها عن ثلاث جموس سوابر جداد

بديها حديد

لاسمعت صوتها صباحيه و هو يحمي أنا أشهد تنطرب .. لا سمعته يغني

طربه

هاذي الجموس و انا اخوك

و كلن و وجهه نظره

[بـلـيـهـان 1]

طارق الحربي

يا هلا بك و يا مرحبا

انا موضوعي يخص الرفارف من كل موديل من صفر حتى 2010

و يا مرحبا فيك

و عز الله أن إلي معك موتر مطاليق

[مدمن فتك]

الرفر ف كيفه بالبر؟

[عبدالله ابو]

السلام عليكم وحمه الله

موضوع جميل جميل جميل جدا ويقدم خدمه جليله لكل من يبحث عن قطاع غيار سيارات او صيانه للجموس
وانا واحد من هاولاء الناس الي يحب ان يقتني سياره كلاسيكيه قديمه
والان عندي واحد موديل 81 رفرف 350
ولكن واجهت عده مشاكل واولها محاوله النصب والغش بعض الورش الموجوده بالصناعيه ( الرياض)
مما جعلني ان اوجل بعض التصليحات في السياره
والان ارجو ممن يعرف ورشه متخصصه في الجموس وصيانتها من ناحيه المحركات والقير والمكيف ان يدلنا عليها في الرياض
ولكم جزيل الشكر

[عبدالله ابو]

وهذى صوره له

[بـلـيـهـان 1]

مدمن شيروكي الرفرف موتر فالبر و لا أطلق منه لكن نسم الكفر اهم شي و كان دبل ( يا عمري )

[بـلـيـهـان 1]

عبد الله أبو

يا مرحبا بك يالغالي

و انت وين محلك

اذا انت بالدمام

في ورشات كثيره زينه

و اذا انت بالرياض

يفيدونك الربع و الشباب و أنت انشد عنها عند اهل الرفارف و تمشى بين الورش إلين تلقى ورشة فيها جموس و اختصاصهم جموس و موثوقة رح لها و الله يوفقك إن شاء الله و يا هلا بك

[بـلـيـهـان 1]

اقروا القصة المنقوله

شي عجيب



السلام عليكم ورحمة الله وبركاته...
قد يأخذكم العنوان بعيداً عن المغزى الحقيقي لما قرأتم. ولكن لايخلو الأمر من واقع مضحك مبكي ومؤسف يحز في نفس من يملك الضمير.
فماذا سيتبادر إلى أذهانكم الآن؟؟
تفحصوا القصة التالية بالكامل واحكموا. مع العلم أن أحداثها صحيحة وحدثت معي شخصياً وقد كتبتها بنفسي.


بعد إنتهاء شهر رمضان المبارك وبعد انقضاء عيد الفطر ذهبت في صباح أحد الأيام إلى ورشة أحد الأصدقاء ( عاصم ) لتبادل أطراف الحديث واحتساء القهوة..
بعد ذلك عرض علي المشكلة التي يواجهها في توليف ( كرسي ماكينة ) لسيارة كاديلاك ديفيل طراز 85 ذات محركٍ أزرق. وما حدث هو أن أحد هذه الكراسي تعرض لانحناء شديد يستوجب تغييره والمشكلة في صعوبة إيجاد واحد مماثل وأصلي لدى قطع الغيار نظراً لقدم السيارة...
أثناء انهماكنا في محاولة إيجاد حل لهذا الكرسي وبحث إمكانية توليف كرسي آخر ( لاسيما مع الوزن الهائل لذلك المحرك) فجأة !!!

دخلت سيارة إلى الورشة وتوقفت بجانبنا !! وكانت السيارة ( جمس حوض ) طراز 77 ( مخصر ) وكانت السيارة من الخارج بحالة رثة يندى لها الجبين. لدرجة أنه يصعب عليك التمييز بين مقدمة السيارة ومؤخرتها !!
وعندما انفتح باب السائق ( ولم نكن نرى داخل السيارة حيث كان الغبار يغطي الزجاج ) نزل رجلٌ في حال بائسة.... بثيابٍ رثةٍ وحذاءٍ أشبه ما يكون بجراب مهترئ....!! وفي الواقع فقد بدأ حديثه إلينا بكلمة ( سلام ياعيال ) !!!!!


فسأله صديقي عاصم: هلا يا ابو الشباب. خير ان شاء الله ؟
الرجل: عندي تنسيم في وحده من العبارات وودي تلحمونه عشان يروح الصوت.
عاصم ( يبتسم ): خير ان شالله ياوالد حط سيارتك على الحفرة.

صعد الرجل إلى سيارته ليوقفها على الحفرة... ويتعجب عاصم لماذا يهتم الرجل بصوت بسيط من ( الشكمان ) ويتجاهل سيارته بالكامل والتي هي في أمس الحاجة لأي قطعة ترميم!!!

بقي الرجل في سيارته أثناء تفحص عاصم ومحاولته لإيجاد ذلك الثقب المزعوم... وبالفعل وجده عاصم وكان ثقباً بحجم ( حبة فول الصويا ) !!! ولكنه يخرج صوتاً (ررررررررر)

وأثناء وقوفي بالخارج لأنتظر نتيجة فحص عاصم للسيارة ناداني باهتمام وكأنه يريد أن يريني شيئاً مهماً...
فنزلت معه تحت السيارة ( في الحفرة ) ووجدت أمراً مريباً وقد استنتجت وعرفت سببه فوراً...على عكس عاصم الذي تملكته الحيرة ولم يجد تفسيراً لما يرى..
فماذا وجدنا تحت السيارة ؟؟؟؟


وجدنا قطع كثيرة وكبيرة من المغناطيس ملصقة على امتداد العادم من الماكينة وحتى الدبة الأخيرة !!!
أشرت إلى عاصم وقلت له: ( حاول تلحم هذي الفتحة وخلص شغلك عشان نخلص من هالبلوة ويروح هالرجال )...

سألني عاصم: طيب قل لي وش هالمغناطيس اللي معبي السيارة من تحت ؟؟
أعدت عليه طلبي بسرعة إنهاء عمله في السيارة... ولو كنت أعلم بأمر هذا المغناطيس لما قبلت بأن يستقبل عاصم هذه السيارة في ورشته.
انتهى عاصم وقد قام بتلحيم تلك الفتحة الصغيرة...

خرج عاصم من تحت السيارة وقد كنت بانتظاره أترقب ردة فعل صاحب السيارة... وهل يملك نقوداً ليدفع تلك الأجرة البسيطة؟؟؟
أشرت إلى عاصم أن يترك الرجل ليرحل دون أخذ الأجرة منه..... ولكن عاصم أصر على معرفة سر قطع المغناطيس تلك...
ولم أكن أشأ أن أخبره قبل رحيل ذلك المخلوق.

طلب عاصم من الرجل أجرة وقدرها ( س ) وتفاجأت بأن ذلك الرجل دفعها بالكامل وكان يمسك برزمة كبيرة من النقود !!!
وقد لاحظ تعجبي فقال لي: ( قل ما شاء الله ) .... فتبسمت وقلتها.. ثم سأله عاصم عن تلك ( المغناطيسات )؟؟

فأجاب الرجل: هذي يا حبيبي عشان صرفية البنزين.
انفجرت ضاحكاً وقتها وسط ذهول عاصم وتعجب الرجل من ضحكي العالي...
فسألت الرجل: اش لون يعني ؟؟؟ المغناطيس ينقص صرفية البنزين؟؟؟
فأجاب الرجل بلهجة الواثق: إيـــــــــــــــــــه
فضحكت مرة أخرى ودعوت بصوت مسموع: اللهم لا شماتة...الله لا يبلانا ولا يجعلنا من الشامتين...
وأعدت سؤالي للرجل بصيغة أخرى: يعني الحين ياشيخ لو جبت مغناطيس وجبت جيك بنزين وقربتهم من بعض المغناطيس بيمسك البنزين؟؟؟؟؟؟

قال: لا ياهوووه....ماهو كذا.
أنا: أجل كيف؟
وبدأ الرجل يهذي بكلام غير مفهوم وقد حاولت إنهاء الحديث ليرحل.
فقلت له: يالله يا شيخ شغل سيارتك وتوكل على الله لأن فيه سيارة ثانية جايتنا الحين.
ولم أحاول إقناع الرجل بأي حجة لأنني واثق بأن حالته ميؤوس منها ( إذا كان يؤمن بما يقول )...

قام الرجل بتشغيل سيارته.



وقد سحرني صوت المحرك....

نعم سحرني صوت المحرك لدرجة شعرت أنني أقف أمام طائرة كونكورد... ولم أركز في صوت المحرك في المرة الأولى عندما دخل إلى الورشة نظراً لانشغالي وقتها بمكالمة هاتفية.
فاستوقفت الرجل قبل رحيله وأمرته بفتح غطاء المحرك... فوافق دون تردد...
ففتحت الغطاء فوجدت محركاً أزرقاً بحجم (511) بحالة جديدة.... لدرجة أنني لم ألاحظ أي قطرة زيت على المحرك أو بجواره.. أي أن المحرك جديد بمعنى الكلمة....!!!
انتظرت طويلاً أمام ذلك المحرك مستمتعاً بزمجرته الغاضبة... فشعر الرجل بإعجابي بالمحرك فأصابه الزهو وابتسم إبتسامةً صفراء.
فقلت له بلا تردد: الماطور للبيع؟
فرفض بشدة.
فأعدت السؤال مرفقاً بسعرٍ مناسب له...
فأعاد رفضه قطعياً.
فقلت ما شاء الله تبارك الله وتركته ليذهب......

فقد كان من النقيض ما يدهش العاقل بين محرك السيارة وبين مظهرها الداخلي والخارجي..

رجعت إلى عاصم الذي كان لايزال يعمل على تلك الكاديلاك...فبادرني بالسؤال عن سبب تأخري مع ذلك الرجل فأخبرته بأمر المحرك.
ثم سألني مرة أخرى عن المغناطيس....

فأخبرته ...


فهل تعلمون ما السبب؟



تهريب الممنوعات !!!


نعم هو كذلك.. فقد وجدت علباً حديدية بجدران سميكة مثبتة على قطع المغناطيس على هيئة مستطيل مكعب ومفتوح من السطح العلوي الذي يلصق على قطع المغناطيس فتصبح العلبة مغلقة.
وقد سمعت قصصاً غريبة استخدمت فيها مثل هذه الطرق للتهريب وقد أخبرني بها أحد المقربين جداً مني ويعمل في شعبة مكافحة المخدرات. وفي هذه الحالة فإن المغناطيس يجذب بقوة علب الحديد المعبأة بالسموم حتى في أقسى الإهتزازات والمطبات فإنها لا تتزعزع من أماكنها.

انتهى الموضوع ورجعت لبيتي ولازال هدير ذلك المحرك يدور في ذهني ولا يقطع صوته سوى تصوري لهيئة ذلك الرجل...( المخلوق )







هل توصلتم إلى فك طلاسم مفردات العنوان؟

[طارق الحربي]

اخوي شقران

انا معي 2004 رفرف سعودي


وودي بصوت الجموس القديمه

طبعا اللي معه دبه وحده يعني عباره وحده

وش رايك افرغ الدبه او اشيلها واركب بدالها ماصوره او اركب دبه رياضيه او دبه كابرس او وش اسوي ؟


لك تحياتي

[بـلـيـهـان 1]

ارحب أخوي طارق

كيف حالك ؟

بالنسبة لجمسك طريقى تركيب له صوت طرق واجد /

هدرز .. يكلفك فوق الألف ريال

دبه كراش.. 200 - 300


تفصيل شكمان ثاني .. ما عندي علم بأسعاره

أما عن صوت القدام فأنا و الله مدري.. لكن ان شاء الله الشباب يفيدونك

[ابوالعبادل]

بارك الله فيك اقتراح ممتاز واتمنى انه يثبت .

[عبدالله العلاج]

.................................................. .....http://www.nesrelarab.net/up/uploads/35ac9040a6.png

[طارق الحربي]

اخوي شقران

الهدرز يبي يعدم علي المكينه


اما دبه كراش سمعت صوتها مزعج مررره

التفريغ الظاهر انه هو الحل بالاخير

[Ibrahim.O]

ياشباب ارجو الافادةأبي معارض تبيع جموس حوض جديدة بالرياض ضروووري جداو وين احل غمارة 2500 جديد .. العيسى ماعنده ؟؟ الجميح احصل عنده ولالا ؟؟رجو الافااادة

[ابو ضميد]

انا اشره على اللي يشتري الجمس ويبيعه=يبيعه وهو ماحدته بعض الاحوالي
انا ويش ابي بالجمس لولا مراميعه=ايلامن هواجيس العشاء ضيقت بالي
تنحرت به جون تطارد جرابيعه =رفيقن رفيقن لاوطاء التختخ الخالي
:no2:

[شيخ الشرقية]

عزاه يالرفارف أشهد أنه موتر

وذا الرفرف حقي

أذكروالله

ماشاء الله تبارك الله

http://up3.m5zn.com/get-6-2008-sft2anxobzj.jpg

[بـلـيـهـان 1]

أبو العبادل يا هلا بك و يا مرحبا و شكرا ً لك

[بـلـيـهـان 1]

عبد الله الحربي يا هلا بك و نورتنا و شكرا ألف شكر و أبيض وجه

[بـلـيـهـان 1]

طارق يا هلا بك و يا مرحبا

و انت صادق الهدرز مهب زين

لكن ترا اذا كان استخدامك عادي إن شاء الله ما فيها مشكلة

و الدبة ترا فيه انواع و اشكال في شي ازعاج و في شي وسط و في شي عادي

و فيه عندي لك طريقه ثانيه حلوه و سريعه و رخيصة

و هي السدة ..

و هو أنك تفتح فتحة بالشكمان .. طبعا ً يفتحهها راعي الشكامين اليماني و اذا فتحها و ضبطها يصير لها صوت حلو لكن تهز السياره ،، فهمت قصدي .. و ميزتها انك تقدر تفتحها عن طريق دائره و تقدر تسكرها بنفس الوقت ، يعني متى ما صنفت معك صوت تفتحها

[بـلـيـهـان 1]

شيخ الشرقية يا هلا بك و ماشاء الله على موترك و شكرا لك على عرض الصوره

[بـلـيـهـان 1]

ابراهيم شف المعارض و بالنسبة للجميع ما عندي علم

[شيخ الشرقية]

لاشكر على واجب

ترا أذا شفته من تحت كله مغناطيس<<<<<<<<<<<نصااب هههههه

وياليت الكل يحط صورت موتره

تقبل مروري

[ابوعقل]

مشكور

موضوع مميز

ننتظر باقي الأعضاء للأفاده والأستفاده

[عبدالله ابو]

تلبه لطلب احد الاعضاء بوضع صوره لكل شخص دخل الموضوع ويملك جمس حوض
سواء جديد او قديم
واعتذر عن ردئه بعض الصور لانها ماخوذه من كاميرة الجوال


http://www4.0zz0.com/2008/06/11/22/194398310.jpg (http://www.0zz0.com)


http://www4.0zz0.com/2008/06/11/22/998655982.jpg (http://www.0zz0.com)

[escape_man]

ماشاء الله تبارك الله

انا معي جمس قطع 10 دفرنسين

مشاكل تغلبت عليها بفضل الله ثم فضل ورشة ابو عادل بالصناعية مع اني خسرت قبل اجيهم آلآف على ورش نصابين ..

المشكلة الاولى : طقة عند التعشيق .. تم فحصها اكثر من مره وكل ميكانيكي يقول من القير او تحتاج وزن كرونه بـ 150 ريال ويوزنونها بدون فايدة وبالاخير عرفنا انها من الخابور الي بالكرونة .. فيه فضاوة ويسبب طقة عند كل تعشيقه.

كلتش : دماااار دماااار وكل ماغيرته ببرازيلي او امريكي او ACDelco مايبطي ويحترق.. رحت لمحل قطع غيار ... عقب بنك الراجحي بالصناعية لف يمين كنك تبي باقادر والتقوى ( طريق 24) او تقاطع لف يسار واسئل عن ابو عقيل بالمحلات الي على اليمين .. المهم .. ابو عقيل جمع لي قطع .. دزق وكلتس وفحمه وقال ركبها على ضمانتي ومن سنتين ماشاء الله ما اشتكيت منها.

الفرار: كان دايم يجي فيه طقه .. طررررر .. اذا شبكت الدبل ويطلع الصوت من الفرار الايسر وصارت العلة سسته ماركبت بمكانها مضبوط مع اني مريت على كم ورشة ويزبطونها واذا طلعت البر طلعت المشكلة ثانية ..بالاخير تم اصلاحها بورشة ابو عادل.

تم تغيير العكوس الامامية والخلفية من تشالح السواريه الي بالصناعية حول مركز الحوادث حق المرور. متوفرة للبليزر وقطع عشرة بكثره.

رفع الموتر: طبعا دفرنسين وشكله رياضي فقلت ارفع .. وفعلا رفعته فوق 8 سم عند ورشة العيسى .. قريب لميزان العضيب وشغلهم طبعا مشهود له والعلم عند رب العالمين.

فضاوة دركسون: غيرت اصلاح علبة مانفع.. غيرت دودة .. ايضا مانفع وبالاخير واحد من العيال نزل تحت الموتر قال ( الله يلع.. راعي هالورشة ويفعلبه و..) وش صارت العلة .. الدودة يمكسكها ثلاث مسامير بالشاص .. كلها مسامير 16 على ما اعتقد وصاحب الورشة غير واحد منها باصغر وصارت الدودة تلعب ومو ثابته بالشاص.

تزويد الموتر: هدرز امريكي + دبات صواريخ طويلة + تمديد شكمانين + اسلاك بواجي امريكية صفراء طبعا رياضية + فلتر هواء ايدلبورك.

مشاركة بسيطة من اخوكم بن غييثات ودمتم بصحة وعافية

[طارق الحربي]

http://www.up4ksa.com/uploads/3f762732a4.jpg




هذا المبروك


قولوا ماشالله :)

[Ibrahim.O]

أخوي طارق الحربي تخبر لي معارض تبيع جموس حوض جديدة بالرياض ؟

ولا وين احصله ؟

[شورت]

السلام عليكم
حبيت اني اشارك بل صور دي
http://www.arb-up.com/files/arb-up-2008-1/q3365377.jpg (http://www.arb-up.com/)
http://www.arb-up.com/files/arb-up-2008-1/Gke65432.jpg (http://www.arb-up.com/)
http://www.arb-up.com/files/arb-up-2008-1/6ku65503.jpg (http://www.arb-up.com/)
http://www.arb-up.com/files/arb-up-2008-1/KFA65552.jpg (http://www.arb-up.com/)
http://www.arb-up.com/files/arb-up-2008-1/s8g65607.jpg (http://www.arb-up.com/)
http://www.arb-up.com/files/arb-up-2008-1/hLD65673.jpg (http://www.arb-up.com/)
ارجو تقبل مشاركتي وشكرا

[العنابي 616]

السلام عليكم

يا شباب حبيت اسألكم عن الجمس الحوض مديلات 2002 وطالع 2500 القير العادي
هل فيه مشاكل وهل هو يتحمل وكيف القير حقه لاني سمعت ان العادي ما هو زين وان التماتيك
اقوى ويتحمل اكثر

[طارق الحربي]

اخوي ابراهيم

تبي اي موديل ؟

على العموم بالنسيم تلقى لك معرض او معرضين فيها جموس حوض موديل 2008 بس قليله جدا

[Ibrahim.O]

أخوي طارق أنا ابي الجديد 2007 او 2008 أصفاااار

غمارة 2500

[وقيان]

اهـــــــــــــــداء الى كل عشـــاق الجمس G M C 79

http://www.mekshat.com/vb/showthread.php?t=140624

[شيخ الشرقية]

لاهنت على القصيدة

[mok]

العنابي 616 لا توهق بالخص القير العايدي ماله قطع غيار
والتماتيك كله حساسات لو يلخبط الحساس يفرط القير

[بـلـيـهـان 1]

ابو عقل يا مرحبا بك و يا هلا

[بـلـيـهـان 1]

جمسٍ يهوم المدح ويحارب الذم
امهجنٍ يحيي القلوب اشتغاله
أمه ترايستار وأبوه جي إم
وأكثر اطبوعة من طبايع خواله
امصممينه للفضاء قبل يفطم
ويوم افطموه فقالت القاع أنا له
كن حس سلفه لا غرسته ورنم
ضحكت صغيرٍ يدّرج وسط صاله
وونت اسيوره صوت عودٍ تـهشم
يوم اقفو الغازين بأغلى حلاله
واليا أشتغل كن في قزوزه مترجم
يحكي فرنسي عن ظروف البطاله
لاكن شكامينه اليا من ترأزم
ايدين سباحٍ هوا من سقاله
ماكينته كنها أبريقٍ ملغم
فوقيه أحمر والبلاء في الحثاله
لجة الحي الغوج لامنه لجم
في حس كبوته ليا غط جاله
شبكه يشادي رشرشٍ فوق محزم
على كما التفاح من تحت شاله
لاكن امراياته اايا اقفى موشم
اذني ريمٍ ذيرته الثعاله
شنابر اجنوطه احجولٍ بمعصم
سوداً تهيض بالطبل كل داله
ورفارفه كنها اركوح المقطم
وكن القزاز البرق لنشت اخياله
ومساحتينه حجة الي تلثم
خشف على العاشق عسير وصاله
سيته يظم الي على طارته ضم
أمٍ تضم اوليدها من دلاله
كنها احتوت في حضنها هند رستم
أو بنت صدقي قمت الفن هاله
وكنه مع القاع هرش تهندم
هرش مع الغفران تومي حباله
مقدمه لا ماأقفى يخم الشمع خم
لا بالذي صممه ماوسع خياله
يشدي لسكران يلاغي ويحشم
وإلا لعودٍ مزعلينه عياله


منقوله من اخوي بن غييثات

[بـلـيـهـان 1]

تسعه وسبعين من يذكر حراجه
والجميح مورده برى الحــــدودي


والله ونعمين ياصنع الخواجـــــة
المركي صانعه يرقى سنـــــودي


حافظينه من وكيله لا كراجـــــه
ما بعد شفنا على حلياه بـــــودي


ما تغير شكله من اول انتاجــــه
تندته بيضاء ولون البدي عـــودي


له فخامه والجميحيات تاجــــه
والوقار اللي على طبعه يســودي


ضامنين محركة عند احتياجـــه
صادق التمرين يصدق بالوعـودي


دق سلفه واشتغل طرب ٍ مزاجـه
حس شكمانه مثل دن الرعــودي


ما دبله دعسته والحقه صاجــه
ولا ثنى تشغيلته عقب الخمـودي


احتفوا به مثل شيخ ٍ في زواجـه
يذكرون الله عليه من الحسـودي


ان وقف كنه عميد ٍ فالمواجــه
كل ما يامر تنفذه الجنـــودي


وان تحرك كن ضاربته هياجـه
لا لقمله نمرت ٍ شره يــزودي


وان ضرب له خطة ٍ فيها عواجه
الله أكبر يالتوازن والركــودي


يا ثقل حجمه ويا خف اندراجـه
فالحزوم والهضاب وفالنفــودي


الكفر بالون والممشى عناجــه
ما تعثر له بطانيج الحيــودي


ان تنحرته عكس شوفك زجاجه
الصدر متربع وفج العضـودي


لو تدقق شفت في عينه غناجـه
وسم صناعه من كبار الليهودي


وان تقفيته غشا جوك عجاجـه
الكفر يحتاس لافتر العمــودي


سايقه مطنوخ في جيبه علاجه
ما بعد ساقوه شلات الهنـودي




الشــــاعر : عبدالله بن عبدالعزيز الحميداني....

منقوله بن اخونا وقيان

[بـلـيـهـان 1]

أرحب يا بو عقل و يا هلا

[بـلـيـهـان 1]

عبد الله ابو لا هنت على صوره موترك و ما شاء الله عليه

[بـلـيـهـان 1]

بن غييثات لا هنت ياذيب و أنا أشهد أنك وافي و قدمت بدذه جميله يا جعل عمرك طويل يالغالي و نتمناك معنا على طول يا جعل والدينك بالجنه

[بـلـيـهـان 1]

طارق الحربي ما شاء الله على موترك و أنا أشهد أنه عز الطلب لأهل البر

[بـلـيـهـان 1]

شورت يا هلا بك و أشكرك جزيل الشكر على عرض الصور النادره للجموس القدام و نرجو من الجميع سلك طريقك و عرض الصور النادره للجموس القدام و الله لا يهينك يا جعل عمرك طويل و والدينك الجنه

[بـلـيـهـان 1]

العنابي

بالنسبة للرفارف فالقير حقها يخبط بسرعه و التوماتيك أيضا ً

و لكن ما يخبط إلا إذا رجلك مو هادية

لازم الهدو و الركاده

ثم شد حزامك و أمش

[بـلـيـهـان 1]

يا شباب لا هنتم نتمنى من الكل ان يضع ردودا مفيدا تصب في مصالح الجميع و ليس عبارات شكرا و مشكور و ماتقصر و لاهنت و ما شابه هذا ..

[عبدالله ابو]

طيب ياخوان انا محتاج ورشه في مدينه الرياض خاصه بالجموس الحوض
او ورشه خاصه بالقيور ويكونون فاهمين شغلهم
مهوب بنقالي ما يعرف يده من رجله ويجي يتعلم في مواترنا

ارجو من الاعضاء ان يذكر لنا ورشه او شخص فني حتى تعم الفايده

في الرياض

ولكم جزيل الشكر

[العنابي 616]

مشكورين يا اخوان mok و s h g r a n

طيب هل تنصحوني اني اشتري السيارة علما بأنها من المديلات الجديدة 2002 وطالع 2500HD قير عادي
لانكم خوفتوني على مسألة القير

[بـلـيـهـان 1]

و الله أنت صل استخاره فهي أفضل حل

و اذا رجلك هاديه .. ان شاء الله مافيه خوف

و استشر ربعك و والديك

[بـلـيـهـان 1]

يالربع الي يخبر لي عمود كرنك لجمس 454 موديل 79



الله لا يهيييينكم

[طارق الحربي]

العنابي 616 لا توهق بالخص القير العايدي ماله قطع غيار
والتماتيك كله حساسات لو يلخبط الحساس يفرط القير


اخوي mok

الحساسات ماتخلي القير يفرط

الحساسات هي مثل عمل الفيوزات اذا القير ماتحمل تفصل عشان القير مايفرط

وتروح تغير الحساس حق القير وبس



أخوي طارق أنا ابي الجديد 2007 او 2008 أصفاااار

غمارة 2500


ما اتوقع راح تلقى

لكن دور مايمنع

وانا ان ذكر لي شي علمتك ابشر

[طارق الحربي]

طيب ياخوان انا محتاج ورشه في مدينه الرياض خاصه بالجموس الحوض
او ورشه خاصه بالقيور ويكونون فاهمين شغلهم
مهوب بنقالي ما يعرف يده من رجله ويجي يتعلم في مواترنا

ارجو من الاعضاء ان يذكر لنا ورشه او شخص فني حتى تعم الفايده

في الرياض

ولكم جزيل الشكر



اخوي ابو عبدالله


فيه ورشة العتيبي بالصناعية القديمه مخرج 17 متخصص قيور امريكي

شغله نظيف ومرتب بس تراه غويلي شوي

بس مالك الا تاخذ شغل نظيف ان شاء الله

تقريبا اول ما تدخل مع الصناعيه اول تقاطع او الثاني من عند ورشه وميزان الهلال او بني هلال يمين وتمشي شوي يجي على يسارك ورشه تقول حوش لها باب كبير والورشه داخل

فيه الشايب ابو عبدالله وفيه عبدالله ولد شباب

[Ibrahim.O]

وش احسن مساعدات للجموس 2500 بشكل عام ؟

فيه نوع لونه احمر وش نوعه وكم اسعاره ووين احصله فيه

[بـلـيـهـان 1]

السلام عليكم و رحمه الله و بركاته

أخواني الأعزاء هذه قصيدة عن الجمس للشاعر ناصر الفراعنة

حــيــيّــت يــــا جــمـــسٍ جــــدادٍ iiمــشــاريــه
عــبّــارتــيــنٍ بــمــيـــة ألـــــفٍ iiشــريـــنـــاه
أربـع مـيــا وخـمـسـيــن مــن عـنــد iiأهـالـيــه
آخـــر مــوديـــل بــعــالــم الــشـــرق iiعــــزّاه
حــالــف حـــرام إنـــي لاســوقـــه iiواعــدّيـــه
يـــوم إن ولْـــد أمّـــه قــصــر مـــا iiتـهــقــواه
جـمــسٍ لــيــا شـفــتــه عــزالــك iiتـقـهــويــه
يــا ِطـيْــب طِـيْــب الـقـهـوجــي كــان iiقـهــواه
تــقـــول مــعـــزومٍ لــحــفــلــة ii(ســـواريـــه)
جــاك امـتـشــيّــك وامـتـعــطّــر ومـــا احـــلاه
ســــوّاه لـــطـــوال الـــشـــوارب iiمــســوّيـــه
مـــا يـركــبــه يـــا كـــود حــامــي iiحــمــايــاه
حـــرٍّ كــفــخ مـــن روس عــالـــي iiمــبــاديــه
قــــرمٍ تــلــطّّــم وأشــقـــر الــكــنــت طــفّـــاه
يـا لـيـت راعــي الـجـمــس يـومــه iiيـسـمّـيــه
عـلــى اســم عـنـتــر والا بـــو زيـــد ســمّــاه
حـيـثــه شـنــب يـسـتـاهــل الــمــدح iiزاهــيــه
مـلــعــون أبـــو مـــن لا قــمــز لـــه iiوحــيّــاه
مــن عـزتــه مــا ركـبــو أهــل الــدلــع iiفــيــه
ولا ســــوّقــــوه أولاد بــــابـــــا ومــــامـــــاه
ولا سـاقــه الـخـكــري ولا احــمــر عـتــاريــه
وبــنــات الـمـديــنــة مــــا تــعــلّــن iiزوايــــاه
الـجــمــس أحــبّـــه حــــبّ غــــالٍ iiلـغــالــيــه
حــــبٍّ عــظــيــمٍ حــــبّ نــمـــرٍ iiلــوضــحــاه
ومــن حـشـمـتــه لا جـيــت اسـافــر iiامـالــيــه
ولا خــلّــص الـمــشــوار جــيـــت iiآتــرضّـــاه
يــا شـيــب عـيـنــي يــوم آجــي لــه والاقـيــه
مـثــل الـــذي وســـط الــخــلا شـــاف iiلامـــاه

[الذهب الأبيض]

شكراً أخوي على الموضوع استفدنا منه

[بـلـيـهـان 1]

يا هلا بك أخوي الذهب الأبيض و يا مرحبا

[بـلـيـهـان 1]

واحد من الربع ياشباب ينشدكم عن قيور 98 هل هي زينه ؟
لأنه بيحطها على موتر 2002

[هدار]

الاسلام عليكم:
مشكور اخوي شقران على الموضوع واحب اضيف فيه محل بالثقبة اسمه كرستال يبيع قطع غيار الجموس القديمه وموقعة على شارع مكه مقابل بنك الراجحي.
ورد عن استفسار اخوي ابراهيم
انا اشتريت من شهر ونصف تقريبا ونيت 2007 غمارة ونص حجم 25 ماكينة 6لتر واكانت اخر حبه وزين لقيت بعد
لان الغمارة 2007 و2008 خالص لاكن من ناحية التجربه بالنفود عزالله يطرب ماشأالله عليه وعلى الخط مريح بلعربي (شيخ) واذكر الله.
ونصيه اسأل بالكويت او البحرين لان الجميح الحجز عنده الحين على 2009
وانا انشأالله ابدورلك هنا وبرا
آآآآآآآآآآآآآآآآآآآآآآسف على الأطالة
وشكرا

[شلايعم]

وهذا جمس رفرف موديل 90 أردت أن أشارك به في هذا الموضوع الجميل
http://www.7ammil.com/data/visitors/2008/03/28/7ammil_252_abcd0001.jpg

[ابو خطاب]

السلام عليكم وحمه الله



موضوع جميل جميل جميل جدا ويقدم خدمه جليله لكل من يبحث عن قطاع غيار سيارات او صيانه للجموس
وانا واحد من هاولاء الناس الي يحب ان يقتني سياره كلاسيكيه قديمه
والان عندي واحد موديل 81 رفرف 350
ولكن واجهت عده مشاكل واولها محاوله النصب والغش بعض الورش الموجوده بالصناعيه ( الرياض)
مما جعلني ان اوجل بعض التصليحات في السياره
والان ارجو ممن يعرف ورشه متخصصه في الجموس وصيانتها من ناحيه المحركات والقير والمكيف ان يدلنا عليها في الرياض

ولكم جزيل الشكر

راجع الخاص.

[بـلـيـهـان 1]

أخوي هدار يا هلا و غلا فيك و شكرا على المعلومات القيمه و أشكرك جزيل الشكر

[بـلـيـهـان 1]

شلايعم شكرا على الصوره و ما شاء الله أنا أشهد أنه موتر ..

هو لك ..؟

و اذا لك للبيع ؟

[الخادم]

الغالي
موضوع جميل
الله يعطيك العافية

[هدار]

السلام عليكم:
اضافة بسيطة للموضوع أذا سمحتو
أذا كان فيه أحد جدد ونيت قديم ياليت يعطينا خبرته شوي ويشرحلنا عن كيفيفة التجديد
واذا كان مدعم بالصور افضل
شاكر ومقدر

[Ibrahim.O]

أخوي طارق الحربي كيف الدبل الاكتورني معك ؟؟

فيه مشاكل ولالا ؟

هل ينكبك في التغريزات الشينة ؟

[راعي هوى]

السلام عليكم ويعطيكم العافيه على الموضوع الحلو والمفيد جداجدا
وبالنسبه للشباب الي يسألون عن الدبل الالكتروني انا جربته مرتين على جمس قماره ونص مديل 2000 وعلى التاهو 2002 ولله الحمد بس اهم شي فيه الصيانه واذا علم عندك علامة السيرفيس للدبل لاتهمله لانه العطل في الاول شي يجي على الازرار انها تفصل علشان لا يتضرر الدبل اذا ماقمت بالصيانه من ناحية السيفتي للدبل ولله الحمد الدبل الالكتروني من ناحيتي ومن رايي المتواضع انه شي جيد وقو ويستحمل
وسامحوني على الاطاله
وتقبلوا مروري

[بـلـيـهـان 1]

الخادم حياك الله و يا هلا بك

[بـلـيـهـان 1]

هدار إن شاء الله يفيدونك الشباب ..

و الي بإستطاعتني أعلمك إياه هو ..

تجديد البوية إذا كانت ليست جيدة

تجديد قطع الغيار و تباع القطع في محلات كثيرة جدا

تجديد الادوات الداخية من طبلون و ما إلى ذلك

التوضيب إذا كانت فيه مشاكل

كفرات جديدة

تلميع السياره خارجا ً و داخيا

و و و

[بـلـيـهـان 1]

راعي هوا أشكرك يالغالي على الفائدة الجميلة و لا هنت الله يعافيك

[طارق الحربي]

الدبل الكهربائي كويس واحسن شي فيه ان فيه حساسات اذا زاد الحمل على الدبل وارتفعت حرارته الحساس يفصل يعني العطل يكون كهربائي وليس ميكانيكي

وطبعا لما تجي تصلحه مجرد تغيير الحساس وهو مثل الفيوز بس يكون بالدبل تحت

الصراحه اول ماشريت السياره شغلت الدبل ومشيت فيه 70 كيلو بسرعه 120 كيلو متر في الساعه :)

انا داري اني غلطان بس نسيته شغال

على العموم ماخرب الا يوم رجعت الرياض ومن بكره بعد وسألت كذا شخص ودلني على الحل رجال بيض الله وجهه معنا بالمنتدى خبير جموس ماشالله عليه وحليت المشكله وكانت مجرد تغيير الحساس حق الدبل وهي قطعه بحجم الكف تركيبها وفكها سهل

غيرته ب 800 ريال قطع غيار وشغل يد

كنت ناوي اغيره بنفسي بس اول مره قلت خلهم يغيرونه وانا اشوفهم

غيرته عند ورشه الجميح والسوداني قالي ب 1200 وخذ السياره بعد يومين وانا عارف ان الشغله بسيطه ماتاخذ ربع ساعه

كلمت راعي الورشه ونقص لي السعر وخلصت بنفس اليوم لان الرافعات مليانه

القطعه الظاهر انها ماتتعدا 400 ريال

ولله الحمد من ذاك الوقت الى الان ماجاه شي ابدا


تعقيبا على اخوي راعي هوى

انا يوم كنت ادور على الحل ماخليت احد ماسألته ولا ورشه ماجيتها

اللي قال من الازرار نفسها واللي قال من حساس الدبل او القير واللي قال هذي برمجه بس واللي قال واللي قال

كثرت الاقوال

طبعا ليش يقولون من الازرار لان شغلها فيوهمك انه يبي يتعب وياخذ فلوس اكثر مع العلم ان الازرار اخر شي يخرب هي واصلا اذا خربت مايطلع لك رساله بالطبلون ( تصليح الدفع الرباعي ) وانا طلعت لي الرساله معناه انه مو من الازرار


الحمد لله من ذاك اليوم الى يومك ماجاه شي مع اني استخدمه كثييييييييير


اما عن رأيي هل ينكبني بالتغريزات الشينه لا والله الا ياما سحبت ناس وياما غرزت وطلع ماشالله

بس اهم شي تنسم الكفرات لانها تخفف على الموتر كثييييييييير وتريحه مرره


ومن وجهة نظري ان الدبل الكهربائي افضل من القير او اليدوي لان فيه حساس يعني فاصل فنسبه خراب التروس نسبه ضئيله

يعني حط لك حساس دبل اضافي معك واذا خرب لاسمح الله وانت بالبر بس تنزل تحت السياره وتفكه وتركبه الجديد وان شاء الله مايخرب معك ابد


لك تحياتي

[شلايعم]

هلا بك أخوي shagran
ايه نعم السيارة لي وإذا لك نظر سم

[Ibrahim.O]

مشكووووووور اخوي طارق على التوضيح ماقصرت ياغالي

لكن لو شريت الغمارة الصغير الجديد خوفي ما احصل له حساس الدبل وخوفي بعد يكون غالي مره ؟؟

الشيء الثاني ياليت توضح وش لون تشبك الدبل يعني توقف ولا وانت ماشيء شوي ولا وش لون ؟؟

واذا شبكت الدبل تحطه ب D العادي ولا D 1 ولا ايش ؟؟

معليش تعبناك معنا

[كروزيا وبس]

ليش ما يثبتون الموضوع ويحطون معه خمس نجوم والله يستاهل

[ابو خطاب]

السلام عليكم..
تكحيل عيون ..


http://www.mekshat.com/pix/upload02/images72/mk11162_87stepside12.jpg

[طحنون]

وهاذي مشاركه بسيطه لقطع عشره غني عن التعريف وهو من المواتر اللي احبها


http://www.mekshat.com/pix/upload02/images72/mk9828_9853_12.jpg


وشرايكم بقطعه 25
http://www.mekshat.com/pix/upload02/images72/mk9828_2281063_2.jpg



وهاذا يذكرني بمواتر ارامكوا على ايامه


http://www.mekshat.com/pix/upload02/images72/mk9828_ae7f_1.jpg



وهاذا الحمر وقفته عند الباب لها هيبه


http://www.mekshat.com/pix/upload02/images72/mk9828_bae1_3.jpg


وهاذا لعشاق القديم طبعا هاذا سعره باامريكا اغلى من الجديد 2008
http://www.mekshat.com/pix/upload02/images72/mk9828_eb49_12.jpg



وهاذا جمس دفرنسين موديل 72 مزود ومكينته 454 ومجدد بالكامل وطالبين فيه 22الف دولار اضربها بالريال وشوف كم تطلع
http://www.mekshat.com/pix/upload02/images72/mk9828_df6d_3.jpg

تنده بيضاء يمكن يسمونه بهبهاني امريكا


طبعا الونيتات باامريكا لها عشاق منقطع النظير واصبح المليارديريه في امريكا سياراتهم المفظله الونيتات

[Magellan]

طبعا الونيتات تحتل جزء كبير من الحياة في أمريكا..
طبعا ينقل لي أحد الأقارب المقيم في ولاية تكساس بأمريكا ، بأن معظم السيارات عندهم هي الونيتات ، وداينا تشوفه محمّل علف أو الحلال أو حتى لتقضية مشاويره ولذلك الفئة هذه منتشرة عندهم ...
طبعا مشاركتي ستكون عرض صور للموديلات الحديثة من هذه السيارة الونيت ، طبعا تجي بأربعة أحجام وهي :
1500 -2500-3500-4500

صورة 1500

http://www.houstoncars.org/wp-content/uploads/2006/11/WindowsLiveWriter/2007GMCSierraReviewKarlonCars_BCE0/2007-GMC-Sierra-Extended-Cab%5B2%5D.jpg
صورة 2500

http://upload.wikimedia.org/wikipedia/commons/thumb/b/bc/2007_GMC_Sierra_2500HD.jpg/800px-2007_GMC_Sierra_2500HD.jpg
صورة 3500

http://z.about.com/d/alternativefuels/1/0/G/7/-/-/2008GMCSierra2500HD1.jpg

صورة 4500

طبعا هذا الطراز نادر ولايتواجد في الأسواق المحلية إلا نادرا ،بسبب ضخامة مكينته والتي تأتي مزودة بمكينة 8100cc

http://www.gminsidenews.com/forums/gallery/data/500/medium/163_0708_33z_2007_gmc_c4500_4x4_crew_cab_topKick_f ront_view.jpg

http://images.trucktrend.com/roadtests/ultimate/163_0708_02z+2007_gmc_c4500_4x4_crew_cab_topKick+r ear_view.jpg

وسبق أن تمت رؤيته في حوش التوكيلات العالمية بجدة من قبل أخونا لن أمل من العطاء
http://www4.0zz0.com/2008/06/11/18/100269727.jpg


هاه يمديك عليه ياشقران:D

[راعي هوى]

طارق الحربي اشكرك جدا على الافاده والله لا يحرمنا منك

[هدار]

مشكور شقران
ماتقصر وبنحتاجك قريبا بلمشورة انت والاخوان

[ابو خطاب]

شف هذا ولا خل عنك بس .. ;)

http://www.mekshat.com/pix/upload02/images72/mk11162_lift 3 in body 35x12 5 bfg.jpg

[طرطوس79]

ما كل جمـس ينـقال له جمــس
بعض الجموس مركبـها خسـاره

[طارق الحربي]

العفو اخوي راعي هوى


اخوي ماجلان

الجمس 4500 ما اتوقع انه بمكينه 8100

لان اعرف واحد معه 2500 غماره بمكينه 8100 بس موديله 2001

[Ibrahim.O]

أخوي طارق الله لايهينك ماوضحت لي لي شؤالي في صفحة 6

الرد قبل الاخير

[Magellan]

أخوي طارق 4500 يجي فيه المكينة كتجهيز قياسي
بالإضافه لمكينة 6600 ديزل من شركه كتربلر المختصة بالمعدات الثقيلة
أما 2500 فيأتي بمكينة 8100 كتجهيز إضافي ولا أعلم أحد يمتلكه في الموديلات الحديثة

[طارق الحربي]

اخوي ماجلان

انا اعرف واحد معه وماشالله من جد طياره

شاريه من ارامكو الظاهر ماني متاكد


اخوي ابراهيم

الحساس مهو قطعه استهلاكيه عشان تخاف منه

انا اقولك اذا خرب لا سمح الله مهو معناه انه دايم يخرب

انا خرب معي مره وحده ولله الحمد وبسببي انا

يعني لما تشغل الدبل الخفيف لمدة 70 كيلو وسرعتك لا تقل عن 100 كيلو وش تتوقع يصير ؟

اما عن سعره لا تخاف رخيص وان شاء الله ماتحتاجه ابدا


من ناحيتي استخدامي للدبل هو اني احطه القير على الـ N يعني فاضي واعشق الدبل اللمبه تؤشر اذا وقفت على الدبل الخفيف عشقت ومشيت

فيه ناس يقولك تقدر تعشق الدبل وانت تمشي بس ماتتعدا 20 اما انا موسوس شوي :)

ما اعشقه الا اذا على الفاضي من ايام الجمس 94 والفكس ار يعني قبل لا اعرف الكهرباء

ولد عمي معه اسوزو ديزل دبل كهرب يعشقه وهو ماشي اقل من 20 وخرب عليه بعد فتره وعلمته على طريقتي وماشالله باع الموتر وشرا غيره وهو يستخدمه نفس الطريقه ماخرب



امشي على الـ D عادي ولا احب امشي على D1 او غيره

بس نصيحه دائما نسم الكفرات سواء بدبل ولا بدون ترا تريح الموتر والزم ماعليك راحة الموتر

والتنسيم مهو دليل على ان الموتر ضعيف بالعكس احسن لموترك

تحياتي

[صالح...]

السلام عليكم ورحمة الله وبركاته

أشكـر صاحب الموضوع، والمتفاعلين مع الموضوع الي أثروه بالمعلومات . :)


عندي سؤال ، وش أفضل مساعدات للجمس الونيت هل هو جبريال - ولا الإسترالي إلخ.. عطونا خبرتكم وتجربتم. :type:

[ابو خطاب]

السلام عليكم ورحمة الله وبركاته

أشكـر صاحب الموضوع، والمتفاعلين مع الموضوع الي أثروه بالمعلومات . :)


عندي سؤال ، وش أفضل مساعدات للجمس الونيت هل هو جبريال - ولا الإسترالي إلخ.. عطونا خبرتكم وتجربتم. :type:


مونرو.. زيت مريح .. ويجي زيت وغاز مع بعض. موقعهم ش. الامير سلمان خلف البنك الاهلي.
اما الجبرايل فقاسي مقارنة بالمونرو. (من واقع تجارب على جموس وبليزرات).

[ابو خطاب]

شف هذا ولا خل عنك بس .. ;)

http://www.mekshat.com/pix/upload02/images72/mk11162_black85stepside1.jpg

[ابو خطاب]

سبحان الله وبحمده

[العنابي 616]

السلام عليكم

يا شباب حبيت اسألكم عن الجمس الحوض مديلات 2002 وطالع 2500 القير العادي
هل فيه مشاكل وهل هو يتحمل وكيف القير حقه لاني سمعت ان العادي ما هو زين وان التماتيك
اقوى ويتحمل اكثر


ما قصروا الاخوان شقران وموك لكن ودنا نسمع اراء باقي الشباب تكفون

[بـلـيـهـان 1]

طارق الحربي أثرت الموضوع بعلوم موترك و خبرتك الرائعه

الله لا يهينك و ماتقصر جعل عمرك طويل

[بـلـيـهـان 1]

شلايعم حياك الله و بياك و لا هنت ، و أبغى علوم الموتر كامله .. توع المكينه ، نوع القير ، البدي وكاله ؟ ، المميزات و المواصفات ؟ الفحص و الاستماره .. و حدك له او صوره

و الله يبارك لك فيه و ان شاء الله يصير نصيب

[بـلـيـهـان 1]

ابو خطاب لا هنت على الصور الرائعه و الله يكحل عيونك ببنت الحلال قل آمين

[بـلـيـهـان 1]

طحنون يا مرحبا مرحبا و حياك الله و يا هلا و غلا و أشكرك جزيل الشكر و نتمنى من هو مثلك و شرواك يكون معنا على طول

و ألف ألف شكر جعل والدينك بالفردوس

[بـلـيـهـان 1]

كروزيا و بس حياك الله و بياك و يا مرحبا عد المطر

[بـلـيـهـان 1]

ماجلان شكرا لك عزيزي و ما تقصر على هذه السيره البسيطة عن الونيتات في أمريكا و الله لا يهينك و بيض الله وجهك

[بـلـيـهـان 1]

هدار يا هلا و غلا فيك

[بـلـيـهـان 1]

طرطوس يا مرحبا بك

[بـلـيـهـان 1]

السلام عليكم

هذه صور إهـداء إلـى الجميـع من محبيـن مكشات



قطع 15 أخذت هذه الصوره من موقع امريكي و موديل الجمس حقه 77

http://www.up2up.com/view.php?file=45669d8d63

هاذي بعد صوره ثانيه لخوينا الأمريكي

http://www.up2up.com/view.php?file=b183d32c47

هاذي بعد له

http://www.up2up.com/view.php?file=aa426ad652


و هاذي صوره لمكينه موتره ( الله يالمكاين ماهيب مكاينا )

http://www.up2up.com/view.php?file=679ed1a60e
هذا رفرف جمس موديل 69

http://www.up2up.com/view.php?file=3c03ad23bc

هذه اهداء الى طحنون

http://www.up2up.com/view.php?file=ca63109bde

و هذه اهداء إلى أخوي طارق الحربي

http://www.up2up.com/view.php?file=9c66a91dc0

هنا نقول ( لبى الرفارف )

http://www.up2up.com/view.php?file=d2c178db37

و هذا قطع عشره من من الموديلات الحديثه

http://www.up2up.com/view.php?file=00815b815f

و هذا ايضا ً اهداء إلى طارق الحربي

http://www.up2up.com/view.php?file=6c54c2bcd6

و ختاما ً هذه الصوره

http://www.up2up.com/view.php?file=3d877a6a11

[بخار الماء]

http://www.up2up.com/uploads/images/up2up-b183d32c47.jpg


http://www.up2up.com/uploads/images/up2up-ca63109bde.jpg


http://www.up2up.com/uploads/images/up2up-9c66a91dc0.jpg


http://www.up2up.com/uploads/images/up2up-d2c178db37.jpg


http://www.up2up.com/uploads/images/up2up-00815b815f.jpg


http://www.up2up.com/uploads/images/up2up-6c54c2bcd6.jpg


http://www.up2up.com/uploads/images/up2up-3d877a6a11.jpg

[طحنون]

الاخ العزيز شقران يسعدك ربي
اخوي شقران شفت الونيت اللي في الصوره رقم 4 الونيت السماوي الاخير موديله 78 كنت ابشتريه لاكن ماهو من نصيبي وانت عارف المعرض اللي كان واقف عنده وعارف صاحب الموتر
أشكرك ياشقران (اسمحلي اكتب معرفك بالعربي )
.................................................. ..............

[طارق الحربي]

حق وواجب اخوي شقران وشكرا على الصور :)

[Ibrahim.O]

ما قصرت اخوي طارق

وباذن الله ناوي على ال Z71 الجديد

[وقيان]

اهــداء الى كل عشاق الجمس G M C 79

http://www.mekshat.com/vb/showthread.php?t=140624

[طارق الحربي]

الف مبروك مقدما

[شلايعم]

هلا shagran هذه المعلومات المطلوبه:
الماكينة 350 - القير عادي - البدي يوجد به سمكرة بالرفرف الأيمن الأمامي وطرف الكبوت, الإستمارة جديدة الفحص منتهي, يوجد به تانكي ماء في الصندوق وتفاخة هواء عند الماكينة وستاير جانبية وخلفية غير الشراع الواضح في الصورة.
هذه بعض الصور بعد فك الشراع (معذرة السيارة لم أغسلها)
http://www.7ammil.com/data/visitors/...8_abcd0003.jpg (http://www.7ammil.com/data/visitors/2008/03/29/7ammil_108_abcd0003.jpg)


http://www.7ammil.com/data/visitors/...9_abcd0007.jpg (http://www.7ammil.com/data/visitors/2008/03/29/7ammil_599_abcd0007.jpg)
http://www.7ammil.com/data/visitors/...7_abcd0008.jpg (http://www.7ammil.com/data/visitors/2008/03/29/7ammil_847_abcd0008.jpg)

[بـلـيـهـان 1]

ما شاء الله تبارك الله

طيب يا خوي بويته بلد ؟

و كم مسيوم ( أو كم محدود ) .. ؟

و كيف عزمه و مكينته هل هي صاحيه و قويه ؟

[بـلـيـهـان 1]

شكرا إلى الجميع على الردود ، و أخوي طحنون يا مرحبا بك و أنت كانك تبي جمس ترا فيه واجد من الربع عندهم جموس للبيع
إلي شد بلد و إلي نظيف و إلي و إلي ..
راسلني على الخاص لا بغيتها أو أضفني على الماسنجر ..
و حياك الله

[شيخ الشرقية]

بصراحة الكفرات والجنوط ألي على موتر شلايعم حلوة في حد يدري وين ألاقي في الخبر

نفسها

تقبلو مروري

[طارق الحربي]

اخوي شلايعم

وين مركب الهنقلين ؟

الكفرات اتوقع شاهين صح ؟

[مخطط 2008]

http://www.up2up.com/uploads/images/up2up-355b2fa21f.gif (http://www.up2up.com/)


http://www.up2up.com/uploads/images/up2up-7154fb0e30.gif (http://www.up2up.com/)


http://www.up2up.com/uploads/images/up2up-2237bb3eed.gif (http://www.up2up.com/)


حـياكـم الـلـه و بــياكمـ و ســـدد عــلى طريــــق الحــق خطــاي و خــطاكم ،..

يـااا هــلااا فيكــم يا إخــواني الأعــزاء و يــاااا مــرحبا فيــكم ( تراحيــب المــطر ) ،


موضــوعـي أريــده بــعد الله ثـم مــنكم أن يــكون من المواضــيع الكــبيرة الشيقــة الممتــعة التــي تصب لإستفــادة النـــاس مــن الخبــرات بطريــقة مخــتصــرة و ســـهلــة لأن فــي الـحقيــقة بعــض المــواضيــع تطــرح و لا يتــم بهــا شـئ مـن الإسـتفــادة و نــحن نريــد القــضاء علــى هــذه الــعادة :no2: و نـريـــد مــعا ً و يــدا ً بــيد أن نــكـتـب كــل مــا هــو مفــيد و رائــع ،..

لا أطــيل عليــكم أعزائــي ..



مــوضوعــي يــتحدث بــوجــه عــام عــن ( مـــركــــب الـــشـــيـــوخ )

:alarm: .. GMC .. :alarm:

( الـرفـــارف و المــصــفحــات ) مـن كــل مـــوديــل و يــنـاقــش بــه بعـــض المشــاكل التـــي تــتم فيـــه و طــريقــة لإيجــاد حـــلول للأعــطــال مــن كــل شخــص لـديـه مــعــلومة أو خــــبرة ..

http://www.up2up.com/uploads/images/up2up-89f0de5977.gif (http://www.up2up.com/)


و يــتحدث عــن الـ GMC .. أنـــواعـــه ، أســـعــاره ، مــعارض أو أمــاكــن أو أشــخــاص يـريــدون بــيع GMC ، مكــائــنه ، اســتفســارات عــن أي شــئ يتــعلق فــيه ، مــعلومــات مــن أي شــخص يملــك أي معــلومة عنــه ، بــوجه عــام (( أي شئ عنه )) ..


أمثـــلة على الإستـــفســارات .. و هــي /


أريــــد درفـــنش يا شبــاب .. ويـــن تخبـــرون أماااكـــن أحصــله يبيــعونــه ؟


أريـــد جنــوط شـــنابر ..؟ من ويـــن بالربــع .. ؟


أريــــد مكيــــنة 454 حمــراء ؟ من ويـــن أحصلهــا يالربـــع ؟؟


أيــن يبــاع عمــود كرنـك استــاندر للجمـــس ؟


ويــــن الشــئ الفلانـــي ؟


(( أنتــم عرفتوا قــصدي يالغــالين .. ؟ ! ))





عمومــا ً ،.. :



سـأقدم بعــض ممــا عــندي من معلومات عن الجموس الرفارف من 78 – 87 لتسفــيدون منهـا /

ألـوانــه الـشـد البــلد /

3 فئـــات من اللــون الأحــمر ..

الحــليبــــــي

الأبيـــض

الــــــعودي

البني الغــــامق

الكحلــــــي ( بين الأزرق و الأسود )

الـــــنحاسي

--------------------------------------------------------------------------------------------------------------------------------

وكالات الرفارف /

الجميح ( السعودية )

بهبهاني ( الكويت )

-----------------------------------------------------------------------------------------------------------------------------

مكاينه /

350 ( أبو شكمان واحد )

454 ( أبو شكمانين )

502 ( و هي قليله جداً ) .

و ألوان المكاين فيه شئ أسود و شئ أزرق و شئ أحمر .. و الأحمر هو الأقوى ..

-----------------------------------------------------------------------------------------------------------------------------

معارض لبيعه /

معرض شواهد الخير ( و هو من أفضل المعارض في الدمام لبيع الرفارف ) و هذا رقمه :

*********

معرض راشد الخالدي ( في الدمام ) :

*********

معرض جوير بالخرج :

*********

معرض العرجاني بالخرج :

*********

معرض البراك بالخرج :

*********

معرض الجرجير بالخرج :

*********

--------------------------------------------------------------------------------------------------------------------------

محلات لبيع قطع غياره ( توضيب و ما إلى ذلك ) و أرقام تشاليح :

مؤسسة عبد العزيز فلاح الخالدي ( يبيع قطع غيار 454 و 350 و هو محل رائع ) و موقعه بالخضرية في مدينة الدمام :

*********

شركة با عاصم ( و هو من أفضل المحلات لبيع قطع غيار القديم 454 و 350 ) و هذا رقمه في الدمام :


*********

و هذا رقمه في مدينة الخبر :

*********

و هذا رقمه في الأحساء :

*********
و هذا رقمه في جدة :

*********

انتهى

محل السهالة لقطع الغيار في الخبر و هذا رقمه :

*********

محل باخشوين و موقعه بالدمام :

*********

محل رهدان و موقعه بالخبر :

*********

تشليح :

*********

----------------------------------------------------------------------------------------------------------------------------

أرقام ورشات تصليح جمس و محلات لبيع مكاين :

ورشة الأحمري بالدمام ( ورشة جيدة و بها مكائن كثيرة تخص الجموس ) :

*********

ورشة ( لا أعرف إسمها ولكنها رائعه و شغل جيد على أيدي فلبينينن ) بالخبر :

*********

ورشة الامارات بالدمام :

*********

ورشة الحساوي للترفيع و التنزيل بالخبر ( و هو من أفضل الذين يعملون في هذا المجال ) :

*********

ورشة العبد القادر و هي ورشة رائعه و متميزة و شغلها كويس ! و بالخبر :

*********

هذا رقم محل بالدمام يبيع جميع أنواع المكاين و يوضب و شغله عدل :

*********


--------------------------------------------------------------------------------------------------------------------------------------------------------------------------------



القــصــد يا إخـــوان

أن جمـيع ممــن يحــــبــون الجمس يضعون هنا معلــومات و عندما يــسأل أي شخــص و يستــفسر عن شئ نــكون لــه عـون و نرد عليــه لأن معاونة أخيـــــك المســـلم تأجر عليــها و نتبـادل الخبرات و المعلومات و نتناقــش و ما إلـــــى ذلك .،



و في الختام
هذا شئ مما لدي ، و أرجو من الجميع أن تكون أغلب الردود بها شئ بالمعلومات ليصبح هذا الموضوع وجهة لأصحاب الجموس للإستفادة بـ طرق مختصرة و سريعة :redcar: و جميلة :type: ..

و أرجو الدعاء لوالدي َ و ألف شكر لكم و جزاكم الله كل خير و صلى الله على حبيبنا و سيدنا و شفيعنا محمد صلى الله عليه و سلم و على آله و صحبه و من سلم تسليما ً كثيرا ً


أخوكم.. و مغليــكم وهذه صوره ختامية إهداء لكم


ماشاء الله تبارك الله

http://www.up2up.com/uploads/images/up2up-69aaba646b.jpg (http://www.up2up.com/)




تم تحرير المشاركة بواسطة المشرففية واحد موديل 77 454 مسيوم 15 الف

قيه واحد موديل 77 مسيوم 15 المكينة شد بلد

[بـلـيـهـان 1]

السلام عليكم ورحمه الله وبركاته

حياكم الله جميعا ،
و صباح الخير ..

أخوي مخطط 77

وش علوم الموتر الي تقول عنه

بويته ؟ قيره ؟ مكينته ؟ علومه كامله .. و لو فيه صوره .. و كم حدك أو كم السومه

[Magellan]

حبيت أضيف لمشاركتي:
بالنسبة للقير الأتوماتيك فماعليه خوف إن شاء الله ويبيض الوجه بالنسبة للي إستخدامه عادي لاهو اللي يرفق عليه ولا للي يشد عليه، وهو عندي أفضل من القير العادي ومدة إستهلاكه بين 10 إلى 12 سنة طبعا..

طبعا أخوي شقران أهم شيء إن مايكون فيه مغناطيس في الموتر:D
وبالنسبة للقير العادي للتوضيح فله أرقام ،
وأنا سمعت إن 17 هو الموجود بالسعودية، بينما رقم 19 و21 كانت تٌباع في الكويت وتمنعه الحكومة السعودية من التهريب لداخل السعوديه، بسبب أنها مخصصة للسرعات العالية يعني (تسحب)......
هذا طبعا في الزمن الغابر أيام ماكانت الصولات والجولات لأبوالرفارف قبل ماتطلع المكسيما وال GTX والمرسيدس

[طرطوس79]

http://up.up700.com/uploads/images/Up700.com-feea2072d3.jpg (http://up.up700.com)

[بـلـيـهـان 1]

حياك الله أخوي ماجلان و شكرا على المعلومات

[بـلـيـهـان 1]

اخوي طرطوس ماشاء الله على الموتر .. هو من تبع مطر الناهسي ؟ ما شاء الله مطر ما يجيب إلا الوكاله

[يحيي بن حمد]

الله على اللي يوم يفتل عموده
يطلع ثرى ارضا بعد القيض ماها

[مخطط 2008]

السلام عليكم ورحمه الله وبركاته

حياكم الله جميعا ،
و صباح الخير ..

أخوي مخطط 77

وش علوم الموتر الي تقول عنه

بويته ؟ قيره ؟ مكينته ؟ علومه كامله .. و لو فيه صوره .. و كم حدك أو كم السومه
الموديل 1977 م السوم 15 الف لاكن مادري عن البوية والبدي اذا لك رغبة بالسيارة زود وانا اجيب لك صورة انا وسيط فقط

[كروزيا وبس]

وش الفرق بين الرفرف والمصفح
ارجو الافاده بصور ان وجد

[وقيان]

وش الفرق بين الرفرف والمصفح
ارجو الافاده بصور ان وجد


المصفح مثل اللي بتوقيعي...


و الرفرف هو اللي حوض حقه منفخ..مثل الصور اللي بتوقيعك :D

ان شاء الله الشرح واضح..

[مايغرز]

الله يجزيك الخير على هالموضوع الشيق والطيب 00 بس لي طلب اللي يبي يقارن لا يقارن بالوانيتات الجديده او الجموس على قولتهم 8100 كلها قويه ولها عزم جبار 00 بس القديم يا زين القديم سبيره يعني الاستبنه يسوي موتر بو 8100 وهذا راي الشخصي المهم انا من 82 عندي وانيتات ما اذكرهم بس اللي له ذكرى طيبة بذكره واللي كرهني وخلاني الهث بشويخ الصناعية وزهقني عيشة السيارات ما يستاهل اطريه 00 جمس 35 مصفح 83 454 دبل دفرنسن ناااادر شد البلد 454 ودبل احمر وشرايكم؟؟؟؟ المهم والثاني جمس رفرف 454 دبل طبعا 85 ابيض سياراتي كلها قير عادي التماتيك ما يدور عندي المهم والثالث رفرف 79 454 قير عادي دبل قير ازرق راح تركب له 383 ملغومه للنفوذ وسلامتكم 00 كلهم عندي وليسووووووووووا للبيع والسلام

[وقيان]

الله يجزيك الخير على هالموضوع الشيق والطيب 00 بس لي طلب اللي يبي يقارن لا يقارن بالوانيتات الجديده او الجموس على قولتهم 8100 كلها قويه ولها عزم جبار 00 بس القديم يا زين القديم سبيره يعني الاستبنه يسوي موتر بو 8100 وهذا راي الشخصي المهم انا من 82 عندي وانيتات ما اذكرهم بس اللي له ذكرى طيبة بذكره واللي كرهني وخلاني الهث بشويخ الصناعية وزهقني عيشة السيارات ما يستاهل اطريه 00 جمس 35 مصفح 83 454 دبل دفرنسن ناااادر شد البلد 454 ودبل احمر وشرايكم؟؟؟؟ المهم والثاني جمس رفرف 454 دبل طبعا 85 ابيض سياراتي كلها قير عادي التماتيك ما يدور عندي المهم والثالث رفرف 79 454 قير عادي دبل قير ازرق راح تركب له 383 ملغومه للنفوذ وسلامتكم 00 كلهم عندي وليسووووووووووا للبيع والسلام


انا اشهد انها مواتر الله يبارك لك فيها...لكن بغينا منك صور ال 79 وعليك أمر...نبي صور داخلية وخارجية..

[صقر الحراملة]

يالربع ودي بواحد موديل 79 أو 78 يكون شد بلد مكينة 454 اللون أحمر
لازم يكون خالي من الصدمات و يكون خشب الحوض سليم

اللي يخبر لي واحد يراسلني على الخاص

و بصراحة موضوع أكثر من ممتاز

[سيف الظفير]

http://www.mekshat.com/vb/showthread.php?t=141616


ارجوا زيارة الموضوع الخااااااص بالجمووووووس


وبالذات الـ 2008

الجديد بمحرك 8000

فقط على الحوض

[سيف الظفير]

http://www.×××××××.com/watch?v=ydiSTrHiCAg (http://www.%C3%97%C3%97%C3%97%C3%97%C3%97%C3%97%C3%97.com/watch?v=ydiSTrHiCAg)


يالربع هذا مقطع لمكينة جمس 454 مركبة على طراد بحري

ماااشاااء الله شق البحر شـــــــق

المقطع من يوتيوب

[سيف الظفير]

http://www.cars-club.com/pp/data/519/medium/1-2007-2008-chevrolet-silverado-gmc-sierra-2500hd-3500hd.jpg



http://blogs.cars.com/photos/uncategorized/chevy3500front.jpg


http://images.4wheeloffroad.com/roadtests/p27898_large+2001_GMC_Sierra_2500HD_Extended_Cab+R ear_Driver_Side.jpg



http://static.howstuffworks.com/gif/autoreview/400x266/1990-98-GMC-Sierra-92126061990118.jpg



http://pictures.topspeed.com/cars/gmc/2008-gmc-sierra-hd-ar41103/IMG/crop-1600x1066/2008_GMC_Sierra_HD_17_dw.jpg

[سيف الظفير]

الوعد عند البـــــــــــــل:D :D :D

http://pictures.topspeed.com/cars/gmc/2008-gmc-sierra-hd-ar41103/IMG/crop-1600x1066/2008_GMC_Sierra_HD_16_4w.jpg

[سيف الظفير]

http://pictures.topspeed.com/cars/gmc/2007-gmc-sierra-nfl-crew-cab-ar15131/IMG/crop-1600x934/sierra_nfl_crew_cab_3_0w.jpg

[سيف الظفير]

http://pictures.topspeed.com/cars/gmc/2008-gmc-sierra-hd-ar41103/IMG/crop-1600x1201/2008_GMC_Sierra_HD_7_3w.jpg

[escape_man]

ياسيف الظفير

الرجال فتح موضوع ويقصد تبادل الخبرات حول الاعطال والتعديلات .. يعني بالعربي من السبعينات للثمانينات ... انت لو تدخل موضوع عن الهايلوكسات قلته 8100 مافي احسن منه

خلونا بالخرد واعطالها ومشاكلها ووين نلاقي قطع غيارها والجيد ماشاء الله عليه افردو له موضوع مميز يليق فيه

[طارق الحربي]

اتوقع انه من الافضل ان الموضوع يكون خالي من ردود الشكر والثناء ومن بعض الصور عشان ماتكثر الصفحات وتنعدم الفائده

[سيف الظفير]

ياسيف الظفير

الرجال فتح موضوع ويقصد تبادل الخبرات حول الاعطال والتعديلات .. يعني بالعربي من السبعينات للثمانينات ... انت لو تدخل موضوع عن الهايلوكسات قلته 8100 مافي احسن منه

خلونا بالخرد واعطالها ومشاكلها ووين نلاقي قطع غيارها والجيد ماشاء الله عليه افردو له موضوع مميز يليق فيه



ابشر يا حيي

[ابو خطاب]

الموتر قطع 10 -84 .. تحفة ميكانيكية تلوي اعناق مشاهديها بالطرقات ..

عليها مكينه 454 .. بساتم ضغط وعامود يقتح الى 6400 ار بي ام وثلاجه رفيعة وكربريتر فانتج .. يعني ستروكر كامل على مكينة 454 وروس مارين .. .. مشاء الله تبارك الله
طقم كهرب كامل منظم اكسل ودلكو اكسل وكويل اكسل واسلاك بواجي 8ملم زاوية 90 عشان مايذوبها الهدرز.
رديتر المونيوم كبير +مراوح بي ام سرعتين .. كارتير زيت كبير +رديتر زيت.. والموتر رغم تطوير محركه الا انه استخدام يومي.
شد حايل (عروق الشمال) ابو جناحين + تانكي بنزين ثالث سعته لوحده 280 لتر تحت ليكون مجموع التوانك 380 لتر+ ثلاجة + شنطة عدة + درج سحاب تحت الطبق لعزبة الشاهي والطبخ ودافور الغاز عينين.
تانكي ماء 220 لتر + طبق بمستوايين + مرتبة يوكون 2000 متصل منفصل (درج بالوسط).
عوازل حرارة وصوت داخل الغمارة + جنوط اوف رود 15 عرض 14 انش عليها طقم ميكي ثمسون مقاس 38\15.5 \15 باجا كلاو.
دفرنسات دف لوك امامي وخلفي (تحت التركيب بالورشة)
نظام تعليق بوالين يرفع حتى 30 سم (جاري تركيبه بالورشة)
طقم اضافي جنوط المونيوم مقاس 15\10 عليه طقم كفرات رياضية للخطوط .


القير عادي .


وسبحان الذي سخر لنا هذا وما كنا له مقرنين.

[escape_man]

ابشر يا حيي

يالبى قلبك يالغالي

لا تلمونا ... ترانا بحاجة ماسة لمثل هالمواضيع ونبي الغرض منها ينجح بعيداً عن التطرق للموديلات الحديثة الي متوفر لها قطع الغيار والخبرات..

بارك الله فيك

[سيف الظفير]

بس يا ابن غييثات الجديد امتداد القديم

[طارق الحربي]

اخوي ابو خطاب

الجنوط والكفرات اللي تقول

وش مميزاتهن ؟

ووش رايك بتركيبهن على 2004 ؟

كم سعرهن لاهنت

[بـلـيـهـان 1]

يحيى بن حمد

ارحب و صح لسانك و يا هلا بك

[بـلـيـهـان 1]

مخطط حياك الله

الله لا يهينك لازم تكون المعلومات عن الموتر واضحع عشان نقدر نسوم و الله لا يهينك و ابيض وجه

[بـلـيـهـان 1]

أخوي كروزيا ، حياك الله

أخوي وقيان عطاك العلم

يا مرحبا بك مليون
و ما يهون وقيان الله لا يهينه

[بـلـيـهـان 1]

ما يغرز يا هلا بك و يا مرحبا عداد المطر و أشكرك جزيل الشكر

و الله يبارك لك على مواترك

و خاصه ال454 الدبل الأحمر ابو دفرنسين

[بـلـيـهـان 1]

صدق الوفا ، حياك الله و أنت وين محلك

كانك بالرياض عندك معارض واجد ،

و اذا بالشرقية في معرض اسمه شواهد الخير في معارض الدمام ، ما شاء الله عنده مواتر طيبه

[بـلـيـهـان 1]

سيف الظفير اشكرك جزيل الشكر و الله لا يهينك على الصور و الروابط و المعلومات و يا هلا و غلا فيك
تحياتي

[بـلـيـهـان 1]

بن غييثات حياك الله

و شكرا لك

[بـلـيـهـان 1]

طارق الحربي

100 % كلامك

و ألف شكر

[بـلـيـهـان 1]

ابن خطاب ماشاء الله تبارك الله ، علوم واضحه و مفصلة و وافيه عن موتر ( تقف له المواتر من قوته ) ، الله يبارك لك فيه ، و ما تقصر على النبذه الحلوه عن جمسك و الله يجزاك كل خير و عقبال مكينه ( تطير فيها )

!

تحياتي لك يا بو خطاب

[الوافي4482]

الله يعطيك العافيه

[ابو خطاب]

اخوي ابو خطاب

الجنوط والكفرات اللي تقول

وش مميزاتهن ؟
(ارتفاعها 38 انش وعرضا 15 انش ) ميزتها مخصصة للصحرا طين رمل حجر تحملها شاق وعمرها الافتراضي طويل وتعطي شكل الضخامة اما ميزتها مقارنة بمثيلاتها: اخف وزن لو قارنى بنفس المقاس اقل ضجيج حسب مواصفاتها يمكن استخدامها على الطرق لها حافة حماية من الصخور في الاطراف.

ووش رايك بتركيبهن على 2004 ؟
بالنسبة للتركيب لازم ترفع الموتر لان ارتفاعها يقارب المتر (اكبر من الهمر بكثير).

كم سعرهن لاهنت
سعر الواحد مع الشحن يتعدى 1500 ريال.. اذا تبي حجم راسلني على الخاص فيه جدد مخزنه ولكن اصغر بقليل مقاس 37 انش وفيه جدد 35 انش . بس العرض لا يتجاوز 12 انش.بينما الي على الموتر تتعدى نصف متر بالعرض ولذلك حتى تحصل على الاداء المثالي لهذا القاس يفضل تركيب مقاس جنط عريض اما 14 او 15 انش.
لمزيد من التفاصيل يمكنك زيارة موقع الاطارات ميكي ثمسون.

[القرناس911]

هذا رفرف جمس موديل79

http://img57.imageshack.us/img57/7816/20112005003bg9.jpg

[طارق الحربي]

ابو خطاب

الله يعطيك العافيه

بالنسبه لصرفية البنزين هل تؤثر على الصرفيه ؟ بحكم انها اعرض من العاديه بكثير

وال 35 انش كم يلزمني اني ارفع الموتر ؟

شكرا لك تعبتك معي

[ابو خطاب]

ابو خطاب

الله يعطيك العافيه

بالنسبه لصرفية البنزين هل تؤثر على الصرفيه ؟ بحكم انها اعرض من العاديه بكثير

وال 35 انش كم يلزمني اني ارفع الموتر ؟

شكرا لك تعبتك معي

موقع الاطارات:

http://www.mickeythompsontires.com/truck.php?item=BajaClaw

لا تؤثر على صرف البنزين بشي ملحوظ .. وانما الاختلاف يكون بقلة الرساوة والثبات على الطرق ومن باب السلامة لا تتجاوز فيها سرعة 120 كقرات تستخدم خارج الطرق فقط .

بالنسبة للجموس.يلزمك ترفع الموتر 3 انش لمقاس 35 اما مقاس 33 فلا يلزمك ترفيع

http://www.mekshat.com/pix/upload02/images73/mk11162_baja_claw.jpg

[معترض الشعيب]

السلام عليكم ورحمة الله وبركاته

اول شي احب اشكر اخوي شقران على هالموضوع
واشكر الاعضاء وزوار هذا المنتدى على رحابه صدورهم

يالربع من يخبر لنا واحد من هالونيتات

من الـ 77 ــ إلى الــ 80

اي شي (مصفح _ رفرف _ دفرنش _ دفرنشين ) :(

يكون بحالة ممتازه وبدون اي رش

الله يعطيكم العافيه :)



يتواصل معي برسايل الخاص :)

[طارق الحربي]

اخوي ابو خطاب

شكرا لك

بالنسبه للرساوه هي اهم شي عندي انا بليا الجنوط اللي تقول اخاف من الرساوه :)

تحياتي لك

[طارق الحربي]

اللي يدورون غماره رفرف

فيه واحد موديل 2005 شفته عند معرض العمر مقابل معرض المهرجان في النسيم

اللون ذهبي ماشي 120 الف يقول راعي المعرض مسيوم 66 وراعيه حاده ب 73 الف ريال

الموتر من ناحية النظافه نظيف لكن مهو مره

حبيت اساعدكم

[مايغرز]

ركب دبة ترشالاصلية ام طير من الاداء العالي بالدمام 200 ريال وتنغم بالصوت

[T U R K I 0 9 0]

السلام عليكم ورحمة الله وبركاته
اخوي شقران الله يشفي والدك ومرضى المسلمين اجمعين


وموضوع حلو وممتع وامر عليه دايم اشوف جديده
وحتى الاعضاء ماقصرو اضافاتهم جميله


وهذا واحد من الجموس اللي مريت على 83 454





http://up5.m5zn.com/photos/00022/jst4wcq25iec.jpg

[عشقتك يامكشات]

الله يعطيك العافيه ياراعي الموضوع

قلبت صفحات الموضوع صفحة صفحة وعشت معها اجمل اللحظات

وتذكرت معشوقي , هذا الوحش GMC

[بـلـيـهـان 1]

اخوي طارق هلا بك و أخوي ابو خطاب ما قصر الله يعافيه

[بـلـيـهـان 1]

فليج أرحب ثم ارحب و يا هلا

[بـلـيـهـان 1]

حر العيون حياك الله و شكرا على الصوره الرائعه و ما شاء الله تبارك الله

[بـلـيـهـان 1]

معترض الشعيب

لو تفصل بالمعلومات إلي تبيها ..

يعني تبي شي غالي ؟ بويه بلد ؟ .. حدد أكثر

[بـلـيـهـان 1]

عشقاتك يا مكشات حياك الله و يا مرحبا و مسهلا

[بـلـيـهـان 1]

شكرا لك أخوي تركي على الصوره و ما تقصر و ما شاء الله تبارك الله

[بـلـيـهـان 1]

جمس 69
http://www.up2up.com/uploads/images/up2up-323864356d.jpg (http://www.up2up.com/)

هذا من الرفارف الجدد إهداء على طارق

http://www.up2up.com/uploads/images/up2up-3ecc96393c.jpg (http://www.up2up.com/)

حليبي

http://www.up2up.com/uploads/images/up2up-b74b32bc72.jpg (http://www.up2up.com/)

[معترض الشعيب]

هلابك اخوي شقران

وش هالرفرفيات اللي تفتح النفس ____ يالبىىىىى قلبك بسسس :)

ابي لي جمس نضيف ما جاه صدوم ( البدي ساكتون ) خخخخخ

مرشوش ولا بويه بلد ماتفرق معي

أهم شي محركاته وبديه ممتاز ( أستماره جديده )


وقيمته من الـ 17 ألف يزيد ينقص على حسب المعاينه :)


كان خابرلك واحد ينحط على الجرح ويبرى ( أسعفنا )


الله يوفقنا وياك لك خير

[بـلـيـهـان 1]

ارحب أخوي معترض الشعيب

فيه جمس 454 لونه شد البلد نظيف جدا جدا ما شاء الله و كل ما فيه شد البلد و موجود فالجبيل محدود حول 37 و نظيف بمعنى الكلمه بدي و مكينه و كل شي


و في جمس حليبي نظيف مكينه 511 بالرياض

و فيه جمس 350 مرشوش موديله الظاهر 82 أو 83 بالخبر

و فيه جموس واجد غيرها

اضفني على الايميل و يصير خير

[عبدالله ابو]

مع التحيه لكل من شارك في موضوعنا هذا


و الى الان لم يستفاد من الموضوع بالشكل الصحيح او كما اعد له من خطه معينه يسير عليها لتعم الفائده للجميع


نشاهد بعض الاعضاء فقط ينزل صور او يعرض سيارته للبيع .... ومشكور عليها


وهدف الموضوع هو تبادل الخبرات واماكن صيانة الجمس وماكن بيعها في اي مكان لاان كما تعلمون ان بدات بعض القطع ( بالانقراض ) ونحن ملاك الجمس وعشاقه نبحث عن قطع الغيار
فارجو من الاخوان الانتباه الى هذه النقطه


وياخوان من يعرف ورش معينه مختصه بصيانه الجموس يدلنا عليها


للجمع مع التحيه

[ابو رتال]

مشكووووور
موضوع تشكر عليه

[وقيان]

مع التحيه لكل من شارك في موضوعنا هذا



و الى الان لم يستفاد من الموضوع بالشكل الصحيح او كما اعد له من خطه معينه يسير عليها لتعم الفائده للجميع


نشاهد بعض الاعضاء فقط ينزل صور او يعرض سيارته للبيع .... ومشكور عليها


وهدف الموضوع هو تبادل الخبرات واماكن صيانة الجمس وماكن بيعها في اي مكان لاان كما تعلمون ان بدات بعض القطع ( بالانقراض ) ونحن ملاك الجمس وعشاقه نبحث عن قطع الغيار
فارجو من الاخوان الانتباه الى هذه النقطه


وياخوان من يعرف ورش معينه مختصه بصيانه الجموس يدلنا عليها



للجمع مع التحيه


اخوي ابو عبدالله....اتوقع للحين ماشريت لك جمـــس....ما أقول الا الله لايبلاك بحب الجمـــوس...الله يفكنا و لا يبلاك :D

[شيخ الشرقية]

ياشباب عبدالله أبو يبغى ورشة متخصصة للجموس وهو عنده جمس ألي يعرف يدل الرجال

تقبلو مروري

[كروزيا وبس]

ارجو التثبيت






ارجو التثبيت





ارجو التثبيت





ارجو التثبيت





ارجو التثبيت




ارجو اتثبيت





ارجو التثبيت





ارجو التثبيت







ارجو التثبيت








ارجو التثبيت









ارجو التثبيت







ارجو التثبيت







ارجو التثبيت









ارجو التثبيت

[بـلـيـهـان 1]

عبد الله أبو

حياك الله و يا هلا و غلا فيك
و أنا معاك و كلامك عين الصواب

و إلي أعرفه أنا في الشرقية

محلات با عاصم ( أكبر و أفضل محل لقطع غيار توضيب و كل شي للجمس القديم و الجديد ) و له عده فروع بالشرقيه و جدة .

محلات السهالة في الثقبة .


و غيرها

،،

و عموما ماتقصر و جزاك الله خير

[بـلـيـهـان 1]

ابو رتال حياك الله و ألف شكر

[بـلـيـهـان 1]

وقيان أنشهد أنك صادق

حياك

[بـلـيـهـان 1]

شيخ الشرقية يا مرحبا بك و ان شاء نخدم عبد الله و هذا هو المطلوب ، الخدمة و الفزعه

كروزيا شكرا لك يالغالي و إن شاء الله يتثبت لتعم الفائدة

[بـلـيـهـان 1]

يالربع واحد من الأعضاء فيه مشكله في قير سيارته و سيارته جمس حوض 2002 دبل ، و المشكله أن الدبل ثقيل جدا ً جدا ً ، و يبغى رايكم هل يبدله بقير 98 ..؟

نتمنى مشاراكاتكم

[speed 557]

موضوع جميل
الله يجزاك خير

[بـلـيـهـان 1]

حياك الله و يا هلا و غلا و يالربع فيه جمس للبيع

هذا الرابط

http://mekshat.com/vb/showthread.php?t=142442

ما شاء الله عليه نظيف جدا

[شيخ الشرقية]

؟السلام عليكم جميعا

عندي أستفسارين يالربع

عندي ونيت شفر رفرف غمارة ونص 92

الأستفسار ياطويلين الأعمار هي لما أديور بالسيارة في مكان تمر فيه السيارات عادي مايمر

لازم أرجعه ريوس وأمشيه مرة ثانية وش أقدر أسوي عشان أخليه يلف نفس السيارات الحديثة

الله يعينكم ما أعرف أشرح

والشي الثاني مرات ترتفع الحرارة بدون سبب ألى ماتطلع الموية من مكانها وش الحل في

الحرارة بشكل عام

ولا هنتوا يالذيابة تقبلو مروري

[شيخ الشرقية]

مافي حد يقدر يفيدني ؟؟؟؟؟

[ناوي نيه]

يالربع واحد من الأعضاء فيه مشكله في قير سيارته و سيارته جمس حوض 2002 دبل ، و المشكله أن الدبل ثقيل جدا ً جدا ً ، و يبغى رايكم هل يبدله بقير 98 ..؟

نتمنى مشاراكاتكم
ماقصرت ياالذيب ..
بس للمعلوميه القيرهوالثقيل والدبل الحمدلله تمام
وعارف اني اتعبتك معي والله منحرج منك ..

[بـلـيـهـان 1]

حياك الله أخوي ناوي نيه ،،
إعذرني حطيت الدبل ، المشكلة في القير ، ..
و كلمت واحد من الشباب قال افتح الزيت حق القير من تحت و دخل اصبعك داخل الفتحة و شف هل فيه بقايا حديد صغيره جدا ً .. ؟
هو من الطبيعي أنه يكون فيه شي بسيط ..
و اذا فيه شي واجد معناها التروس خربانه
،،

و ما اتعبتني و يا هلا و غلا و مرحبا تراحيب المطر و أبرك الساعات و حنا مقصرين مع الي مثلك و شرواك الله يوفقك و يساعدك و تلقى من يضبطه لك .

[بـلـيـهـان 1]

السلام عليكم

بالنسبة لك أخوي الشرقيه ،..

المشكلة الأولى لم افهمها للأسف !

المشكله الثانيه يالغالي

_ شيك زين على المراوح ( الأساسية ، و المكيف )

_ شيك على الرديتر زين .

_ هل المرواح سليمه ؟ و اذا في واحد منهم ما يشتغل يمكن ترا يكون مفصول عن الكهرباء .. أو شي من هذا القبيل .. لأن انا صارت لي نفس هذه المشكله و رحت أدور مروحة مستخدمه من محلات المالكي في الصناعية و لقيت وحدة و الحمد لله ما شريتها لأن المشكلة عندي بسيطة جدا و هي أن مروحتي كانت مفصوله عن الكهرب فقط و لا هي زينه و ما فيها شي ..

_ أذا كل شي عندك سليم حط لك مروحه ثالثة عند واحد خبره .

و حياك الله

و ان شاء الله الشباب يفيدونك

[بـلـيـهـان 1]

يالربع إلي يخبر مكاين حمر ؟ و زرق .. ؟ محلاتها و اقيامها

[مسرع]

الله يعطيكم العافيه على هذا الموضوع والردود ولكن بالنسبه لتواجد الجموس القديمه انا ماقد شفت مثل معارض الدمام عندهم جموس ماشاء الله تبارك الله ودك بس تقعد تتفرج وانا بصراحه شريت واحد من الدمام راح احط صورته لكم, بس عندي مشكله اللي هي الفرامل وطريقه وزنها بصراحه تعبت منها رحت لواحد هندي قاعد يتعلم علي والمشكله مازالت موجوده. والمشكله الثانيه أن اسعارها مرتفعه وش السبب؟ والمشكله الثالثه اني ماصرت اطلع السياره من عند البيت يجي واحد يوقفك عند اشاره ولا عند مطعم ولا عند سوق ولا في الصناعيه ويقول ( للبيع يالحبيب ) آمل الإفاده

http://www.mekshat.com/vb/C:\Program Files\non real\llk

[مسرع]

آسف على الصوره ماطلعت ماادري وش حلها حاولت بس ماطلعت بنتيجه

[بـلـيـهـان 1]

يا هلا و غلا و يا مراحب أخوي مسرع
معارض الدمام نعم فيها مواتر حلوه لكن الخرج ما في مثلها و انا أخوك .. كلها نوادر و وكالات و شي رائع ، بالنسبه للفرامل في ورشة اسمها ورشة الثقه في الخضرية تراهم خبره فالجموس ، و عندك ورشة الأحمري ، و أنت شف أي ورشة فيها جموس و انشدهم ، بالنسبه للأسعار فـ كل شي له حقه ، لكن الجموس لها أهل متولعين فيها جدا ً يحبون شكلها و مكينتها و ألوانها لنها تطرب .. وش رايك أن فيه جموس تباع على 100 ألف 80 ألف 60 ألف 50 ألف و دون ؟؟؟؟
هاذي تجيك مخزنه و تجيك ما مشت شي .. و تجيك وكاله ما شاء الله .. وبالنسبه إذا وقفت السياره و جوك ناس ينشدون .. هههههه
هذا حاله تصيب أهل الجموس و الرفارف لكثرة محبينها !!

يا مرحبا بك اخوي ويا هلا

[ناوي نيه]

حياك الله أخوي ناوي نيه ،،
إعذرني حطيت الدبل ، المشكلة في القير ، ..
و كلمت واحد من الشباب قال افتح الزيت حق القير من تحت و دخل اصبعك داخل الفتحة و شف هل فيه بقايا حديد صغيره جدا ً .. ؟
هو من الطبيعي أنه يكون فيه شي بسيط ..
و اذا فيه شي واجد معناها التروس خربانه
،،

و ما اتعبتني و يا هلا و غلا و مرحبا تراحيب المطر و أبرك الساعات و حنا مقصرين مع الي مثلك و شرواك الله يوفقك و يساعدك و تلقى من يضبطه لك .
لا الحمدلله مافيه
انا بس ودي ارعف ليش اذا السياره بدرت صار القير ثقييييييل
واذا كنت كارف السياره كرف ووقفتها وجيت من بكره يصير ثقيييل اكثر


ولا والله ماقصرت كفيت ووفيت وجعل رايتك بيضأ

[escape_man]

والله ياخوي هالناس قلق

وياليتهم صاملين على شراة الموتر

عندي جمس حمر قطع عشرة .. جنوط وركزة وهدرز وصوت يطرب ويوقفني واحد يقول للبيع

بغيت اقوله شايفني بالمعارض يوم تقول للبيع .. خفت من عينه وقلت سم يمكن تطيب نفسه .. قال تبيع

باربعه .. لا ويبيني افك الهدرز وارجع القزوز .. يقول انها تفزع الصيد..

ومرة من المرارير طلعت من البيت الا وهاك الي منسدح تحت الموتر ( ياجماعة انسداح كامل)

خير انشاء الله وشعندك .. قال للبيع.

حتى الدوام معاد صرت اروح به .. اشغلوني عنده السيكيورتية :)

[سوسة حطب]

هو أنت إللي ساكن في الشفاء الله يهديك ما زيد طبيت أم دكه إلا وأنا أحصلك فيها ودايم مناطحني أيام الدوام بس ما شاء الله موترك زوين بس مليت من كثر ما أشوفه

[مسرع]

يا هلا و غلا و يا مراحب أخوي مسرع
معارض الدمام نعم فيها مواتر حلوه لكن الخرج ما في مثلها و انا أخوك .. كلها نوادر و وكالات و شي رائع ، بالنسبه للفرامل في ورشة اسمها ورشة الثقه في الخضرية تراهم خبره فالجموس ، و عندك ورشة الأحمري ، و أنت شف أي ورشة فيها جموس و انشدهم ، بالنسبه للأسعار فـ كل شي له حقه ، لكن الجموس لها أهل متولعين فيها جدا ً يحبون شكلها و مكينتها و ألوانها لنها تطرب .. وش رايك أن فيه جموس تباع على 100 ألف 80 ألف 60 ألف 50 ألف و دون ؟؟؟؟
هاذي تجيك مخزنه و تجيك ما مشت شي .. و تجيك وكاله ما شاء الله .. وبالنسبه إذا وقفت السياره و جوك ناس ينشدون .. هههههه
هذا حاله تصيب أهل الجموس و الرفارف لكثرة محبينها !!

يا مرحبا بك اخوي ويا هلا

فعلا انا شف ذا الاسعار بصراحه وانا قررت خلاص ابيعه بصراحه ذبحوني الناس على العموم الورش اللي تتكلم عنها في أي ديره وأي مكان الله لايهينك

[بـلـيـهـان 1]

في الدمام ..

و اذا انت عارضه للبيع اعرضه هنا ترا فيه شرايه صامله

[بـلـيـهـان 1]

ناوي نيه يا مرحبا بك عد المطر و يا هلا و ما سوينا شي

[بـلـيـهـان 1]

بن غييثات

محد صمله و انا اخوك

اجل رفرفي ساموه بـ 12 ؟؟؟؟

و سيم قبلها بنفس اليوم بـ 26

ههههه

[مسرع]

والله ياخوي شقران انا ساكن في الرياض بس رحت لدمام علشان ادور لي جمس وحصلت الحمدلله .
بالنسبه للورش مافيه شي صح في الرياض ؟
وطيب وش افضل اعرضه في الدمام ولا الرياض ولا الخرج ؟

ودمتم

[البهبهاني]

مشكور وماقصرت بارك الله فيك

وأبشر الجميع معك إنشاء الله

[escape_man]

والله ياخوي شقران انا ساكن في الرياض بس رحت لدمام علشان ادور لي جمس وحصلت الحمدلله .
بالنسبه للورش مافيه شي صح في الرياض ؟
وطيب وش افضل اعرضه في الدمام ولا الرياض ولا الخرج ؟

ودمتم

انت وش مشكلتك .. فرامل

توني مزبطها عند واحد هندي وناوي بالبليزر ادخله عنده هاليومين

شغله بالونيت مزبوط وعال العال

شف بالرياض .. الصناعية القديمة اذا تعديت الراجحي .. عد .. لفة .. اللفة الثانية ادخل معها تلاقي ورشة صغيرة اسمها ( ابو عادل) عندك هندي اسمه سعيد

ضبطلي الدفرنسات مع الفرامل وانا قبله متبهذل بهذلة

[بـلـيـهـان 1]

حياك الله اخوي مسرع

الرياض و الدمام و الخرج كلها زينه بس

و الله بيوفقك و يرزقك إن شاء في أي مكان

[بـلـيـهـان 1]

أخوي بهبهاني حياك الله و يا مراحب

[بـلـيـهـان 1]

بن غييثات .. ما يحتاج أشكرك لأنك راعي الموضوع .. هههههه

أن رحت عنا .. أنا بقفل الموضوع كله ..

يا مرحبا و مسهلا عداد المطر

و وجود إلي مثلك و شرواك ضروري جدا

و يا هلا و غلا فيك

[escape_man]

الله يسلمك يابعدي

انت الخير والبركة ( بدت حركات المصارية) مع احترامي وتقديري لهم

الواحد وانا اخوك يصيبة شي من حظوظ النفس ووده ان الزين عنده وهو الي يعلم عنه لحاله فقط..

لكن احيانا تنفع اخوانك بماعندك وبماوصلك من معلومات .. يطرح الله البركة في رزقك ومالك

موضوعك ماشاء الله تبارك الله عليه اقبال وهذا دليل نجاحة ونجاح راعيه

[بـلـيـهـان 1]

الله يجزاك خير أخوي بن غييثات و كلامك يدل على طيب معدنك و ندر إلي مثلك .. الله يعافيك و يجزاك خير

[مرزام الغاط]

مشكور اخوي شقران على هذا الموضوع الشيق بصراحة





حبيت أعطيكم نبذه عن موتري وهو قطع 10 موديل 83 دبل مكينته 350 وكاله ماعليها أي تعديل








وهاذي صورته







http://www.up2up.com/uploads/images/up2up-e1b7e9d236.jpg (http://www.up2up.com/)




إما التعديلات فهي تانكين مويه سعت240 لتر وشنطه إغراض وعده مساحتها واسعة شوي

ومفصل عليه شد مثل شد حايل الجنحان مع ثلاث جوانب من تصميمي

اسف ماعرف اصغر الصوره

[بـلـيـهـان 1]

شكرا لك أخوي مرزام الغاط و حياك الله و ماشاء الله موترك نظره الله يخليه لك

و يا مرحبا عد المطر و بيض الله وجهك على المشاركه الجميله

[الدعساوي]

أشكركم على الموضوع الرائع

[64 الحر]

ماشاالله موضوع متكامل الله يعطيكم العافيه

[بـلـيـهـان 1]

الدعساوي .. عفوا ًو شكرا لك عزيزي على المرور

[بـلـيـهـان 1]

الحر .. حياك الله و يا هلا و غلا

[مسرع]

يامال العافيه اخوي شقران كفيت ووفيت انت والشباب الطيبه
والله يوفق الجميع ان شاء الله

[H I T L E R]

و الله اجمل موضوع قريته في اي منتدى سيارات مع احترامي للجميع
انا من ملاك الجموس ولله الحمدموديل 83 و موديل 2008 و الجمس عز ياجماعه
لكن اللي عنده 78او 79 ماكينه 454نظيف مكينه و دفرنش و قير و شاصي و البويه يفضل بلاده او يكون مرشوش في ورش تخبر بالجموس انا جاهز للشراء باي سعر

تحياتي لراعي الموضوع و جميع عشااق الجموس

[وقيان]

فزعتكم يا الربع...أبي دبة للجمس...يكون صوتها رزة وغير مزعج...ناعمة يعني.....أهم شي تركب على 2006....فزعتكم..ناوي أركب الاسبوع الجاي....لكن ماعندي خبرة بأنواعها....

[Ibrahim.O]

أخوي وقيان ركب فلوماستر 50SUV واستمتع بالطرب

والصوت خفيف بس لما تدعس يطلع الزئير ههههه

واذا تبي تعرف انواع الدبات الزينه للجموس راجع هذا الموضوع :

http://www.t63ys.com/vb/t72104.html

[وقيان]

أخوي وقيان ركب فلوماستر 50SUV واستمتع بالطرب

والصوت خفيف بس لما تدعس يطلع الزئير ههههه

واذا تبي تعرف انواع الدبات الزينه للجموس راجع هذا الموضوع :

http://www.t63ys.com/vb/t72104.html


هههههههههههههههههههه

يعطيك العافية على سرعة الرد و الرابط...الفلوماستر هذي دبة فقط ولا اغزوز كااامل...وكيف تركب..هل يلحموها ولا يفكوا حقة الوكالة ويركبوها...كيف طريقتها ؟؟؟..

[Ibrahim.O]

لا هذي دبه بس مهوب اقزوز كامل

طبعا تركبها بدل دبة الوكالة

الافضل لك ان تفك شكمان الوكالة كامل وتشتري شكمان وطني تحصله رخيص مره

وبعدين تركب الدبه عليه وتبي تلعب به العب فك وتلحيم

واذا تبي ترجع موترك شد بلد ركب شكمان الوكالة وانتيهنا :)

عشان يكون شكمان الوكالة نظيف وماجاه شيء

وهذا اللي عندي ...

وادع لي الله يرزقنا Z71 قطعة عشرة الجديد

[وقيان]

لا هذي دبه بس مهوب اقزوز كامل

طبعا تركبها بدل دبة الوكالة

الافضل لك ان تفك شكمان الوكالة كامل وتشتري شكمان وطني تحصله رخيص مره

وبعدين تركب الدبه عليه وتبي تلعب به العب فك وتلحيم

واذا تبي ترجع موترك شد بلد ركب شكمان الوكالة وانتيهنا :)

عشان يكون شكمان الوكالة نظيف وماجاه شيء

وهذا اللي عندي ...

وادع لي الله يرزقنا Z71 قطعة عشرة الجديد


لاهنت يا الغالي... وربي يرزقك وتحصل مرادك...

[سيد الجو]

ياجماعه من يخبر لي بليزر موديلة في الثمانينات

0555499626

[بـلـيـهـان 1]

مسرع .. مرورك يزيد شرفا ً للموضوع

حياك الله

[بـلـيـهـان 1]

هذا أنا .. حياك الله

و يا مرحبا و مسهلا

و أشكرك على مرورك الرائع الذي يزيد الموضوع شرفا ً ..

و فيه يا طويل العمر 4 جموس حاليا ً أخبرها للبيع

2 شد البلد البويه

2 مرشوشات بس نظاااف و رشه وكاله

..

أضفني على الايميل للتواصل

..

و شكرا جزيلا

[بـلـيـهـان 1]

وقيان .. أفادك أخونا ابراهيم الله يجزاه خير

ابراهيم نحييك على روح التعاون الجميله و شكرا لك ألف شكر

[تغبيره وكاله]

السلام عليكم
اخوان مشكورين على الموضوع الباهر الرائع
اخوان انا بشتري جمس من82الى 86 ابو رفرف المخصر شكله عاجبني لكن عندي استفسارات بسيطه
1- الموديلا المذكوره هل نزلت فيها 454 زرقاء
2- هل قطع الغيار متوفره ورخيص هذا اهم شي

[H I T L E R]

وقيااااان روح للصناعيه الاحساء في محل اسمه اللواء الاخضر بتشوف الشايب بيضبطك

[البهبهاني]

السلام عليكم ورحمة الله وبركاته
نسأل الله الرحمة والمغفرة لنا ولكم ولوالدين ووالديكم ولجميع المسلمين الأحياء منهم والميتين

سؤال لأهل الخبرة والمعرفة في الجمس ( رفرف )
لماذا إذا سخن وطفيته مايشتغل إلا بعد تقريبا نصف ساعة
أو أقل بعد مايبرد

[escape_man]

السلام عليكم ورحمة الله وبركاته

نسأل الله الرحمة والمغفرة لنا ولكم ولوالدين ووالديكم ولجميع المسلمين الأحياء منهم والميتين


سؤال لأهل الخبرة والمعرفة في الجمس ( رفرف )
لماذا إذا سخن وطفيته مايشتغل إلا بعد تقريبا نصف ساعة

أو أقل بعد مايبرد


هذا السلف ياطويل العمر .. اذا احتمى معاد يشتغل الموتر (معاد يدق سلف)

على كلام الوالد (لازال شباب بسم الله عليه) يقول الاولين حقين الفرود اذا احتمر عليهم السلف حطو خرقة مبلولة بموية حتى يبردونه .. هذا اذا صارو بخط.

[وقيان]

وقيااااان روح للصناعيه الاحساء في محل اسمه اللواء الاخضر بتشوف الشايب بيضبطك

لاهنت يا الغــالي...بمرهم ان شاء الله...

[سيد الجو]

من خبر لي بليزر موديله في الثمانينات ؟؟؟؟؟؟

[ابوحمدالخالدي]

جمل الله حالك وماتقصر وهاذء الموضوع من افضل الموضيع المطروحة

[بـلـيـهـان 1]

عزاه يا راع البل

http://up5.m5zn.com/photos/00064/en36rmz0zk3m_th.jpg (http://up5.m5zn.com/photos/00064/en36rmz0zk3m.jpg)



الجمس القديم ..!


http://up5.m5zn.com/photos/00066/spyx6d4ax7ca_th.jpg (http://up5.m5zn.com/photos/00066/spyx6d4ax7ca.jpg)

[بـلـيـهـان 1]

تغبيرة الوكاله

حياك الله

نصيحة لك لا تشتري جمس قديم إلا و أنت عندك سيارة ثانيه ..

لأن الجمس حق مشاوير أسبوعيه ، تطقلك فرة يمين يسار و بعدين توقفه .. ( أخص الـ 454 ) لأنها مواتر قديمه و ما هيب صمله تتمشى فيها كل يوم و تكرفها ..

و الموديلات من 82 - 86 ما فيها مكاين زرق شد البلد ..

عندك 78 - 79 تجي بعضها زرق

و قطع الغيار بإذن الله متوفره في محلات ذكرتها أنا في موضوعي الرئيسي أول صفحة ..

و نوع القطع الغالبا تكوت متوفره ( فيدرال )

و في قطع قليل وجودها

..

و حياك الله و الله يوفقك

[العزوم]

السلام عليكم ورحمة الله وبركاته

نسأل الله الرحمة والمغفرة لنا ولكم ولوالدين ووالديكم ولجميع المسلمين الأحياء منهم والميتين


سؤال لأهل الخبرة والمعرفة في الجمس ( رفرف )
لماذا إذا سخن وطفيته مايشتغل إلا بعد تقريبا نصف ساعة

أو أقل بعد مايبرد





شيك على سلك السلف من البطاريه الى السلف او العكس يمكن مرتخي ويحتمي مع مرور التيار او ان كتاوت السلف ضعيف يحتاج تغيير

[H I T L E R]

يا سلام و الله موضوووع حلو حلو كثيرررر
لعشااق الوحش الامريكي

[طناف]

ولكن الجموس الحمر ابو رفرف

حضارة سادت ثم بادت

وجاء 2006 /8100

والحين2008 قوة فووق 420 حصـآآآآن V8/2500



أخوي سيف
أسمحلي أنا معك بأن الجديد كويس
لكن كقوة والله مافية مقارنة

وأنا كان معي جمس 80
والله ثم والله بأن اللكزس 2006 أو 2007
مايشوف أسطباتي .

[بـلـيـهـان 1]

العزوم شكرا لك على الجواب

و ألف تحيه

[بـلـيـهـان 1]

طناف

أنا معك

و القدام غير القوه الشكل ..

شكرا لك و يا مرحبا و مسهلا

[طحنون]

الاخ العزيز طناف اذا المجال عن السرعه في سيارات اسرع
لاكن وقفه الموتر وطرب صوته يكفي انك لا ركبته تستانس
ونت تبدل قيره وتسمع شكمانه والمتعه الاكبر اذا شفته واقف بالبيت
تحس ان الموتر تحفه فنيه من تحف البيت النادره
ويجعلك تسترجع الذكريات في ا يامه هاذا اذا انت من جيل الونيتات
القدامى من 77الو 80 وتسترجع الكشتات اللي عليه او تسترجع ايام الطرد مع حرس الحدود ايام التهريب
طبعا مافيه اول دوران على الفاضي مثل الحين لا اول مافيه ألا مطراش طال عمرك ماتمع ألافلان
اليوم في شيبه وبكره في الشمال عند الجوف وشوي محرك الحساء ينزل الحموله مافيه ألا شغل
طبعا انا لحقت على شويه سوالف عن ايام عز الونيتات
(لو بتتكلم عن السرعه كان معي مرسدس 560 مشيت مع كورفت من الموديلات الجديده من الدمام الى الرياض )
وكنت امشي معه طبلون المرسدس تقريبا 250 تقريبا لاني امشي والعداد 240 ونازل عن الــ240 شرطتين والكوفرت طبلونه 300 والكورفت معدل تعديل وكاله تيربو ومزود بشغلات كثيره وقوته 600حصان
ومتوري ماعليه اي تعديل
وصلنا المحطه أللي قبل منتزه سعد
انفجرت مكينته ونا والحمد لله موتري زي الحلاوه يمشي طبلونه وتطارحت مع راعي بي ام من الموديلات الجديده اول مانزل الشكل الجديد اللي يسمونه الحوت وكملت عليه وقف ماادري وش صار بموتره
طبعا وصلت الى جدا الموتر مافيه زيت قالي البنشري موترك مافيه نقطه زيت
اتصلت على ميكانيكي مشهور بالمرسدسات بالدمام وقال كم تمشي قلتله طبلونه قال طبيعي يروح الزيت
لان لو مشيت بسرعه 160 مسافه اكثر من 500 كيلو طبيعي تروح عليك علبه زيت بالراحه
عبيته زيت
طبعا مارجعت ألا 6 مخالفات سرعه ومن الحظ ماتسجلت ولا وحده
طبعا اذا كنت مخفف السرعه تكون السرعه 160
طبعا ماهي تفاخر في السرعه لاكن مرحله الرجه والسرعه مرت علينا كلنا ألا من رحم ربك

طبعا ايام السرعه كنت اخذ من الدمام الى الحساء بدون مبالفه من اشاره مسجد الفرقان الى تقاطع العيون بالمرسدس القديم كان 500 الابيض وكان معروف لدى امن الطرق كانت تتجهز المخالفه قبل ماامسك الخط بيوم او يومين من قبل النقطه بس يكتب التاريخ
من 15 الو 17 دقيقه الى تقاطع العيون
الحين اخذا من الدمام الى الحسا ساعتين ونصف والحمدلله

[بـلـيـهـان 1]

طحنون عز الله أنك صادق في مسأله وقفه الجمس القديم و قوته و صوته و الطرب و شوفته وهو واقف .. و هو يمشي ... شي يطرررب و الذكريات و و و
و أشهد أنك بكلامك أطربتنا..
الله لا يهينك يالذيب .. و ما تقصر ويا مرحبا مرحبا

[بـلـيـهـان 1]

نتمنى مشاركات الجميع بما يفيد الموضوع جزاكم الله خير