وش حل حرارة الشاص

[شاص&نص]

السلام عليكم و رحمة الله و بركاته
أبي من أهل الشيصان أو الربوع ((( المجربين )))الافادة عن حرارة الشاص كيف تخفيضها لأنها تاصل النصف على الخطوط و في الديرة على الثلث
طبعا المكينة بخاخ و الموتر شد بلد
(( طريقة تغيير مروحة المكينة ب مراوح كهرب ما نيب مسويها))
و ياليت من المجربين يفيدونا

أخوك أبو عبدالكريم

[بواسامه]

السلام عليكم و رحمة الله و بركاته
أبي من أهل الشيصان أو الربوع ((( المجربين )))الافادة عن حرارة الشاص كيف تخفيضها لأنها تاصل النصف على الخطوط و في الديرة على الثلث
طبعا المكينة بخاخ و الموتر شد بلد
(( طريقة تغيير مروحة المكينة ب مراوح كهرب ما نيب مسويها))
و ياليت من المجربين يفيدونا

أخوك أبو عبدالكريم

اياني واياك تسويها وتركب هالمراوح الكهربائيه لانها ماتنفعك ابدا ابدا
الوكاله ابخص باستخدامات موترك وانه بحاجه الى مروحه ميكانيكيه واعتمادية وتتحمل المشاق كطبيعه الموتر المصنوع له
ولكن شيك على تماتيك المروحه والاديتر وابدا حبه حبه لين تعرفف وش العله
وفقت للخير

[ابوقاهر]

ان كان حراره الموتر طبيعيه نص على طول الحل شيل الكوع الحراره انا شخصيا شايله في الصيف توصل اقل من الربع وفي الشتا ولا تتحرك والامور ماشيه اللهم لك الحمد وانت شي رجع لك

[BoJaber]

إذا لم تكن مواضب على تغير ماء الرديتر تأكد من نظافتة، إذا وجدتة متسخ أعمل تسييخ للرديتر وأستخدم ماء رديتر أصلي . ( الماء العادي يعدم السيارة ) .

السبب قد يكون من عدم قدرة الردينر على تبريد المحرك بسبب أنسدادة أو غيرة، لأن في الخط لازم تنزل الحرارة بسبب قوة الهواء المندفع في وجة السيارة، وهذا يدل على سلامة المروحة.

[BoJaber]

ان كان حراره الموتر طبيعيه نص على طول الحل شيل الكوع الحراره انا شخصيا شايله في الصيف توصل اقل من الربع وفي الشتا ولا تتحرك والامور ماشيه اللهم لك الحمد وانت شي رجع لك

إذا كنت تقصد الثرموستات، فلماذا وضع في السيارة أصلاً (( لم يوضع عبثاً لرفع الحرارة )) .

لا علم لي بالشاص، ولاكن في السيارات الحديثة إذا كانت الحرارة منخفضة يعمل الكمبيتور على تغير كمية الهواء والوقود الداخل إلى المحرك، وقد يؤدي إلى تغير أستهلاك الوقود والأشتغال والقوة.

[ابوقاهر]

إذا كنت تقصد الثرموستات، فلماذا وضع في السيارة أصلاً (( لم يوضع عبثاً لرفع الحرارة )) .

لا علم لي بالشاص، ولاكن في السيارات الحديثة إذا كانت الحرارة منخفضة يعمل الكمبيتور على تغير كمية الهواء والوقود الداخل إلى المحرك، وقد يؤدي إلى تغير أستهلاك الوقود والأشتغال والقوة.



والله الحراره هالايام ماهي بسيطه والروحه والجيه في البران انت عارف الحراره مع الطعوس وانا عندي ربع له سنتين شايل كوع الحراره وما فيه الا العافيه

[سوبر VTC]

هلا بك عندك عدة احتمالات /
1/ امبير الحرارة خربان ما يعطي قراءة صحيحة
2/ الخرطوش يمكن ينسفط اذا اسرعت
3/ البلف يمكن خربان و يصير ثقيل او معلق او موسخ مجرى البلف اضرب بالجديد
4/ غطاء الاديتر يمكن ينسم حتى لو كان جديد و هذا يسسب ارتفاع الحرارة لانها صارت لاحد زملائي و بدل الغطاء و ضبطت الحرارة
5/الاديتر يحتاج تسيخ و حط الجركل الاحمر تويوتا و مكتوب عليه لا تضف ماء يعني لا تحط ماء مقطر الوكالة ابخص
6/ البلوف احتمال محملات لذلك يحتمي و لذلك يحتاج وزن بلوف
7/ شيك على تماتيك المروحة يمكن خربان
8/طرمبة الماء يمكن مبوشة ما تدفع الماء الى داخل السرندل
و الله يعينك
و اهم////شي لا تلغي البلف لانه يوازن بين سرعة تبريد المروحة للماء اللي داخل الاديتر و حرارة السلندر عشان اذا فتح البلف يكون ماء الاديتر بارد و بكذا تكون حرارة السلندر ثابتة و طبيعية و الوكالة ابخص
تحياتي،،،،،،،،،،،،،

[طلال العنزي]

السلام عليكم ورحمة الله وبركاته أخوي شيك البلف حق الحرارة (الثرموستات) لانها صارت معاي او خراطيش الرديتر وخصوصا اللي فوق واخر شي سيخ الرديتر اذا هو وسخ اذا مانفع شف طرمبة الموية او توماتيك المروحة .

[شاص&نص]

أشكر الاخوان اللي ردو فردا فردا و الموتر و لله الحمد جديد و شكلي بأخذ بمقولة الوكالة أبخص على قولة الشباب
أبو عبدالكريم

[ممتر البران]

مرحبا عانيت قبلك معها منذ مبطو ولم اجد الحل الا قبل ثلاث شهور
والحلو هو شل الدبه اللي تحت الباب دبة الاكسجين نهأيا
وحط بدالها ماصوره
مكانها تحت باب المعاوني بوسط الشخال
وظيفتها الاساسيه المحافظه على البيئه
والتحكم بانبعاثات الغازات وهي اللي تخلي محل رجول المعاوني حار تكرمون
تحيتي لكم
ابو سعد